10
Moca aia totowaia mbutuk nari
NA 13.21-22, na 14.22-29, na Ndu 9.18, na Nei 9.12, na Ŋap 78.13Na ne Iesusa rɨpacrena laiplacar, aku toŋgorinanna ne gaind ŋgoinna matau lamŋi, an Mosesna mɨn mbuŋa. Aina nicar ŋgamrira muruŋcamiŋa dimirpaikna kaŋgauk ndeacri, Raraŋ Aetaniaca wattacarica ma minmo taup wandaca taŋrina. Na mina taŋga macait laup kataca embaina waŋ nagacatna. Na anna gaind, mina muruŋcamiŋa an dimirpaikapa macait mbuŋa kɨtac puk aŋgɨrina, na an kɨtac puk mbuŋa minmo larapacrina, na mina Mosesna wiwit malaruri. NA 16.35, na Nei 9.15, na 9.20, na Ŋap 78.24Na mina muruŋcamiŋa an amna reac paŋan kabea Raraŋ Aetaniacna Ŋeroŋ Rat neaŋgatnanna, mina an ambatna. Ŋap 78.15Na mina muruŋcamiŋa an Raraŋ Aetaniacna Ŋeroŋ Rat neaŋgatna puk ambatna. Na anna gidik, mina an Ŋeroŋ Ratna wautna puk ambatna, na ma minap taŋrena. Na an wautta anna Karais ŋgoin. Ndu 14.16, na 14.29-30, na Ŋap 106.26, na Ib 3.17, na Iu 1.5Na Raraŋ Aetaniac, ma mina meikramtaɨr wɨtna tɨpemb kirarira ma mba toŋgori. Aintik mina an ramtaɨr kocorta taupca tɨkca menacatna, na mina warirmo anna tamtam nakecamacariat.
Ndu 11.4, na 11.34, na Ŋap 106.14, na 1 Ko 10.11Na an reikca muruŋcamiŋa an ŋgagatracna kirara larurina, na aimo anna watrapaca an reik ŋgorikca aia anna kai toŋgo teac, na an tɨp kirar ŋgoreaca mina morenanna kai mo teac. NA 32.6, na 1 Ko 10.14Na meikramtaɨra an mɨrpembraraiŋta dawarmo kai mbendei teac, na an mina ndeid morena kirara. Na Raraŋ Aetaniacna timbigta kapca gaindoprina, “Mina amna reacapa puk gargara amba ŋaŋaorenan, na iŋmbaia mina meikap wereinandet.” Ndu 25.1-18, na Ŋap 106.29, na KIEK 2.14Na aia meacramootna kaŋtertaapna tɨp kirara kai mo teac, na an kirara mina ndeida ainda moca ra kabe ŋgoinna 23,000na mɨnna topatna. NA 17.2, na 17.7, na Ndu 21.5-6, na TW 6.16Na aia Karais motocmo kai towai teac, mina ndeida ainda moca wica menacrena nduipca minmo wica mina menacatna. 10  NA 16.2, na Ndu 14.2, na 14.29, na 14.37, na 16.41-49, na 1 Nin 21.15, na Ib 3.11, na 3.17Na ne Raraŋ Aetaniacmo kekelamunna kai ke teac, mina meikramtaɨr ndeida ainda moatke, ramootta moa menacrena mbaiŋna aiŋa morena ŋeroŋa kɨpca minmo moa menacatna.
11  Ro 15.4, na 1 Ko 10.6, na Pil 4.5, na Ib 10.25, na 10.37, na 1 Pi 4.7, na 1 Io 2.18Na an reikca minmo laruatnanna, anna ŋgagatracna kirar toca wandacrina, te, meikramtaɨrmo, watna moca. Na Raraŋ Aetaniacna timbigta kapna nininiar tirrina ramtaɨra, anna mina aimo mandeacna mɨn ndeacrena meikramtaɨrmo iroar neaŋrina, gan tiacarpaikna mamamaia maica kɨpca marambuŋairi. 12 Aintik ŋarikca ramoot ianna ma gaind ndamŋirena, ma matau wɨtɨk gagranande, anna laŋ ma ndona moca matau wat. Moca ma tɨp ŋgoreacna makukna irik nari. 13  Ier 29.11, na 1 Ko 1.9, na 2 Pi 2.9Na an totowaiara nenmo larurenanna, anna kabena totowaiar ŋgaibca, wanaiŋ. Na an totowaiara anna meikramtaɨrmo muruŋcamiŋ ndarurena totowair. Na Raraŋ Aetaniac, ma ndona kammo raŋgairena, na ma nenmo mba watcarica totowai ianna nenmo mba laruca nena gargarmo kunda tamuŋmbaia mba eacitndai. Wanaiŋ. Na totowaia nenmo laru te, Raraŋ Aetaniac ma nenmo otacna taupca ma monandet. Na an taupca gaind. Ne anna raŋgai te, ma nenmo moca ne wɨtɨki gagaranande, na an totowaia nenmo mba mac moi irikitndai.
Aia Raraŋ Aetaniaca raŋgai te, aia ŋeroŋ ŋgoreacmo kai raŋgai teac
14  2 Ko 6.17, na 1 Io 5.21Aintik ne aukna aikor koind, ne an mɨrpembraraiŋta dawarta mbendeirena tɨpemb kirarir tarica iukaica tawan ndeac. 15 Na ne landamŋiap, aintik aku nenmo gaindopnande, ne gan aku mboprena kambmo ndori puŋga ritri. 16  Mt 26.26-28, na Mk 14.22-24, na Lk 22.19-20, na Up 2.42, na 2.46Na aia Raraŋ Aetaniacmo kam laŋ neaŋrena kaba, aia an mbuŋa puk am te, ma aimo Karaisna racaindpaik mbuŋa aŋgɨra punirena. Na an tapaca aia witkica ambrena. Anna aimo aŋgɨra kɨpca Karaisna tikap mɨkrena. 17  Ro 12.5, na 1 Ko 12.27, na Epe 4.16Na an tapac kabe niŋgik, aia meikramtaɨra muruŋcamiŋa an tapac kabe niŋgikca an ambrena, aintik aia meikramtaɨra muruŋcamiŋa tik kabe ndarunande. 18  TN 7.6, na 7.15Na Israelnaŋgepta tɨpembta kirarirmo ne lamŋirena. Mina an gɨmbamba morena taupca tɨkrena amta ŋgoaebca mina an ambrena, na anna ndo minmo aŋgɨra punica Raraŋ Aetaniacap tumbunna tɨkrina.
19  1 Ko 8.4Na ŋarikca ne gaind ndamŋi nari aku gaindopatna, an raekmbai ndeacrena meikramtaɨra mɨrpembraraiŋta dawarmo gɨmbambara morenanna, anna reac gidik, aku ainda mba mbopri, an mɨrpembraraiŋta dawara anna reik gidkara, wanaiŋ. 20  TW 32.17, na Ŋap 106.37, na KIEK 9.20Aku gaindoprina. An reikca anna raekmbainan morenan, anna, “Mina ŋerŋgaur ŋgorikta morena. Mina Raraŋ Aetaniac gidikmo mba mori.” Na aku toŋgo ŋgocor nenmo an ŋerŋgaur ŋgorikcap tumbunna tɨkna. 21  TW 32.38, na 2 Ko 6.15-16Na ne Kacootna kab mbuŋa mba mac amitndai, na ŋerŋgaur ŋgorikta kab motocmo, ne mba amitndai. Na ne Kacootna ambrena bara mba mac tɨkca amitndai, na ŋerŋgaurta ambrena bar motocmo, ne mba mac tɨkca amitndai. 22  TW 32.21, na Esi 22.14Na anna ne Kacootmo moi nikkatta aimo kaega mo nake more ki, a? Na aina gargara mana gargarmo kunda tamuŋ ndeacre ki, a?
Memetmbaca aia Raraŋ Aetaniacna imo tamuŋ naaŋgɨri ŋgepraŋ
23  1 Ko 6.12Na meikramtaɨr ndeida aindopatna, “Reikca anna muruŋa wandik kocor.” Ainda moca an reikca mina muruŋa aimo mba otacitndai. Na mina gaind mac mbopatna, “Na an reikca anna muruŋa wandik kocor.” Ainda moca an reikca muruŋa aina rɨtɨpaikmo mba moca gagrarenan. 24  Ro 15.1-2, na 1 Ko 13.5, na Pil 2.4, na 2.21Na aia ndori ŋgopotacna iroara kai aŋgɨ teac. Wanaiŋ. Na aia kabenan kotacna iro landamŋi aŋgɨ.
25 Na ŋgoaeb budirapa reikca mina mbik tɨkca oikrena taupca tɨkrenanna, anna ne am. Na nena iroar inkara kai tamtami ndamŋica ndada digi teac, anna ten ndiŋa kɨprinan. Wanaiŋ. 26  NA 19.5, na TW 10.14, na Ŋap 24.1Na aia lamŋirena, “Gan tiacarpaik nambatta eacrena reikca anna muruŋa Kacootnan niŋgik.”
27  Lk 10.8Na gan toco, ramoot ianna Iesusmo rɨpac ŋgocor te, na ma ndomo manap amna moca nenmo digica, ne taŋ ndop te, anna laŋ. Na ma nenmo neaŋgekna amta reikca ne aŋgɨca am. Na ne iroar inkara kai ndada nake lamŋica, tamtamma kai digi teac. 28  1 Ko 8.7Na ŋarikca moca ramoot ianna ma eaca nenmo gaindop te, “An ŋgoaemma mina mɨrɨpraraŋna dana outta tɨkrina.” Te, ne an ndori ndoprina ramootna kam an ndamŋica, ne kai am teac, moca ne mana nikinik iroa mo ŋgocrai nari. 29  Ro 14.16Na aku nena iroar inkara moi ŋgocraina moca mba mbopatke, aku kabena ramoot ianna ndamŋica mbopatna, ŋarikca ma ndona nikinik iroa raŋgaica aindopnande, ne tɨp ŋgoreaca morina.
Na ŋarikca ramoot ianna ainta kamma mbop ŋgocor, anna aku ndona toŋgorena reikmo aku am niŋgik. Na kaina moca aku anduna an kabena ramootna nikinik iroa raŋgaica an reikmo wandɨk tɨkrenanmo aukmo anna mo narica? 30  Ro 14.6, na 1 Ti 4.3-4Na aku Raraŋ Aetaniacmo kam laŋ neaŋgarica aku am te, kaina moca kabena ramootta aukmo peperena kamb ŋgorik toprena, na an reikmo aku Raraŋ Aetaniacmo kam laŋ neaŋrina?
31  Kol 3.17, na 1 Pi 4.11Aintik ŋarikca ne amta reikapa puik ambrenan, co, ne kabena reaca morenan, ne an morena reikca anna Raraŋ Aetaniacna i aniac aŋgɨra ŋgeprena. 32  Ro 14.13, na 1 Ko 8.13, na 2 Ko 6.3, na 1 Ti 3.5Na ne Iudananapa, Giriknanapa, Raraŋ Aetaniacna Iesusna rɨtɨpaikta meikramtaɨrta tumbunnan ndamŋi, na ne kai an kirarira mina moi irikna mɨnna reikca kai moca mina tɨp ŋgoreacna makukca mo nari. 33  Ro 15.2, na 1 Ko 9.20-22, na 10.24Na auk toco, aku morena reik wɨt aniac, na anna mɨn, meikramtaɨrmo moi toŋgoca mina aukna morena tɨpemb kirarira toŋgonande. Na aku mba ndo ŋgotac nake, mba moreke. Na aku kabena meikramtaɨr ŋgotaca Raraŋ Aetaniacmo min mac nda aŋgɨna moca.

10:1 NA 13.21-22, na 14.22-29, na Ndu 9.18, na Nei 9.12, na Ŋap 78.13

10:3 NA 16.35, na Nei 9.15, na 9.20, na Ŋap 78.24

10:4 Ŋap 78.15

10:5 Ndu 14.16, na 14.29-30, na Ŋap 106.26, na Ib 3.17, na Iu 1.5

10:6 Ndu 11.4, na 11.34, na Ŋap 106.14, na 1 Ko 10.11

10:7 NA 32.6, na 1 Ko 10.14

10:8 Ndu 25.1-18, na Ŋap 106.29, na KIEK 2.14

10:9 NA 17.2, na 17.7, na Ndu 21.5-6, na TW 6.16

10:10 NA 16.2, na Ndu 14.2, na 14.29, na 14.37, na 16.41-49, na 1 Nin 21.15, na Ib 3.11, na 3.17

10:11 Ro 15.4, na 1 Ko 10.6, na Pil 4.5, na Ib 10.25, na 10.37, na 1 Pi 4.7, na 1 Io 2.18

10:13 Ier 29.11, na 1 Ko 1.9, na 2 Pi 2.9

10:14 2 Ko 6.17, na 1 Io 5.21

10:16 Mt 26.26-28, na Mk 14.22-24, na Lk 22.19-20, na Up 2.42, na 2.46

10:17 Ro 12.5, na 1 Ko 12.27, na Epe 4.16

10:18 TN 7.6, na 7.15

10:19 1 Ko 8.4

10:20 TW 32.17, na Ŋap 106.37, na KIEK 9.20

10:21 TW 32.38, na 2 Ko 6.15-16

10:22 TW 32.21, na Esi 22.14

10:23 1 Ko 6.12

10:24 Ro 15.1-2, na 1 Ko 13.5, na Pil 2.4, na 2.21

10:26 NA 19.5, na TW 10.14, na Ŋap 24.1

10:27 Lk 10.8

10:28 1 Ko 8.7

10:29 Ro 14.16

10:30 Ro 14.6, na 1 Ti 4.3-4

10:31 Kol 3.17, na 1 Pi 4.11

10:32 Ro 14.13, na 1 Ko 8.13, na 2 Ko 6.3, na 1 Ti 3.5

10:33 Ro 15.2, na 1 Ko 9.20-22, na 10.24