2
Karaisa aina opotacna ramoot
1 Ro 8.34, na 1 Ti 2.5, na Ib 7.25, na 9.24Ne aukna mombonik, gan kamma aku nena moca tirrina kam, ne tɨpemb ŋgorikta makukara mba mo taŋraŋitndai. Na ramoot ianna tɨp ŋgoreacna makukca mo te, aimo Otacna Ramootta Raraŋ Aetaniacap maeacreke, ma aina paŋanna wɨtɨkca aimo bubuocraŋnande. An ramoot, ma tɨpemb kirarir wandoik laiŋga morena ramoot. Mana ia Iesus Karais. 2 In 1.29, na 11.52, na Ro 3.25, na 2 Ko 5.18, na Kol 1.20, na 1 Io 4.10, na 4.14Ma ndo, ma aina tɨpemb ŋgorikta makukarmo mo kecarina moca ndona watta, an mbuŋa gɨmbamba moatna. Ma an aiŋmo, ma ai niŋgikca mba otacitndai, wanaiŋ. Ma morena aiŋa ma gan tiacarpaikna meikramtaɨrmo muruŋa otacnande.
Raraŋ Aetaniacna tɨpemb kirarirmo matau raŋgairaŋ
3 Aia Raraŋ Aetaniacna tɨpembmo matau raŋgai te, aia aind ndamŋinande, aia mamo mataua malamŋireke.
4 1 Io 1.6-8, na 4.20Na Ramoot ianna aindop te, “Aku Raraŋ Aetaniacmo mataua lamŋirenan.” Na ma ndona tɨp ianna matau raŋgai ŋgocor te, an ramootta ma paparuna ramoot ŋgoin. Kam gidikca mana iro inikca mba eacreke, wanaiŋ ŋgoin. 5 In 13.15, na 14.21-23, na 15.4-5, na 1 Pi 2.21, na 1 Io 4.12-13, na 4.17, na 5.3Na ramoot ianna Raraŋ Aetaniacna kambca raŋgairenan, Raraŋ Aetaniacna mamatŋia mana iro inikca mɨn. Ainta, kirara aia aind ndamŋinande, aia Raraŋ Aetaniacnan.
6 Na ramoot ianna aindop te, “Aku Raraŋ Aetaniacnan.” Ma Iesusna tɨpembta kirarir koinda raŋgairaŋ. 7 1 Io 2.24, na 3.11, na 2 Io 1.5-6Aina aikndamtaɨr koind, an Tɨp Wandɨkca aku nenmo tiratnan, an Tɨp Wandɨkna kamma anna kam ŋgamma wanaiŋ. Anna kam bagar. Na an Tɨp Wandɨkna kamma u outta an kamma waraca rɨpacatna mɨnna, an mɨnna, u an Tɨp Wandɨkna kamma u waraca lamŋia rapacatna. 8 In 1.9, na 8.12, na 13.34, na Ro 13.12, na Epe 5.8, na 1 Te 5.5, na 5.8Na gade gan kamma, aku tirca nenmo neaŋgeknanna, an toco anna Tɨp Wandɨk ŋgam, anna gidik ŋgoin, Iesusna iarwar ndeteacna wat manan, an wat mananna, an toco anna nenan. Ainda moca memetaca maica larua raekca tɨkna moreke, na neaupa maica taŋga maiŋgorocek.
9 1 Ko 13.2, na 2 Pi 1.9, na 1 Io 3.10, na 3.14-15, na 4.20Na ramoot ianna ndomo aindop te, “Aku memetacna inik ndeacrena ramoot.” Na ma Iesusa rɨpacrena laiplacarta ianmo iro ŋgoreaca mo te, ma neaupna inik maeacreke. 10 In 11.9, na Ro 14.13, na 2 Pi 1.10, na 1 Io 3.14Na ramootta Iesusa rɨpacrena laiplacarmo matŋica iro laŋa mo te, ma an memetacna inikmo metaca eacnande. Na ma an memetacna inik ndeacraŋ te, reac ianna mamo, mo irikna mɨnna wanaiŋ. 11 In 11.10, na 12.35Na ramootta, Iesusa rɨpacrena laiplacarta ianmo iro ŋgoreaca mo te, ma neaupna inikca taŋreke, anna inik maeacreke. Ainda moca mana lamnɨacniŋa neaupa wɨŋga kɨtaca, ma ndo taŋrena taupca lamŋi ŋgocor.
12 Lk 24.47, na Up 4.12, na 13.38, na 1 Ko 6.11, na 1 Io 1.7Ne aukna mombonik, Karaisna i mbuŋa Raraŋ Aetaniaca nena tɨpemb ŋgorikta makukara mo kecarinandet. Aintik aku nenmo an kamma tiratna.
13 1 Io 1.1Ri, ne ater, ne an ramootmo ne matau ŋgoin ndamŋirena, ma atu ŋgoinna ramoot, ma maeacreke. Ainda moca aku nena moca an kamma tirca neaŋgapekna.
Na ne ramtaɨr ŋgaibca ne Ramoot Ŋgoreacmo kɨtaca mairikri. Aintik aku nenmo an kamma tirca neaŋgapekna. Na ne mombonik, ne ndorita Aetmo ne mataua lamŋirena, aintik aku nenmo an kamma tirca neaŋgatna.
14 Epe 6.10Na ne atera ne atu ŋgoinna ne an ramootmo ne lamŋirina, an ramootta ma maeacreke. Aintik aku nenmo an kamma tirca neaŋgatna.
Na ne ramtaɨr ŋgaibca, Raraŋ Aetaniacna kamma nenap eacreke, na ne gargara mɨn.
Na ne ramtaɨr ŋgaibca ne gargarap eacrenan. Aintik ne Ramoot Ŋgoreacna gargarmo kɨtac irikna mɨn. Ainda moca aku nenmo an kamma tirca neaŋgatna.
Aia gan tiacarpaikna tɨpemb kirarirta reikta toŋtoŋgara kai mo teac
15 Mt 6.24, na Ro 8.7, na 12.2, na Gal 1.10Na ne gan tiacarpaikapa mana tɨpemb kirarirtake, kai lamŋi teac. Na ramoot ianna an reikta tamŋi te, kai toŋgoca matŋi teac, na kai lamŋi teac, ma Raraŋ Aetaniacmo, ma mba mataua matŋirenanna. 16 Ro 13.14, na Ie 4.16, na 1 Pi 2.11Aintik aia gan tiacarpaikna meikramtaɨra morena tɨpembta kirarira aia lamŋirena. Anna gan tɨpemb, tik ŋgepreke, na lamnɨacniŋ mbuŋa reaca watca matŋireke, na kam mbarac ŋgocora karwacarena. Ainta tɨpembca anna Raraŋ Aetaniacnanna wanaiŋ, anna gan tiacarpaikna tɨpemb. 17 Mt 7.21, na 1 Ko 7.31, na Ie 1.10, na 1 Pi 1.24Na gan tiacarpaikapa, mana tɨpemb kirarirapa, lamnɨacniŋ mbuŋa matŋireke, na kam mbarac ŋgocora karwacarena, an tɨpembca tiacarpaik mai te, mitoca manap mainande. Ramootta Raraŋ Aetaniacna kam mbaraca raŋgairenan, ma iarwar ndeacraŋnande.
Iesusna puŋndamootta ande larua raekca tɨkrina
18 Mt 24.5, na 24.24, na 2 Te 2.3, na 1 Ti 4.1, na Ib 1.2, na 1 Pi 4.7, na 2 Pi 2.1, na 2 Io 1.7Aintik aukna mombonik, ne mandeaca gan tiacarpaikna mamaina mɨn malaruca. Na ŋgaua ne Iesusna puŋndamoot aniacna lataruna kam mbaracatnanna, mandeaca mana puŋnaŋgepca wɨt tarua mamairi. Aintik aia lamŋirina, aia tiacarpaikna mamaina mɨn malaruri. 19 Mt 24.24, na In 6.37, na Up 20.30, na 1 Ko 11.19Na outmbaica an ramtaɨra aiap eacatna, na iŋmbaia mina aimo tɨkcarica mataŋgat, na mina aina tumbun ŋgoinnanna wanaiŋ. Mina aina tumbunnan co, mina aiap eacraŋ mbe. Na mina ai narica kɨpcarica taŋrenanna, aia aind ndamŋi, anna mina ainanna wanaiŋ.
20 In 10.4, na Up 3.14, na 1 Ko 2.15, na 2 Ko 1.21, na Ib 1.9, na 1 Io 2.27Ne Ŋeroŋ Ratmo ne aŋgɨra maica ne muruŋa malamŋireke. 21 Ainda moca aku nenmo gan kam tiratnan, aku gainda mba lamŋica tiratke. Ne Raraŋ Aetaniacna kam gidikca mba lamŋireke, wanaiŋ. Na aku tiratna mɨnɨŋa gaind, ne Raraŋ Aetaniacna kam gidikmo ne lamŋirena, ma paparuna kam ndopna mɨnna wanaiŋ. 22 1 Io 4.3, na 2 Io 1.7Na paparuna ramootta ma titocna ramoot? Mana kirara gaind. Ma aindoprena, “Iesusa Raraŋ Aetaniaca babuca mbagɨrica kɨpca aimo mac nda aŋgɨna ramootta wanaiŋ.” Na ramootta ainta kam ndop te, ma Raraŋ Aetaniacapa mana Nuocmo mba toritndai. Ma Karaisna puŋndamoot. 23 In 5.23, na 14.7-10, na 15.23, na 1 Io 4.15, na 5.1, na 2 Io 1.9Na ramootta Raraŋ Aetaniacna Nuocmo iŋ neaŋ te, ma Raraŋ Aetaniac motocmo, ma iŋ neaŋgapekna. Na ramootta Nuocmo rɨpac te, ma Raraŋ Aetaniac motocmo ma rɨpacnande.
Ŋeroŋ Ratta aimo kam gidikna riptia neaŋrena
24 In 14.23, na 1 Io 1.3, na 2 Io 1.6Na an kambca ŋgaua ne waracatnanna, ne matau utiŋi gagra. Na ne an ŋgauna kamma ne waracatnanmo matau utiŋi gagra te, Aetapa mana Nuoca nenapmo memetmbac ndeacraŋnandet. 25 In 3.15, na 6.40, na 17.3, na 1 Io 1.2, na 5.11Na Karais ma aimo ainda babuatna, ma aimo an iarwarna eteacna watmo neaŋnande.
26 Aintik aku nemo an paparuna ramtaɨra nenmo towai paruna kirarirta kambca an tiratna. 27 In 14.26, na 16.13, na Ib 8.10-11, na 1 Io 2.20Na ne Iesus ndambuŋna Ŋeroŋ Ratta maaŋgɨat, na ma nenap maeacreke, aintik ne landamŋiartake matpi ŋgocor, te, aku nemo an ripti mac neaŋna. Wanaiŋ. An Ŋeroŋ Ratta ndo nenmo reac, reacna landamŋi neaŋrena. Na ma mba parurenanna. Ma kam gidik ŋgoin ndoprena. Aintik Ŋeroŋ Ratta nenmo riptirina kirara ne Iesus ndambuŋa taŋi mɨk.
Mandeaca aia Raraŋ Aetaniacna mombonik maeacreke
28 1 Io 3.2, na 4.17Na aukna mombonik, ne Iesus Karaismo ŋaŋari mɨk, na ma larui raekca tɨk te, aia mana lamnɨac ŋgoutta wɨtɨkna numbira mba moitndai, aia manap wɨtɨki gagranandet. 29 Up 22.14, na 1 Io 3.7, na 3.10Ne gaind ndamŋi te, Iesusna tɨp kirara wandoŋ gidik ŋgoin, na ne toco gaind ndamŋi, meikramtaɨra tɨpemb kirarir wandoik laiŋga morenanna, mina Raraŋ Aetaniacna mombonik koind malaruat.
2:1 Ro 8.34, na 1 Ti 2.5, na Ib 7.25, na 9.24
2:2 In 1.29, na 11.52, na Ro 3.25, na 2 Ko 5.18, na Kol 1.20, na 1 Io 4.10, na 4.14
2:4 1 Io 1.6-8, na 4.20
2:5 In 13.15, na 14.21-23, na 15.4-5, na 1 Pi 2.21, na 1 Io 4.12-13, na 4.17, na 5.3
2:7 1 Io 2.24, na 3.11, na 2 Io 1.5-6
2:8 In 1.9, na 8.12, na 13.34, na Ro 13.12, na Epe 5.8, na 1 Te 5.5, na 5.8
2:9 1 Ko 13.2, na 2 Pi 1.9, na 1 Io 3.10, na 3.14-15, na 4.20
2:10 In 11.9, na Ro 14.13, na 2 Pi 1.10, na 1 Io 3.14
2:11 In 11.10, na 12.35
2:12 Lk 24.47, na Up 4.12, na 13.38, na 1 Ko 6.11, na 1 Io 1.7
2:13 1 Io 1.1
2:14 Epe 6.10
2:15 Mt 6.24, na Ro 8.7, na 12.2, na Gal 1.10
2:16 Ro 13.14, na Ie 4.16, na 1 Pi 2.11
2:17 Mt 7.21, na 1 Ko 7.31, na Ie 1.10, na 1 Pi 1.24
2:18 Mt 24.5, na 24.24, na 2 Te 2.3, na 1 Ti 4.1, na Ib 1.2, na 1 Pi 4.7, na 2 Pi 2.1, na 2 Io 1.7
2:19 Mt 24.24, na In 6.37, na Up 20.30, na 1 Ko 11.19
2:20 In 10.4, na Up 3.14, na 1 Ko 2.15, na 2 Ko 1.21, na Ib 1.9, na 1 Io 2.27
2:22 1 Io 4.3, na 2 Io 1.7
2:23 In 5.23, na 14.7-10, na 15.23, na 1 Io 4.15, na 5.1, na 2 Io 1.9
2:24 In 14.23, na 1 Io 1.3, na 2 Io 1.6
2:25 In 3.15, na 6.40, na 17.3, na 1 Io 1.2, na 5.11
2:27 In 14.26, na 16.13, na Ib 8.10-11, na 1 Io 2.20
2:28 1 Io 3.2, na 4.17
2:29 Up 22.14, na 1 Io 3.7, na 3.10