Ionna iŋmbaia mac tiratna timbiŋ rapar
Outna kam
Ionna ma ndo ŋgoinna, gan timbiŋ rapara tirra neaŋga taŋrinan. Na ramtaɨr wɨtta gaind ndamŋirina, ma gan timbiŋ raparmo Iesusna rɨtɨpaikta meikramtaɨrta tumnambta ianna tirra neaŋga taŋrinan. Na ma toŋgorinanna, mina kabena meikramtaɨrmo matŋiraŋ, te, mina an paparuna ramtaɨrmo iukairaŋ, an ramtaɨra Raraŋ Aetaniacna kambmo moa paurirena.
Aia Raraŋ Aetaniacna kam gidikmo ŋaŋari utiŋi gagra, ŋarikca kabena ramtaɨra ndori gagarikta kam ndop te, ndorimo wat, moca ne anna raŋgai nari
1
In 8.32, na 1 Pi 5.1, na 1 Io 3.18, na 3 Io 1.1Aku Iesusna rɨtɨpaikta meikramtaɨrta tumbunna ŋginaŋa morena ramoot paŋan. Gan timbiŋ rapara aku tiratnanna, umo an meac, unapa una mombonikap, nena moca tiratna. Na Raraŋ Aetaniac, ma umo larapacrina, u manan ŋgoin. Aintik aku aindopatna, gidik ŋgoin. Na auk toco nemo matŋirena, na auk niŋgikca wanaiŋ, meikramtaɨra muruŋa kam gidik mbaracrenan, mitoco nena mamatŋi ŋgoin. Na kam gidikca aiap eacrenan, ma aiapmo iarwar ndeacraŋnande, ainda moca aia nemo matŋirena. Aintik an kam gidikna tɨpemb kirarira mbombopapa, an kabena meikramtaɨra matŋi momona tɨpemb kirarira, anna Raraŋ Aetaniac Aetapa Iesus Karaisnan. Na an Raraŋ Aetaniacna Nuoc, ma ndo aimo kadmaica, aimo kakadmaina opotaca moca, aimo moi aina iroar inkara wewettaca laiŋ teacnandet.
Aia kabena meikramtaɨr matŋi momona tɨpna kirar ŋgoinna raŋgairaŋ
3 Io 1.3Na aku una mombonik ndeida kam gidikca raŋgairena kam mbaraca, aku toŋtoŋ ŋgoin. Na Aetta aimo raŋgaina ndopatna tɨpemb kirarira, mina maraŋgaireke. In 13.34, na 15.12, na 15.17, na 1 Pi 4.8, na 1 Io 2.7-8, na 3.11, na 3.23Na u an meacmbitac, aku un ndotopna kam ianap, an kamma, kam ŋgamma wanaiŋ. Anna atuna kam bagar, aku toŋgorinanna, u anna raŋgai. Na an kamma gaind, aia meacramoot kabe, kabea kabena meikramtaɨrmo mataui mamatŋia moraŋ. In 14.15, na 14.21, na 1 Io 2.5, na 2.24, na 5.3Na kabena meikramtaɨra matŋi momona kambca gaind. Aia Raraŋ Aetaniacna kambca ŋaŋari raŋgairaŋ. Na aia mana kambta kamma, nemo outna ndopca, ne waraca mamaiat. Ainda moca ne mana mamatŋina kambca raŋgaica, kabena meikramtaɨrmo mataui matŋia, ndiarirta tɨpemb kirarir laiŋga mo.
Aia Karaisna kammo mataui utiŋ gagra
1 Io 2.22, na 4.1-3Na ne warac, gan tiacarpaikca taŋrenanna meikramtaɨr wɨtta mina parurena, mina Iesusmo ramootna kirar ndaruatnanna, anmo mina rɨpac ŋgocor. Aind ndamŋiekna ramtaɨra mina parurena mina Karaismo ndorita puŋndamootna iroa moca morena. Mk 10.29-30, na Gal 3.4, na Ib 10.32, na 10.35Ainda moca ne ndoritake matau wat, moca an aiŋa aia gɨgɨraca moca aŋgɨrina reiki, taŋi iŋgoroc nari. Na ne mataui wɨtɨki paŋpaiŋi gagraca ndorita an aiŋna opoik aŋgɨ. 1 Io 2.23Na ramoot ianna Karaisna an riptia mataui utiŋ gagra ŋgocor, na ma kabena riptia aŋgɨ te, an ramootta Raraŋ Aetaniaca, manap mba eacitndai. Na ramootta Karaisna riptia, mataua utiŋga gagraca eacrenan te, Raraŋ Aetaniacapa, mana Nuoc maniŋa manap eacnande. 10  Epe 5.11, na 2 Te 3.6Na ramoot ianna nen ndambuŋ nakɨpca, na ma nemo ainta ripti ianna aŋgɨ kɨp ŋgocor te, ne mamo ra laŋa kai neaŋ teac. Na mamo kai actɨk teac, co, ndorita kac inikca kai aŋgɨri mbuk tɨk teac. 11 Na ramootta mamo ra laŋ neaŋ te, ma mana an aiŋ ŋgoreaca moa gagrarena ramoot.
Ionna ndomo mina watna moca
12  In 17.13, na 1 Io 1.4, na 3 Io 1.13-14Na aku nemo kamb wɨtta timbiŋ rapar mbuŋa tirca, nenmo neaŋ kɨpna mɨn, na aku ndo ainda toŋgo ŋgocor. Aku toŋgorenanna, aku ndo kɨpi nenap mbiraca aia an kamb ndop te, aia muruŋa toŋtoŋ ŋgoin ndeacnande.
13 Na una mbina mombonikapa una an mbimo Raraŋ Aetaniaca mamo larapacrina, ma manan ŋgoin. Aintik mina umo ra laŋ neaŋrina.

1:1 In 8.32, na 1 Pi 5.1, na 1 Io 3.18, na 3 Io 1.1

1:4 3 Io 1.3

1:5 In 13.34, na 15.12, na 15.17, na 1 Pi 4.8, na 1 Io 2.7-8, na 3.11, na 3.23

1:6 In 14.15, na 14.21, na 1 Io 2.5, na 2.24, na 5.3

1:7 1 Io 2.22, na 4.1-3

1:8 Mk 10.29-30, na Gal 3.4, na Ib 10.32, na 10.35

1:9 1 Io 2.23

1:10 Epe 5.11, na 2 Te 3.6

1:12 In 17.13, na 1 Io 1.4, na 3 Io 1.13-14