7
Iesusa Ndamb Ndeacrena Rai Anikca watna taŋgatna
1 In 5.18Karica iŋmbai mbuŋa Iesusa Galilina pitrik waŋ niŋgikca taŋrina. Na ma Iudiana pitrik waŋa mba taŋri, anna Iudanaŋgepca manmo mo menacna morena. 2 TN 23.34, na TW 16.13Na Iudana mbembendeina rai anikca kɨpca laruna marambuŋairi, na anna, an Ndamb Ndeacrena Rai Anik. 3 Aintik mana laiplacara manmo gaindopatna, “U gan auŋ tɨkcarica u Iudia taŋ, te, una iŋa raŋgairena ramtaɨra un morena ainta aiŋira u morenanna mina watna. 4 Ainda moca ramootta meikramtaɨra manmo wat rapacna mo te, ma aiŋa mba iŋgoroca mba morenan. Na u ainta reikca mona mo te, u laruca raekca tɨkca meikramtaɨrta lamnikta outta wɨtɨkca monandet.” 5 Mt 13.55, na Mk 3.21, na Up 1.14Na mana laiplacar toco mina manmo mba rɨpacrenan, aintik mina manmo an kam ndopatna. 6 In 2.4, na 7.8, na 7.30, na 8.20Ainda moca Iesusa mina kambmo gainda rutirina, “Aukna kɨdrɨkca mba larureke. Na kɨdrɨkar wɨtta anna nena kɨdrɨkar. 7 In 3.19, na 15.18-19Ainda moca gan tiacarpaikna meikramtaɨra mina nenmo puŋnaŋgepca mba moitndai. Na mina aukmo puŋndamootta monandet, na aku mina morena tɨpemb kirarir ŋgorik minanmo, aku mbopca larurenan. 8 Na ne an rai anikta moca ne Ierusalemma taŋga mbendeirenan. Na aku mba taŋitndai, aukna kɨdrɨkca mba larureke.” 9 Ri, ma minmo aindopacarica ma Galilia lambica eacri.
10 Karica mana laiplacara taŋgatke, ma toco eaca iŋmbai mataŋgat. Na ma raekca mba larua taŋri, wanaiŋ, ma iŋgoroca taŋrina, te, meikramtaɨra manmo mba wati garacitndai. 11 In 11.56Na an mbendeina ra aniac, Iudanaŋgepta ramtaɨr paŋainda ŋgepca mana moca oreri, mina gaindopatna, “An ramootta ten ndeacrena?” 12 Mt 21.46, na Lk 7.16, na In 10.19Ri, meikramtaɨra mana moca ndorita rɨkca lektekarta kamb puŋga mbopca taŋrena. Na ndeida aindoprina, “Ma ramoot laŋ.” Na ndeida aindopatna, “Wanaiŋ. Ma meikramtaɨrmo parurena.” 13 In 9.22, na 12.42, na 19.38, na 20.19Ainda moca mina Iudanaŋgepta ramtaɨr paŋaindta moca nanambiri, na mina ianna mana morena tɨpna kirarna kammo raekca mba tɨkca mbopatke.
14 Karica an Ndamb Ndeacrena Rai Anikta mamamaia kɨpca rambuŋairi, Iesusa Raraŋ Aetaniacna Kacna wuocna inikca mbukca meikramtaɨrmo riptirina. 15 Mt 13.54, na Lk 2.47Ri, Iudanaŋgepca mana an kambca waraca mina iroara tamtam ndamŋica mina gaindopatna, “Tida moca an ramootta an iro landamŋiap? Na ma landamŋi aŋgɨrena taupca mba taŋga landamŋi aŋgɨri.” 16 In 3.11, na 8.28, na 12.49, na 14.10Karica Iesusa mina kammo gainda rutica aindopatna, “Na an ririptiara aku nenmo neaŋrenanna, anna auknanna wanaiŋ. Anna Raraŋ Aetaniacnan, na ma ndo aukmo mbagɨrica kɨprina. 17 In 8.43Na ramoot ianna mana kambmo matau ŋgoinna raŋgaina mo te, ma auk riptica mbopapekna kambta mɨnɨŋmo lamŋi garacnandet. Te, ma lamŋinandet, an riptia anna Raraŋ Aetaniac ndambuŋnan, co, aukna iro mbuŋa larurina kam. 18 In 5.41, na 5.44, na 8.50Ainda moca ramootta ndona iro mbuŋa kam ndop te, ma ndona i aniacmo aŋgɨ ŋgepna morena. Na ramootta man mbagɨrica kɨprina ramootna i aniacmo aŋgɨ ŋgepna mo te, an ramoot, ma ramoot wandoŋ ŋgoin. Na ma mba parurena ramoot.
19 NA 24.3, na TW 33.4, na Mt 12.14, na Mk 3.6, na Up 7.38, na 7.53, na Ro 2.21-24“Na atua Mosesa nenmo Tɨp Wandɨkca neaŋrina. Ri, nena rɨkna ramoot ianna an Tɨp Wandɨkca mba raŋgairenan ŋgoin. Na kaina moca ne aukmo, mo menacna morena?” 20 In 8.48, na 8.52, na 10.20Karica meikramtaɨra mana kammo gainda rutica mboprina, “Ŋeroŋ ŋgoreaca unap eacre ki? Na mandaia unmo mo menacna morena?” 21 Ri, Iesusa mina kammo gainda nda rutica aindopatna, “Aku aiŋ ianna moatke, ne muruŋa anna tamtam malamŋireke.*An kamma ma mboprinanna, anna ma Betesda au puk aniaca tɨkca morina aiŋna kam ndoprina. An kam tɨpca Ion sapta 5 wes 1 taŋca wes 18na inikca wat, an kam toco anna eacrena. 22 RL 17.9-13, na TN 12.3Na ne matau lamŋi. Mosesa nenmo tikiŋit kakatacna tɨp kirara ma nenmo neaŋgatnan, na ne Wɨktɨtɨkna Ramo nuikta tikiŋitmo katacrena. Na anna gidik, Mosesa ndo mbuŋa an Mosesna tɨp kirara mba moatnan. Anna nicar ŋgamrirta mɨn mbuŋa laruatna. 23 In 5.8-10, na 5.16Aintik ne Mosesna Tɨp Wandɨkmo matau raŋgaina moca ne ndorita nuikta tikiŋitmo Wɨktɨtɨkna Ra mbuŋa katacrenan. Na aku ramoot ianna tikca Wɨktɨtɨkna Ramo, mo laŋa mo te, kaina moca ne aukmo nikkatrenan? 24 TN 19.15, na TW 1.16-17, na Ais 11.3-4, na In 8.15, na Ie 2.1Na ne lamnɨac mbuŋa reikmo kai watca ritri teac, ne reikmo muruŋa tɨp kirar wandoŋ mbuŋa ritri moraŋ.”
Meikramtaɨra Iesusmo garacna ma mandai ŋgoin
25 In 5.18Ainda moca Ierusalemna meikramtaɨr ndeida Iesus moatna reikca watca mina gaindopatna, “An ramootta ramtaɨr paŋainda manmo mo menacna morena ramoot ki? 26 Na ne wat, ma ande raekca tɨkca kambmo wiwitirenan, na mina manmo reac ianna mba moreke. Moca mina lamŋire ki, ma an ramootta Raraŋ Aetaniaca babuca mbagɨrica kɨpca aimo mac nda aŋgɨna ramoot ki? 27 Mt 13.55, na Mk 6.3, na Lk 4.22, na In 7.41, na 9.29Na an ramootna auŋ mɨnɨŋa aia lamŋirena. Na an mɨnna Raraŋ Aetaniaca babuca mbagɨrica kɨpca aimo mac nda aŋgɨna ramootta ma kɨp laru te, ramoot ianna mana auŋ mɨnɨŋa mba lamŋi garacitndai.”
28 Mt 11.27, na In 5.32, na 5.43, na 8.14, na 8.26, na 8.55Ri, Iesusa ma Raraŋ Aetaniacna Kacna wuocna inikca eaca meikramtaɨrmo Raraŋ Aetaniacna kambmo riptirena. Na ma kam keca gaindopatna, “Ne aukna auŋ mɨnɨŋapa aukmo, ne lamŋi ndopre ki? Na aku ndona toŋtoŋ mbuŋa mba kɨpri, wanaiŋ. Aetta ndo aukmo mbagɨrica aku kɨprinan. Na mana tɨpemb kirarira gidik, na ne manmo mba lamŋia rapacri. 29 Mt 11.27, na In 10.15Na aku ndo manmo lamŋirenan. Na aku manapa eaca ma aukmo mbagɨrica aku kɨprinan.”
30 Mk 11.18, na Lk 19.47, na In 7.44, na 8.20, na 8.37, na 13.1Ainda moca mina mana kamb mbaraca mina manmo kac ŋgoreaca tɨkna mori. Na mana ra mba kɨpca rambuŋairi, aintik ramoot ianna manmo mba utiŋgatke. 31 In 2.23, na 8.30, na 10.42, na 11.45, na 12.11, na 12.42Ri, meikramtaɨr wɨtta manmo rɨpaca gaindopatna, “An mɨnna Raraŋ Aetaniaca babuca mbagɨrica kɨpca aimo mac nda aŋgɨna ramootta kɨp te, ma ŋgagatrac wɨtta moca, an ramootta morenanmo kunit ki?”
Mina piriŋmo mbagɨrica Iesusmo kac ŋgoreaca tɨkna moatna
32 Karica ramtaɨra Iesusa moatna ainta reikta kamb ndopatke, Parisiarta ramtaɨra mawaracat. Ainda moca taup ndamtaɨr paŋaindapa, Parisina ramtaɨra piriŋmo mbagɨrica manmo utiŋna. 33 In 13.33, na 16.16Ri, Iesusa gaindopatna, “Kɨdrɨk tekemmotemma aku nenap eacnandet, na aku Aet ndambuŋa taŋnandet. Ma aukmo mbagɨrica aku kɨprina. 34 Osi 5.6, na In 8.21, na 13.33, na 13.36, na 17.24Te, ne aukna moca oreraŋnandet, na ne aukmo mba watitndai. Na aku eacrena auŋa ne taŋna towanaiŋ.” 35 Ri, Iudanaŋgepca ndori puŋga gaindopatna, “Ma tenna taŋ te, aia manmo mba watit? Moca ma aina wiwittar tambuŋa taŋca Giriknanmo ripti nari? 36 Na ma toco gaindopatna, ‘Ne aukna oreraŋ te, ne aukmo mba watitndai.’ Na ma mac gaindopatna, ‘Aku eacrena taupca ne mba taŋitndai.’ Na an kamna mɨnɨŋa kai?”
Iesusa iarwarna eteacna pukna kam ndopatna
37 TN 23.36, na Ais 55.1, na In 4.10, na 4.14, na 6.35, na KIEK 22.17Na an mbembendeina rai anikta mamamaina ra, anna ra aniac ŋgoin. Ri, an kɨdrɨkca Iesusa ŋgepca wɨtɨkca aca gaindopatna, “U mandaia puk amna logotta gagra te, u auk ndambuŋ nakɨpca puk am. 38 Ais 12.3, na 58.11, na Esi 47.1, na Sek 14.8Na an kamma Raraŋ Aetaniacna Timbigta Kap ndeacrena kirar, na ma gaind, ramootta aukmo rɨpac te, iarwarna eteacna pukca mana nikinik iroa mbukca mɨnna tɨknande.” 39 Ais 44.3, na Iol 2.28, na In 12.16, na 16.7, na 20.22, na Up 2.4, na 2.17, na 2.33Na anna Iesusa Ŋeroŋ Ratna kam ndoprenan, ramootta mana rɨpac te, ma aŋgɨnandet. Na an kɨdrɨkca Iesusa i aniaca mba aŋgɨreke, aintik Ŋeroŋ Ratta laru ŋgocor.
Meikramtaɨra tumbun mbuniŋa titacatna
40 TW 18.15-18, na In 1.21, na 2.11, na 6.14Karica meikramtaɨr ndeida Iesus mbopatna kamb mbaraca mina gaindopatna, “Gidik ŋgoin, gan ramootta ma ande, Raraŋ Aetaniacna ramma morena ramoot.” 41 In 1.46, na 4.29Ri, mina ndeida gaindopatna, “Ma an ramootta Raraŋ Aetaniaca babuca mbagɨrica kɨpca aimo mac nda aŋgɨna ramoot.” Na ndeida gaindoprina, “Wanaiŋ, an ramootta Raraŋ Aetaniaca baburinanna, ma Galili ndiŋa mba kɨpitndait. 42 2 Sml 7.12, na Ŋap 89.3-4, na 132.11, na Ier 23.5, na Mai 5.2, na Mt 2.5-6, na Lk 2.4Na Raraŋ Aetaniacna Timbigta Kapca aindoprina, an ramootta Raraŋ Aetaniaca babuca mbagɨrica kɨpca aimo mac nda aŋgɨna ramoot, ma gagrirta ramoot paŋan Dewitna wiwitnan ndiŋ nakɨpnandet. Na ma Betlem ndiŋa kɨpnandet, an auŋa atua Dewitta eacrina.” 43 In 9.16Ainda moca meikramtaɨra iroar damarap tik mina tumbun mbuniŋa titacrina. 44 In 7.30Ri, ndeida manmo kac ŋgoreaca tɨkna mori, na mina ianna manmo utiŋna moca mba mori.
Ramtaɨr paŋainda Iesusmo mba rɨpacri
45 In 7.32Karica piriŋga taup ndamtaɨr paŋaindapa, Parisiar tambuŋa mac nda mataŋgat. Ri, mina minmo gainda digiatna, “Kaina moca ne manmo mba aŋgɨca kɨpri?” 46 Mt 7.29, na Mk 1.22Na mina mimo nda rutica gaindopatna, “Ŋgaua ramoot ianna an ramoot mboprena kamna kirara mba mbopri.” 47 Karica Parisiara minmo gaind mac rutica gaindopatna, “Ma nen motoco paruapek ki? 48 In 12.42Na aina Parisiarapa ramtaɨr paŋaindta wiwitmo ne watrena, aina ianna manmo rɨpacre ki? Wanaiŋ ŋgoin.” 49 Na mina gaind mac mbopatna, “An wiwitta mana rɨpacrenanna, mina Tɨp Wandɨkca mba lamŋirena meikramtaɨr. Na Raraŋ Aetaniaca ma mboprinan, mina ŋgocrainandet.”
50 In 3.1-2Na Nikodemus ma an ramootta ŋgaua Iesus ndambuŋa taŋgatna ramoot, na ma mina wiwitnan. Ri, ma minmo gaindopatna, 51 TW 1.16-17, na 19.15“Aina tɨp wandɨkca gaindopre ki? Aia ramootmo wanaiŋa ritri waparaca wanaiŋa moit ki? Wanaiŋ. Aia mana kammo outta warac te, aia iŋmbaia lamŋina, ma kaina reac ŋgoreaca morina.” 52 In 7.41-42Ri, mina mana kammo gainda rutirina, “U toco u Galilina ramoot ki? U Raraŋ Aetaniacna Timbigta Kapmo matau wat te, u toco u lamŋi garacna, ramma morena ramoot ianna Galili ndiŋa mba laruitndait.”
Mina tɨp ŋgoreacna makukca morina meacmo Iesus ndambuŋ naaŋgɨa taŋgatna
53 Karica meikramtaɨra ndorita kaikca taŋgatna.†Landamŋina ramtaɨr wɨtta gaind ndamŋirena, an kambca sapta 7 wes 53na tɨkca taŋca sapta 8 wes 11na mɨnna eacrena, Ionna mba tiratke, anmo kabena ramootta iŋmbaia tiratnan.
7:1 In 5.18
7:2 TN 23.34, na TW 16.13
7:5 Mt 13.55, na Mk 3.21, na Up 1.14
7:6 In 2.4, na 7.8, na 7.30, na 8.20
7:7 In 3.19, na 15.18-19
7:11 In 11.56
7:12 Mt 21.46, na Lk 7.16, na In 10.19
7:13 In 9.22, na 12.42, na 19.38, na 20.19
7:15 Mt 13.54, na Lk 2.47
7:16 In 3.11, na 8.28, na 12.49, na 14.10
7:17 In 8.43
7:18 In 5.41, na 5.44, na 8.50
7:19 NA 24.3, na TW 33.4, na Mt 12.14, na Mk 3.6, na Up 7.38, na 7.53, na Ro 2.21-24
7:20 In 8.48, na 8.52, na 10.20
*7:21 An kamma ma mboprinanna, anna ma Betesda au puk aniaca tɨkca morina aiŋna kam ndoprina. An kam tɨpca Ion sapta 5 wes 1 taŋca wes 18na inikca wat, an kam toco anna eacrena.
7:22 RL 17.9-13, na TN 12.3
7:23 In 5.8-10, na 5.16
7:24 TN 19.15, na TW 1.16-17, na Ais 11.3-4, na In 8.15, na Ie 2.1
7:25 In 5.18
7:27 Mt 13.55, na Mk 6.3, na Lk 4.22, na In 7.41, na 9.29
7:28 Mt 11.27, na In 5.32, na 5.43, na 8.14, na 8.26, na 8.55
7:29 Mt 11.27, na In 10.15
7:30 Mk 11.18, na Lk 19.47, na In 7.44, na 8.20, na 8.37, na 13.1
7:31 In 2.23, na 8.30, na 10.42, na 11.45, na 12.11, na 12.42
7:33 In 13.33, na 16.16
7:34 Osi 5.6, na In 8.21, na 13.33, na 13.36, na 17.24
7:37 TN 23.36, na Ais 55.1, na In 4.10, na 4.14, na 6.35, na KIEK 22.17
7:38 Ais 12.3, na 58.11, na Esi 47.1, na Sek 14.8
7:39 Ais 44.3, na Iol 2.28, na In 12.16, na 16.7, na 20.22, na Up 2.4, na 2.17, na 2.33
7:40 TW 18.15-18, na In 1.21, na 2.11, na 6.14
7:41 In 1.46, na 4.29
7:42 2 Sml 7.12, na Ŋap 89.3-4, na 132.11, na Ier 23.5, na Mai 5.2, na Mt 2.5-6, na Lk 2.4
7:43 In 9.16
7:44 In 7.30
7:45 In 7.32
7:46 Mt 7.29, na Mk 1.22
7:48 In 12.42
7:50 In 3.1-2
7:51 TW 1.16-17, na 19.15
7:52 In 7.41-42
†7:53 Landamŋina ramtaɨr wɨtta gaind ndamŋirena, an kambca sapta 7 wes 53na tɨkca taŋca sapta 8 wes 11na mɨnna eacrena, Ionna mba tiratke, anmo kabena ramootta iŋmbaia tiratnan.