14
Iesusa ma Aet ndambuŋa taŋna meikramtaɨrta taup
1 In 14.27, na 16.33Karica Iesusa gaind mac mboprina, “Ne iroar inkara kai tamtam ndamŋica kadmai teac. Ne Raraŋ Aetaniacmo rɨpac. Na ne auk motocmo rɨpac. 2 In 13.33, na 13.36Na aukna Aetna kac inikca diabar wɨtta eacrenan, na aku taŋca nena taupembca kocronandet. Na ainda wanaiŋ te, aku nenmo an kamma ainda mba mbopitndai. 3 In 12.26, na 17.24, na Up 1.11, na 1 Te 4.17Na aku nena taupemb kocrona taŋ te, aku nda kɨpca nenmo aŋgɨca ne taŋca aukap eacnandet. Na an taupca aku eacrenan, ne toco anna aukap eacnandet. 4 Na aku taŋrena auŋa ne an taupca malamŋireke.”
5 Ri, Tomasa manmo gaindopatna, “Kacoot u tenna taŋrena auŋa, anna aia mba lamŋireke. Na tida tɨkca aia an taupca lamŋi garacit?” 6 In 1.4, na 1.17, na 8.19, na 8.32, na 10.9, na 11.25, na Ro 5.1-2, na Ib 9.8, na 10.20Ainda moca Iesusa manmo aindopatna, “Aku ndo, aku taup, na aku kam gidikna mɨnɨŋ, na iarwarna eteacna watna mɨnɨŋ. Na ramoot ianna Aet ndambuŋmo kabena taup ian mbuŋa taŋna toawanaiŋ. Wanaiŋ ŋgoin. Auk niŋgik. 7 In 8.19Na ne aukmo lamŋi te, mandeaca ne aukna Aet motocmo, ne lamŋinandet. Na mandeaca ne manmo malamŋiek. Na ne manmo mawatri.”
8 Karica Pilipa Iesusmo gaindoprina, “Kacoot u aimo Aetta wandac te, anna ndo aina iroarapa landamŋiara moi mɨnna tɨknandet.” 9 In 12.45, na Kol 1.15, na Ib 1.3Ri, Iesusa manmo aindopatna, “Pilip, kɨdrɨk rocotta aku nenap eacrinan, na u aukmo mba lamŋire ki, a? Na ramootta aukmo wat te, ma Aetmo mawatri. Na kaina moca u gaindoprina, ‘U aimo Aetta wandacna’? 10 In 7.16, na 8.28, na 10.38, na 12.49, na 14.24, na 17.21-23Na u ainda mba rɨpacri ki, Aetta aukap eacrenan, na aku Aetap eacrenan? Na kamma aku nenmo neaŋrenanna, anna aku ndona nikinik iro mbuŋa mba morenanna. Wanaiŋ. Aetta aukap eacrenan, na ma ndo, ndona aiŋira morena. 11 In 5.36, na 10.38, na 14.20Na ne an kammo rɨpac. Aku Aet ndambuŋ ndeacrenan, na Aetta ma auk ndambuŋ ndeacrena. Na wanaiŋ ecte, ne auk morina aiŋirmo lamŋinandet, te, anna ndo nena rɨtɨpaikca moi ŋgepnandet.
12 Mt 21.21, na Mk 16.16-20, na Lk 10.17“Na aku nemo gidik, gidik ŋgoinna aindopnandet, na ramootta aukmo rɨpac te, ma toco ainta aiŋira aku morenanna, ma monandet. Na ma aiŋir anikca monandet, na an aiŋira aku morinanmo ma mo kunnande, na anna aku Aet ndambuŋa taŋrinan. 13 Mt 7.7, na Lk 11.9, na In 15.7, na 15.16, na Ie 1.5, na 1 Io 3.22Na reikca ne muruŋa aukna i mbuŋa digieknanna, anna aku monandet. Ainda moca Aetta ma ndona Nuoc mbuŋa ma i aniac aŋgɨnandet. 14 Na reikca ne muruŋa aukna i mbuŋa digi te, anna aku monandet.”
Iesusa aindopatna ma Ŋeroŋ Ratmo mbagɨrica kɨpnandet
15 In 14.21-23, na 15.10, na 15.14, na 1 Io 5.3Karica Iesusa gaind mac mbopatna, “Ne aukmo matau matŋi te, ne aukna kambmo matau raŋgairaŋnandet. 16 In 14.26, na 15.26, na 16.7, na Ro 8.15, na 8.26Na aku ndona Aetta digica ma nenmo kabena iro damna Opotac neaŋca, anna ndo nenmo moi gagranandet. Te, ma nenap iarwara eacraŋnandet. 17 Mt 10.20, na In 16.13, na Ro 8.26, na 1 Ko 2.14, na 1 Io 2.27, na 4.6Na an Opotaca ma kam gidikna Ŋeroŋ. Na gan tiacarpaikna meikramtaɨra mina manmo mba watitndai, na mina mba aŋgɨitndai. Na mina manmo mba lamŋiitndait. Na nen tikca ne manmo lamŋirena, na ma nenap eacrenan, na ma nena iroar inkarmo eacnandet.
18 Mt 28.20, na In 14.3, na 14.28“Na aku nenmo mombonik ndaekpembca mba tɨkcariitndai, na nenmo mba wattacarica ne wanaiŋa eacitndait. Wanaiŋ. Aku nen ndambuŋa kɨpnandet. 19 In 16.16, na 1 Ko 15.20Na kɨdrɨk tekemmotemma gan tiacarpaikna meikramtaɨra aukmo mba mac watitndai. Na nen tikca ne aukmo watnandet. Aku iarwarna eteacna watap eacrenan, na ne toco iarwarna eteacna watap eacnandet. 20 In 10.38, na 14.10, na 17.21-26Na an ra kɨp te, ne lamŋinande, aku ndona Aet ndambuŋa eacnandet, na ne auk ndambuŋa eacrenan, na aku nen ndambuŋa eacrena. 21 In 14.15, na 14.23, na 15.10, na 16.27, na 1 Io 2.5, na 5.3Na ramootta aukna tɨpemb wandikmo aŋgɨca matau raŋgai te, an ramootta ma aukmo mamatŋi ŋgoin. Na ramootta aukmo matŋi te, aukna Aetta manmo matŋinandet. Na auk toco manmo matŋinandet, na aku manmo ndomo wandacnandet.”
22 Up 10.41-42Na Iesusa aindopri, Iudas Iskariotna i kabena ramoot, Iudasa ma Iesusmo gainda digirina, “Kacoot tida moca u aimo ndo wandacit, na u gan tiacarpaikna meikramtaɨrmo u ndomo mba wandacri?” 23 Mt 18.20, na In 14.15, na 2 Ko 6.16, na Epe 3.17, na 1 Io 2.24, na KIEK 3.20Karica Iesusa mana kammo gainda rutirina, “Ramootta aukmo matau matŋiraŋ te, ma aukna kambca matau raŋgairaŋnandet. Na aukna Aetta an ramootmo matŋinandet. Na aukapa Raraŋ Aetaniaca man ndambuŋ nakɨpnandet, na manap memetmbaca eacraŋnandet. 24 In 5.19, na 5.38, na 7.16, na 12.49Na ramootta aukmo matŋi ŋgocor ŋgoinna, ma aukna kammo mba gɨwaci raŋgaiitndai. Na an kambca ne waracrenanna, anna aukna kambca wanaiŋ. Anna Aetna kamb, na ma aukmo mbagɨrica aku kɨprinan.
25 “Na an mɨnna aku nenap eacri, aku nenmo an reikta kamb toprina. 26 Lk 24.49, na In 14.16, na 15.26, na 16.13, na 1 Io 2.20, na 2.27Na Ŋeroŋ Rat, ma nenmo moi gagrana Opotac gidik. Na aukna i mbuŋa Aetta manmo mbagɨrica ma kɨpnandet. Na ma nenmo reikca muruŋa riptinandet. Te, ma nena iroara mo ŋgepca ne an aku nenmo neaŋrina kambmo muruŋcamiŋa lamŋi rapacnandet.
27 In 14.1, na 16.33, na Pil 4.7, na Kol 3.15“Na aku nenmo tɨkcarina moca nenmo nikinik iro wetwetta maneaŋgek, na ma nenap eacraŋnandet. Na aukna nikinik iro wetwetta aku nenmo neaŋrena, anna gan tiacarpaikna meikramtaɨra neaŋrena kirara wanaiŋ. Aintik ne nikinik iroara kai makuku teac, na tamtamma kai lamŋi teac, na kai nanambi teac. 28 Lk 24.51, na In 14.3, na 14.12, na 14.18, na 16.28, na 20.17, na Pil 2.6Na an kambca aku nenmo neaŋrinanna, ne mawaracri, ‘Na aku nenmo tɨkcarica taŋnandet. Na aku nenmo nda kɨpnandet.’ Na ne aukmo gidikca matŋi te, anna ndo nenmo moi toŋtoŋgarap eacnandet. Na anna aku Aet ndambuŋa taŋrinan, na ma out ŋgoin, na ma aukmo tamuŋmbai. 29 In 13.19, na 16.4Na an reaca laru ŋgocor ndeacri, aku nenmo mandeaca mbopca malarurek. Na iŋmbaia ma laru te, ne rɨpacnandet.
30 In 12.31, na 16.11, na Epe 2.2“Na aku nenmo kamb wɨt anikca mba mbopit, gan tiacarpaikca bubuocrena ramoot paŋanna makɨpek. Na ma aukmo reac ianna mona gargar ŋgocor, 31 Mt 26.46, na In 10.18, na 12.49, na Pil 2.8, na Ib 5.8na aku toŋgorinanna gan tiacarpaikna meikramtaɨra lamŋina, aku Aetmo mamatŋi ŋgoin, na Aetta aukmo mboprena reikca aku muruŋcamiŋa morena. Ainda moca ne ŋgepca aia taŋna.”
14:1 In 14.27, na 16.33
14:2 In 13.33, na 13.36
14:3 In 12.26, na 17.24, na Up 1.11, na 1 Te 4.17
14:6 In 1.4, na 1.17, na 8.19, na 8.32, na 10.9, na 11.25, na Ro 5.1-2, na Ib 9.8, na 10.20
14:7 In 8.19
14:9 In 12.45, na Kol 1.15, na Ib 1.3
14:10 In 7.16, na 8.28, na 10.38, na 12.49, na 14.24, na 17.21-23
14:11 In 5.36, na 10.38, na 14.20
14:12 Mt 21.21, na Mk 16.16-20, na Lk 10.17
14:13 Mt 7.7, na Lk 11.9, na In 15.7, na 15.16, na Ie 1.5, na 1 Io 3.22
14:15 In 14.21-23, na 15.10, na 15.14, na 1 Io 5.3
14:16 In 14.26, na 15.26, na 16.7, na Ro 8.15, na 8.26
14:17 Mt 10.20, na In 16.13, na Ro 8.26, na 1 Ko 2.14, na 1 Io 2.27, na 4.6
14:18 Mt 28.20, na In 14.3, na 14.28
14:19 In 16.16, na 1 Ko 15.20
14:20 In 10.38, na 14.10, na 17.21-26
14:21 In 14.15, na 14.23, na 15.10, na 16.27, na 1 Io 2.5, na 5.3
14:22 Up 10.41-42
14:23 Mt 18.20, na In 14.15, na 2 Ko 6.16, na Epe 3.17, na 1 Io 2.24, na KIEK 3.20
14:24 In 5.19, na 5.38, na 7.16, na 12.49
14:26 Lk 24.49, na In 14.16, na 15.26, na 16.13, na 1 Io 2.20, na 2.27
14:27 In 14.1, na 16.33, na Pil 4.7, na Kol 3.15
14:28 Lk 24.51, na In 14.3, na 14.12, na 14.18, na 16.28, na 20.17, na Pil 2.6
14:29 In 13.19, na 16.4
14:30 In 12.31, na 16.11, na Epe 2.2
14:31 Mt 26.46, na In 10.18, na 12.49, na Pil 2.8, na Ib 5.8