11
Ramoot mbuniŋa kambmo wiwitirinan
1 Ndu 35.5, na Esi 40.3, na Sek 2.1-2, na KIEK 21.15Karica mina aukmo reikta ŋgaŋganŋgɨ aŋgɨna reac maneaŋgat, na ma ndɨndɨpacna komborna kirar toc. Ri, mina aukmo gaindopatna, “U ŋgepca Raraŋ Aetaniacna Kacapa, gɨmbamba morena reacna ŋgaŋganŋgɨmo aŋgɨ. Te, u an meikramtaɨra an Kacmo mbendeirena ŋgaŋganŋgɨmo ndu. 2 Esi 40.17-20, na Dan 8.10, na Lk 21.24, na KIEK 12.6, na 13.5Na u an tumbunna tɨkrena raekmbaina taupca Raraŋ Aetaniacna Kacmo korereca eacrenanmo, mana ŋgaŋganŋgɨmo kai aŋgɨ teac. Anna u tɨkcari, anna Iudana meikramtaɨr wanaiŋa punina taup, na an wiwitta mina Raraŋ Aetaniacna auŋ aniacmo 42na mɨnna karwirpaikca mina anna kɨtac wɨtɨknandet. 3 KIEK 12.6, na 19.10, na 20.4Te, aku ndona kambmo wiwitirena aiŋna ramootniŋmo mandacnandet, na maniŋmo gargar neaŋnandet. Na maniŋa kakadmaina tik ŋgapaocniŋmo aoca 1,260na mɨnna raipaikca aukna rambca morena kambmo wiwitinandet.”
4 Ier 11.16, na Sek 4.11-14Na an ramootniŋa maniŋa an olip ik mbuniŋapa, tac wɨwɨrna reac mbuniŋna kirar toc, na maniŋa Kacootna outta wɨtɨkca eacrena. Na ma gan tiacarpaikna Kacoot. 5 TN 10.2, na 2 Sml 22.9, na 2 GRP 1.10-12, na Ŋap 97.3, na Ier 5.14, na Osi 6.5Na meikramtaɨra maniŋmo pinan, co, reac ŋgoreaca mo te, taca maniŋna up ndiŋa laruca maniŋna puŋnaŋgepmo wɨrnandet. Aintik titocna ramootta maniŋmo tɨp kirar ŋgoreaca monan, ma an tɨpna kirar mbuŋa menacnandet. 6 NA 7.17-19, na 1 Sml 4.8, na 1 GRP 17.1Na maniŋa memetmbaca Raraŋ Aetaniacna rambca morena kambmo wiwitica taŋrena kɨdrɨkmo, riac tamuŋna pukmo moca pukca mba rapacitndai, na maniŋ anna gargarap. Na maniŋa tiacarpaikna puikmo moi racaindpaik ndaruna gargarap, na reik ŋgorikca moi ndarua gan tiacarpaikna meikramtaɨrmo mo ŋgocrainan. Na maniŋa an reikmo ndoniŋna toŋtoŋgar puŋga mo laruna mɨn.
7 Dan 7.7, na 7.21, na Sek 14.2, na Lk 13.32, na KIEK 9.2, na 12.17, na 13.1, na 13.5-7, na 13.11, na 17.8Na an kɨdrɨkca maniŋa Raraŋ Aetaniacna kambmo wiwiti mai te, an raŋna amna ŋgoaem kunna mbitrem kocorta aua eacrenan, ma an aumo tɨkcarica larunandet. Na ma maniŋap ruŋnandet. Na ma maniŋmo, moi irikca maniŋmo mo menacnandet. 8 Ais 1.9-10, na Lk 13.34, na Ib 13.12, na KIEK 14.8, na 18.10, na 18.24Na maniŋna waɨrniŋa auŋ aniacna taup aniac ndeacnandet. Na an auŋ aniacmo aia kam roor mbuŋa gainda acrena, Sodom, co, Isip. Na anna an auŋ aniaca mina ŋgaua maniŋna Kacootmo ik naaŋgɨ keraca, na manmo mo menacrinan. 9 Na rai mbonkacapa tɨpna inikca, titocna tikna meikramtaɨrapa, gan tiacarpaikna pitrik waŋgorta meikramtaɨrapa, kabena auŋembta kambapa, meikramtaɨra muruŋcamiŋa, maniŋna waɨrniŋmo mina watnandet. Na mina maniŋna waɨrniŋmo mba wattacarica mina mutocitndai. 10 KIEK 12.12, na 13.8, na 16.10Te, gan tiacarpaikna meikramtaɨra an rambca morina ramootniŋa menacrinanna watna toŋgonandet. Te, mina kemma weraŋnandet, na amtiamma moraŋnandet, na mina kamkabearmo reik laiŋga neaŋraŋnandet. Na anna mɨnɨŋa gaind, maniŋa gan tiacarpaikna meikramtaɨrmo gɨrgɨr anikta makukar neaŋrinan.
11 Esi 37.5-14, na KIEK 11.9Na rai mbonkacapa tɨpca maiatke, Raraŋ Aetaniaca ndona eteacna watmo maniŋmo nda maneaŋgat, na maniŋa ŋgepca mawɨtɨkat. Ri, meikramtaɨra maniŋmo watca rugdar mocarica mananambiat. 12 2 GRP 2.1, na 2.5-7, na 2.11, na Ais 14.13, na Up 1.9, na KIEK 12.5Ri, maniŋa tamuŋna auŋmo kam aniac ianmo mawaracat, na an kamma maniŋmo gaindopatna, “Oŋgo gan nagac.” Na maniŋna puŋnaŋgepca watre mbuŋa, maniŋa dimirpaik mbuŋa tamuŋna auŋ magacat. 13 KIEK 6.12, na 8.5, na 14.7, na 16.9, na 16.18Na an mɨn ŋgoinna numnum aniac ianna malaruat, na an auŋ aniacna tɨp ianna maŋgocraiat, na par kabeapa mbutremb paurna waŋa maeacreke. Ri, 7,000na mɨnna meikramtaɨra an numnum mbuŋa mamenacat. Na an eacrena meikramtaɨra, mina kocnaia nanambica tamuŋna auŋna Raraŋ Aetaniacna i aniacmo aŋgɨca maŋgepat.
14 KIEK 8.13, na 9.12, na 15.1Ainda moca an outmbaina makuk aniacniŋa mamairi. Na ne warac! An ndambuŋna makuk aniac ianna ma tawi ŋgoinna larunandet.
Na an iŋ ŋgoinna mbaiŋna aiŋa morena ŋeroŋa ndona taurmo mawiat
15 NA 15.18, na Ŋap 10.16, na Ais 27.13, na Dan 2.44, na 7.14, na 7.27, na Oba 1.21, na KIEK 10.7, na 12.10, na 19.6Ainda moca an iŋ ŋgoinna mbaiŋna aiŋa morena ŋeroŋa ndona taurmo wiatke, na aku waracrinanna, tamuŋna auŋa eacrena wiwitta gaindta kamb anikca keca gaindopatna, “Aina Kacootapa, an ramootta Raraŋ Aetaniaca babuca mbagɨrica kɨpca aimo mac nda aŋgɨna ramoot, maniŋa gan tiacarpaik muruŋna gagrirta ramoot paŋan. Na Kacootta ma memetmbaca iarwarna gagrirta ramoot paŋanna eacraŋnandet.” 16 KIEK 4.4, na 4.10, na 5.8, na 19.4Na an 24na mɨnna ramtaɨr paŋainda ndorita mbiracrena taup laiŋga Raraŋ Aetaniacna lamnɨac ŋgout ndeacrenan, mina ndorita tutpemb rɨmbɨtca ndorita paŋaindmo pitrikca tɨkca Raraŋ Aetaniacmo mbendeirena. 17 KIEK 1.4, na 1.8, na 4.8, na 15.3, na 16.5, na 19.6Na mina aindoprena,
“Kacoot u Raraŋ Aetaniac,
u Gargar Muruŋapnan,
u mandeaca eacrenan,
na atu ŋgoinna eacrinan.
Na u ndona gargar aniacmo aŋgɨatna,
na u gagrirta ramoot paŋan ŋgoinna larurinan.
Ainda moca aia unmo kam laŋ maneaŋgek.
18 Ŋap 2.1, na 2.5, na 46.6, na 110.5, na 115.13, na Dan 7.9-10, na Ro 2.5, na KIEK 6.10, na 10.7, na 13.10, na 18.6, na 19.5, na 20.11-13Na Iudana meikramtaɨr wanaiŋa nikkatrenan,
na una nikkakatna kɨdrɨkca larurinan.
Na mandeacna kɨdrɨkca menacrina meikramtaɨra,
ndorita ritri waparaca mona
un ndambuŋa kɨpca larunandet.
Na mandeacna kɨdrɨkca u ndona aiŋa morena ramtaɨrmo,
opoik laiŋ neaŋnandet,
na mina una rambca morena ramtaɨr,
na Raraŋ Aetaniacna meikramtaɨr,
na meikramtaɨra muruŋa unmo nanambirenan,
na una kaŋgaukca eacrenan,
anna irembapnan,
co, iremb kocortan toc,
na mandeacna mɨnna,
anna meikramtaɨra gan tiacarpaikmo
moa ŋgocrairinanmo, mo ŋgocrainandet.”
19 Ib 9.4, na KIEK 8.5, na 15.5, na 15.8, na 16.18, na 16.21Na an ramtaɨr paŋainda mbopca maiatke, Raraŋ Aetaniacna tamuŋna auŋna kacna tɨŋa magootatna, na mina watrinanna, mana Kam Leacrena Bogisa raek waekekeca mana kaca eacrina. Na riacna memetaca tamtamma metacrinan, na mɨtmɨt anikca larurinan, na riaca kerinan, na tiacarpaikca numnumma morinan, na watur teker tocna ais puk aniaca rapacrinan.
11:1 Ndu 35.5, na Esi 40.3, na Sek 2.1-2, na KIEK 21.15
11:2 Esi 40.17-20, na Dan 8.10, na Lk 21.24, na KIEK 12.6, na 13.5
11:3 KIEK 12.6, na 19.10, na 20.4
11:4 Ier 11.16, na Sek 4.11-14
11:5 TN 10.2, na 2 Sml 22.9, na 2 GRP 1.10-12, na Ŋap 97.3, na Ier 5.14, na Osi 6.5
11:6 NA 7.17-19, na 1 Sml 4.8, na 1 GRP 17.1
11:7 Dan 7.7, na 7.21, na Sek 14.2, na Lk 13.32, na KIEK 9.2, na 12.17, na 13.1, na 13.5-7, na 13.11, na 17.8
11:8 Ais 1.9-10, na Lk 13.34, na Ib 13.12, na KIEK 14.8, na 18.10, na 18.24
11:10 KIEK 12.12, na 13.8, na 16.10
11:11 Esi 37.5-14, na KIEK 11.9
11:12 2 GRP 2.1, na 2.5-7, na 2.11, na Ais 14.13, na Up 1.9, na KIEK 12.5
11:13 KIEK 6.12, na 8.5, na 14.7, na 16.9, na 16.18
11:14 KIEK 8.13, na 9.12, na 15.1
11:15 NA 15.18, na Ŋap 10.16, na Ais 27.13, na Dan 2.44, na 7.14, na 7.27, na Oba 1.21, na KIEK 10.7, na 12.10, na 19.6
11:16 KIEK 4.4, na 4.10, na 5.8, na 19.4
11:17 KIEK 1.4, na 1.8, na 4.8, na 15.3, na 16.5, na 19.6
11:18 Ŋap 2.1, na 2.5, na 46.6, na 110.5, na 115.13, na Dan 7.9-10, na Ro 2.5, na KIEK 6.10, na 10.7, na 13.10, na 18.6, na 19.5, na 20.11-13
11:19 Ib 9.4, na KIEK 8.5, na 15.5, na 15.8, na 16.18, na 16.21