16
Mina Raraŋ Aetaniacna nikkakatapna par kabeapa mbut mbuniŋna tuoŋgour anikmo ruŋkica gan tiacarpaikca irikrina
1 Ŋap 69.24, na Ais 66.6, na Ier 10.25, na Esi 22.31, na Sep 3.8, na KIEK 14.10, na 15.1, na 15.7, na 16.17Karica aku waracrinanna, ramoot ianna kamma Raraŋ Aetaniacna Kac ndiŋa larurinan. Na ma an parmbaiapa mbut mbuniŋna mbaiŋna aiŋa morena ŋerŋgaurmo kam aniaca keca gaindopatna, “Ne an parmbaiapa mbut mbuniŋna tuoŋgour anikca Raraŋ Aetaniacna nikkakatapnanmo, aŋgɨca gan tiacarpaikca ruŋki irik.”
2 NA 9.10, na TW 28.35, na KIEK 8.7, na 13.12-17Na outna mbaiŋna aiŋa morena ŋeroŋa taŋga ndona tuoŋ aniacmo gan tiacarpaikmo ruŋkiatna. Ri, titocna kaina pitir gagrar anikca an raŋna amna ŋgoaem kunna raŋgairena meikramtaɨrapa, mana ŋgagatracapnanapa, mana ndamo mbendeirenanmo, larurinan.
3 NA 7.17-21, na KIEK 8.8-9Karica kabena mbaiŋna aiŋa morena ŋeroŋa ndona tuoŋ aniacmo macait nambat maruŋkiat. Na macaitta menacrina ramootna racaindpaikna kirar toc ndarurina. Na an macait inikna eteacna watapna reikca muruŋa menacrinan.
4 NA 7.17-21, na Ŋap 78.44, na KIEK 8.10Na kabena mbaiŋna aiŋa morena ŋeroŋa ma ndona tuoŋ aniacmo gom anikapa, ocikmerapa, namrembapa, auremb puikca puik larurenanmo ruŋkirina. Na an puikca muruŋa uriraca racaindpaik ndarurinan. 5 Ŋap 119.137, na KIEK 1.4, na 1.8, na 11.17, na 15.3Na aku waracrinanna, puikca raupŋirina mbaiŋna aiŋa morena ŋeroŋa gaindopatna, “Raraŋ Aetaniac, u mandeaca eacrenan, na atu ŋgoinna u eacrinan. Na una tɨpemb kirarira wandoik laiŋ, na u rat ŋgoin. Ainda moca u an reikta tɨpemb kirarirmo u ritririnan. 6 Ŋap 79.3, na Ais 49.26, na Mt 23.34-35, na KIEK 11.18, na 13.15, na 18.20Na an meikramtaɨra una rambca morena ramtaɨrapa, una meikramtaɨrmo mina, minmo mo menacrinan, na mina racaindpaikca kactacrinan. Aintik u an meikramtaɨrta racaindpaikmo, neaŋa mina am. Na an racaindpaikca mina ambrinanna, anna mina tɨpemb ŋgorikca mina morinanna, anna wandoŋ ŋgoinna rurutirinan.” 7 Ŋap 19.9, na KIEK 13.10, na 15.3, na 16.14, na 19.2Na aku waracrinanna, gɨmbamba morena taupca gainda aca gaindoprina, “Kacoot, u Raraŋ Aetaniac, u Gargar Muruŋapnan. Na u meikramtaɨrta tɨpemb kirarirmo ritri waparaca morena, na anna gidik. Na una ritri waparaca ma gidik, na ma wandoŋ ŋgoin.”
8 KIEK 8.12, na 14.18Na kabena mbaiŋna aiŋa morena ŋeroŋa ndona tuoŋ aniacmo ra nambatta ruŋkirina, ri, Raraŋ Aetaniaca rana tacna owaimo wattacarica ma gargara laruca meikramtaɨrmo rotacrina. 9 Dan 5.22-23, na KIEK 9.20-21, na 11.13, na 14.7, na 16.21Na an rana tac aniaca ma owai ŋgoin, na an meikramtaɨrmo matau ŋgoinna rotacrinan. Ri, mina Raraŋ Aetaniacna imo, peperena kamb ŋgorik toprina. Na anna Raraŋ Aetaniaca ma minmo larurena reikta raupŋina gargarap. Na mina iroar inkarmo mba ŋgetrikica mana i aniacmo aŋgɨ ŋgeprinan.
10 NA 10.21-22, na Ais 8.22, na KIEK 9.2, na 11.10, na 13.2Na kabena mbaiŋna aiŋa morena ŋeroŋa, ndona tuoŋ aniacmo an raŋna amna ŋgoaem kunna gagrirta ramoot paŋanna mbiracrena taup nambatmo, ruŋkirina. Na neaupa an raŋna amna ŋgoaem kunna gargarna kaŋgaukca eacrena meikramtaɨrmo larurinan. Ri, an gɨgɨrara mina aŋgɨrinanna, minmo ŋgoreac ŋgoinna larurinan. Ainda moca mina ndorita mimarmo memetmbaca wirinan. 11 KIEK 9.20-21, na 16.21Aintik mina ndorita tikembmo larurina gɨgɨrarapa, pitirta ndamŋirinan tik, mina tamuŋna auŋna Raraŋ Aetaniacmo peperena kamb ŋgorik toprina. Na mina morena tɨpemb ŋgorikca, mina ndorita iroar inkarmo mba ŋgetrikica iŋ neaŋgatke.
12 Ais 11.15, na 41.2, na 41.25, na Ier 50.38, na KIEK 9.14Karica kabena mbaiŋna aiŋa morena ŋeroŋa ndona tuoŋ aniacmo, Iuperetis gom aniacmo ruŋkirina. Ainda moca pukca kocnaia gagrarinan, te, ra gagambaina waŋ ndiŋa kɨpekna gagrirta ramtaɨr paŋaindta taupmo kocronandet. 13 1 Io 4.1-3, na KIEK 12.3, na 12.9, na 19.20, na 20.10Na aku watrinanna, kep tocna ŋerŋgaur ŋgorik mbonkaca larurina, mina ianna an nduop aniacna up ndiŋa larurenan, na ianna raŋna amna ŋgoaem kunna up ndiŋa larurenan, na ianna paparuna ramma morena ramootna, up ndiŋa larurinan.* Gan paparuna ramma morena ramootta, anna an iŋmbaina raŋna amna ŋgoaem kun niŋgik. Na ma an outta eacrina raŋna amna ŋgoaem kunna ramma morena ramoot, na meikramtaɨrmo mbopca mina an outna raŋna amna ŋgoaem kunna dammo mbendeirena. Gan ninini toco gan timbigta kap sapta 13 wes 11 taŋca wes 16na inikca wat. 14 2 Te 2.9, na 1 Ti 4.1, na Ie 3.15, na KIEK 16.7, na 17.14, na 19.6, na 19.15, na 19.19-20Na an ŋerŋgaur ŋgorik mbonkac toco ainta ŋgagatraca morenan, na mina gan tiacarpaikna pitrikarta gagrirta ramtaɨr paŋaind ndambuŋa tamtamma taŋrina. Na mina toŋgorinanna, mina an gagrirta ramtaɨr paŋaindmo, moa mina ndorita lapoca ruŋrena ramtaɨrmo aŋgɨca tumbunna tɨkna. Te, an ra aniaca Raraŋ Aetaniaca Ma Gargar Muruŋapnan, ma meikramtaɨrmo ritri waparaca mona an ra, ma minap runduŋa monandet.
15-16 RP 5.19, na Sek 12.11, na Mt 24.43-44, na Lk 12.39-40, na 2 Ko 5.3, na 1 Te 5.2, na 2 Pi 3.10, na KIEK 3.3, na 3.18, na 19.19Ainda moca an ŋerŋgaur ŋgorik mbonkaca an gagrirta ramtaɨr paŋaindmo aŋgɨca tumbunna an taupca tɨkrinan, na an taupmo mina Iburuna kam mbuŋa gaind gacrena, Armagedon. “Aintik ne warac. Aku nen ndambuŋmo macmakɨmna ramootta kɨprena kirar toca kɨpnandet. Ainda moca ramootta ŋgogo kocor, na ma ndona tik ŋgapoikmo aoca eacrenan, an ramootta ma toŋgonandet. Na anna gaind, ma loor kamainda mba taŋitndai, te, meikramtaɨra mana tikca mba watca ma numbira mba moitndaiit.”
17 KIEK 16.1Karica an mamaina mbaiŋna aiŋa morena ŋeroŋa ndona tuoŋ aniacmo riac tamuŋa ruŋkirina. Ri, Raraŋ Aetaniacna Kacna inikca, ramoot ianna kam aniaca Raraŋ Aetaniacna gagrirta ramoot paŋanna mbibiracna taup ndiŋa laruca gaind ŋgaca mbopatna, “Mandeaca ma mamaiek.” 18 Dan 12.1, na KIEK 4.5, na 8.5, na 11.13, na 11.19Ainda moca weperaca tamtamma metacatna, na mɨtmɨt anikca larurinan, na riaca keatke, numnum aniaca larurinan. Na an numnumma aniac ŋgoin, na ainta numnumma atua gan tiacarpaikna meikramtaɨrmo memetmbaca mba larurenan. 19 Ais 51.17, na Ier 25.15-16, na KIEK 14.8-10, na 17.18, na 18.5Ainda moca an auŋ aniac Babilonna, ma tɨpemb mbonkaca titacrinan, na auŋemb anikta pitrik waŋgora muruŋa kocnaia ŋgocrairinan. Ri, Raraŋ Aetaniaca Babilon auŋ aniacna tɨpna kirarna ndamŋica, ma Babilonmo moca ndona wain kab mbuŋa ambrinan. Na anna Raraŋ Aetaniacna nikkakat aniac ŋgoinna wain puk. 20 KIEK 6.14Na mumutura muruŋa kɨpcarica mataŋgat, na taukruirca ianna mba eacatke. 21 NA 9.23-24, na KIEK 11.19, na 16.9-11Na riac tamuŋa ais pukca watur lour anikta kirar toco rapacatna, na mana makukca 50na mɨnna kilogeremna mɨn. Na an ais pukca watur lour anikta kirar toca rapacrinanna, ma riac tamuŋ ndiŋa irikca meikramtaɨr tambat irikca, minmo ŋgoreac ŋgoinna morinan. Ainda moca mina Raraŋ Aetaniacmo peperena kamb ŋgorik toprinan, ma minmo an ais pukna watur lour anikta kirar toca rapacrinanmo mbagɨrica kɨpca minmo mo ŋgocrairinan.
16:1 Ŋap 69.24, na Ais 66.6, na Ier 10.25, na Esi 22.31, na Sep 3.8, na KIEK 14.10, na 15.1, na 15.7, na 16.17
16:2 NA 9.10, na TW 28.35, na KIEK 8.7, na 13.12-17
16:3 NA 7.17-21, na KIEK 8.8-9
16:4 NA 7.17-21, na Ŋap 78.44, na KIEK 8.10
16:5 Ŋap 119.137, na KIEK 1.4, na 1.8, na 11.17, na 15.3
16:6 Ŋap 79.3, na Ais 49.26, na Mt 23.34-35, na KIEK 11.18, na 13.15, na 18.20
16:7 Ŋap 19.9, na KIEK 13.10, na 15.3, na 16.14, na 19.2
16:8 KIEK 8.12, na 14.18
16:9 Dan 5.22-23, na KIEK 9.20-21, na 11.13, na 14.7, na 16.21
16:10 NA 10.21-22, na Ais 8.22, na KIEK 9.2, na 11.10, na 13.2
16:11 KIEK 9.20-21, na 16.21
16:12 Ais 11.15, na 41.2, na 41.25, na Ier 50.38, na KIEK 9.14
16:13 1 Io 4.1-3, na KIEK 12.3, na 12.9, na 19.20, na 20.10
*16:13 Gan paparuna ramma morena ramootta, anna an iŋmbaina raŋna amna ŋgoaem kun niŋgik. Na ma an outta eacrina raŋna amna ŋgoaem kunna ramma morena ramoot, na meikramtaɨrmo mbopca mina an outna raŋna amna ŋgoaem kunna dammo mbendeirena. Gan ninini toco gan timbigta kap sapta 13 wes 11 taŋca wes 16na inikca wat.
16:14 2 Te 2.9, na 1 Ti 4.1, na Ie 3.15, na KIEK 16.7, na 17.14, na 19.6, na 19.15, na 19.19-20
16:15-16 RP 5.19, na Sek 12.11, na Mt 24.43-44, na Lk 12.39-40, na 2 Ko 5.3, na 1 Te 5.2, na 2 Pi 3.10, na KIEK 3.3, na 3.18, na 19.19
16:17 KIEK 16.1
16:18 Dan 12.1, na KIEK 4.5, na 8.5, na 11.13, na 11.19
16:19 Ais 51.17, na Ier 25.15-16, na KIEK 14.8-10, na 17.18, na 18.5
16:20 KIEK 6.14
16:21 NA 9.23-24, na KIEK 11.19, na 16.9-11