ଫିଲୀମନଙ୍କ ନିକଟକୁ ପାଉଲଙ୍କ ପତ୍ର
ପିଲିମନ୍ନେ ଡାଗ୍ରା ପାଉଲ୍ନେ ଉଲିଆଃ
ପିଲିମନ୍ ବଇ ବିସୟ୍ରେ ଉଃଡ଼ିକ୍ଲିଗ୍ ସାମୁଆଁ
କ୍ଲିଗ୍ଡା ଫିଲିମନ୍ ଉଲିଆଃ ପ୍ରେରିତ୍ ପାଉଲ୍ ବାନ୍ ଆଃଗୁଆର୍ବଗେ ୧:୧ । ଉଡ଼ିବେଲା ଆକେନ୍ ଗୁଆର୍କେ ମେଁ କଏଦ୍ ଡୁଆନ୍ନିଆ ବନ୍ଦି ଲେଃଗେ ମେଃ ଅର୍ତ ଡିଂଲେଃଏ ମେଁ ରୋମ୍ବାନ୍ ଆକେନ୍ ଗୁଆର୍ବକେ । ଜଦି ମେଁ ରୋମ୍ନ୍ନିଆ ଲେଃଗେ କ୍ରିସ୍ଟନେ ଜନମ୍ ତେଃପେଂଚାଃନେ ୬୧ ମୁଆଁ ଇଡ଼ିଂ ଆକେନ୍ ଉଲିଆଃ ଗୁଆର୍ବଏ । ମେଁନେ ଆତେନ୍ ସମାନ୍ ବେଲା କଲସିୟ ମଣ୍ଡଲିକେ ଗୁଆର୍ବଏ ।
ମେଁ ଆକେନ୍ ଉଲିଆଃ ଫିଲିମନ୍ ମ୍ନିକ୍ନେ ମୁଇଂ ରେମୁଆଁକେ ଗୁଆର୍ବକେ । ଫିଲିମନ୍ ମୁଇଂ ମଣ୍ଡଲିଣ୍ଡ୍ରେ ବାରି ଗତିରେଇଂନେ ମ୍ନାରେ ଲେଃଗେ । ପାଉଲ୍ ଗୁଆର୍ଡିଂକେ ଜେ ମେଁ ଅନୀସିମକେ ଡଣ୍ଡ୍ ଆବିଃଲେ ଜାଣ୍ଡେ କି ଫିଲିମନ୍ନେବାନ୍ ଡଙ୍ଗାଚେ ସ୍ଲପାକା ଡ ଲେଃଗେ । ରୋମୀୟ ନିୟମ୍ ଅନୁସାରେ ଫିଲିମନ୍ ଅନୀସିମକେ ଗୁଏଃନେ ଡଣ୍ଡ୍ ବିଃନେ ଅଦିକାର୍ ଲେଃଗେ ।
ଅନୀସିମକେ କ୍ରିସ୍ଟିୟ ବୟାଁ ବାବ୍ରେ ଗ୍ରଅନ୍ ଡିଂନେ ନ୍ସା ଡିରକମ୍ ରାଜି ଡିଂଏ ତେନ୍ସା ଫିଲିମନ୍କେ ପାଉଲ୍ ଗୁଆରେ ଡିଂକେ । ପାଉଲ୍ ଅନୀସିମକେ ମେଁନେ ଟାନ୍ନ୍ନିଆ ସେବା କାମ୍ ଡିଂନେ ନ୍ସା ଆଦେସ୍ ବିଃନ୍ସା ବାସଂକେ ୧:୧୩-୧୪ ।
ସାସ୍ତର୍ ବିତ୍ରେ ଲେଃକ୍ନେ ସାମୁଆଁଇଂ
୧. ପାଉଲ୍ ଫିଲିମନ୍କେ ସାର୍ଲ ଡିଂକେ । ୧:୧-୩
୨. ପାଉଲ୍ ଅନୀସିମନେ ବାନ୍ ଫିଲିମନ୍କେ ମୁଇଂ କ୍ରିସ୍ଟିୟ ବୟାଁ ବାବ୍ରେ ଗ୍ରଅନ୍ ଡିଂନେ ନ୍ସା ବାସଙ୍ଗ୍ଡିଂ । ୧:୪-୨୧
୩. ପାଉଲ୍ ମେଁନେ ବାର୍ମୁଇଂତର୍ ଅଲେଙ୍ଗ୍ନେ ବିସଏରେ ମନେ ଏତେଚେ ବାସଙ୍ଗ୍ଏ ବାରି ସାର୍ଲଚେ ଆଃଡାଏ । ୧:୨୨-୨୫
୧
୧ ଜିସୁ କିସ୍ଟନେ ନ୍ସାଃ ଡଣ୍ଡ୍ ବିଃବଗ୍ନେ ପାଉଲ୍ ଆରି ବୟାଁଣ୍ଡେ ତିମତିନେ ବାନ୍ ସାଙ୍ଗ ଆରି ସାଙ୍ଗାଡ଼ି ପିଲିମନ୍ ୨ ମେଇଂନେ ଡୁଆ କୁଡ଼େ ମାଡ଼େ ଡିଂଡିଂକ୍ନେ ଗ୍ନେ ଡୁଆ ତନା ଆପ୍ପିୟା ଆରି କିସ୍ଟ ଦର୍ମଇଂ ଡାଗ୍ରା ନେ ଏଃତେ କୁଡ଼େନେ ଆର୍ଖିପାନେ ମଣ୍ଡଲି ଡାଗ୍ରା ଉଲିଆ ଗୁଆର୍ଣ୍ଡିଂକେ ।
୩ ଆବା କିତଂ ଆରି ମାପ୍ରୁ ଜିସୁ କିସ୍ଟ ଆପେକେ ଆସିର୍ବାଦ୍ ଆରି ସାନ୍ତି ବିଲେଃ ।
୪ କାଲାଆଃ ନେଂ ସୁମରେ ବେଲା ଆନାକେ ସୁମରେଚେଃ ଇସ୍ପର୍କେ ଦନ୍ୟବାଦ୍ ବିଃଏ ୫ ମେଃଡାଗ୍ଲା ନେଂ ଅଁଲେଃକେ ମାପ୍ରୁ ଜିସୁନେ ଡାଗ୍ରା ପେନେ ଉଡ଼ି ବିସ୍ବାସ୍ ଆରି କିତଂ ଆଲାଦ୍ ଡିଂନେ ରେମୁଆଁଇଂନେ ଡାଗ୍ରା ନାନେ ଉଡ଼ି ଆଲାଦ୍ ! ୬ ଡିରକମ୍ ନାଁ ବିସ୍ବାସ୍ନ୍ନିଆ କୁଡ଼େଃମାଡ଼େଃ ବାନ୍ ବିଃବକ୍ନେ ସର୍ତେ ନିମାଣ୍ଡା ସାମୁଆଁ ବିସଏରେ ବୁଦିବାନ୍ କିସ୍ଟନେ ପାକା ପୁରନ୍ ଡିଂଏ । ୭ ଆଲାଦ୍ ଡିଂଣ୍ଡିଂକ୍ନେ ବୟାଁଇଂ ପେନେ ଲିବିସଃ ଆନେଂକେ ମାଲେ ସାର୍ଦା ବିଃବକେ ଆରି ଆୟ୍ସାର୍ଦା ଣ୍ଡିଗ୍ ଆଃଡିଂକେ; ମେଃଡାଗ୍ଲା ପେ ମାପ୍ରୁନେ ରେମୁଆଁଇଂନେ ଉର୍ଦେ ସାର୍ଦା ତାଃନପେବିକେ ।
୮ ଆକେନ୍ ନ୍ସାଃ ପେନେ କିସ୍ଟ ବିସ୍ବାସି ବୟାଁ ସୁଗୁଆ ଦର୍କାର୍ ପେନେ ବିସୟ୍ରେ ଆଦେସ୍ ବିଃ ନ୍ସାଃ ନେଂନେ ସାଆସ୍ ଲେଃକେ । ୯ ଡାଗ୍ଲା ନାଡାଗ୍ରା ନେଂନେ ଆଲାଦ୍ ଲେଃକ୍ନେନ୍ସାଃ ଚା ଙ୍ଗୁଆରେଏ । ଏଲେଡିଗ୍ ନେଂ ପାଉଲ୍ ଜିସୁ କିସ୍ଟନେ ଗୁତିଡ଼େ ଆରି ମେଁନେ ନ୍ସାଃ ଏଃକେ ବନ୍ଦି ୧୦ ✡କଲସିୟ ୪:୯.ତେଲାଣ୍ଡିଗ୍ ନେଂ ମାନେଃଣ୍ଡିଂକେ ଆକେନ୍ ବାସଂଣ୍ଡିଂକେ । ଆକେନ୍ ବନ୍ଦି ଅବସ୍ତାରେ ନେଂ ଆଜାକେ କିସ୍ଟନେ ନ୍ସାଃ ନିଜର୍ ଉଂ ସୁଗୁଆ ବାଲେଃକେ ଆତେନ୍ ଅନୀସିମ ନ୍ସାଃ ନେଂନେ ଆକେନ୍ ସାଲ୍ୟାଃଣ୍ଡିଂକେ । ୧୧ ମେଃସୁଆ ଅନୀସିମ ନା ନ୍ସାଃ ଦର୍କାର୍ ଆଲେଃଗେ; ଡାଗ୍ଲା ଏଃକେ ମେଃ ପେନେ ଆରି ନେଂନେ ଉଡ଼ି ସାଆଜ୍ୟ ପାଂଏ ।
୧୨ ଏଃକେ ଆମେଇଂକେ ପେଡାଗ୍ରା ବେନେ ବେଲା ନେଂ ଉର୍ଦେ ଚୁନ୍ ଡିଂୱେଗେ ସୁଗୁଆ ଲାଗେଡିଂକେ । ୧୩ କିସ୍ଟନେ ନିମାଣ୍ଡା ସାମୁଆଁ ବାସଂକ୍ନେ ନ୍ସାଃ ନେଂ ସେବା ଡିଂ ନ୍ସା ଆକେନ୍ ବନ୍ଦିସାଲ୍ ଡାଗ୍ରା ନ୍ଲେଃକେ । ଆକ୍କେ ଲେଃ ଜାକ ନାନ୍ସାଃ ଆମେକେ ନେଂ କାମ୍ରେ ଆଃସ୍ଲେନ୍ସାଃ ନେଂନେ ମନ୍ ଲେଃଗେ । ୧୪ ଡାଗ୍ଲା ଆକେନ୍ ସାମୁଆଁରେ ଆନେଂକେ ସାଆଜ୍ୟ ଡିଂନ୍ସାଃ ଆନାକେ ନିମାଣ୍ଡା କାମ୍ ଡିଲାଡିଗ୍ ଡିଂଏ ଡାଗ୍ଚେ ନ୍ନାବାସଂ ଣ୍ଡୁ ଜେ ନିଜର୍ ଇକ୍ଚାରେ ନା ଆତେନ୍ ଡିଂନାୟାଏ । ମେଃ ମେଃଡିଙ୍ଗ୍ଲେଃ ନା ସାଆଜ୍ୟ ଣ୍ତୁଲା ନେଂ ମେଃଣ୍ତିଗ୍ ଡିଂନ୍ସାଃ ନ୍ନାଃୟାଏ ।
୧୫ ଣ୍ଡୁଲା କାଲାଆଃ ନାନେ ଡିଂଚେଃ ଲେଃଏ ଡାଗ୍ଚେ ଅନୀସିମ ୱିଡ଼ିସି ଆନାକେ ଆନ୍ତାର୍ଚେ ୱେ ଲେଃଗେ । ୧୬ ଡାଗ୍ଲା ଏତେ ଲାଃଲାପା ମେଃ ଏଃକେ ଚାଃ ମୁଇଂ ସ୍ଲେରେ ଣ୍ଡୁ । କିସ୍ଟନେ ବିସ୍ବାସି ସୁଗୁଆ ମେଁ ଏଃକେ ନେନେ ମୁଇଂଞ୍ଜା ବୟାଁ । ନେଂ କେନ୍କେନ୍ନିଆ ଏଃକେ ମେଃ ଉଡ଼ି ସାଆଜ୍ୟ ଡିଂଗେ । ପେନେ ମୁଇଂଜା ଗୁତିରେ ଆରି କିସ୍ଟ ବିସ୍ବାସି ବୟାଁ ସୁଗୁଆ ଗାଗ୍ଡ଼େନ୍ନିଆ ଆରି ମାପ୍ରୁ ଡାଗ୍ରା ମେଃ ନାନ୍ସାଃ ଆରି ଉଡ଼ି ସାଆଜ୍ୟ ଆରାଃଡିଂ ।
୧୭ ଆତେନ୍ ନ୍ସାଃ ଆନେଂକେ ଜଦି ପେନେ ସାଆଜ୍ୟ ଡାଗ୍ଚେ ମନେ ଡିଂଲାଃଲାପା ଆନେଂକେ ଡିଡିରକମ୍ ପେପାୱା ଆମେକେ ଦେତ୍ରକମ୍ ୱାପା । ୧୮ ମେଃ ଜଦି ପେନେ ମେଃଣ୍ଡିଗ୍ ବୁଡ଼େବିଃଏ ଆରି ଆପେକେ ମେଃନେ ମେଃଣ୍ଡିଗ୍ ବିବିଃନେ ଲେଃଏ ଆତେନ୍ ନେଂ ଇସାବ୍ରେ ଗୁଆର୍ବିପା । ୧୯ ଆକେନ୍ କେଲାପା ନେଂ ନିଜର୍ ନ୍ତିରେ ଗୁଆର୍ ବିଃଣ୍ଡିଂକେ: “ନେଂ ପାଉଲ୍ ଡିଲାଡିଗ୍ ଆତେନ୍ ନ୍ତିର୍ସେଏ ।” ଡାଗ୍ଲା ଆପେକେ ନେଂ ଆଃସୁମରେ ଆଃଡିଂ ବିଃନେ ଦର୍କାର୍ଣ୍ଡୁ ଜେ ପେନେ ମନ୍ ଜିବନ୍ ନ୍ସାଃ ଣ୍ଡିଗ୍ ପେ ନେଡାଗ୍ରା ଚ୍ନିଆଃ ନାଲେଃକେ । ୨୦ ଆତେନ୍ ନ୍ସାଃ ବୟାଁ । ନେଂ ସୁଗୁଆ ମୁଇଂଜା କିସ୍ଟ ବିସ୍ବାସି ବୟାଁକେ ମାପ୍ରୁନ୍ସାଃ ଆସିର୍ବାଦ୍ ଡିଂପା, ଆକେନ୍ ନ୍ସାଃ ନେଂ ମାଲେ ମ୍ଲେଡ଼୍ୟାଃ ଉଁୱେଏ ।
୨୧ ନା ନେଂନେ ଙ୍ଗୁଆରେକ୍ନେ ରକ୍ୟା ଡିଂଏ ଡାଗ୍ଚେ ଡିଲାଡିଗ୍ ମ୍ୟାଃଚେ ନେଂ ଆକେନ୍ ଉଲିଆଃ ଗୁଆର୍ଣ୍ଡିଂକେ । ଇଡ଼ିଙ୍ଗ୍ଡାମୁଏ ନେଂ ମ୍ମ୍ୟାଃକେ ପେବାନ୍ ନେଂ ଉଡ଼ି ଉର୍ଣ୍ଡିଂକେ ପେ ନେଂ ନ୍ସାଃ ମେଁ ବାନ୍ ମାଲେ ପେଡିଂଏ । ୨୨ ଆକେନ୍ ଏଃତେ ନେଂନେ ଆରି ମୁଇଂ ସାମୁଆଁ ଆତ୍ଡାଗ୍ରା ନେଂ ନ୍ସାଃ ମୁଇଂ ବାକ୍ରା ଆଃରେବପା । ନେଂନେ ବିସ୍ବାସ୍ ପେ ପେସୁମରେକ୍ନେ ନ୍ସାଃ ନେଂ ପେନେ ଡାଗ୍ରା ଆଣ୍ଡେ ମ୍ପାଂଏ ।
୨୩ ମାପ୍ରୁ ଜିସୁ କିସ୍ଟନେ ନ୍ସାଃ ନେଂ ଏଃତେ ଡଣ୍ଡ୍ ବିଃଡିଂକ୍ନେ ଏପାଫ୍ରା ଆରି ନେଂ ଏଃତେ ଲେଃକ୍ନେଣ୍ଡ୍ରେ ମାର୍କ ଆରିସ୍ତାର୍ଖ ଦୀମା ଆରି ଲୁକ୍ ଆପେକେ ସାର୍ଲ ଡିଂଆର୍କେ । ୨୪ ✡ପ୍ରେରିତ୍ ୧୨:୧୨,୨୫; ୧୩:୧୩; ୧୫:୩୭-୩୯; କଲସିୟ ୪:୧୦; ପ୍ରେରିତ୍ ୧୯:୨୯; ୨୭:୨; କଲସିୟ ୪:୧୦; କଲସିୟ ୪:୧୪; ୨ ତିମତି ୪:୧୦; କଲସିୟ ୪:୧୪; ୨ ତିମତି ୪:୧୧.ମାପ୍ରୁ ଜିସୁ କିସ୍ଟନେ ନ୍ସା ନିଂ ଏତେ ବନ୍ଦି ଡିଂଲେଃକ୍ନେ ଏପାଫ୍ରା ଆରି ନିଂ ସାଙ୍ଗାଡ଼ି ମାର୍କ ଆରିସ୍ତାର୍ଖ ଦୀମ ଆରି ଲୁକ୍ ଆନାକେ ସାର୍ଲଡିଂକେ ।
୨୫ ମାପ୍ରୁ ଜିସୁ କିସ୍ଟ ନେ ଆସିର୍ବାଦ୍ ପେନେ ସାପାରେନେ ଆତ୍ମା ଡାଗ୍ରା ଲେଃଲେଃ ।