5
Bilisummaa Kiristoosiin Dhaggantu
Bilisumma'aan akka leenuuf Kiristoos bilisa nu baase. Tanaaf jabaadha'aa dhaabbadha'a! Deebitaneelle waanjoo*Waanjoo: Qambaraa garboomaatiin hin hidhamina'a!
Dhage'aa! Yoo haqanqabaa ifi qassiittane, akka Kiristoos ijjumaa isiniif woy hin baane, ani Phawuloos isinitti hima. Nami haqanqabaa qassiifatu mara, dirqama Seera duudii muummessiisaa akka qabu ani ammalle dhugaa hin bayaaf. Isin worri Seera eeggatiisaan balchoomiisaaf barbaaddanu, Kiristoos irraa ifi kuttaneertan; badhaadha waaqaa irralle'ee bayyattaneertan. Nuuti ammoo karaa Ayyaana Waaqaatiin, balchummaa addii godhannu dhugeeffanna'aan dharra'aa eeganna. Kiristoos Yesuusiin yoo jiraanne, dhugeeffannaa jaalalaan hujjuttuu gatii qaddi malee, haqanqabaa qabatiisa yookiin haqanqabaa qabatiisa dhabiisaa moti.
Isin akkuma dansaa hujaa turtane; akka isin dhuga'aaf hin ajajanne eentu gufuu isinitti te'e ree? Hawadiin tun ta Waaqa gara dhuga'aa isin waamu biraa dhuttee moti. Uukoon diqqoon bukoo duudii bukeessiti.1 Qor. 5:6 10 Akka isin yaada kana irraa gore hin qabaatin, ani Gootta'aan ifi-addii qaba. Eennulle teenaan nami isin jaanjursu muraa hin fudhata. 11 Ammoo obboleeyyan tiyya, haqanqabaa qabatiis barbaachisaa akka te'e, adoo waan lallabiisatti jiraadhee, maaf na miidhan ree? Yoo akkasii, fannoon Kiristoosii namaaf gufuu te'iis, silaa hin hafaayyu. 12 Worri isin jaanjursu sun, haqanqabaa qabatiisa callaa adoo hin te'in, adoo ifi yakkate ani hin jaaladha.
13 Obboleeyyan tiyya, isin bilisumma'aaf waammantaneertan; jaalalaan wol tajaajila'a malee, bilisummaa teessan tana halchaa foonii muummeffatiisaaf karaa dagu'uu hin godhatina'a! 14 Seerri duudiin Jecha, «Akkuma ifi jaalattu nama jaaladhu!» jedhuun wolitti qabamaWolitti qabama: Muummowa. 15 Yoo ammoo ka wol cicciniittanee wol nyaattanu teete, akka wol hin balleessine ifi eeggadha'a!
Hujii Ayyaanaatii Fi Hujii Foonii
16 Wonni ani jedhu tana: yoona Ayyaanaan sooreffamaa le'aa malee, halchaa foonii hin muummessina'a! 17 Halchaan foonii halchaa Ayyaanaatiin mormiti; halchaan Ayyaanaalle halchaa fooniitiin mormiti; halchaan lamaan tun waan wol mormituuf, waan jaalattanu godhiisaaf hin dandeettanu.Rom. 7:15-23 18 Yoo Ayyaanaan sooreffantane ammoo, Seera jala hin jirtanu.
19 Hujiin foonii ta beekkante. Isiille: sagaagaluu, battummaa, baalagummaa, 20 waaqota dharaa waaqonsuu, moruuMoruu: Xanuu, falfaluu, diinummaa, moromaa, hinaaffaa, mufii, ifi jaalatuu, wol dhabuu, wol fojuu, 21 dhiibbaleessa te'uu, machii, sarbicha dhiitu'uu§Sarbicha dhiitu'u: Nyaatanee unanee caaqu'u fi ta tana fakkaattu. Akkuma kanaan dura isinitti hime, ammalle itti deebi'ee isinitti hima: worri waan akkasii huju mootummaa Waaqaa hin dhaalu.
22 Midhaan Ayyaanaa ammoo jaalala, gammada, nageya, ossa, arjummaa, dansummaa, addatama, 23 qajeelumma'aa fi ifi qabatiisa. Seerri waan akkasii kana dhooggu hin jiru. 24 Worri ka Kiristoosii te'e, halchaa hantu'uu fi fedha isaa woliin foon ifii fanniseera. 25 Worra Ayyaanaan leenu yoo teene, Ayyaanaan sooreffannuu ti. 26 Wol aarsaa, wol hinaafaa, tola me ifi jajnuu ti!

*5:1 Waanjoo: Qambaraa

5:9 1 Qor. 5:6

5:14 Wolitti qabama: Muummowa

5:17 Rom. 7:15-23

5:20 Moruu: Xanuu, falfaluu

§5:21 Sarbicha dhiitu'u: Nyaatanee unanee caaqu'u