6
1 ኤርገሲ ሶሎሞን አከነ ጄዼ፤ “ዋቀዮ አከ ዱሜሰ ዱከናኣ ኬሰ ጅራቱ ዱበቴረ፤ 2 አን መነ ቁልቁሉማ ጉዳ፣ እዶ አት በረ በራን ጅራቱ ሲፍ እጃሬረ።”
3 ኡቱመ ወልዳን እስራኤል ጉቱን አች ዻበቱ ሞትች ኦፍራ ገረገሌ እሳን ኤብሴ። 4 እንስ አከነ ጄዼ፦
“ዋቀዮ ዋቅን እስራኤል እን ዋን አፋን ኦፊሳቲን አባኮ ዳዊቲፍ ዋዳ ገሌ ሰነ ሀርኩመ ኦፊሳቲን ጉቴ ሱን ሃኤብፈሙ። እንስ አከነ ጄዼ ቱሬቲ፤ 5 ‘አን ጋፈን ሰበኮ ግብጢ ባሴ ጀልቀቤ አከ መቃንኮ አች ጅራቱፍ ጄዼ መነ ቁልቁሉማ እት እጃርስፈቹፍ ጎሶተ እስራኤል ከምዩ ኬሰት መጋላ ቶኮሌ ህንፍለትኔ፣ ዮካን አከ እን ቡልቻ ሰበኮ እስራኤል ተኡፍ ነመ ቶኮሌ ህንፍለትኔ። 6 አመ ገሩ አከ መቃንኮ አች ጅራቱፍ ዬሩሳሌምን ፍለዼረ፤ አከ እን ሰበኮ እስራኤልን ቡልቹፍስ ዳዊትን ፍለዼረ።’
7 “ዳዊት አባንኮ መቃ ዋቀዮ ዋቀ እስራኤሊፍ መነ ቁልቁሉማ እጃሩፍ ገራሳቲ ያደ ቀበ ቱሬ። 8 ዋቀዮ ገሩ አባኮ ዳዊቲን አከነ ጄዼ፤ ‘ዋን መነ ቁልቁሉማ መቃኮቲፍ እጃሩን ያደኬ ኬሰ ጅሩፍ፣ አት ያደ ከነ ገራዻ ቀባቹንኬ ጋሪዸ። 9 ተኡስ ነምን መነ ቁልቁሉማ ናፍ እጃሩ ስእ ምት፤ ገሩ እልመኬ፣ እሱመ ፎንኬቲፊ ዺገኬ ተኤቱ እጃረ፤ ነምን መነ ቁልቁሉማ መቃኮቲፍ እጃሩ እሰ።’
10 “ዋቀዮ ዋዳ ገሌ ሰነ ኤጌረ፤ አኩመ ዋቀዮ ዋዳ ገሌ ሰነ አን አመ እዶ አባኮ ዳዊት ቡኤ ቴሶ እስራኤልራ ታኤን ጅረ፤ መቃ ዋቀዮ ዋቀ እስራኤሊፍስ መነ ቁልቁሉማ እጃሬረ። 11 አንስ አች ኬሰ ታቦተ ካኤረ፤ ታቦተ ሰነ ኬሰሞ ከኩ ዋቀዮ ከን እን ሰበ እስራኤል ወጅን ገሌቱ ጅረ።”
ከዸትና ሶሎሞን
6፥12‑40 ኩወፈ – 1ሞቶ 8፥22‑53
6፥41‑42 ኩወፈ – ፋር 132፥8‑10
12 ሶሎሞን እዶ ኣርሳ ዋቀዮ ዱረት ፉለ ጉቱማ ወልዳ እስራኤል ዱረ ዻበቴ ሀርከሳ ንበልእሴ። 13 ወልተጂ ዹንዹመ ሸን ለፈረ ዼረቱ፣ ከን ዹንዹመ ሸን በልአቴ ዹንዹመ ሰዲ ኦል ዼረቱ ቶኮስ ናሲራ ሆጄቴ ወለካ ኦብዲ ንዻቤ፤ እንስ ወልተጂ ሰነረ ዻበቴ ፉለ ጉቱማ ወልዳ እስራኤል ዱረት ጅልቤንፈቴ ሀርከሳ ገረ ሰሚት ኦል ንበልእሴ። 14 አከነስ ጄዼ፦
“ያ ዋቀዮ ዋቀ እስራኤል፣ ዋቅን አከኬቲ ኦል ሰሚ ኬሰ ዮካን ገድ ለፈረ ህንጅሩ፤ አት ገርቦተኬ ወረ ገራ ጉቱዻን ከራኬረ ዴመኒፍ ከኩፊ ጃለለኬ ከን ህንጌደረምኔ ሰነ ንኤግደ። 15 አት ዋዳ ገርብቸኬ አባኮ ዳዊቲፍ ገልቴ ሰነ ኤግዴርተ፤ አት አፋኑመኬቲን ዋዳ ገልቴ አኩመ ሀርአ ተኤ ጅሩ ከነ ሀርከኬቲን ፊጣን ባፍቴርተ።
16 “አመስ ያ ዋቀዮ ዋቀ እስራኤል፣ አት ዋን ገርብቸኬ አባኮ ዳዊቲን፣ ‘ዮ እልማንኬ አኩመ አት ጎቴ ሰነ ዋን ሆጄተን ሁንደ ኬሰት ኦፍ ኤገቻ፣ አኩመ ሴረኮት ፉለኮ ዱረ ዴዴብአን፣ አት ነመ ፉለኮ ዱረ ቴሶ እስራኤልራ ታኡ ጎንኩማ ህንዸብዱ’ ጄቴ አብደቺፍቴ ሰነ ኤጊፍ። 17 ከናፉ አመ ያ ዋቀዮ ዋቀ እስራኤል፣ ዱቢን አት ገርብቸኬ ዳዊቲፍ ዋዳ ገልቴ ሱን ሃምርከናኡ።
18 “ገሩ ዹጉማን ዋቅን ነመ ወጅን ለፈረ ንጅራታ? ሰሚወን፣ ሰሚወን ሰሚ ኦሊዩ ስ ባቹ ህንደንደአን። ዮስ መን ቁልቁሉማ ከን አን እጃሬ ኩን ሀመም ሃጥናቱ ሬ! 19 ተኡስ ያ ዋቀዮ ዋቀኮ፣ ከዸትናፊ ዋመተ ገርብችኬ አራረ በርባዱፍ ዽኤሱፍ ጉረ ኬን። እያፊ ከዸትና ገርብችኬ ፉለኬ ዱረት ዽኤሱሌ ዸገእ። 20 እጅኬስ ሀልከኒፊ ጉያ ገረ መነ ቁልቁሉማ ከና ገረ እዶ አት አከ መቃኬ አች ካአቱ ዱበቴ ሰና ሃእላሉ። ከዸትና ገርብችኬ ገረ እዶ ከናት ፉለ ዴብፈቴ ከዸቱሌ ዸገእ። 21 ዮሙ እሳን ገረ እዶ ከናት ፉለ ዴብፈተኒ ከዸተንት ዋመተ ገርብቸኬቲፊ ከን ሰበኬ እስራኤል ዸገእ። ሰሚ ኬሳ፣ እዶ ጅሬኘኬቲቲ ዸገእ፤ ዮሙ ዸጌሱትስ ዺፈመ ጎዽ።
22 “ዮ ነምን ቶኮ ኦላ ኦፊሳት ደበ ሆጄቴ አከ ከከቱ ጋፈተሜ፣ እንስ ዹፌ መነ ቁልቁሉማ ከነ ኬሰት፣ ፉለ እዶ ኣርሳኬቲ ዱረት ከከቴ፣ 23 አት ሰሚራ ዸገኢቲ ገርቦተኬ ግዱት ተርካንፊ ፉዸዹ። ነመ የከ ቀቡ፣ የከሳ መቱመሳት ዴብስቴ ገቲሳ ኬኑፊዻን፣ ነመ ቀጄላሞ አኩመ ቀጄሉማሳት እሳፍ ፈልሙዻን ገርቦተኬ ግዱት ሙርቲ ኬን።
24 “ዮ ሰብንኬ እስራኤል ሰበቢ ጩቡ ስት ሆጄቴፍ ዲናን ሞአተሙት፣ ዮ እን ዴብኤ መቃኬቲፍ ኡልፍነ ኬኔ መነ ቁልቁሉማ ከነ ኬሰት ስ ዱረት ከዸቴ ስ ዋመቱት፣ 25 ሰሚራ ዸገኢቲ ጩቡ ሰበኬ እስራኤል ዺሲፍ፤ ብየሳኒፊ አቦቲሳኒቲፍ ኬንቴ ሰነትስ ዴብሲ እሳን ገልች።
26 “ዮ ሰበቢ ሰብንኬ ጩቡ ስት ሆጄቴፍ ሰሚወን ጩፈመኒ ቦካን ዸበሜ፣ ዮ እሳን ሰበቢ አት እሳን አደብዴፍ እዶ ከነት ፉለ ዴብፈተኒ መቃኬ ኡልፌሰኒ ጩቡሳኒራ ዴብአን፣ 27 አት ሰሚራ ዸገኢቲ ጩቡ ገርቦተኬ፣ ሰበኬ እስራኤል ዺሲፍ። ከራ ቀጄላ እሳን ጅራቹ ቀበን እሳን በርሲስ፤ ብየ ዻለ ጎቴ ሰበኬቲፍ ኬንቴረትስ ቦካ ሮብስ።
28 “ዮሙ ቤል ዮካን ዸእች ዮካን ዋጊን ዮካን አዋሮን ዮካን ሀዋንስን ዮካን ኮሮጵስን ብየት ዹፉት፣ ዮካን ዮሙ መጋላወን ብየሳኒ ከምዩ ኬሰት ዲኖትን እሳን መርሰንት፣ ዮካን ዮሙ በላን ዮካን ዹኩብን ከምዩ ዹፉት፣ 29 ዮ ሰብንኬ እስራኤል ረክናፊ ዹኩቢ ኦፊሳ ቤኬ እሳን ኬሳ ኤኙዩ ገረ መነ ቁልቁሉማ ከናት ሀርከሳ በልእሴ ከዸትና ዮካን ዋመተ ዽኤሴ፣ 30 አት ሰሚራ፣ እዶ ጅሬኘኬቲቲ ዸገእ። ዺፈመ ጎዺፍ፤ ስ ቆፈቱ ገራ ነማ ቤካቲ፣ አት ሰበቢ ገራሳ ቤክቱፍ ቶኮ ቶኮ ነማቲፍ አኩመ ሆጂሳ ሁንዳት ዋን እሳፍ መሉ ኬን፤ 31 ዮ አከሲ እሳን በረ ብየ አት አቦቲኬኛፍ ኬንቴ ኬሰ ጅራተን ሁንደ ስ ሶዳተኒ ከራኬረ ንዴሙ።
32 “አከሱመስ ነመ ኦርማ ከን ሰበኬ እስራኤል ህንተእን ከን መቃኬ ጉድቻፍ፣ ሀርከኬ ጀባፊ እሬኬ ከን ድሪርፈሜ ሰናቲፍ ጄዼ ብየ ፈጎቲ ዹፌ፣ ዮ እን ዹፌ ፉለሳ ገረ መነ ቁልቁሉማ ከናት ዴብፈቴ ከዸቴ፣ 33 አት ሰሚራ፣ እዶ ጅሬኘኬቲቲ ዸገእ። አከ ሰቦትን አዱኛ ሁንድኑ አኩመ ሰበኬ እስራኤል ሰነ መቃኬ ቤከኒ ስ ሶዳተኒፊ አከ እሳን አከ መን አን እጃሬ ኩን መቃኬቲን ዋመሙሌ ቤከኒፍ ጄዺ ዋን ነምን ኦርማ ሱን ስ ከዸቱ ሁንደ ጎዺፍ።
34 “ዮሙ ሰብንኬ ዲኖተሳ ሎሉፍ ጄዼ ገረ አት እት እሰ ኤርግቱ ከምዩ ዱሉት፣ ዮ እን ገረ መጋላ አት ፍለቴፊ ገረ መነ ቁልቁሉማ ከን አን መቃኬቲፍ እጃሬ ከናት ፉለ ዴብፈቴ ስ ከዸቴ፣ 35 አት ሰሚራ ከዸትናሳቲፊ ዋመተሳ ዸገኢቲ ዽመሳ እሳፍ ራወዹ።
36 “ዋን ነምን ጩቡ ህንሆጄትኔ ቶኮዩ ህንጅሬፍ ዮሙ እሳን ጩቡ ስት ሆጄተንት አት እሳንት ኣርቴ ዲነ እሳን ቦጅኤ ብየ ፈጎት ዮካን ዽኦት እሳን ጌሱት ደበርስቴ እሳን ኬንተ፤ 37 ዮ እሳን ብየ ቦጁዻን እት ጌፈመንት ጋበኒ ቀልቢ ጌደረተኒ፣ ‘ኑ ጩቡ ሆጄትኔረ፤ በሌስኔረ፤ ዋን ሀማስ ሆጄትኔረ’ ጄዸኒ ብየ ቦጁሳኒ ኬሰት ስ ከዸተን፣ 38 ዮ እሳን ብየ ቦጁዻን እት ጌፈመን ሰነ ኬሰት ገራፊ ሉቡሳኒ ጉቱዻን ገረኬት ዴብአኒ፣ ገረ ብየ አት አቦቲሳኒቲፍ ኬንቴት፣ ገረ መጋላ አት ፍለቴፊ ገረ መነ ቁልቁሉማ ከን አን መቃኬቲፍ እጃሬ ሰናት ፉለ ዴብፈተኒ ስ ከዸተን፣ 39 አት ሰሚራ፣ እዶ ጅሬኘኬቲቲ ከዸትናፊ ዋመተሳኒ ዸገኢቲ ዽመሳኒ እሳኒፍ ራወዹ። ሰበኬ ከን ጩቡ ስት ሆጄቴፍስ ዺፈመ ጎዽ።
40 “አመስ ያ ዋቀኮ ከዸትና እዶ ከነት ዽኣቱ እጅኬ ሃአርጉ፤ ጉርኬስ ሃዸገኡ።
41 “ከናፉ ያ ዋቀዮ፣ ያ ዋቅ፣
ከኢቲ ገረ እዶ ቦቆናኬቲ ኮቱ፤ አቲፊ ታቦትን ጀብነኬቲስ ኮታ።
ያ ዋቀዮ፣ ያ ዋቅ፣ ሉቦትንኬ ፈይነ ሃኡፈተን፤
ቁልቁሎትንኬስ ጋሩማኬት ሃገመደን።
42 ያ ዋቀዮ፣ ጎፍታ፣ አት ድበማኬ ህንገትን፤
ጃለለ ጉዳ አት ገርብቸኬ ዳዊትን አብደቺፍቴ ሰነሌ ያደዹ።”