1 ኣሃዝ ዬሮ ሞቲ ተኤት ነመ ወጋ ድግደመ ቱሬ፤ እንስ ዬሩሳሌም ኬሰ ታኤ ወጋ ኩዸ ጀአ ንቡልቼ። እን አከ አባሳ አከ ዳዊት ፉለ ዋቀዮ ዱረት ዋን ቀጄላ ህንሆጄትኔ። 2 እን ከራ ሞቶተ እስራኤል ዱካ ቡኤ በኣልን ዋቄፈቹፍ ጄዼስ ዋቆተ ቶልፈሞ በቅሴ ንቶልቼ። 3 እን ጎቸወን ጅብሲሶ ሰቦተ ዋቀዮ ፉለ እስራኤሎታ ዱራ አርኤ ባሴ ሰና ሆጄቹዻን ሱሉለ ቤን ህኖም ኬሰት እጣነ ንኣርሴ፤ እልማንሳሌ ኣርሳ ጎዼ እብዳን ጉቤ። 4 እንስ እዶወን ሰገዳ ከኔን ጋረንራት፣ ፊጤ ጋረኒረቲፊ ሙከ ለልሳ ሁንደ ጀለት ቀልመ ዽኤሴ፣ እጣነስ ኣርሴ።

5 ከናፉ ዋቀዮ ዋቅንሳ ደበርሴ ሀርከ ሞቲ ሶርያት እሰ ኬኔ። ወር ሶርያስ እሰ ሞአተኒ ነሞተሳ ሄዱስ ቦጅአኒ ደማስቆት ጌሰን።

አቺሞ እን ሀርከ ሞቲ እስራኤልት ደበርፈሜ ንኬነሜ፤ ሞትችስ ሚዻ ጉዳ እሰ እራን ንገኤ። 6 ሰበቢ ሰብን ይሁዳ ዋቀዮ ዋቀ አቦቲሳ ዺሴፍ ጴቃን እልም ሬማልያ ጉያ ቶኮት ሎልቶተ ይሁዳ ኩመ ዽበ ቶኮፊ ድግደመ ንፍጤ። 7 ዝክሪን ሎልቱን ጀባን ጎሰ ኤፍሬም ሱንሞ መአሴያ እልመ ሞትቻ፣ አዝሪቃም አጀጃ መሰራ ሞቱማፊ ኤልቃና እት ኣና ሞትቻ ንአጄሴ። 8 እስራኤሎን ፍሮቱመሳኒራ ኒቶተ፣ እልማኒፊ እንተለን ኩመ ዽበ ለመ ንቦጅአን። አከሱመስ ቦጁ አከ መሌ ባይኤ ፉዸተኒ ሰማርያት ንዴብአን።

9 ገሩ ራጂን ዋቀዮ ከን ኦዴድ ጄዸሙ ቶኮ አች ቱሬ፤ እንስ ዬሮ ሎልቶትን ሰማርያዻ ዴብአንት እሳን ስመቹፍ ንበኤ። እንስ አከነ እሳኒን ጄዼ፤ “ዋቀዮ ዋቅን አቦቲኬሰኒ ዋን ይሁዳት ኣሬፍ ደበርሴ ሀርከኬሰንት እሳን ኬኔ። እስን ገሩ ዼከምሰ ሀመ ሰሚት ኦል ፈጋቱን እሳን ንፍጠን። 10 አመስ ዺሮታፊ ዱበርቶተ ይሁዳፊ ዬሩሳሌም ገርቦተኬሰን ጎቹ ንያደን። እስን መታንኬሰንዩ ፉለ ዋቀዮ ዋቀኬሰኒ ዱረት ጩቡ ህንሆጄትኔሬ? 11 ሜ ነ ዸገኣ! ሰበቢ ዼከምስ ዋቀዮ እስንት ቦበኤፍ ነሞተ ብየኬሰኒ ከኔን ቦጅተኒ ፍደን ሰነ ዴብሳ።”

12 ኤርገሲስ ሀንገፎተ ነሞተ ኤፍሬም ኬሳ ቶኮ ቶኮ ጄቹንስ አዛርያ እልም ዬሆሃናን፣ ቤሬክያን እልም ሜሽሌሞት፣ ዬሂዝቂያ እልም ሸሉሚፊ አማሳይ እልም ሀድላይ ወረ ዱላ ገላ ጅረን ሞርሙዻን 13 አከነ ጄዸን፤ “እስን ቦጅአምቶተ ከኔን አስ ፍዱ ህንቀብደን፤ ዮ ከና አቺ ኑ ፉለ ዋቀዮ ዱረት ጩበሞተ ንታነ። እስን አመሌ ጩቡፊ በሌሳኬኘ እቱመ ደበሉ ፌቱ? የክኬኘ ዱራኑ ባይአቴረ፤ ዼከምስሳ እስራኤልት ቦበኤራቲ።”

14 ከናፉ ሎልቶትን ፉለ ቆንዳልቶታቲፊ ያኢ ጉቱ ዱረት ቦጅአምቶታፊ ቦጁ ገድ ዺሰን። 15 ነሞትን መቃንሳኒ ኤረሜስ ሎልቶተ ሀርከ ቦጅአምቶተ ንፉዸን፤ ዋን ቦጅአሜራስ ወረ ቁላ ጅረን ሁንደት ወያ ንኡፍሰን። እሳንስ ኡፈታፊ ኮጴ፣ ዋን ኛተሙፊ ዋን ዹገሙሌ ንኬነኒፍ፤ ድበተስ እሳን ድበን። ወረ ደዸበን ሁንደሞ ሀሬረ ቴስሰኒ ብየ ፍሮንሳኒ ጅረን መጋላ ሜጢ ሰነት ገረ ዬርኮት እሳን ዴብሰኒ ኦፊሞ ሰማርያት ንደቸአን።

16 ዬሮ ሰነት ኣሃዝ ሞትች ገርጋራ አርገቹፍ ገረ ሞቲ አሶርት ነመ ኤርገቴ። 17 ኤዶሞን አመስ ዹፈኒ ይሁዳት በላ ቡሰኒ ቦጅአምቶተ ፉዸተኒ ዴመኒ ቱረኒቲ፤ 18 ፍልስጤሞትንሞ መጋላወን ጋረን ጀላፊ ከኔን ገመ ክበ ይሁዳት አርገመን ዌረረኒ ቤት ሼሜሽ፣ አያሎን፣ ጌዴሮት፣ ሶኮ፣ ቲምናህ፣ ግምዞፊ ገንዶተ ናኖ እሳንት አርገመን ቀበተኒ ኬሰ ንቁበተን። 19 ሰበቢ ኣሃዝ ሞትች እስራኤል ሰበ ይሁዳ ጩቡፍ ከካሴ ኦፊሞ ዋቀዮፍ አመነሙ ድዴፍ ዋቀዮ ይሁዳ ንሰልጵሴ። 20 ቲግላት-ጵልኔሴር ሞትች አሶር ገረሳ ዹፌ ቱሬ፤ ተኡስ እን ቆደ እሰ ገርጋሩ ረክነ እሰት ፍዴ። 21 ኣሃዝ መነ ቁልቁሉማ ዋቀዮ ኬሳ፣ መሰራ ሞቲፊ መነ እልማን ሞቲቲ ዋን ቶኮ ቶኮ ፉዼ ሞቲ አሶሪፍ ኬና ጎዼ ንዽኤሴ፤ ተኡስ ኩንስ እሰ ህንገርጋሬ።

22 ኣሃዝ ሞትች ዬሮ ረክነሳ ኬሰሌ እቱመ ጫልችሴ ዋቀዮፍ አመነሙ ንድዴ። 23 እንስ ዋቆተ ደማስቆ ከኔን እሰ ሞአተኒፍ ኣርሳ ንዽኤሴ፤ “ዋቆትን ሞቶተ ሶርያ ሰበቢ እሳን ገርጋረኒፍ አከ እሳን አነሌ ገርጋረኒፍ አን ኣርሳ ነንዽኤሳፍ” ጄዼ ያዴ ቱሬቲ። እሳን ገሩ ኩፋቲሳፊ ኩፋቲ እስራኤል ሁንዳ ንፍደን።

24 ኣሃዝ ምኦተ መነ ቁልቁሉማ ዋቃ ወልት ቀቤ ፉዸቴ ዴሜ። በልበለወን መነ ቁልቁሉማ ዋቀዮስ ጩፌ ጎሌ ዳንዲወን ዬሩሳሌም ሁንደረት እዶወን ኣርሳ ንዻቤ። 25 መጋላ ይሁዳ ሁንደ ኬሰትስ ዋቆተ ብራፍ እጣነ ኣርሱፍ እዶወን ሰገዳ ከኔን ጋረንራ እጃሬ ዋቀዮ ዋቀ አቦቲሳ ዼከምሳፍ ንከካሴ።

26 ወንቶትን በረ ሞቱማሳ ኬሰ ጀልቀባ ሀመ ዹማት ሆጄተመን ከኔን ብራፊ አክ እን እት ጅራቴ ሁንድ ክታበ ሞቶተ ይሁዳፊ እስራኤል ኬሰት በሬፈመኒሩ። 27 ኣሃዝስ አቦቲሳ ወጅን ቦቆቴ መጋላ ዬሩሳሌም ኬሰት ንአዋለሜ፤ ገሩ እዶ አዋለ ሞቶተ እስራኤል ኬሰ ህንካአምኔ። እልምሳ ህስቅያስ እዶሳ ቡኤ ሞቲ ተኤ።