1 ጋፍ ቶኮ ጴጥሮሲፊ ዮሀንስ ዬሮ ከዸትናት ጄቹንስ ዋሬ ቦዴ ሰኣቲ ሰገልት መነ ቁልቁሉማት ኦል በኣ ቱረን። 2 ነሞትንስ አከ እን ወረ መነ ቁልቁሉማ ሴነን ዋ ከዸቱፍ ጄዸኒ ነምቸ ዸሎቱመሳቲ ጀልቀቤ ናፈ ቱሬ ቶኮ ጉዩመ ጉያን ባተኒ ገረ ከረ መነ ቁልቁሉማ ከን “ሚዸጋ” ጄዸሙት ጌሱ ቱረን። 3 እንስ ኡቱ ጴጥሮሲፊ ዮሀንስ መነ ቁልቁሉማ ሴነኑ አርጌ ሆሪ እሳን ከዸቴ። 4 ጴጥሮስስ ዮሀንስ ወጅን ነምቸ ሁበቴ እላሌ፣ “ሜ ኑ እላል” ጄዼን። 5 ነምችስ ዋ እሳንራ አርገቹ አብደቴ ሁበቴ እሳን እላሌ።

6 ጴጥሮስስ፣ “አን ሜቲ ዮካን ወርቄ ህንቀቡ፤ አን ገሩ ዋን ቀቡ ሲፍን ኬነ። መቃ ዬሱስ ክርስቶስ እሰ ናዝሬቲን ኦል ከኢ ዴም!” ጄዼ። 7 ጴጥሮስስ ሀርከሳ ምርጋ ቀቤ ኦል እሰ ካሴ፤ ዬሩመ ሰነ ሚላፊ ጉሉቢንሳ ንጀባቴ። 8 እንስ ኡታሌ ከኤ ሚላን ዴሙ ጀልቀቤ፤ ዴማ፣ ኡታላ፣ ዋቀስ ገለቴፈቻ እሳን ወጅን መነ ቁልቁሉማ ሴኔ። 9 ነሞትን ሁንድኑ ዮሙ ዴሙሳቲፊ ዋቀ ገለቴፈቹሳ አርገንት፣ 10 አከ እን ነምቸ ከረ መነ ቁልቁሉማ ከን፣ “ሚዸጋ” ጄዸሙ ሰነ ብረ ታኤ ከዸቻ ቱሬ ሰነ ተኤ ሁበተን፤ እሳንስ ዋን እሳፍ ተኤ ሰናፍ አከ መሌ ራጄፈተን፤ ንድንቅፈተንስ።

11 ነሞትን ሁንድኑ ዬሮ ነምች ፈዬ ሱን ጴጥሮሲፊ ዮሀንስ ብራ ዴብኡ ድዴት ድንቅሲፈተኒ ኡቱ እሳን እዶ ገርዳፎ ሶሎሞን ጄዸሙ ኬሰ ጅረኑ ፊጋ እሳንት ዹፈን። 12 ጴጥሮስስ ዮሙ ዋን ከነ አርጌት አከነ እሳኒን ጄዼ፤ “ያ ነሞተ እስራኤል ወን ኩን ማሊፍ እስን ድንቀ? አከ ዋን ኑ ሁምነ ዮካን ቁልቁሉማ መታኬኛቲን አከ ነምች ኩን ዴሙ ጎኔት ማሊፍ እጀ ኑት በባፍቱ? 13 ዋቅን አቦቲኬኛ፣ ዋቅን አብረሃም፣ ዋቅን ይስሃቂፊ ዋቅን ያቆብ ተጃጅላሳ ዬሱስን ከበጄረ። እስን ገሩ አከ እን አጄፈሙፍ ደበርስተኒ እሰ ኬንተን፤ ጲላጦስ ገድ እሰ ዺሱ ሙርቴሱዩ እስን ፉሉመ ጲላጦስ ዱረት እሰ ሃልተን። 14 እስንስ እሰ ቁልቁሉፊ ቀጄላ ሰነ ገንተኒ አከ ነምች ነመ አጄሴ ሱን ገድ እስኒ ዺፈሙ ከዸተን። 15 እስን ቡርቃ ጅሬኛ አጄፍተን፤ ዋቅን ገሩ ወረ ዱአን ኬሳ እሰ ካሴ፤ ኑስ ዹገ ባቶተ ዋን ከናት። 16 ነምች እስን አርግተኒፊ እሰ ቤክተን ኩን መቃ ዬሱስት አመኑዻን ጀባቴ። መቃ ዬሱሲፊ አመንቲ ከራሳቲን ዹፉቱ አኩመ እስን ሁንድ አርግተን ከነ ነምቸ ከናፍ ፈያ ጉቱ ኬኔ።

17 “አመስ ያ ኦቦሎተ፣ አከ እስንስ ኡቱ ህንቤክን አኩመ ቡልችቶትንኬሰን ጎቻ ቱረን ሰነ ጎተን አን ነንቤከ። 18 ዋቅን ገሩ ዋን አከ ክርስቶሰ ዽጰቹፍ ጅሩ ዱራን ዱርሴ ከራ ራጆተ ሁንዳቲን ዱበቴ ሰነ አከናን ራወቴ። 19 ከናፍ አከ ጩቡንኬሰን ሀቀሙፊ አከ በር ሃሮማ ጎፍታ ብራ ዹፉፍ ቀልቢ ጅጂረዻ ገረ ዋቃት ዴብኣ፤ 20 ኩንስ አከ እን ክርስቶስ እስኒፍ ፍለተሜ ሰነ ጄቹንስ ዬሱስን ኤርጉፍ። 21 እንስ ሀመ ዬሮን ዋቅን እት ዋን ሁንደ እዶት ዴብሱ ሱን ገኡት ሰሚረ ቱሩ ቀበ፤ ዋን ከነስ ዋቅን በረ ዼራዻን ዱረ ከራ ራጆተሳ ቁልቁሎታቲን ዱበቴ ቱሬ። 22 ሙሴን አከነ ጄዼራቲ፤ ‘ዋቅንኬሰን ጎፍታን ሰቡመኬሰን ኬሳ ራጂ አከኮቲ ቶኮ እስኒ ካሰ፤ እስንስ ዋን እን እስንት ህሙ ሁንደ ዸገኣ። 23 ነምን ራጂ ሰነ ህንዸጌኜ ከምዩ ሰበሳ ኬሳ ባፈሜ ንበሌፈመ።’*ኬዴ 18፥15፣18፣19

24 “ሳሙኤልራ ጀልቀቤ ራጆትን እሰ ዱባን ዹፈኒ ዋ ዱበተን ሁንድ ዱራን ዱርሰኒ ዋኤ ዬሮ ሰና ለብሰኒሩ። 25 እስንሞ እልማን ራጆታቲፊ እልማን ከኩ ዋቅን አቦቲኬሰን ወጅን ሴኔ ሰናት። እንስ አብረሃሚን፣ ‘ሰብን ለፈራ ሁንድ ከራ ሰኚኬቲቲን ንኤብፈመ’†ኡመ 22፥18፤ 26፥4 ጄዼ። 26 ዋቅን ዬሮ እልመሳ ዱኣ ካሴት፣ ቶኮ ቶኮኬሰን ሀምነራ እስን ዴብሱዻን እስን ኤብሱፍ ጄዼ ጀልቀበት ገረኬሰንት እሰ ኤርጌ።”