1 ያ እስራኤል ዸገእ። አት ሰቦተ ስ ጫላ ጉርጉዳፊ ሁምነ ቀቤዪ፣ መጋላወን ደላ ሰሚ ገኡን መርፈመን ቀበን አቺ ባፍቴ ዻሉፍ ዮርዳኖስ ጬኡፍ ጅርተ። 2 ነሞትን ሱን እልማን አናቅ ወረ ጀጀቦፊ ዼዼሮዸ! አትስ ዋኤሳኒ ንቤክተ፤ አከ፣ “ኤኙቱ አናቆተ ዱረ ዻበቹ ደንደአ?” ጄዸሙሌ ዸጌሴርተ። 3 ተኡስ ከን አኩመ እብደ ዋ ጉቤ ፍጡ ስ ዱረ ጬኡ ዋቀዮ ዋቀኬ ተኡሳ ሀርአ ቤክ። እን እሳን በሌሰ፤ ፉለኬ ዱረትስ ገድ እሳን ዴብሰ። አትስ አኩመ ዋቀዮ ስ አብደቺሴ ሰነት አሪቴ እሳን ባፍተ፤ ደፍቴስ እሳን ፍጠ።

4 ኤርገ ዋቀዮ ዋቅንኬ ፉለኬ ዱራ አርኤ እሳን ባሴ ቦዴ አት ገራኬት፣ “ዋቀዮ ሰበቢ ቀጄሉማኮቲፍ አከ አን ብየ ከነ ዻሉ አስ ነ ፍዴ” ህንጄዽን። ዋቀዮ ሰበቢ ሀምነሳኒቲፍ ሰቦተ ከኔን ፉለኬ ዱራ አርኤ ባሰ። 5 አት ብየሳኒት ገልቴ ከን ዻልቱ ቀጄሉማኬቲን ዮካን ጋሩማ ገራኬቲቲን ኡቱ ህንተእን ዋቀዮ ከኩ አቦቲኬ አብረሃሚፍ፣ ይስሃቂፊ ያቆቢፍ ገሌ ሰነ ጉቱዻፍ ጄዼ ዋቀዮ ዋቅንኬ ሰቦተ ከኔን ሰበቢ ሀምነሳኒቲፍ ፉለኬ ዱራ አርኤ ባሰ። 6 ኤጋ ዋቀዮ ዋቅንኬ ከን ብየ ጋሪ ከነ አከ ዻልቱፍ ሲፍ ኬኑ ሰበቢ ቀጄሉማኬቲቲፍ አከ ህንተእን ሁበዹ፤ አት ሰበ መተ ጀቤሳቲ።

7 አት አከምት አከ ገሞጂ ኬሰት ዋቀዮ ዋቀኬ ዼከምሳፍ ከካፍቴ ያደዹ፤ ህንደገትንስ። አት ጋፈ ብየ ግብጢ ባቴ ጀልቀብዴ ሀመ አስ ጌሱት ዋቀዮት ፍንጭላ ቱርቴ። 8 እስን ኮሬብትዩ ዋቀዮን ዼከምሳፍ ከካስናን ዋቀዮ እስን በርበዴሱፍ እስንት ኣሬ። 9 አን ዬሮ ገበቴወን ዸጋ ጄቹንስ ገበቴወን ከኩ ዋቀዮ እስን ወጅን ገሌ ሰና ፉዹፍ ቱሉት ኦል በኤት ጉያ አፉርተማፊ ሀልከን አፉርተመ ቱሉ ሰነ እረን ቱሬ፤ አን ቡዴነ ቶኮሌ ህንኛትኔ፤ ብሻንሌ ህንዹግኔ። 10 ዋቀዮስ ገበቴወን ዸጋ ለመ ከኔን ቁበ ዋቀዮቲን እረት በሬፈሜ ነት ኬኔ። አጀጀወን ዋቀዮ ዬሮ እስን ወልት ቀበምተንት ቱሉረት እብደ ኬሳ እስንት ለብሴ ሁንድ ገበቴወን ሰነረ ቱረን።

11 ዹመ ጉያ አፉርተማቲፊ ሀልከን አፉርተማት ዋቀዮ ገበቴወን ዸጋ ለመ ጄቹንስ ገበቴወን ከኩ ነት ኬኔ። 12 ጋፈስ ዋቀዮ አከነ ናን ጄዼ፤ “ከኢ ደፊ ገድ ቡእ፤ ሰብንኬ ከን አት ብየ ግብጢቲ ባፍቴ ፍዴ ሱን ጡራኤራቲ። እሳን ዋን አን እሳን አጀጄራ ደፈኒ ገረ ገለኒ ኦፊሳኒቲፍ ዋቀ በቅፈሜ ሆጄተሜ ቶልፈተኒሩቲ።”

13 ዋቀዮ አመስ አከነ ናን ጄዼ፤ “አን ሰበ ከነ አርጌረ፤ ኩኖ እን ሰበ መተ ጀቤሰ! 14 አከ አን እሳን በሌሴ መቃሳኒሌ ሰሚ ገዲ ሀቁፍ ነ ዺስ፤ ስእሞ እሳን ጫላ ሰበ ጉዳፊ ጀባ ነንጎዸ።”

15 አንስ ኦፍረ ገረገሌ ኡቱመ ቱሉን ሱን ቦበኣ ጅሩ ቱሉራ ገድ ነንቡኤ። ገበቴወን ከኩ ለማን ሱንስ ነ ሀርከ ቱረን። 16 አንስ ነንአርጌ፤ ኩኖ እስን ዋቀዮ ዋቀኬሰንት ጩቡ ሆጄተኒ ቱርተን፤ እስን ብፈ ጀቢቲን ዋቀ በቅፈሜ ሆጄተሜ ኦፊኬሰኒፍ ቶልፈተኒ ቱርተን። እስን ደፍተኒ ከራ ዋቀዮ እስን አጀጄራ ጀልአተን። 17 ከናፉ አን ገበቴወን ለማን ሰነ ሀርከኮራ ደርበዼ እጁመኬሰን ዱረት ነንጨጨብሴ።

18 ሰበቢ ጩቡ እስን ሆጄተን ሁንዳ ከን እስን ፉለ ዋቀዮ ዱረት ዋን ሀማ ሆጄቹዻን ዼከምሳፍ እሰ ከካፍተን ሰናቲፍ አን አመስ ፉለ ዋቀዮ ዱረት ጎምብፈሜ ኡቱን ቡዴነ ህንኛትኒፊ ብሻን ህንዹግን ጉያ አፉርተማፊ ሀልከን አፉርተመን ቱሬ። 19 ሰበቢ እን እስን በሌሱፍ ኣሬ ቱሬፍ፣ አን ኣሪፊ ዼከምሰ ዋቀዮ ነንሶዳዼ። ዋቀዮ ገሩ አመሌ ነ ዸገኤ። 20 ዋቀዮ አሮንን በሌሱፍ አከ መሌ እት ኣሬ ቱሬ፤ አን ገሩ ዬሮ ሰነ አሮኒፍስ ነንከዸዼ። 21 አከሱመስ አን ጩቡኬሰን ብፈ ጀቢ እስን ቶልፈተን ሰና ፉዼ እብዳን ነንጉቤ። ጨጨብሴስ ሀመ እን ቡላኣ አከ አዋራ ተኡት ቡሌሴ ቡርቃ ቱሉራ ገድ ያኡተን ፍርፍርሴ።

22 እስንስ ተቤራት፣ ማሳሂፊ ቂብሮት ሀታዋት ዋቀዮ ዼከምሲፍተን።

23 ዋቀዮ ዮሙ ቃዴሽ በርኔቲ እስን ባሴት፣ “ኦል በኣቲ ብየ አን እስኒፍ ኬኔ ሰነ ዻላ” እስኒን ጄዼ። እስን ገሩ አጀጀ ዋቀዮ ዋቀኬሰኒት ፍንጭልተን። እሰስ ህንአመኔ፤ ህንአጀጀምኔፍስ። 24 እስን ኤርገ አን እስን ቤኬ ጀልቀብደኒ ዋቀዮት ፍንጭልተኒርቱ።

25 ሰበቢ ዋቀዮ አከ እስን በሌሱ ዱበቴ ቱሬፍ አን ጉያ አፉርተማፊ ሀልከን አፉርተመን ሰነ ፉለ ዋቀዮ ዱረት ለፈት ነንጎምብፈሜ። 26 አንስ አከነ ጄዼን ዋቀዮን ከዸዼ፤ “ያ ዋቀዮ ጎፍታ፣ አት ሰበኬ፣ ዻለኬ ከን ሁምነኬ ጉድቻፊ ሀርከኬ ጀባዻን ፉርቴ ብየ ግብጢ ባፍቴ ከነ ህንበሌስን። 27 ገርቦተኬ አብረሃም፣ ይስሃቂፊ ያቆብን ያደዹ። መተ ጀብነ ሰበ ከና፣ ሀምነሳቲፊ ጩቡሳ ህንእላልን። 28 ዮ ከና አቺ ብይ አት ኬሳ ኑ ባፍቴ ሱን፣ ‘ዋቀዮ ዋን ብየ ዋዳ እሳኒፍ ገሌ ሰነት እሳን ገልቹ ህንደንዴኜፊ ዋን እሳን ጅቤፍ ገሞጂ ኬሰት እሳን ፍጡፍ እሳን ባሴ’ ጄዸ። 29 እሳን ገሩ ሰበኬቲፊ ዻለኬ ከን አት ሁምነ ጀባፊ እሬ ድሪርፈሜን ባፍቴ ፍዴዸ።”