1 ሙሴፊ ማንጉዶትን እስራኤል አከነ ጄዸኒ ሰበ አጀጀን፤ “አጀጀወን አን ሀርአ እስኒፍ ኬኑ ከኔን ሁንደ ኤጋ። 2 ኤርገ ብየ ዋቀዮ ዋቅንኬ ሲፍ ኬኑት ገሉፍ ዮርዳኖስ ጬተኒ ቦዴ ዸጎተ ጉርጉዳ ዻቢቲ ኖራ ድብ። 3 ዮሙ አኩመ ዋቀዮ ዋቅን አቦቲኬቲ ስ አብደቺሴት ብየ ኣነኒፊ ደም ኬሳ ቡርቁ ከን ዋቀዮ ዋቅንኬ ሲፍ ኬኑት ገሉፍ ጬቱት ዱቢወን ሴረ ከና ሁንደ ዸጎተረት በሬስ። 4 አት ኤርገ ዮርዳኖስ ጬቴ ቦዴ አኩመ አን ሀርአ ስ አጀጁት ዸጎተ ከኔን ቱሉ ኤባልራ ዻቢ ኖራ ድብ። 5 አችትስ ዋቀዮ ዋቀኬቲፍ እዶ ኣርሳ ከን ዸጋራ ሆጄተሜ ዻብ፤ ምአ ስቢላ ቶኮዩ ህንፈየደምን። 6 እዶ ኣርሳ ዋቀዮ ዋቀኬቲ ዸጋ ህንሶፈምኒን ሆጄዹ፤ አችረትስ ዋቀዮ ዋቀኬቲፍ ኣርሳ ጉበሙ ዽኤስ። 7 አችትስ ኣርሳ ነጋ ቀሊ ኛዹቲ ፉለ ዋቀዮ ዋቀኬቲ ዱረት ገመድ። 8 ዸጎተረት ዱቢወን ሴረ ከና ሁንደ እብሲ በሬስ።”

9 ሙሴፊ ሌዎትን ሉቦተ ተአን እስራኤሎተ ሁንዳን አከነ ጄዸን፤ “ያ እስራኤል፣ ጨልእሲ ዸገእ! አት ሀርአ ሰበ ዋቀዮ ዋቀኬቲ ታቴርተ። 10 ዋቀዮ ዋቀኬቲፍ አጀጀሚቲ አጀጀወንሳቲፊ ቀጄልቸወን አን ሀርአ ሲፍ ኬኑ ዸገእ።”

11 ሙሴንስ ጋፈሱመ አከነ ጄዼ ሰበ አጀጄ፦

12 ዮሙ እስን ዮርዳኖስን ጬተንት ጎሶትን ስምኦን፣ ሌዊ፣ ይሁዳ፣ ይሳኮር፣ ዮሴፊፊ ከን ቤንያም ሰበ ኤብሱፍ ጋረ ጌርዚምራ ሃዻበተን። 13 ጎሶትን ሩቤን፣ ጋድ፣ ኣሼር፣ ዜቡሎን፣ ዳኒፊ ንፍታሌምሞ አባሩፍ ቱሉ ኤባልራ ሃዻበተን።

14 ሌዎትን ሰገሌሳኒ ኦል ፉዸተኒ አከነ ጄዸኒ ሰበ እስራኤል ሁንደት ሃለብሰን፦

15 “ነምን ፈኪ ሶፉ ዮካን በቅሴ ዋቀ ቶልፈማ ጄቹንስ ዋን ፉለ ዋቀዮ ዱረት በልፈማ ተኤ ሆጄቱ ከን ዋን ኦጉማ ሀርካቲን ሆጄተሜ ዾክሴ ኦል ዻቡ ሃአባረሙ።”

16 “ነምን አባሳ ዮካን ሃዸሳ ቃኔሱ ሃአባረሙ።”

17 “ነምን ዸጋ ዳሪ ኦላሳ ዺቡ ሃአባረሙ።”

18 “ነምን ነመ ጃማ ከራራ ጀልእሱ ሃአባረሙ።”

19 “ነምን ሙርቲ አለጋ፣ እጆሌ አባ ህንቀብኔቲፊ ኒቶተ ዽርሶትንሳኒራ ዱአኒ ጀልእሱ ሃአባረሙ።”

20 “ነምን ኒቲ አባሳ ወጅን ጪሱ ሃአባረሙ፤ እን ስሬ አባሳ ጡሬሴራቲ።”

21 “ነምን ሆሪ ከምዩ ወጅን ወል ብረ ገኡ ሃአባረሙ።”

22 “ነምን ኦቦሌቲሳ እንተለ አባሳ ዮካን እንተለ ሃዸሳ ወጅን ጪሱ ሃአባረሙ።”

23 “ነምን ሃዸ ኒቲሳ ወጅን ጪሱ ሃአባረሙ።”

24 “ነምን ዾክሳዻን ኦላሳ አጄሱ ሃአባረሙ።”

25 “ነምን ነመ ቁልቁሉ አጄሱፍ ጄዼ መተኣ ፉዸቱ ሃአባረሙ።”

26 “ነምን ዱቢወን ሴረ ከና ኤጉዻን ጀባቴ ህንዻበትኔ ሃአባረሙ።”