33
ሙሴን ጎሶተ እስራኤል ኤብሱሳ
33፥1‑29 ኩወእ – ኡመ 49፥1‑28
1 ኤብ ሙሴን ነምን ዋቃ ሱን ኡቱ ህንዱእን ዱረ እቲን እስራኤሎተ ኤብሴ ከነ፤ 2 እንስ አከነ ጄዼ፦
“ዋቀዮ ቱሉ ሲናራ ዹፌ፤
እሳንረትስ ሴኢርራ አከ አዱ ገነማት በኤ፤
ቱሉ ጳራንራ እሳን ኤብሴ።
እን ቁልቁሎተሳ ኩማተመ ወጅን ዹፌ፤
ከራ ሀርከሳ ምርጋቲን እብደ ቦበኡቱ በኤ።
3 ዹጉማን ስቱ ሰበ ጃለተ፤
ቁልቁሎትን ሁንድኑ ሀርከኬ ኬሰ ጅሩ።
ሁንድሳኒ ሚለኬ ጀለት ኩፉ፤
ቀጄልፈመስ ስራ አርገቱ፤
4 ሙሴን ሴረ ኑ ኬኔረ፤
ኩንስ ዻለ ወልዳ ያቆብ።
5 ዬሮ ሆገንቶትን ሰባ
ጎሶተ እስራኤል ወጅን ወልት ቀበመንት
እን ይሹሩንረት ሞቲ ቱሬ።
6 “ሩቤን ሃጅራቱ መሌ ህንዱእን፤
ዮካን ባይእን ነሞተሳ ህንጥናትን።”
7 ዋኤ ይሁዳስ አከነ ጄዼ፦
“ያ ዋቀዮ፣ እየ ይሁዳ ዸገእ፤
ገረ ሰበ እሳትስ እሰ ፍድ።
እን ሀርከ ኦፊሳቲን ኦፍ ሃኤጉ።
ዮሙ እን ዲኖተሳቲን ወል ሎሉት ገርጋራሳ ተእ!”
8 እን ዋኤ ሌዊስ አከነ ጄዼ፦
“ቱሚሚፊ ኡሪሚንኬ
ተጃጅላኬ አመነማዻፍ ሃተኡ።
አት ለፈ ማሳህ ጄዸሙት እሰ ቆርቴ፤
ብሻን መሪባረት እሰ ሎልቴ።
9 ዋኤ አባፊ ሃዸሳስ፣
‘አን እሰ ህንአርግኔ’ ጄዼ።
እን ኦቦሎተሳ አዳን ህንባፈትኔ፤
እጆሌሳስ ህንቤክኔ፤
እሳን ዱቢኬቲፍ አጀጀመኒ
ከኩኬ ኤገኒሩቲ።
10 እን አጀጀኬ ያቆብን፣
ሴረ ኬሞ እስራኤልን ንበርሲሰ።
ፉለኬ ዱረት እጣነ፣
እዶ ኣርሳኬቲረትሌ ኣርሳ ጉበሙ ጉቱ ንዽኤሰ።
11 ያ ዋቀዮ፣ ኦጉማሳ ሁንደ ኤብሲፍ፤
ዋን ሀርክሳ ሆጄቱትስ ገመድ።
ሞኦ ወረ እሰት ከአኒ ጨብስ፤
አከ እሳን ለመተ ህንካኔ ጎዺቲ ዲኖተሳ ዸእ።”
12 ዋኤ ቤንያም አከነ ጄዼ፦
“ነምን ዋቀዮ እሰ ጃለቱ ኤጉምሰሳቲን ነጋን ሃጅራቱ፤
እን ጉያ ጉቱ እሰ ኤጋቲ፤
ነምን ዋቀዮ እሰ ጃለቱ ገቲቲሳ ግዱ ቦቆተ።”
13 ዋኤ ዮሴፍ አከነ ጄዼ፦
“ዋቀዮ ብየሳ ሃኤብሱ፤
ፍጤንሰ ፍለተማ ሰሚዻ ቡሱዻን
ብሻን ቦለ ገድ ፈጎ ኬሳቲን፣
14 ምዻን ፍለተማ አዱን ብቅልችቱን፣
ዋን አከ መሌ ጋሪ ከን ጅእ ኬኑን፣
15 ኬናወን ፍለተሞ ቱሉወን ዱሪቲን፣
በዻዹማ ጋረን በረ በራቲን፣
16 ኬና ፍለተማ ለፋቲፊ ጉቱማሳቲን፣
ሱራ እሰ ደገለ ቦበኡ ኬሰ ቱሬ ሰናቲን ሃኤብሱ።
እሳን ኩኔን ሁንድ መታ ዮሴፍ
ከን ኦቦሎተሳ ግዱት ቡልቻ ተኤ ሰናረ ሃቡአን።
17 እን ኡልፍናን ኮርመ ሀንገፈ ፈካተ፤
ጋንፈወንሳ አከ ጋንፈወን ገፈርሳት።
እሳኒንስ ሀመ ዳሪ ለፋት
ሰቦተ ንወራነ።
እሳንስ ኩመ ኩርነን ኤፍሬም፣
አከሱመስ ኩማተመ ምናሴት።”
18 ዋኤ ዜቡሎንስ አከነ ጄዼ፦
“ዜቡሎን አት ገድ በኡኬቲን፣
ይሳኮር አትስ ዱንካኖተኬ ኬሰት ገመድ።
19 እሳን ሰቦተ ገረ ቱሉት ንዋሙ፤
አችትስ ኣርሳ ቀጄሉማ ንዽኤሱ፤
እሳን ሶሩመ እረ ዸንገለኣ ገላነ ኬሳቲን፣
ቀቤኘ ጭረቸ ኬሰ ዾክፈሜንስ ንገመዱ።”
20 ዋኤ ጋድሞ አከነ ጄዼ፦
“ነምን ቡልቺንሰ ጋድ በልእሱ ኤብፈማዸ!
ጋድ እሬፊ መታ ጨጨብሳ
አከ ሌንጫት አች ጅራተ።
21 እን ኦፊሳቲፍ ለፈ ገበታ ፍለቴ፤
ቆድን ሆገንቶታ እሳፍ ቱርፈሜ።
ዮሙ ሆገንቶትን ሰባ ወልት ቀበመንት፣
እን ፌዺ ቀጄሉመ ዋቀዮቲፊ
ሙርቲ እስራኤልት ሙሬ ሰነ ፊጣን ባሴ።”
22 ዋኤ ዳንስ እን አከነ ጄዼ፦
“ዳን አከ እልሞሌ ሌንጫ
ከን ባሻን ኬሳ ኡታሌ በኡት።”
23 ዋኤ ንፍታሌምስ አከነ ጄዼ፦
“ንፍታሌም ሱራ ጎንፈቴረ፤
ኤበ ዋቀዮቲንስ ጉተሜረ፤
እን ብየ ከራ ልጣቲፊ ክባቲን ጅሩ ንዻለ።”
24 ዋኤ ኣሼርሞ አከነ ጄዼ፦
“ኣሼር እልማን ሁንደ ጫላ ኤብፈማዸ፤
እን ኦቦሎተሳ ዱረት ፉዸተመ ሃአርገቱ፤
ሚለሳስ ዘይቲ ኬሰ ሃጩጰቱ።
25 ደንቀራን በልበለኬቲ ስቢላፊ ናሲ ተአ፤
ጀብንኬስ አኩመ በሮተ ጅሬኘኬቲ ንተአ።
26 “ዋቅን አከ ዋቀ ይሹሩን፣
ከን ስ ገርጋሩፍ ጄዼ ሰሚወንረ፣
ሱራሳቲንስ ዱሜሶተረ ጉሉፉ ቶኮሌ ህንጅሩ።
27 ዋቅን በረ በራ እዶ ጅሬኛኬቲት፤
እሬን በረ በራስ ስ ጀላን ጅረ።
እን፣ ‘እሳን በሌስ!’ ጄዼ
ዲኖተኬ ፉለኬ ዱራ ንአርአ።
28 ከናፉ እስራኤል ኮጳሳ ነጋዻን ጅራተ፤
ለፈ ፍጤንስ ሰሚ እት ጮጮጱት፣
ብየ ምዻኒፊ ወይኒ ሃራት
ነምን ቡርቃ ያቆብ ቱቁ ህንጅሩ።
29 ያ እስራኤል፣ አት ኤብፈማዸ!
ሰብን ዋቀዮ እሰ ፈይሴ፣
ከን አከኬቲ ኤኙ?
እን ጋቸነኬቲፊ ገርጋራኬት፤
ጎራዴ ኡልፍነኬቲትስ።
ዲኖትንኬ ሶዳዻን ፉለኬ ዱራ ዱበት ዴብኡ፤
አትሞ እዶወን ዋቄፈትናሳኒረ ኤጄተ።”