1 ዋቀዮስ ብየ ግብጥ ኬሰት ሙሴፊ አሮኒን አከነ ጄዼ፤ 2 “ጅእ ኩን ጅአ ጀልቀባ እስኒ ሃተኡ፤ እንስ ወጋ ኬሳ ጅአ ጀልቀባ እስኒ ሃተኡ። 3 ጅአ ከነ ኬሰ ቡልቲ ኩርነፋት ቶኮን ቶኮን ነማ ጦባላ ሆላ ቶኮ አኩመ መኔን አቦቲሳኒት ቶኮ ቶኮ መናቲፊ ጦባላ ሆላ ቶኮ አከ ፉዸቱ ጉቱማ ሀዋሰ እስራኤልት ህማ። 4 ዮ ወር መነ ቶኮ ጅራተን ሙራሰ ተአኒ ሆላ ቶኮ ጉቱማት ፍጡ ባተን፣ እሳን አኩመ ባይእነ ነሞተ አች ጅራተኒት ኦላ እሳንት ኣኑ ወጅን ሃቆደተን። እስንስ አኩመ ዋን ቶኮን ቶኮን ነማ ኛቹ ደንደኡት ጦባላ ሆላ ሀመም አከ በርባችሱ ሙርቴሱ ቀብዱ። 5 ጦባላንኬሰን እልሞ ሆላ ወጋ ቶኮ ከን ሙዳ ህንቀብኔ ተኡ ቀበ፤ ጦባላ ሰነስ ሆሎተ ኬሳ ዮካን ሬኦተ ኬሳ ፉዸቹ ደንዴሱ። 6 ጦባላ ሰነስ ሀመ ቡልቲ ኩዸ አፉረፋ ጅአ ከናት ኤጋ፤ ያኢን ወልዳ እስራኤል ጉቱንስ ገልገለ ሰነ ጦባላ ሰነ ሃቀለቱ። 7 ኤርገሲሞ ዺገ ሰነራ ጥኖ ፉዸኒ ምችችለ በልበላ ለማኒፊ ቡሳ በልበላ እሰ ኦል ኣኑ ከን መነ እት ጦባላ ሰነ ኛተኒ ሃድበን። 8 እሳንስ ሀልከኑመ ሰነ ፎን ሰነ እብዳን ዋደተኒ ብቅልቱ ሀዾፍቱፊ መጥኖን ሃኛተን። 9 እብዳን ዋደዻቲ ኛዻ መሌ ፎን ዼዺ ዮካን ከን ብሻኒን አፌለሜ ህንኛትና፤ መታሳ፣ ሉካፊ ምአ ገራ ወጅን ዋደዻቲ ኛዻ። 10 ሀመ ለፍት በሪቱት ሆማ ህንሀምብስና፤ ዋን ሀመ ገነማት እራ ሀፉ ገሩ ጉባ። 11 ሃል እስን እት ኛተንስ ኩኖት፤ ሙዺኬሰን ህዸዻ፤ ኮጴኬሰን ሚለት ካአዻ፤ ኡሌኬሰንሌ ሀርከት ቀበዻቲ ጀርጀርሱን ኛዻ፤ እን ፋሲካ ዋቀዮት።

12 “አንስ ሀልከኑመ ሰነ ግብጥ ኬሰ ነንደርበ፤ ሀንገፈ ግብጥስ ነማፊ ሆሪ ነንዸአ፤ ዋቆተ ግብጥ ሁንደትስ ነንሙረ፤ አን ዋቀዮ። 13 ዺግን ሱንስ መኔን እስን ኬሰ ጅራተንረት መለቶ እስኒ ተአ፤ አን ዮሙን ዺገ ሰነ አርጉት እስንረ ነንደርበ። ዬሮ አን ብየ ግብጥ ዸኡትስ ዸእች በዲሳ ቶኮዩ እስን ህንቱቁ።

14 “ጉያን ኩን ጉያ ያደኖ እስኒፍ ሃተኡ፤ አከ አያናት ዋቀዮፍ ንአያኔፈቱ፤ ዸሎተኬሰን ሁንደ ኬሰትስ ስርነ በረ በራ ጎዸተኒ ንኤግዱ። 15 እስን ቡልቲ ቶርበ መጥኖ ኛቹ ቀብዱ፤ ጉያ ጀልቀባት መነኬሰኒ ራጭቲ ባሳ ገታ፤ ነምን ከምዩ ጉያ ጀልቀባቲ ካሴ ሀመ ጉያ ቶርበፋት ዮ ቡዴነ ቡካኤ ኛቴ ሰበ እስራኤል ኬሳ ሃበሌፈሙ። 16 ጉያ ጀልቀባት ወል ገኢ ቁልቁሉ ቀባዻ፤ ወል ገኢ ቁልቁሉ ብራሞ ጉያ ቶርበፋት ቀባዻ። ዋን ነምን ሁንድ ኛቱ ቆጴሱ መሌ ጉዮተ ከኔን ሆጂ ቶኮዩ ህንሆጄትና፤ ወን እስን ሆጄቹ ደንዴሰን ከኑመ።

17 “ሰበቢ ጉያን አን እት ራያኬሰን ግብጥ ኬሳ ባሴ ጉዩመ ከነ ተኤፍ አያነ መጥኖ ከነ አያኔፈዻ፤ ጉያ ከነስ ስርነ በረ በራ ጎዸዻቲ ዸሎተኬሰን ሁንደ ኬሰት አያኔፈዻ። 18 እስን ጅአ ጀልቀባ ኬሰ ገልገለ ቡልቲ ኩዸ አፉረፋዻ ሀመ ገልገለ ጉያ ድግደሚ ቶኮፋት መጥኖ ኛቱ። 19 ቡልቲ ቶርባፍ ራጭቲን ቶኮሌ መነኬሰንት ህንአርገምን፤ አለጋስ ተኡ ዸለታን ብያ፣ ነምን ዋን ራጭቲ ቀቡ ኛቱ ከምዩ ወልዳ እስራኤል ኬሳ ሃበሌፈሙ። 20 ዋን ራጭቲ ቀቡ ቶኮሌ ህንኛትና፤ ለፈ ጅራተን ሁንደት መጥኖ ኛዻ።”

21 ሙሴን ማንጉዶተ እስራኤል ሁንደ ኦፍት ዋሜ አከነ ጄዼን፤ “ዸቃቲ ማቲኬሰኒፍ ጦባላ ፍለዻቲ ፋሲካ ቀላ። 22 ሂሶጲ ቀባ ቶኮ ፉዻ፤ ዺገ ወጪቲ ኬሰ ጅሩ ሰነ ኬሰ ጩጳቲ ምችችለ በልበላ ለማኒፊ ቡሳ በልበላ እሰ ኦል ኣኑ ድባ። እስን ኬሳ ነምን ቶኮዩ ሀመ ለፍት በሪቱት በልበለ መነ ኦፊሳቲ ገድ ህንበእን። 23 ዋቀዮ ዬሮ ወረ ግብጥ ዸኡፍ ብየቲ ኬሰ ደርቡት ምችችለ በልበላ ለማንረቲፊ ቡሳ በልበላ እሰ ኦል ኣኑረት ዺገ ሰነ አርጌ በልበለ ሰነ ብረ ደርበ፤ አከ እን ዋ በሌሱ ሱን መነኬሰን ሴኔ እስን አጄሱስ ህንኤየሙፍ።

24 “እስንስ ቀጄልፈመ ከነ አከ ሴረ በረ በራ ከን እስኒፊ ሰኚኬሰኒፍ ኬነሜት ከበጃ። 25 እስንስ ዬሮ ብየ ዋቀዮ አኩመ ዋዳ ገሌ ሰነት እስኒ ኬኑ ሴንተንት ስርነ ከነ ኤጋ። 26 ዮሙ እጆሌንኬሰን፣ ‘ስርን ኩን እስኒፍ ሂካ ማሊ ቀበ?’ ጄዸኒ እስን ጋፈተንት፣ 27 አከነ ጄዻ እሳንት ህማ፤ ‘ኩን ቀልመ ፋሲካ ዋቀዮት፤ እን ዬሮ ወረ ግብጥ ዸኤት መኔን እስራኤሎተ ግብጥ ኬሰ ቱረን ሰናረ ደርቤ መኔንኬኘ ኑፍ ኦልቼራቲ።’ ” ከነረት ነሞትን ገድ ጄዸኒ ዋቄፈተን። 28 እስራኤሎንስ አኩመ ዋቀዮ ሙሴፊ አሮንን አጀጄ ሰነ ጎዸን።

29 ሀልከን ወለካት ዋቀዮ እልመ ፈረኦን ነምቸ ቴሶረ ታኡ ሀንገፋ ጀልቀቤ ሀመ እልመ ነምቸ ቦለ መነ ህዻ ኬሰ ጅሩ ሀንገፋት ሀንገፎተ ግብጥ ሁንደ ዸኤ፤ ሀንገፎተ ሆሪስ አከሱመ ዸኤ። 30 ፈረኦኒፊ ቆንዳልቶትንሳ ሁንድ፣ ወር ግብጥ ሁንድስ ሀልከኒን ከአን፤ ሰበቢ መን ነምን ኬሳ ህንዱእን ቶኮዩ ህንቱርኒፍ ቦእቸ ጉዳቱ ግብጥ ኬሰ ቱሬ።

31 ፈረኦንስ ሀልከን ሰናን ሙሴፊ አሮንን ኦፍት ዋሜ አከነ ጄዼ፤ “ከኣ! እስኒፊ እስራኤሎን ሰበኮ ኬሳ በኣ! አኩመ ጋፈተን ሰነ ዸቃቲ ዋቀዮን ዋቄፈዻ። 32 አኩመ ጄተን ሰነ ቡሻዬፊ ሎንኬሰን ፉዸዻቲ ዴማ፤ አነስ ኤብሳ።”

33 ወር ግብጥስ አከ ሰብን ሱን ደፌ ብየ ሰና በኡ ጀርጀርሰን፤ እሳንስ፣ “ዮ ከና አቺ ኑ ሁንድ ንዹምና” ጄዸን። 34 ከናፉ ሰብን ሱን ቡኮሳኒ ኡቱ ህንቡካእን ፉዸተኒ፣ ቆዳ ቡኮሳኒስ ወያሳኒቲን መረኒ ገቲቲት ባዸተን። 35 እስራኤሎንስ አኩመ ሙሴን እሳንት ህሜ ሰነ ጎዸን፤ እሳንስ ምአ ሜቲቲፊ ወርቄ፣ ወያስ ወረ ግብጥ ጋፈተን። 36 ሰበቢ ዋቀዮ ፉለ ወረ ግብጥ ዱረት እስራኤሎታፍ ሱራ ኬኔፍ፣ ወር ግብጥ ዋን እሳን ጋፈተን ሁንደ ኬነኒፍ፤ እሳንስ አከሲን ቀቤኘ ወረ ግብጥ ቦጅአኒ በአን።

37 እስራኤሎንስ ራምሴዻ ከአኒ ሱኮትት ቀጄለን። እሳንስ ነዼኒፊ እጆሌ መሌ ነሞተ ለፎ ገረ ኩመ ዽበ ጀአ ቱረን። 38 ኡመትን ወልት መከሜ ሄዱን፣ አከሱመስ ሆሪን ጄቹንስ ቡሻዬፊ ሎን ባይኤን እሳን ወጅን በአን። 39 እሳንስ ቡኮ ግብጥ ፉዸተኒ ዹፈን ሰነራ መጥኖ ቶልፈተን። ሰበቢ እሳን ጀርጀርሱዻን ግብጥ ኬሳ ባፈመኒ ዬሮ እት ኛተ ቆጴፈተንሌ ዸበኒፍ ቡኮን ሱን ራጭቲ ህንቀቡ ቱሬ።

40 በር እስራኤሎን ግብጥ ኬሰ ጅራተን ወጋ 430 ቱሬ። 41 ዹመ ወጋ 430 ሰናት ጉዩመ ሰነ ራያን ዋቀዮ ሁንድ ብየ ግብጢቲ በኤ። 42 ዋቀዮ ግብጥ ኬሳ እሳን ባሱዻፍ ደመቄ ሀልከን ሰነ ዋን እሳን ኤጌፍ፣ ሀልከን ኩን እስራኤሎተ ሁንዱማፍ ሀልከን እት ዋቀዮፍ ኡልፍነ ኬኑዻፍ ደመቀኒ ኤገኒዸ።

43 ዋቀዮስ ሙሴፊ አሮኒን አከነ ጄዼ፤ “ሴር ፋሲካ ከናዸ፦

“ኦርም ቶኮዩ እሰራ ህንኛትን። 44 ገርብች ብተሜ ከምዩ ኤርገ ዸግነ ቀብደኒ ቦዴ ሃኛቱ፤ 45 ኬሱማን ዮካን ነምን ሆጄታን ቀጨረሜ ገሩ ህንኛትን።

46 “ሆላን ሱን መኑመ ቶኮ ኬሰት ሃኛተሙ፤ ፎንሳ ቶኮዩ መና ገድ ህንባስና። ለፌሳ ኬሳስ ቶኮዩ ህንጨብስና። 47 ወልዳን እስራኤል ሁንድስ አያነ ከነ ሃአያኔፈቱ።

48 “ኦርም እስን ወጅን ጅራቱ ዮ ፋሲካ ዋቀዮ አያኔሱ በርባዴ እን ዺሮተ መነሳ ጅራተን ሁንደ ዸግነ ሃቀቡ፤ ኤርገሲስ አኩመ ዸለታ ብያት አያንቸ ሃአያኔሱ። ዺር ዸግነ ህንቀበትን ቶኮዩ ገሩ ሆላ ሰነ ህንኛትን። 49 ዸለታ ብያቲፍስ ተኡ ኦርመ እስን ግዱ ጅራቱፍ ሴር ቶኩመ።”

50 እስራኤሎን ሁንድስ አኩመ ዋቀዮ ሙሴፊ አሮንን አጀጄ ሰነ ጎዸን። 51 ዋቀዮስ ጋፉመ ሰነ ኩታ ኩታሳኒቲን እስራኤሎተ ብየ ግብጥ ኬሳ ባሴ።