15 አንስ ለገ ገረ አሀዋት ያኡ ብረት ወልት እሳን ነንቀቤ፤ ኑስ ጉያ ሰዲ አች ቱሬ። አንስ ዬሮን ኡመታፊ ሉቦተ ቶአዼት ሌዎተ ቶኮሌ እሳን ኬሳ ነንዸቤ። 16 ከናፉ አን ኤሊኤዜር፣ አሪኤል፣ ሼማእያ፣ ኤልናታን፣ ያሪብ፣ ኤልናታን፣ ናታን፣ ዘካርያሲፊ ሜሹላም ወረ ሆገንቶተ ቱረኒፊ ዮያሪቢፊ ኤልናታን ወረ ሀዮተ ተአን ሰነ ነንዋምስሴ፤ 17 ኤርገሲስ ገረ እዶ ነምቸ ካሲፍያ ቡልቹት እሳን ነንኤርጌ። አንስ አከ እሳን ነሞተ መነ ዋቀኬኛ ኬሰ ተጃጅለን ኑፍ ፍደኒፍ ዋን እሳን እዶፊ ፍሮተሳ ከኔን መነ ቁልቁሉማ ካስፍያ ኬሰ ተጃጅለኒን ጄቹ ቀበን እሳንት ነንህሜ። 18 እሳንስ ሰበቢ ሀርክ ዋቃ ቶላን ሱን ኑረ ቱሬፍ ሰኚ መህሊ ኬሳ ሼሬብያ እልመ ሌዊ፣ እልመ እስራኤል፣ ነምቸ ሁበታ ቶኮ እልማንሳፊ ኦቦሎተሳ ወጅን ወሉመት ነመ 18 ኑፍ ፍደን፤ 19 አከሱመስ ሀሸብያፊ እልማን ሜራሪ ኬሳሞ ዬሻያ፣ ኦቦሎተሳቲፊ እልማን ኦቦሎተሳ ወሉመት ነመ 20 ኑፍ ፍደን። 20 አመሌ ተጃጅልቶተ መነ ቁልቁሉማ ከኔን ዳዊቲፊ ቆንዳልቶትንሳ አከ እሳን ሌዎተ ገርጋረኒፍ ረመደን ኬሳ ነመ 220 ኑፍ ፍደን። እሳን ኩኔን ሁንድ መቃ መቃዻን ንገልሜፈመን።

21 አንስ አከ ኑ፣ እጆሌንኬኛፊ ቀቤኝኬኘ ሁንድ ከራ ነጋ ዴምኑፍ አከ ፉለ ዋቀኬኛ ዱረት ገድ ኦፍ ቀብኔ ከዸኑፍ አቹመ ለገ አሀዋ ብረት ሶመን ነንለብሴ። 22 አን ሰበቢ ኑ፣ “ሀርክ ዋቀኬኛ እን ቶላን ነመ እሰ አብደቱ ሁንደረ ጅረ፤ ወረ እሰ ዺሱ ሁንደረ ገሩ ዼከምስሳ ንቡአ” ጄኔ ሞትቸት ህምኔ ቱሬፍ አከ እሳን ከራኬኘረት ዲኖተ ኑራ ዾወኒፍ ሎልቶታፊ አቦቲ ፈርዳ ሞትቸ ከዸቹ ነንቃነኤ። 23 ከናፉ ኑ ሶምኔ ዋን ከነረት ዋቀ ከዸትኔ፤ እንስ ከዻኬኛፍ ዴቢ ኬኔ።

24 አንስ ሉቦተ ሀንገፎተ ኬሳ ኩዸ ለመ ጄቹንስ ሼሬብያ፣ ሀሸብያፊ ኦቦሎተሳኒ ኬሳ ነመ ኩዸን ኮጳት ነንባሴ፤ 25 አንስ ኬና ሜቲ፣ ወርቄፊ ምኣ ከን ሞትች፣ ጎርስቶትንሳ፣ ቆንዳልቶትንሳፊ እስራኤሎን አች ቱረን ሁንድ መነ ዋቀኬኛቲፍ ኬነንራ መዳሌ እሳኒፍ ነንቆዴ። 26 አን ሜቲ ታላንቲ *ታላንቲን ቶኮ ኪሎ ግራሚ 34። 650፣ ምአ ሜቲ ከነ ታላንቲ 100 ኡልፋቱ፣ ወርቄ ታላንቲ 100፣ 27 ወጪቲ ወርቄ 20 ከን ዳሪኪ †ዳሪኪን ቶኮ ግራሚ 8። 1,000 ባሱፊ ምአ ናሲ ጩሉሉቃ አኩመ ወርቄ ገቲንሳ ጉዳ ተኤ ለመ መዳሌን ቆዴፍ።

28 አንስ አከነን እሳኒን ጄዼ፤ “እስኒፊ ምእ ኩን ዋቀዮፍ ቁልቁሌፈምተኒርቱ። ሜቲፊ ወርቄን ኩን ኬና ፌዺዻን ዋቀዮ ዋቀ አቦቲኬሰኒቲፍ ኬነመኒዸ። 29 ሀመ ኩታሌ መነ ዋቀዮ ከን ዬሩሳሌም ኬሳ ሰነ ኬሰት ፉለ ሉቦተ ሀንገፎታ፣ ፉለ ሌዎታፊ ሀንገፎተ ማቲ እስራኤል ዱረት መዳልተኒ ቆደንት ምአ ከነ ጀቤሳ ኤጋ።” 30 ከናፉ ሉቦትኒፊ ሌዎትን ሜቲ፣ ወርቄፊ ምአ ቁልቁሉ መዳለሜ ሰነ መነ ዋቀኬኛ ከን ዬሩሳሌም ኬሳት ጌሱፍ ንፉዸን።

31 ኑስ ቡልቲ ኩዸ ለመፋ ጅአ ቶኮፋት ዬሩሳሌም ዸቁዻፍ ለገ አሀዋ ብራ ካኔ። ሀርክ ዋቀኬኛ ኑረ ቱሬ፤ እንስ ዲኖታፊ ነሞተ ርጰኒ ከራረት ነመ ኤገተን ጀላ ኑ ባሴ። 32 አከሲንስ ዬሩሳሌም ጌኜ ቡልቲ ሰዲ አች ቦቆትኔ።

33 ኑስ ቡልቲ አፉረፋት መነ ዋቀኬኛ ኬሰት ሜቲ፣ ወርቄፊ ምአ ቁልቁሉ ሰነ መዳሌ ሀርከ ሜሬሞት ሉብቸ እልመ ኡርያ ሰናት ንኬንኔ። ኤሌኣዛር እልም ፊኔሃስ አከሱመስ ሌዎትን ጄቹንስ ዮዛባድ እልም ዬሹኣፊ ኖአድያን እልም ብኑዪ እሰ ወጅን ቱረን። 34 ወን ሁንድኑስ ለካአሜ መዳለሜ፤ ኡልፍን ዋን መዳለሜ ሁንዳስ ዬሩመ ሰነ ንገልሜፈሜ።

35 ኤርገሲስ ቦጅአምቶትን ቦጁዻ ዴብአን ሱን እስራኤል ሁንዳፍ ጅቦተ ኩዸ ለመ፣ ኮርቤዪ ሆላ ሰገልተሚ ጀኣፊ ጦባላ ቶርባተሚ ቶርበን ኣርሳ ጉበሙ፣ ኮርቤዪ ሬኤ ኩዸ ለመ ኣርሳ ጩቡ ጎዸኒ ዋቀ እስራኤሊፍ ዽኤሰን፤ ኩን ሁንድ ኣርሳ ጉበሙ ከን ዋቀዮፍ ዽኤፈሜዸ። 36 እሳን አጀጀ ሞትቻሌ አጀጆተ ሞቱማፊ ቡልችቶተ ገመ ለገ ኤፍራጢስት ደበርሰን። ጀርስ ሰባፊ መነ ዋቃ ገርጋረን።