እብሮተ
1
ዱቢ ዋቀዮ ከን ጡሙራ፦ እልመሳ
1 በረ ዱሪ ዋቅን ዬሮ ባይኤፊ ከራ አደ አዳቲን ራጆታን አቦቲኬኘት ዱበቴ ቱሬ፤ 2 በረ ዹማ ከነ ኬሰ ገሩ እልመሳ ከን እን ዻልቱ ዋን ሁንዱማ ጎዼ ሙዴን ኑት ዱበቴ፤ እሱማንስ አዱኛወን ኡሜ። 3 እልም ጨለቅሰ ኡልፍነ ዋቃት፤ ኤኙማ ዋቃስ አኩመ ጅሩት ሙልእሰ፤ ዱቢሳ ሁምነ ቀቤሰ ሰናንስ ዋን ሁንደ ህርክሴ ባተ። እንስ ኤርገ ጩቡኬኘ ኑራ ቁልቁሌሴ ቦዴ ሰሚረ ምርገ ዋቀ ኡልፍነ ቀቤሰ ሰና ታኤ። 4 አኩመ መቃን እን ዻሌ ሱን ከን ኤርገሞታ ጫላ ጉዳ ተኤ ሰነ እንስ ኤርገሞተ ጫላ ጉዳዸ።
እልም ኤርገሞተ ጫሉሳ
5 ዋቅን ኤርገሞተ ኬሳ እሰ ከሚን፣
“አት እልመኮት፤
አን ሀርአ ስ ዸልቼረ”*ፋር 2፥7
ዮካን እሰ ከሚን፣
“አን እሳፍ አባ ነንተአ፤
እንስ እልመ ናፍ ተአ”†2ሳሙ 7፥14፤ 1ሴና 17፥13
ጄዼ ቤከ? 6 አከሱመስ ዋቅን ዮሙ እልመሳ ሀንገፈ ገረ አዱኛ ከናት ኤርጉት፣
“ኤርገሞትን ዋቃ ሁንድ እሰ ሃዋቄፈተን”‡ኬዴ 32፥43
ጄዸ። 7 ዮሙ ዋኤ ኤርገሞታ ዱበቱስ፣
“እን ኤርገሞተሳ ሀፉሮተ፣
ተጃጅልቶተሳሞ አረበ እብዳ ጎዸ”§ፋር 104፥4
ጄዸ። 8 ዋኤ እልማ ገሩ አከነ ጄዸ፤
“ያ ዋቀዮ፣ ቴሶንኬ በረ በራ ሀመ በረ በራት ንጅራተ፤
ቦኩን ቀጄሉማስ ቦኩ ሞቱማኬቲ ንተአ።
9 አት ቀጄሉማ ጃለቴ፤ ጀልእነሞ ንጅብቴ፤
ከናፉ ዋቀዮ ዋቅንኬ ዘይቲ ገመቹቲን ስ ድቤ፣
ህርዮተኬ ስጫልችሴ።”*ፋር 45፥6፣7
10 አከሱመስ እን አከነ ጄዸ፤
“ያ ጎፍታ፣ አት ጀልቀበት ለፈ ሁንዴስቴ፤
ሰሚወንስ ሆጂ ሀርከኬቲት።
11 እሳን ንበዱ፤ አት ገሩ ንጅራተ፤
ሁንዱምትሳኒ አኩመ ኡፈታ ንሞፈኡ፤
12 አት አኩመ ወያት እሳን መርተ፤
እሳን አኩመ ኡፈታት ጌደረሙ፤
አት ገሩ ሰኑመ፤
ኡሙሪንኬስ ጎንኩማ ዹመ ህንቀቡ።”†ፋር 102፥25‑27
13 ዋቅን ኤርገሞተ ኬሳ እሰ ከሚን፣
“ሀመ አን ዲኖተኬ ኤጄተ ሚለኬቲ ጎዹት፣
ገረ ምርገኮ ታእ”‡ፋር 110፥1
ጄዸ? 14 ኤርገሞትን ሁንድኑ ሀፉሮተ ተጃጅለን ከኔን ወረ ፈይነ ዻለን ተጃጅሉፍ ኤርገመን ምቲ?