13
ራጂ ባብሎኒን ሞርሙ
1 ራጂ ዋኤ ባብሎን ከን እሳያስ እልም አሞስ አርጌ፦
2 ቱሉ ሆማ እት ህንብቅልንረት
ፋጂ ኦል ካሳቲ እሳንት እያ፤
አከ እሳን ከረ ነሞተ
ቤቤከሞቲን ኦል ገለኒፍ ሀርካን እት ህማ።
3 አን ቁልቁሎተኮ አጀጄረ፤
አከ እሳን ዼከምሰኮ ሆጂረ ና ኦልቸኒፍ
አን ሎልቶተኮ ከኔን ሞአትኖኮት ገመደን
ዋመዼረ።
ዋመዼረ።
4 ወጨ ቱሉወንራ፣
ከን አከ ቱተ ጉዳ ቶኮ ዸጌፈዻ!
ጉንጉሚ ሞቱሞታ
ከን ሰቦተ ወልት ቀበመኒ ዸጌፈዻ!
ዋቀዮ ዋን ሁንደ ደንደኡ
ሎላፍ ጄዼ ሎልቶተ ቆጴፈቻ ጅረ!
5 እሳን ብየ ፈጎዻ
ዳሪ ሰሚወኒቲ ዹፈን፤
ዋቀዮፊ ምአ ሎላ ከን ዼከምሰሳቲን
ጉቱማ ብየቲ በሌሱፍ ዹፉ።
6 ዋን ጉያን ዋቀዮ ዽኣቴፍ ቦኣ፤
ጉያን ሱን አኩመ በዲሰ
ዋቀ ዋን ሁንደ ደንደኡ ብራ ኤርገሜት ንዹፈ።
7 ከናፉ ሀርክ ሁንድኑ ንላምሸአ፤
ኦኔን ነመ ሁንዳስ ንበቀ።
8 ሶዳን እሳን ቀበተ፤
ዹኩቢፊ ገድ እሳን ቀበተ፤
አኩመ ዱበርቲ ጭኒንሱን ቀቤት ውጥርፈቱ።
እሳን ርፈተኒ ወል እላሉ፤
ፉልሳኒ አከ እብዳ ዲመተ።
9 ኩኖ ጉያን ዋቀዮ፣
ጉያን ሀማን፣ ዼከምሳፊ ኣሪ ሶዳችሳዻን፣
ለፈ ኦንሱፊ ጩበሞተ እሼ ኬሰ ጅራተን
በርበዴሱፍ ንዹፈ።
10 ኡርጂወን ሰሚቲፊ ቱትንሳኒ
እፈሳኒ ህንኬነን።
አዱን ባቱ ንዱከኖፍት፤
ጅእስ እፈሼ ህንኬንቱ።
11 አን አዱኛ ከነ ሰበቢ ጀልእነሳቲፍ፣
ሀሞተ ሰበቢ ጩቡሳኒቲፍ ነንአደበ።
አን ኦፍ ቱሉማ ኦፍ ጀጆታ ነንበሌሰ፤
ኦፍ ጉድሱ ገረ ጀቤዪሌ ገድን ዴብሰ።
12 አን አከ ነምን ወርቄ ቁልቁሉ ጫላ ገት ቀቤሰ፣
ወርቄ ኦፊር ጫላስ ሙራሰ ተኡ ነንጎዸ።
13 ከናፉ አን አከ ሰሚወን ሆለተን ነንጎዸ፤
ጋፈ ኣሪንሳ ቦበኡት
ዼከምሰ ዋቀዮ ዋን ሁንደ ደንደኡቲን
ለፍት እዶሼቲ ንራፈምት።
14 ነምን ሁንድኑ አኩመ ኩሩጴ አደምሰምቱ፣
አኩመ ሆሎተ ትክሴ ህንቀብኔ
ገረ ሰበሳት ዴብአ፤
ነምን ከምዩ ብየሳት በቀተ።
15 ነምን ቦጅአሜ ሁንድኑ ንወራነመ፤
ከን ቀበሜ ከምዩ ጎራዴዻን ዱአ።
16 ዳእመንሳኒ ፉሉመሳኒ ዱረት ንጭጭረሙ፤
መኔንሳኒ ንሳመሙ፤
ኒቶትንሳኒስ ሁምናን ጉዴደሙ።
ኒቶትንሳኒስ ሁምናን ጉዴደሙ።
17 ኩኖ አን ወረ ሜዴ
ከኔን ሜቲራ ዽመ ህንቀብኔ
ወረ ወርቄን ህንገመቺፍኔ ጀረትን ከካሰ።
18 እዳንሳኒ ደርገጎተ ፍጥ፤
እሳን ዳእመኒፍ ህንነአን፤
እጆሌፍስ ገራ ህንላፈን።
19 ባብሎን ኡልፍን ሞቶታ፣
ሚዸግን ኦፍ ጀጀ ወረ ባብሎን
አኩመ ሶዶሚፊ ጎሞራ
እሬ ዋቃቲን ገረገልፈምት።
20 ነምን እሼ ኬሰ ህንቁበቱ፤
ዮካን ዸሎተ ሁንደ ኬሰት
ነምን እሼ ኬሰ ህንጅራቱ፤
ነምን እሼ ኬሰ ህንጅራቱ፤
ነምን አረባ ቶኮዩ ዱንካነሳ አች ህንዻበቱ፤
ትክሴን ቶኮዩ ቡሻዬሳ አች ህንቦቆቺፈቱ።
21 ገሩ ብኔንሶትን ቦሶና አች ጭጪሱ፤
ዋንጎወን መነሼ ንጉቱ፤
ኡሩንጉን አች ጅራት፤
ሬኤን ዲዳ አች ኬሰ ቡቡራቅጥ።
22 ወራቤስ ደአኖወንሼ ኬሳ ዩሰ፤
ዋንጎንስ መኔንሼ ምሚዸጎ ከን ሞቱማ
ኬሳ እይት።
ኬሳ እይት።
ዬሮንሼ ገኤረ፤
በርሼስ ህንዼረቱ።