30
ሰበ ፍንጭላዻፍ ወዮ
1 ዋቀዮ አከነ ጄዸ፦
“እጆሌ ፍንጭለን፣
ከኔን ከሮረ ከሮረኮ ህንተእን ዱካ ቡአን፣
ከኔን ፌዺኮቲን አለት ወሊ ገልቴ ኡመን፣
ከኔን ጩቡረት ጩቡ ደበለኒፍ ወዮ፤
2 ከኔን ኡቱ አናን ህንመርአትን ግብጥት ገድ ቡአን፣
ከኔን ጋድሰ ግብጥ ደኦፍ፣
ኤጉምሰ ፈረኦንሞ
ገርጋርሳፍ አብደተኒፍ ወዮ።
3 ኤጉምስ ፈረኦን ገሩ ቃኒ እስንት ተአ፤
ጋድስን ግብጥስ ሰልጵነ እስንት ፍደ።
4 እሳን ዮ ዞኣን ኬሰት ቆንዳልቶተ ቀባተንዩ፣
ዮ ኤርገሞትንሳኒስ ሃኔስ ገአንዩ፣
5 ቶኮን ቶኮንሳኒ ሰበቢ ኡመተ እሳን ህንፈየድኔ
ከኔን ቃኒፊ ሰልጵነ መሌ
ገርጋርሰ ዮካን ቡኣ ህንኬንኔ
ሰናቲፍ ንቃኔፈሙ።”
6 ራጂ ዋኤ ብኔንሶተ ኔጌብ ዱበተሜ፦
ኤርገሞትን ቀቤኘሳኒ ሀሬት፣
ሜሻሳኒ ጋለት ፌአተኒ
ብየ ሌንጭ ኮርሚፊ ሌንጭ ዸላን፣
ቦፍት ሱሚ ቀቡፊ ቦፍት ደርበተሙ ጅራተን፣
ለፈ ረክናፊ ዽጵናን ጉቴ ኬሰ በአኒ
ገረ ብየ ሆማ ህንፈየድኔ
7 ገረ ግብጥ ከን ገርጋርስሼ ጎንኩማ ቡኣ ህንቀብኔ ሰና ዸቁ።
ከናፉ አን፣ “ረኣብ፣ ከን ሆማ ህንፈየድኔ”
ጄዼ እሼ ነንዋመ።
8 አመ ዸቂቲ ገበቴረት በሬሲፍ፤
ክታበ መረማረት ከተቢፍ፤
ኩንስ አከ በሮተ ዹፉፍ ጅረን ኬሰ
ዹገ በኡምሰ በረ በራ ተኡፍ።
9 ጀር ኩኔን ኡመተ ፍንጭላ፣ እጆሌ ሶብዱዸ፤
እጆሌ ሴረ ዋቀዮ ዸገኡፍ ፌዺ ህንቀብኔዸ።
10 እሳን ሙልአተ አርግቶታን፣
“ስአች ሙልአተ ቶኮሌ ህንአርግና!” ጄዹ፤
ራጆታንስ አከነ ጄዹ፤
“እስን ስአች ሙልአተ ቀጄላ ተኤ ኑት ህንህምና!
ዋን ነመ ገመቺሱ ኑት ህማ፤
ጎዎምሳ ኑፍ ራጃ።
11 ከራ ከነ ገድ ዺሳ፤
ዳንዲ ከነራ ጀልአዻ፤
ቁልቁልቸ እስራኤል ፉለኬኘ ዱራ
ዸበምሲሳ!” ጄዹ።
12 ከናፉ ቁልቁልች እስራኤል አከነ ጄዸ፦
“ሰበቢ እስን ኤርጋ ከነ ድደኒ
ነመ ሀጩጩ አብደተኒ
ጎዎምሳት እርከተኒፍ፣
13 ጩቡን ኩን፣ አኩመ ደላ ኦል ዼራ
ዸጋን እጃረሜ ከን በቀቄ ቦሶሴ
ከን ኡቱ ህንቤከምን ተሰ ጅጉ እስንት ተአ።
14 ደላን ሱን አኩመ ምአ ሱጴት፣
ሀመ ወን እቲን ጭሌ ቦበኡ
እዶ እብዳቲ ፉዸንዩ ህንሀፍኔት
ዮካን ሀመ ወን እቲን ቦለ ብሻኒ ኬሳ
ብሻን ቡዱቅሰን ህንሀፍኔት አከ መሌ ጨጨቤ ቡርኩታአ።”
15 ዋቀዮ ጎፍታን፣ ቁልቁልች እስራኤል አከነ ጄዸ፦
“ዴብኡፊ ቦቆቹዻን ንፈይቱ፤
ተስገባኡፊ አብደቹዻን ንጀባቱ፤
እስን ገሩ ከነ ህንጎኔ።
16 እስንስ፣ ‘ለክ፣ ኑ ፈርዴኒን ንበቀትነ’ ጄቱ።
ከናፉ እስን ንበቀቱ!
እስን፣ ‘ኑ ፈርዴን አሪፈተኒ ፊገኒን ንጉሉፍነ’ ጄቱ።
ከናፉ ወር እስን ጉግሰን ንሰፍሱ!
17 ዶርስሰ ነመ ቶኮቲን፣ ኩመቱ በቀተ፤
ዶርስሰ ነመ ሸኒቲንሞ፣
እስን ሀመ አኩመ ሙከ አላባ ፊጤ ቱሉረ ጅሩ፣
አኩመ ፋጂ ጋረረ ጅሩ ታተኒ ሀፍተንት
ሁንድኬሰን ንበቀቱ።”
18 ተኡስ ዋቀዮ እስኒፍ አርጆሙ በርባደ፤
እስኒፍ ነኡፍስ ንከአ፦
ዋቀዮ ዋቀ ሙርቲ ቀጄላት።
ወር እሰ ኤገተን ሁንድ ኤብፈሞዸ።
19 ያ ሰበ ጥዮን፣ ወር ዬሩሳሌም ኬሰ ጅራተን፣ እስን ስአች ህንቦሰን። ዬሮ እስን ገርጋርሰ በርባቻፍ ገረሳት እየተንት እን ዹጉማን እስኒፍ አርጆመ! አኩመ ዸገኤንስ ዴቢ እስኒፍ ኬነ። 20 ጎፍታን ቡዴነ ረክናቲፊ ብሻን ዽጵና ሲፍ ኬኑሌ በርሲሳንኬ ስአች ህንዾከቱ፤ አት እጁመኬቲን እሰ አርግተ። 21 አት ዬሮ ገረ ምርጋት ዮካን ገረ ብታት ጎርቱት፣ ዱግደኬ ዱባን ሰገሌ፣ “ከራን ከነ፤ እሰረ ዴም” ጄዹ ቶኮ ጉርኬ ንዸገአ። 22 አት ኤርገሲ ዋቆተኬ ቶልፈሞ ከኔን ሜቲን እረ ድበሜፊ ፈኪወንኬ ከኔን ወርቄን እት ኡፍፈሜ ሰነ ንጡሬስተ፤ አኩመ ሁጩ ጡራኡማስ ኦፍራ እሳን ደርበቴ፣ “አሲ በዳ!” ጄታን።
23 እን ሰኚ አት ለፈት ፈጫፈቱፍ ቦካ ሲፍ ኬነ፤ ምዻን ለፍት ባፍቱስ ከን ምሴፊ ከን አከ መሌ ባይአቴ ተአ። በረ ሰነ ኬሰ ሎንኬ ለፈ ዼዳ በልኣረት ቦበኡ። 24 ቆትዮፊ ሀሬን ቆቲሳ ኦካ ፍለተማ ቆርቢፊ አፈርሳዻን ቁልቁሌፈሜ ኛቱ። 25 ጉያ በዲሰ ጉዳት፣ ዬሮ ቆጢወን ኤጉምሳ ጅጅገንት ያአወን ብሻኒ ቱሉወኒፊ ጋረን ኦል ዼዼሮ ሁንደረ ያኡ። 26 ጋፈ ዋቀዮ ጨባ ሰበሳ ህዼ ወረ መዴሴሌ ፈይሱት ጅእ አኩመ አዱ እፈ፤ እፍን አዱስ አኩመ እፈ ጉያ ቶርባ ደቻ ቶርበ ንእፈ።
27 ኩኖ መቃን ዋቀዮ ኣሪ ቦበኡፊ
ዱሜሰ ጎቡ ኣራቲን ፈጎዻ ዹፋ ጅረ፤
አፋንሳ ዼከምሳን፣
አረብንሳስ እብደ ጉቤ በሌሱን ጉተሜረ።
28 ሀፉር እን ባፈቱ አኩመ ለገ ጉቴ
ሀመ ሞርመ ገኡት ኦል ከኡት።
እን ግንግልቻ በዲሳቲን ሰቦተ ግንግልቸ፤
እን ሉገመ ከራራ እሳን በሌሱ
ሀኦ ሰቦታ ኬሰ ካአ።
29 እስን አኩመ ሀልከን አያነ ቁልቁሉ አያኔፈተንት፣
ፋርፈትና ንፋርፈቱ፤
ገራንኬሰን
አኩመ ዬሮ ነሞትን ኡሉሌ አፉፋ
ገረ ቱሉ ዋቀዮት፣
ገረ ከታ እስራኤልት ኦል በአን ሰና ንገመደ።
30 ዋቀዮ አከ ነሞትን ሰገሌሳ ሱረ ቀቤሰ ሰነ ዸገአን ንጎዸ፤
እን አከ እሳን እሬሳ
ከን ኣሪ ጉዳፊ እብደ ጉቤ በሌሱን፣
ቦካ ሀማዻን፣ በከካፊ ጨቢዻን
ዹፋ ጅሩ አርገን ንጎዸ።
ዹፋ ጅሩ አርገን ንጎዸ።
31 ሰገሌን ዋቀዮ አሶርን ንጨጨብሰ፤
ቦኩሳቲንስ እሳን በርበዴሰ።
32 አደቢን ኡሌ ከን ዋቀዮ
እሳንረ ቡሱ ሁንድ ሰገሌ ድቤቲፊ
ሰገሌ ክራራ ኦፍ ኬሳ ቀበ፤
እንስ ሩኩታ እሬሳቲን ወራነ ኬሰት እሳን ሎለ።
33 ቶፌት ዱር ቆጴፈሜ፤
እን ሞትቻፍ ቆጴፈሜ።
ቦል እብዳሳ ገድ ፈጌፈሜ በልእፈሜ ሆጄተሜ፤
እንስ እብዳፊ ቆራኒን ጉተሜረ፤
ሀፉር አፋን ዋቀዮቲ በኡስ
አኩመ ድኚ ዸንገለኡ አከ እን ቦበኡ ጎዸ።