1 ህስቅያስ ሞትች ዮሙ ዋን ከነ ዸገኤት፣ ኡፈተሳ ተርሳሴ ወያ ገዳስ ኡፈቴ መነ ቁልቁሉማ ዋቀዮ ሴኔ። 2 እንስ ኤሊያቂም ቡልቻ መሰራ ሞቱማ፣ ሼብና በሬሳፊ ሉቦተ ዱረ ቡኦተ ሁንድሳኒ ወያ ገዳ ኡፈተን እሳያስ ራጅቸ እልመ አሞስ ሰነት ኤርጌ። 3 እሳንስ አከነ ጄዸኒ እሰት ህመን፤ “ህስቅያስ አከነ ጄዸ፦ ጉያን ኩን አኩመ ዬሮ ዳእምን ቶኮ ዸለቹ ገኤ ገሩ ዱበርቲን ሁምነ እቲን ጭኒንስፈቴ ዴሱ ዸብዱት ጉያ ሉበሙ፣ ከን ዼከምሳቲፊ ከን ሰልጵናት። 4 ዋቀዮ ዋቅንኬ ዱቢ አጀጃ ወራና ከን ጎፍታንሳ ሞትች አሶር አከ እን ዋቀ ጅራታት ቆሱፍ ኤርጌ ሰና ዸገኤ ዱቢ ዋቀዮ ዋቅንኬ ዸገኤ ሰናፍ ጄዼ እሰት ዼከመ ተአ። ከናፉ አት ሀምባወን ሀመ አማት ጅረኒፍ ከዸዹ።”

5 ዮሙ ቆንዳልቶትን ህስቅያስ ሞትቻ ገረ እሳያስ ዹፈንት፣ 6 እሳያስ አከነ እሳኒን ጄዼ፤ “አከነ ጄዻ ጎፍታኬሰንት ህማ፤ ‘ዋቀዮ አከነ ጄዸ፦ አት ዋን ዸጌሴ ጄቹንስ ዱቢ ገርቦን ሞቲ አሶር እቲን ነ አረብሰን ሰነ ህንሶዳትን። 7 ዸጌፈዻ! አን አከ እን ኦዱ ወዪ ዸገኤ ገረ ብየ ኦፊሳት ዴብኡፍ ሀፉረ ቶኮ እሰ ኬሰ ነንካአ፤ አችትስ አከ እን ጎራዴዻን አጄፈሙ ነንጎዸ።’ ”

8 አጀጃን ወራናስ ዮሙ አከ ሞቲን አሶር ላኪሺ በኤ ዴሜ ዸገኤት፣ ዱበት ዴብኤ ኡቱ ሞትች ልብና ሎላ ጅሩ አርገቴ።

9 ሴናሄሪብስ አከ ቲርሃቅ ሞትች እቶጵያ ሱን እሰ ሎሉፍ ዹፋ ጅሩ ዸገኤ። እንስ ዮሙ ዋን ከነ ዸገኤት፣ አከነ ጄዼ ህስቅያስት ኤርገሞተ ኤርጌ፦ 10 “ህስቅያስ ሞትቸ ይሁዳቲን አከነ ጄዻ፦ ዋቅን አት አብደቱ ሱን፣ ‘ዬሩሳሌም ደበርፈምቴ ሀርከ ሞቲ አሶርት ህንኬነምቱ’ ጄዼ ስ ህንጎዎምስን። 11 አት ዋን ሞቶትን አሶር ጉቱማን ጉቱት እሳን በሌሱዻን ብዮተ ሁንደ ጎዸን ዸጌሴርተ። አትሞ ንሀፍታሬ? 12 ዋቆትን ሰቦተ አቦቲንኮ በርበዴሰን ሰና ጄቹንስ ዋቆትን ጎዛን፣ ዋቆትን ካራን፣ ዋቆትን ሬዜፊፊ ዋቆትን ነሞተ ኤዴን ከኔን ቴላሳር ኬሰ ቱረን ሰና እሳን ኦልቸኒሩ? 13 ሞቲን ሀማት ዮካን ሞቲን አርፋድ ኤሰ ጅረ? ሞቲን መጋላ ሴፈርዋይም፣ ሞቲን ሄና ዮካን ሞቲን እዋ ኤሰ ጅረ?”

14 ህስቅያስስ ኤርገሞተ ሰነ ሀርካ ጠለያ ፉዼ ዱብፈቴ። ኤርገሲስ ገረ መነ ቁልቁሉማ ዋቀዮት ኦል በኤ ጠለያ ሰነ ፉለ ዋቀዮ ዱረት ድሪርሴ። 15 ህስቅያስ አከነ ጄዼ ዋቀዮን ከዸቴ፦ 16 “ያ ዋቀዮ ዋን ሁንደ ደንዴሱ፣ ዋቀ እስራኤል፣ ከን ኪሩቤል ግዱ ቴሶረ ጅርቱ፣ ስቆፈቱ ሞቱሞተ ለፋ ሁንደረት ዋቀ። አት ሰሚፊ ለፈ ኡምቴርተ። 17 ያ ዋቀዮ፣ ጉረኬ አስ ቀቢቲ ዸገእ፤ ያ ዋቀዮ፣ እጀኬስ በነዹ እላል፤ ዱቢ ሴናሄሪብ ከን እን ዋቀ ጅራታ አረብሱፍ ኤርጌ ከነ ሁንደ ዸጌፈዹ።

18 “ያ ዋቀዮ፣ ሞቶትን አሶር ኡመተ ከነ ሁንዳፊ ብዮተሳኒ በሌሱን ዹጋዸ። 19 እሳን ዋቆተ ጀራ እብደት ነቀኒ በርበዴሰኒሩ፤ ዋቆትን ሱን ሙካፊ ዸጋ ሀርከ ነማቲን ሶፈመን ቱረን መሌ ዋቆተ ህንቱሬቲ። 20 ከናፉ ያ ዋቀዮ ዋቀኬኘ፣ አከ ሞቱሞን ለፋ ሁንድኑ አከ አት ቆፍት ዋቀዮ ዋቀ ታቴ ቤከኒፍ፣ ሀርከሳቲ ኑ ባስ።”

21 ሰነ ቦዴ እሳያስ እልም አሞስ አከነ ጄዼ ህስቅያስት ኤርጋ ኤርጌ፤ “ዋቀዮ ዋቅን እስራኤል አከነ ጄዸ፦ ሰበቢ አት ዋኤ ሴናሄሪብ ሞትቸ አሶር ነ ከዸቴፍ፣ 22 ዱቢን ዋቀዮ እሳን ሞርሙዻን ዱበቴ ኩኖ ከናዸ፦

30 “ያ ህስቅያስ ኩን መለቶ ሲፍ ተአ፦

33 “ከናፉ ዋቀዮ ዋኤ ሞትቸ አሶር አከነ ጄዸ፦

36 ኤርገሲ ኤርገማን ዋቀዮ ገድ በኤ ቁበተ ወረ አሶር ኬሰት ነመ ኩመ ዽበ ቶኮፊ ሰዴተሚ ሸን ፍጤ። ዮሙ ነሞትን ጉያ እት ኣኑ ገነመ በሪን ከአንት ኩኖ ሬፍ ነማ ለፈ ጉቴ ቱሬ። 37 ከናፉ ሴናሄሪብ ሞትች አሶር ቁበተ ሰነ ኬሳ በኤ በቀቴ፤ ነነዌት ዴብኤስ አች ጅራቴ።

38 ጋፍ ቶኮ ኡቱ እን መነ ሰገዳ ዋቀሳ ንስሮክ ጄዸሙ ኬሰት ዋቄፈቻ ጅሩ እልማንሳ አድረሜሌኪፊ ሸሬዜር ጎራዴዻን እሰ አጄሰኒ ገረ ብየ አራራትት በቀተን። እልምሳ ኤሰርሀዶንስ እዶሳ ቡኤ ሞቲ ተኤ።