1 ኤርገማን ዋቀዮ ግልጋሊ ቦኪምት ኦል በኤ አከነ ጄዼ፤ “አን ግብጢ እስን ባሴ ብየ አን አቦቲኬሰኒፍ ኬኑፍ ከከዼ ሰነት እስን ፍዴረ። አከነስ ነንጄዼ፤ ‘አን ከኩ እስን ወጅን ገሌ ሰነ ጎንኩማ ህንዲጉ፤ 2 እስንስ ወረ ለፈ ከነረ ጅራተን ወጅን ከኩ ህንገልና፤ እዶ ኣርሳሳኒ ገሩ ጨጨብሳ።’ ተኡስ እስን ናፍ ህንአጀጀምኔ። እስን ማሊፍ ዋን ከነ ጎተን? 3 ከናፉ አን አመ አከ ፉለኬሰን ዱራ አርኤ እሳን ህንባፍኔ እስንት ነንህመ፤ እሳን እዳ እስንት ተኡ፤ ዋቆንሳኒሞ ክዮ እስንት ተኡ።”

4 ዬሮ ኤርገማን ዋቀዮ ዋን ከነ እስራኤሎተ ሁንደት ዱበቴት ነሞትን ሰገሌሳኒ ኦል ፉዸተኒ ቦአን፤ 5 እሳንስ እዶ ሰነ ቦኪም ጄዸኒ ዋመን። አችትስ ዋቀዮፍ ኣርሳ ዽኤሰን።

6 ኤርገ እያሱን እስራኤሎተ ገድ ዺሴ ቦዴ ቶኮን ቶኮንሳኒ ብየቲ ዻሉፍ ገረ ዻለ ኦፊሳኒ ዴመን። 7 ኡመትን በረ ጅሬኘ እያሱ ጉቱፊ በረ ማንጉዶተ ኤርገ እን ዱኤ አስ ሀፈኒ ጅራተኒ ዋን ጉዳ ዋቀዮ እስራኤሊፍ ጎዼ አርገን ሱንስ ዋቀዮን ተጃጅለን።

8 እያሱን እልም ኑን ገርብች ዋቀዮ ወጋ ዽበ ቶኮፊ ኩዸንት ዱኤ። 9 እሳንስ ለፈ ዻለሳ ትምናት ሄሬስ ከን ብየ ጋራ ኤፍሬምት ከራ ካበ ቱሉ ገኣሽት አርገምቱ ሰነት እሰ አዋለን።

10 ኤርገ ዸሎትን ሱን ጉቱን ገረ አቦቲሳኒት ወልት ቀበመኒ ቦዴ ዸሎትን ዋቀዮን ህንቤክን ዮካን ዋን እን ሰበ እስራኤሊፍ ጎዼ ህንቤክን ከን ብራ ከኤ። 11 እስራኤሎንስ ፉለ ዋቀዮ ዱረት ዋን ሀማ ሆጄተን፤ በኣሊንስ ንተጃጅለን። 12 እሳን ዋቀዮ ዋቀ አቦቲሳኒ ከን ግብጢ እሳን ባሴ ሰነ ንዺሰን። ዋቆተ አደ አዳ ከኔን ሰቦተ ናኖሳኒ ጅራተኒ ዱካ ቡአን፤ ንዋቄፈተንስ። ዋቀዮንስ ዼከምሳፍ ከካሰን፤ 13 እሳን እሰ ዺሰኒ በኣሊፊ አሽቶሬትን ዋቄፈተኒሩቲ። 14 ዋቀዮስ እስራኤሎተት ዼከሜ ሳምቶተ እሳን ሳመንት ደበርሴ እሳን ኬኔ። ዲኖተ ናኖሳኒ ከኔን እሳን ኦፍራ እትሱ ህንደንዴኜ ሁንደት እሳን ጉርጉሬ። 15 ዮሙ እስራኤሎን ሎላፍ በአንት አኩመ እን ዱራን ከከቴ ሰነት ሀርክ ዋቀዮ እሳንት ሀማቴ አከ እሳን ሞአተመን ጎዸ ቱሬ። እሳንስ ረክነ ጉዳ ኬሰ ቡአን።

16 ዋቀዮስ አቦቲ ሙርቲ ከኔን ሳምቶተ ጀላ እሳን ባሰን እሳኒፍ ካሴ። 17 እሳን ገሩ ዋቆተ ብራ ወጅን ሰጋገለኒ እሳን ዋቄፈተን መሌ አቦቲ ሙርቲ ሰነ ህንዸጌፈትኔ። ከራ አቦቲንሳኒ ዋቀዮፍ አጀጀሙዻን እረ ዴማ ቱረን ሰነራ ደፈኒ ጀልአተን፤ እሳን ዋን አቦቲንሳኒ ጎዸን ህንጎኔ። 18 ዋቀዮ ዬሮ አባ ሙርቲ ቶኮ እሳኒ ካሴት ሀመ አባን ሙርቲ ሱን ጅሩት እሰ ወጅን ጅራቴ ሀርከ ዲኖተሳኒ ጀላ እሳን ባሰ ቱሬ፤ ዋቀዮ ዬሮ እሳን ሰበቢ ወረ እሳን ጩንቁርሰኒፊ ወረ እሳን ሚዸኒቲን ወዋተንት ገራ ላፋፍ ቱሬቲ። 19 ዮሙ አባን ሙርቲ ሱን ዱኡ ገሩ እሳን ዋቆተ ብራ ዱካ ቡኡዻን፣ ተጃጅሉፊ እሳን ዋቄፈቹዻን አቦቲሳኒዩ ጫላ ገረ ሀምናት ዴብአን። ሆጂ ሀምናቲፊ መታ ጀብነሳኒራስ ህንዴብአን ቱሬ።

20 ከናፉ ዋቀዮ እስራኤልት አከ መሌ ዼከሜ አከነ ጄዼ፤ “ዋን ሰብን ኩን ከኩ አን አቦቲሳቲፍ ገሌ ሰነ ጨብሴ አነስ ዸገኡ ድዴፍ፣ 21 አን ስአች ሰቦተ እያሱን ዬሮ ዱኤት እሳን ግዱት ዺሴ ሰነ እሳን ዱራ አርኤ ህንባሱ። 22 ከራ ሰቦተ ከናቲንስ አከ እሳን አኩመ አቦቲሳኒ ከራ ዋቀዮ ኤገኒ እረ ዴዴብአኒፊ አከ እሳን ህንኤግኔ እላሉፍ ጄዼ እስራኤልን ነንቆረ።” 23 ከናፉ ዋቀዮ አከ ሰቦትን ኩኔን አቹመት ሀፈን ኤየሜ፤ ሀርከ እያሱትስ ደበርሴ እሳን ኬኑዻን ደፌ አቺ እሳን ህንባፍኔ።