46
ኤርጋ ዋኤ ግብጥ
1 ዱቢን ዋቀዮ ከን ዋኤ ሰቦታቲፍ ገረ ኤርምያስ ራጅቻ ዹፌ ከናዸ፦
2 ዋኤ ግብጥ፦
በረ ዬሆያቂም እልም ዮስያስ ሞቲ ይሁዳ ቱሬ ኬሰ፣ ወጋ አፉረፋት ኤርጋን ኩን ገረ ወራነ ፈረኦን ኔኮ ሞትቸ ግብጥ ከን ኔቡከድኔዘር ሞትች ባብሎን ለገ ኤፍራጢስ ብረት ከርኬሚሽት ሞአቴ ሰና ዹፌ፦
3 “ጋቸነኬሰን ጥናፊ
ጉዳ ቆጴፈዻቲ ሎላፍ በኣ!
4 ፈርዴን ፌአዻ፤
እሳን ያበዻስ!
ቆቢ ስቢላ ካአዻቲ
እዶ እዶኬሰን ቀበዻ።
ኤቦኬሰን ቀረዻ፤
ቆሜ ስቢላሌ ኡፈዻ!
5 አን ማል አርጋን ጅረ?
እሳን ነአኒ ጅሩ፤
ዱግደ ዱበት ዴብኣ ጅሩ፤
ጎቶትንሳኒ ሞአተመኒሩ።
እሳን ኡቱ ኦፍ ዱበ ህንምልአትን አሪቲን በቀቱ፤
ቅጠ ሁንዳኑ ጎሊቱ ጅረ”
ጄዸ ዋቀዮ።
6 “ፊጋን በቀቹ ህንደንደኡ፤
ዮካን ነምን ጀባን ጀላ ህንበኡ።
እሳን ከራ ካባቲን
ለገ ኤፍራጢስ ብረት ጉጉፈተኒ ኩኩፉ።
7 “ከን አከ አበያ፣
አከ ለገ ብሻንሳ ጨብሴ ያኡ ኦል ከኡ ኩን ኤኙ?
8 ግብጥ አኩመ አበያ፣
አኩመ ለገ ብሻንሳ ጨብሴ ያኡት ኦል ካት።
እሼንስ፣ ‘አን ኦል ከኤ ለፈ ነንሀጉገ፤
መጋላወኒፊ ሰበሳኒ ነንበሌሰ’ ጄት።
9 ያ ፈርዴን፣ እስን ገርማማ!
ያ ጋሪወን፣ እስንስ ጉላ!
ያ ጎቶተ እቶጵያቲፊ ፉጥ ወር ጋቸነ ባተን፣
ያ ነሞተ ሉድ ወር እዳ ቀበተን ከኣቲ
ፉለ ዱረት ቀጄላ።
ፉለ ዱረት ቀጄላ።
10 ጉያን ሱን ገሩ ጉያ ጎፍታ፣
ከን ዋቀዮ ዋን ሁንደ ደንደኡ፣
ከን ዋቀዮ ዋን ሁንደ ደንደኡ፣
ጉያ ሃሎ በኡ፣ ከን እን እት ዲኖተሳ ሃሎ ባፈቱዸ።
ጎራዴን ሀመ ቁፉት፣
ሀመ ዼቡ ዺጋን በኡት ኛተ።
ጎፍታን፣ ዋቀዮ ዋን ሁንደ ደንደኡ
ብየ ካባ ኬሰት፣ ለገ ኤፍራጢስ ብረት ኣርሳ ዽኤሳቲ።
11 “ያ ግብጥ ዱርበ ቁልቁልቲ፣
ግልኣድት ኦል በኢቲ ቆርቸ ፉዸዹ።
አት አከሱማን ቆርቸ ሄዱት ፈየደምተ፤
ገሩ ህንፈይቱ።
12 ሰቦትን ቃኒኬ ንዸገኡ፤
ቦእችኬ ለፈ ጉተ።
ጎን ቶኮ ጎተ ካንት ጉፈተ፤
እሳን ለማኑ ወል ቀበተኒ ኩፉ።”
13 “ዱቢን ዋቀዮ አከ ኔቡከድኔዘር ሞቲን ባብሎን ዹፌ ግብጥ ዸኡ ኤርምያስ ራጅቸት ዱበቴ ከናዸ፦
14 “ዋን ከነ ግብጥ ኬሰት ዱበዹ፤ ምግዶልትስ ለብስ፤
ሜምፊሲፊ ተህጳንሄስ ኬሰትሌ አከነ ጄዻ ለብሳ፦
‘ጎራዴን ወረ ናኖኬሰን ጅሩ ንፍጣቲ
እስን እዶ እዶኬሰን ቀበዻቲ ቆጳኣ።’
15 ጎቶትንኬ ማሊፍ ኩፈኒ ድሪሩ?
ሰበቢ ዋቀዮ ገድ እሳን ቀቡፍ እሳን ዻበቹ ህንደንደአን።
16 እሳን አሙማ አመ ጉፈቱ፤
ወልረትስ ኩኩፉ።
እሳንስ፣ ‘ከኣ ጎራዴ ጩንቁርሳ
ጀላ ባኔ ገረ ሰበኬኛቲፊ
ብየ እት ዸለኔት ንዴብና’ ወሊን ጄዹ።
17 እሳን አችት፣
‘ፈረኦን ሞትች ግብጥ ወጨ ቆፈ፤
እን ጨራ ኦፊሳ ዸቤረ’ ጄዸኒ እዩ።
18 “ዹጋ አነ ጅራታ” ጄዸ ሞትች እን መቃንሳ
ዋቀዮ ዋን ሁንደ ደንደኡ ተኤ ሱን
“ከን ጋረን ኬሳ ታቦር ፈካቱ፣
እን ገላነ ጭነት ቀርሜሎስን ፈካቱ ቶኮ ንዹፈ።
19 አት ከን ግብጥ ኬሰ ጅራቱ፣
ዋን ቀብዱ ወልት ቀበዹቲ በቃፍ ቆጳእ፤
ሜምፊስ ኦንቴ ዲገምቴ
ጅራቶተ መሌ ሀፍቲቲ።
20 “ግብጥ ጎሮምሰ በሬዱዸ፤
ገሩ ቀርጣሳን
ብየ ካባቲ እሼት ንዹፈ።
21 ሎልቶትን እሼን ክራዻን ብተቴ ግዱሼ ጅረንስ
አኩመ ጅቦተ ጮጮመኒት።
ሰበቢ ጉያን በዲሳ፣
ዬሮን እት እሳን አደበመን እሳንት ዹፌፍ
እሳንስ ገረ ገለኒ ወሉማን ንበቀቱ፤
እዶሳኒ ዻበተኒ ኦፍራ ዴብሱ ህንደንደአን።
22 ግብጥ ዬሮ ዲን እሼት ዹፉት
አኩመ ቦፈ ዋ በቀቱ ሲቅስት፤
እሳን አኩመ ነሞተ ሙከ ሙረኒት
ቆቶ ቀበተኒ እሼት ዹፉ።
23 ዮ እን ሀመ ፌዼ ጎበቴዩ፣
እሳን ቦሶነሼ ጭረኒ በሌሱ”
ጄዸ ዋቀዮ።
“እሳን ሀዋንሰ ጫላ ባይአቱ፤
ለካአሙስ ህንደንደአን።
24 እንተል ግብጥ ንቃኔፈምት፤
ደበርፈምቴስ ነሞተ ካባት ንኬነምት።”
25 ዋቀዮ ዋን ሁንደ ደንደኡ፣ ዋቅን እስራኤል አከነ ጄዸ፦ “አን ኣሞን ዋቀ ቴቤስት፣ ፈረኦንት፣ ግብጢቲፊ ዋቀሼት፣ ሞቶተ እሼቲፊ ወረ ፈረኦንን አመነተንት አደቢ ነንፍደ። 26 አን ደበርሴ ወረ ሉቡሳኒ ገላፈቹ በርባደንት፣ ጄቹንስ ኔቡከድኔዘር ሞትቸ ባብሎንቲፊ ቆንዳልቶተሳት እሳን ኬነ። ኤርገሲ ገሩ ግብጥ አኩመ ዱሪ ለፈ ነምን ኬሰ ጅራቱ ንታት” ጄዸ ዋቀዮ።
27 “ያ ያቆብ ተጃጅላኮ፣ አት ህንሶዳትን፤
ያ እስራኤል አትስ ህንነእን።
አን ለፈ ፈጎቲ ስን ባሰ፤
ሰኚ ኬሞ ብየ እሳን እት ቦጅአመኒ ነንፍደ።
ያቆብ አመስ ነጋፊ ተስገቢ ንቀባተ፤
ነምን እሰ ሶዳችሱ ቶኮዩ ህንጅሩ።
28 ያ ያቆብ ገርብቸኮ፣ አት ህንሶዳትን፤
አንስ ስ ወጅነን ጅራቲ”
ጄዸ ዋቀዮ።
“አን ዮ ሰቦተ ግዱሳኒት ስ ብትኔሴ ሰነ
ጉቱማን ጉቱት በሌሴዩ
አን ጉቱማን ጉቱት ስ ህንበሌሱ።
አን ስን አደበ፤ ገሩ ቀጄሉማ ቆፋን፤
አከ አት ኡቱ ህንአደበምኑ ገድ ዺፈምቱ ህንጎዹ።”