49
ኤርጋ ዋኤ አሞን
1 ዋኤ አሞኖታ፦
ዋቀዮ አከነ ጄዸ፦
“እስራኤል እልማን ህንቀቡ?
እን ነመ እሰ ዻሉ ህንቀቡ?
ዮስ ሞሌክ ማሊፍ ጋድን ዸልቼሬ?
ነሞትንሳ ማሊፍ መጋላሼ ኬሰ ጅራቱ?
2 ገሩ በር አን እት ረባ አሞኖታት
ሰገሌ ወጨ ወራና ዸጌስሱ ቶኮ ንዹፈ”
ጄዸ ዋቀዮ።
“እሼን ቱላ በዲሳ ንታት፤
ገንዶትን ናኖሼ ጅረንስ እብዳን ጉበሙ።
ኤርገሲ እስራኤል ወረ እሼ አርኤ ባሴ ሰነ
አሪቴ ብያ ንባፍት፣”
ጄዸ ዋቀዮ።
3 “ያ ሄሽቦን ወዋዹ፣ ኣይ በርበዶፍቴርቲ!
ያ ጅራቶተ ረባ እያ!
ወያ ገዳ ኡፈዻቲ ቦኣ፤
ደላ ኬሰ አሲፊ አች ፊጋ፤
ሞሌክ ሉቦታፊ ቆንዳልቶተሳ ወጅን
ቦጅአሜ ንፉዸተማቲ።
4 አት ማሊፍ ሱሉለኬቲን ቦንተ?
ማሊፍ ሱሉለኬ ገበታ ሰናን ቦንተ?
ያ እንተለ ህንአመነምኔ አት ሶሩመኬ አብደቴ፣
‘ኤኙቱ ነ ቱቀ?’ ጄተ።
5 አን ወረ ናኖኬ ጅራተን ሁንደራ
ሶዳ ስት ነንፍደ”
ጄዸ ጎፍታን፣ ዋቀዮ ዋን ሁንደ ደንደኡ።
“ቶኮን ቶኮንኬሰን ንአርአምቱ፤
ነምን በቀቶተ ወልት ቀቡ ቶኮዩ ህንጅሩ።
6 “ተኡሌ አን ኤርገሲ ሀምባወን አሞኖታ ዴብሴ ነንዻበ”
ጄዸ ዋቀዮ።
ኤርጋ ዋኤ ኤዶም
49፥9‑10 ኩወፈ – አብድ 5–6
49፥14‑16 ኩወፈ – አብድ 1–4
7 ዋኤ ኤዶም፦
ዋቀዮ ዋን ሁንደ ደንደኡ አከነ ጄዸ፦
“ስአች ቴማን ኬሰ ኦጉማን ህንጅሩ?
ሁበቶተ ዱራ ጎርስ በዴራ?
ኦጉማንሳኒ ሰሜራ?
8 ወር ዴዳን ኬሰ ጅራተን ገረገላ፣
በቀዻቲ ሆልቀ ገድ ፈጎ ኬሰ ዾከዻ፤
አን ዬሮ ኤሳዉን አደቡት
በዲሰ እሰት ነንፍዳቲ።
9 ወር ጉማ ወይኒ ጉረን ኡቱ ገረኬ ዹፈኒ ስላ
ቀርሚ ወዪ ህንሀምብሰኒ?
ሀቱን ዮ ሀልከን ዹፍቴ፣
እሳን ሀሙመ በርባደን ቆፈ ፉዸተኒ ህንዴመኒ?
10 አን ገሩ ኤሳዉን ቁላ ነንሀምብሰ፤
አከ እን እት ህንደአኔፍ
አን እዶ እን እት ዾከቱ እፈት ነንባሰ።
እጆሌንሳ፣ ፍሮንሳቲፊ ኦሎንሳ ንበዱ፤
እንስ ስአች ህንጅራቱ።
11 ‘ዳእመንኬ ከኔን ወረ ህንቀብኔ ዺስ፤
አነቱ እሳን ጅራችሳቲ።
አነቱ እሳን ጅራችሳቲ።
ሃዾትን ህዬሳኬ ነ አመነቹ ደንደኡ።’ ”
12 ዋቀዮ አከነ ጄዸ፦ “ዮ ወር ጦፎ ዹጉን እሳኒፍ ህንመልን እሼ ዹጉ ቀባተን፣ አት ማሊፍ ኡቱ ህንአደበምን ሀፍተሬ? አት እሼ ዹጉ ቀብደ መሌ ኡቱ ህንአደበምን ህንሀፍቱ። 13 አን አከ ቦዝራን ዲገምቴ ዋን ሶዳ፣ ዋን ፈፋቲፊ ዋን አባርሳ ታቱ መቃኮቲን ነንከከዸ” ጄዸ ዋቀዮ። “መጋላወንሼ ሁንድስ በረ በራን ንዲገሙ።”
14 አን ኤርጋ ቶኮ ዋቀዮራ ዸገኤረ፦
ኤርገማን ቶኮ አከነ ጄቹፍ ገረ ሰቦታት ኤርገሜ፤
“እሼ ሎሉፍ ወልት ቀበማ!
ወራናፍስ በኣ!”
15 “አን አመ ሰቦተ ግዱት ስን ጥኔሰ፤
ነሞተ ኬሰትሌ ቱፈተማ ስን ጎዸ።
16 አት ከን ሀለያ ከታረ ጅራቴ
ፊጤ ቱሉ ቀበቴ ጅርቱ፣
ሶዳን አት ኦዴስቱፊ
ኦፍ ቱሉማን ገራኬቲ ስ ጎዎምሴረ።
ዮ አት አኩመ ርሳ ኦል ፈጌስቴ
መነ እጃረቱዩ አን አቺ ገድ ስን ቡሰ”
ጄዸ ዋቀዮ።
17 “ኤዶም ዋን ሶዳ ታት፤
ነምን አቺን ደርቡ ሁንድስ ሰበቢ መዳሼ ሁንዳቲፍ
ድንቅሲፈቴ እሼት ኮልፈ።
18 እሼን አኩመ ሶዶሚፊ ጎሞራን
መጋላወን ናኖሳኒ ጅረን ወጅን በሌፈመን ሰነ ንታት”
ጄዸ ዋቀዮ፣
“ነምን ቶኮዩ አች ህንጅራቱ፣
ሰኚን ነማ ቶኮስ እሼ ኬሰ ህንቁበቱ።
19 “አን አኩመ ሌንጨ ቦሶነ ዮርዳኖሲ በኤ
ገረ ለፈ ዼዳ ገበታ ዹፉ ቶኮ
ደፌ ኤዶምን ብየሼቲ ነንአርአ።
ፍለተማን አን ዋን ከናፍ ሙዱ ኤኙ?
ከን አከኮ ኤኙ? ኤኙቱስ ናን ሞርኩ ደንደአ?
ትክሴ አከሚቱ ፉለኮ ዱረ ዻበቹ ደንደአ?”
20 ከናፉ ዋን ዋቀዮ ኤዶምት ከሮርፈቴ፣
ዋን እን ወረ ቴማን ኬሰ ጅራተንት ያዴስ ዸገኣ።
እልማን ቡሻዬ ሀርክፈመኒ ንፉዸተሙ፤
እንስ ሰበቢሳኒቲፍ ጄዼ ለፈ ዼደሳኒ ንበርበዴሰ።
21 ሰገሌ ኩፋቲሳኒቲን ለፍት ንራፈምት፤
እይሳኒ ሀመ ገላነ ዲማት ንዸገአመ።
22 እላ! ርሳን ቶኮ ቦዝራረት ቆቾ በልእሴ
ፉርጉግፈማ ገድ ቡኣ ጅረ።
በረ ሰነ ኬሰ ገራን ሎልቶተ ኤዶም
አኩመ ገራ ዱበርቲ ጭኒንስፈቹት ጅርቱ ቶኮ ተአ።
ኤርጋ ዋኤ ደማስቆ
23 ዋኤ ደማስቆ፦
“ሀማቲፊ አርፋድ ንራፈሙ፤
እሳን ኦዱ ሀማ ዸገአኒሩቲ።
እሳን አብዲ ኩተተኒ አኩመ ገላነ ቦቆና
ህንቀብኔ ቶኮ ጄቀመኒሩ።
24 ደማስቆን ደዸብዴርት፤
እሼን በቀቹፍ ገረ ገልቴርት፤
ሶዳን ጉዳን እሼ ቀበቴረ፤
አኩመ ሚጡ ዱበርቲ ጭኒንስፈቱ፣
ረክናፊ ሚጡን እሰ ቀቤረ።
25 መጋላን ቤከማን፣
መጋላን አን እት ገመዱ ሱን አከም ገተምት!
26 ዹጉማን ደርገጎንሼ ከራረት ዹሙ፤
ሎልቶትንሼ ሁንድኑ ጋፈስ አፋን ቀበቱ”
ጄዸ ዋቀዮ።
27 “አን ደላወን ደማስቆት እብደ ነንቀብሲሰ፤
እብድ ሱንስ ደአትኖ ቤን-ሀዳድ ጉቤ በሌሰ።”
ኤርጋ ዋኤ ቄዳሪቲፊ ሃዞር
28 ዋኤ ቄዳሪቲፊ ዋኤ ሞቱሞተ ሃዞር ከኔን ኔቡከድኔዘር ሞቲን ባብሎን ሎሌ ሰና፦
ዋቀዮ አከነ ጄዸ፦
“ከኣ፣ ቄዳርን ሎላቲ
ሰበ ገመ በአ ቢፍቱ በርበዴሳ።
29 ዱንካኖትንሳኒቲፊ ቡሻዬንሳኒ ንፉዸተሙ፤
ጎልጋወንሳኒ ምኣፊ
ጋለወንሳኒ ወጅን ፉዸተሙ።
ነሞትንስ፣ ‘ገመ ሁንዳን ሶዳቱ ጅረ!’
ጄዸኒ እዩ።
30 “እስን ወር ሃዞር ኬሰ ጅራተን ደፋ በቀዻ!
ሆልቀ ገድ ፈጎ ኬሰ ዾከዻ”
ጄዸ ዋቀዮ።
“ኔቡከድኔዘር ሞቲን ባብሎን እስንት መለቴረ፤
እን ደበ እስንት ያዴረ።
31 “ከኣቲ ሰበ ነጋ ቀቡ ከን ኦፍ አመነቴ ጅራቱ
ሰበ ከረ ዮካን ደንቀራ ከራ ህንቀብኔ ሰነት ዱላ፤
ኡመትንሳ ኮጱመ ኦፊሳ ጅራተ”
ጄዸ ዋቀዮ።
32 “ጋለወንሳኒ ንሀተሙ፣
ሆሪንሳኒ ባይኤንስ ንቦጅአመ።
አን ወረ ለፈ ፈጎ ጅረን ቅሌንሰት ብትኔሴ
ገመ ሁንዳን በላ እሳንት ነንፍደ”
ጄዸ ዋቀዮ።
33 “ሃዞር እዶ ጅሬኛ ዋንጎ፣
ለፈ በረ በራን ኦንቴ ታት።
ነምን ቶኮዩ አች ህንጅራቱ፤
ነምን ቶኮዩ እሼ ኬሰ ህንቁበቱ።”
ኤርጋ ዋኤ ኤላም
34 ጀልቀበ በረ ሞቱማ ዜዴቅያ ሞትቸ ይሁዳ ኬሰ ዱቢን ዋቀዮ ዋኤ ኤላም አከነ ጄዼ ገረ ኤርምያስ ራጅቻ ዹፌ፦
35 ዋቀዮ ዋን ሁንደ ደንደኡ አከነ ጄዸ፦
“ኩኖ አን መደ ጀብነሳኒ፣
እዳ ኤላም ነንጨብሰ።
36 አን ኩታሌ ሰሚወኒ አፍረንራ
ቡቤ አፍረን ኤላምተን ፍደ፤
አን ቡቤ አፍረንት እሳን ነንብትኔሰ፤
ሰብን በቀቶትን ኤላም
እት ህንገሌ ቶኮዩ ህንጅራቱ።
37 አን ፉለ ዲኖተሳኒ፣
ፉለ ወረ ሉቡሳኒ ገላፈቹ በርባደኒ ዱረት
ኤላምን ነንበርበዴሰ፤
ኤላምን ነንበርበዴሰ፤
አን በላ እሳንተን ፍደ፤
ዼከምሰኮ ሶዳችሳ ሰነስ እሳንተን ፍደ፤
አን ሀመ እሳን ፍጡት ጎራዴዻን እሳን አርአ”
ጄዸ ዋቀዮ።
38 “አን ቴሶኮ ኤላም ኬሰ ዻበዼ
ሞቲፊ ቆንዳልቶተሼ ነንበርበዴሰ”
ጄዸ ዋቀዮ።
39 “ተኡሌ አን በረ ዹፉፍ ጅሩ ኬሰ
ሀምባ ኤላም ዴብሴ ነንዻበ”
ጄዸ ዋቀዮ።