ነምን ገሩ አከምት ፉለ ዋቃ ዱረት ቀጄላ ተኡ ደንደአ?

ኩመ ኬሳ ስአ ቶኮሌ እሳፍ ዴብሱ ህንደንደኡ።

ነምን እሳን ሞርሜ ኡቱ ህንሚዸምን ሀፉ ጅራ?

ዼከምሰሳቲንስ እሳን ገገረገልቸ።

ኡቱባወንሼስ ንራሰ።

ኡርጂወንስ ቻፓዻን ንጩፈ።

ደምበሊ ገላናረስ ንዴመ።

ኡርጂ ቶርቢፊ ቱተ ‘ኡርጂወን ክባ’ ጄዸመን እሰቱ ኡሜ።

ድንቂወን ህንለካአምኔ ሆጄተ።

ዮሙ እን ነ ጭነ ዴሙስ አን እሰ ሁበቹ ህንደንደኡ።

ኤኙቱስ፣ ‘አት ማል ሆጄታ?’ እሳን ጄቹ ደንደአ?

ወር ረኣብን ገርጋረንዩ ገድ ዴብኡ።

እሰት ፈልሙፍስ አከምተን ዱቢ ፍለቹ ደንደአ?

እሳፍ ዴብሱ ህንደንደኡ፤

አባ ሙርቲኮ አራረ ከዸቹ ቆፈ ነንደንደአ።

አከ እን ነ ዸገኡ አን ህንአመኑ።

መዳኮስ ሰበቢ መሌ ነት ባይእሰ።

አከ አን ሀፉረ ፉዸዹፍሌ ዬሮ ናፍ ህንኬንኔ።

ዋኤ ሙርቲ ቀጄላስ ታናን ኤኙቱ እሰ ዋሙ ደንደአ?

ኡቱመ አን ህርእነ ህንቀባኔስ የከማ ተኡኮ ህመ።

ዋኤ ኦፊኮቲ ህንያደኡ፤

ጅሬኘኮስ ነንቱፈዸ።

ከናፉ አን፣ ‘እን እሰ ህርእነ ህንቀብኔስ፣

እሰ ሀማስ ንበሌሰ’ ነንጄዸ።

እን በዲሰ ወረ የከ ህንቀብኔት ንቆሰ።

እን እጀ አቦቲ ሙርቲሼ ንጃምሰ፤

ኩን ዮ እሰ ተኡ ባቴ፣ ኤጋ ኤኙሬ?

ኡቱ ገመቹ ቶኮሌ ህንአርግን ደርበ።

አኩመ ርሳ ዋ ቡተቹፍ ገድ በርሱ አሪፈተ።

ኛረ ጉሩስ ዺሴ ነንሴቀ’ ጄዼ፣

አከ አት አከ ነመ በሌሳ ህንቀብኔት ነ ህንሄድኔ ነንቤካቲ።

አን ማሊፍን አከሱማን ደዸበሬ?

ሀንዶዴዻንስ ሀርከኮ ቁልቁሌፈዼዩ፣

ቦለ ኬሰ ነ ዽዽምስተ።

እን አከኮ ነመ ፎኒ ምት።

ከን ግዱኬኘትስ አራረ ቡሱ ቶኮ ጅራቴ፣

ስላ ናስሱንሳ ነ ህንሶዳችሱ ቱሬ።

ሃለን አመ ኬሰ ጅሩን ገሩ ህንደንደኡ።