1 ዋቀዮ ጋረ ሲናረት ሙሴዻን አከነ ጄዼ፤ 2 “አከነ ጄዺ እስራኤሎተት ህም፦ ‘ዮሙ ብየ አን እስኒ ኬኑት ገልተን፣ ብየቲን መታንሼ ሰንበተ ዋቀዮ ሃከበጁ። 3 ወጋ ጀአ ለፈ ቆቲሳኬ ፈጫፈዹ፤ ወጋ ጀአሞ ወይኒኬራ ቆር፤ እጀሳስ ወልት ቀበዹ። 4 ወጋ ቶርበፋት ገሩ ለፍት ሰንበተ ቦቆና ሃቀባቱ፤ ኩንስ ሰንበተ ዋቀዮፍ ከበጀሙዸ። ለፈ ቆቲሳኬ ህንፈጫፈትን ዮካን ወይኒኬራ ህንቆርን። 5 ዋን ኦፊን ብቅሌ ህንሃመትን ዮካን ወይኒ ህንቆረምንራ እጀ ወልት ህንቀበን። ለፍት ቦቆና ወጋ ቶኮ ሃአርገቱ። 6 ወን ለፍት ወጋ ሰንበታት ኬንቱ ኛተኬ ሃተኡ ጄቹንስ ስእ መታኬቲፍ፣ ገርቦተኬ ዺራፊ ዱበርቲዻፍ፣ ወረ ቀጠረመኒ ሆጄተኒፊ አለጎተ ዬሮዻፍ ስ ወጅን ጅራተኒፍ ኛተ ሃተኡ፤ 7 አከሱመስ ሆሪኬቲፊ ብኔንሰ ደገላ ከኔን ብየኬ ኬሰ ጅራተኒፍ ኛተ ሃተኡ። ወን ለፍት ባፍቱ ከምዩ ሃኛተሙ።

8 “ ‘ወጎተ ሰንበታ ቶርበ ጄቹንስ ወጎተ ቶርበ ዬሮ ቶርበ ለካእ፤ ወጎትን ሰንበታ ቶርበን ወጎተ አፉርተሚ ሰገል ተኡ። 9 ጉያ ኩርነፋ ጅአ ቶርበፋትሞ ጉቱማ ብየኬሰኒ ኬሰት መለከተ ዸጌስስ፤ ጉያ አራር ቡኡትስ ጉቱማ ብያ ኬሰት መለከተ ዸጌስሳ። 10 ወጋ ሸንተመፋ ቁልቁሌሳቲ ጉቱማ ብየቲ ኬሰት ጅራቶተ ሁንዳፍ ብልሱማ ለብሳ። ኩንስ እዮቤልዩ እስኒ ተአ፤ ቶኮን ቶኮን ነማ ዴብኤ ገረ ቀቤኘ እሳቲፊ ገረ ማቲሳት ሃገሉ። 11 ወጋን ሸንተመፋን እዮቤልዩ እስኒፍ ሃተኡ፤ ህንፈጫፈትና፤ ዋን ኦፊን ብቅሌ ህንሃመትና፤ ወይኒ ህንቆረምንራስ እጀሳ ወልት ህንቀበትና። 12 ኩን ሰበቢ እዮቤልዩ ተኤፍ ቁልቁሉ እስኒፍ ሃተኡ፤ ዋን ለፈ ቆቲሳራ ገልፈሙ ኛዻ።

13 “ ‘ወጋ እዮቤልዩ ከነ ኬሰ ቶኮን ቶኮን ነማ ገረ ቀቤኘሳት ሃዴብኡ።

14 “ ‘ዮ ነመ ሰበኬ ተኤት ለፈ ጉርጉርቴ ዮካን ዋን ቶኮ እሰራ ብቴ፣ ወል ህንጎዎምስና። 15 አት ወጎተ ወጋ እዮቤልዩ ቦዴ ጅረንረት ሁንዶፍቴ ነመ ሰበኬቲራ ብተዹ። እንስ ባይእነ ወጎተ ገልቻ ምዻኒ ለካኤ ስት ሃጉርጉሩ። 16 ዮ ወጋን ባይኤ ተኤ ገቲሳ ደበሊፍ፤ ዮ ወጋንሳ ገባባ ተኤሞ ገቲሳ ህርእስ፤ ሰበቢንሳ ወን እን ስት ጉርጉሩ ባይእነ ምዻኒት። 17 ወል ህንጩንቁርስና፤ ገሩ ዋቀ ሶዳዻ። አን ዋቀዮ ዋቀኬሰን።

18 “ ‘አጀጀኮ ዱካ ቡኣ፤ ሴረኮሌ ኤጋ፤ እስንስ ብየቲ ኬሰ ነጋን ንጅራቱ። 19 ለፍት እጀ ንኬንት፤ እስንስ ሀመ ቁፍተንት ኛቱ፤ ነጋዻንስ ንጅራቱ። 20 እስንስ፣ “ኑ ዮ ፈጫፈቹ ዮካን ምዻንኬኘ ወልት ቀበቹ ባትኔ ወጋ ቶርበፋት ማል ኛትነ?” ጄተኒ ጋፈቱ ተአ። 21 አከ ለፍት ምዻን ወጋ ሰዲፍ ገኡ እስኒ ኬንቱፍ አን ወጋ ጀአፋት ኤበኮ እስኒፍ ነንኤርገ። 22 ዬሮ ወጋ ሰዴተፋት ፈጫፈተንትስ ዋኑመ ዱራን ገልፈተንራ ኛቱ፤ ሀመ ምዻን ወጋ ሰግለፋ ወልት ቀበተንት ምዻኑመ ከነ ኛቱ።

23 “ ‘ለፍት ሰበቢ ከኑመኮ ታቴፍ በረ በራን ህንጉርጉረምን፤ እስን አናፍ አለጋፊ ኬሱሞተ። 24 ብየ አከ ዻላት ቀበተን ጉቱ ኬሰት ዋን እቲን ለፈ ፉርተን ባሳ።

25 “ ‘ኦቦሌስኬ ቶኮ ህዮሜ ለፈሳ ዮ ጉርጉሬ፣ ነምን ፍረሳ ከን ዽኦ ተኤ ዹፌ ዋን ፍርሳ ጉርጉሬ ሰነ ሃፉሩፍ። 26 ገሩ ዮ ነምች ሱን ፍረ ለፈሳ ፉሩፍ ዸቤ እን መታንሳ ዋን እቲን ለፈሳ ፉረቱ አርገቴ፣ 27 ወጎተ ዬሮ እን ለፈሳ ጉርጉሬ ሰና አስ ጅረን ለካኤ ነምቸ እት ጉርጉሬ ሰናፍ ማለቀሳ ሃዴብሱ፤ እንስ ገረ ለፈ ኦፊት ሃዴብኡ። 28 ገሩ ዮ ዋን ነምቸ ሰናፍ ዴብሱ ዸቤ፣ ወን እን ጉርጉሬ ሱን ሀመ ወጋ እዮቤልዩት ሀርኩመ ነምቸ ብቴ ሰና ሃቱሩ። ወጋ እዮቤልዩ ኬሰ ንዴብኣፍ፤ እንስ ገረ ቀቤኘሳት ንዴብአ።

29 “ ‘ነምን ዮ መጋላ ደላ ቀብዱ ኬሰት መነ ጅሬኛ ጉርጉረቴ፣ ጋፈ ጉርጉረቴ ጀልቀቤ ወጋ ቶኮ ኬሰት ፉረቹ ደንደአ። ምርግ ፉረቹሳስ ሀመ ወጋ ቶኮት ቱረ። 30 ዮ ኡቱ ወጋን ቶኮ ህንጉትን ፉረሙ ባቴ መን መጋላ ደላ ቀብዱ ኬሰት አርገሙ ሱን ቀቤኘ ነምቸ ብቴቲፊ ከን ሰኚሳ ተኤ ሀፈ። ወጋ እዮቤልዩትስ ህንዴብኡ። 31 መኔን ገንዶተ ደላን እት ህንእጃረምን ኬሰ ጅረን ገሩ ዋን አከ ለፈ ባድያት ሄደመኒፍ ፉረሙ ደንደኡ። በረ እዮቤልዩትስ ንዴብፈሙ።

32 “ ‘ሌዎትን ገሩ መኔንሳኒ ከኔን መጋላወንሳኒ ኬሰት አርገመን ፉረቹፍ ዬሮ ከምዩ ምርገ ቀቡ። 33 ቀቤኝ ሌዎታ ፉረሙ ንደንደአ፤ መኔን መጋላ እሳን ቀበተን ኬሰት ጉርጉረመን በረ እዮቤልዩት ንዴብፈሙ፤ መኔን መጋላ ሌዎታ ኬሰት አርገመን እስራኤሎተ ግዱት ቀቤኘ ሌዎታቲ። 34 ለፍት ዼዳ ከን ናኖ መጋላሳኒት አርገሙ ገሩ ሰበቢ ቀቤኘሳኒ ከን በረ በራ ተኤፍ ህንጉርጉረምን።

35 “ ‘ዮ ኦቦሌስኬ ቶኮ ህዮሜ እስን ግዱት ኦፍ ገርጋሩ ደዸቤ፣ አከ እን እስን ግዱ ጅራቹ ደንደኡፍ አኩመ አለጋ ዮካን ኬሱማ ቶኮ ገርጋርቱት እሰ ገርጋር። 36 አከ ነምን ሱን ስ ወጅን ጅራቹ ደንደኡፍ ዋቀኬ ሶዳዹ መሌ ዸለ ቶኮዩ እሰራ ህንፉዸን። 37 ማለቀኬ ዸላን ህንልቄስኒፍ ዮካን ኛተኬ ቡኣ እት ሄሬገቴ ህንኬንኒፍ። 38 አን ዋቀዮ ዋቀኬሰን ከን ብየ ከነኣን እስኒፍ ኬኑፊ ዋቀኬሰን ተኡፍ ብየ ግብጢ እስን ባሴዸ።

39 “ ‘ዮ ኦቦሌስኬ ቶኮ ህዮሜ ስት ኦፍ ጉርጉሬ አከ ገርብቻት እሰ ህንሆጄቺፈትን። 40 እን አከ ሆጄታ ቀጠረማ ዮካን ነመ ዬሮዻፍ እስን ወጅን ጅራቱ ሃተኡ፤ እን ሀመ ወጋ እዮቤልዩት ሲፍ ሃሆጄቱ። 41 ኤርገሲ እን እጆሌሳ ወጅን ገድ ሃለክፈሙ፤ እን ገረ ማቲሳቲፊ ቀቤኘ አቦቲሳት ሃዴብኡ። 42 እስራኤሎን ሰበቢ ገርቦተኮ ወረ አን ብየ ግብጢቲ ባሴ ፍዴ ተአኒፍ አከ ገርቦታት ህንጉርጉረምን። 43 ዋቀኬ ሶዳዹ መሌ ገረ ጀብናን እሳን ህንቡልችን።

44 “ ‘ገርቦንኬ ዺሮትኒፊ ዱበርቶትን ሰቦተ ናኖኬ ጅራተን ግዱዻ ሃዹፈን፤ እስን እሳን ኬሳ ገርቦተ ብተቹ ደንዴሱ። 45 አከሱመስ ኬሱሞተ እስን ግዱ ጅራተኒፊ ማቲሳኒ ወረ ብየኬሰንት ዸለተን ኬሳ ገርቦተ ብተቹ ደንዴሱ፤ እሳንስ ቀቤኘኬሰን ሃተአን። 46 አከ ቀቤኘ ዻለሙት እጆሌኬሰንት ደበርሱ ደንዴሱ፤ በረ ጅሬኘሳኒ ጉቱስ እሳን ገርቦምፈቹ ደንዴሱ፤ እስራኤሎተ ኦቦሎተኬሰን ተአን ገሩ ገረ ጀብናን ህንቡልችና።

47 “ ‘ዮ አለጋን ዮካን ኬሱማን ስ ወጅን ጅራቱ ቶኮ ሶሮሜ ኦቦሌስ ኬሞ ህዮሜ አለጋ ስ ወጅን ጅራቱት ዮካን ማቲ አለጋ ሰናት ኦፍ ጉርጉሬ፣ 48 እን ኤርገ ኦፍ ጉርጉሬ ቦዴ ፉረሙፍ ምርገ ቀበ። ፍሮተሳ ኬሳስ ነምን ቶኮ እሰ ፉሩ ደንደአ። 49 ኦቦሌስ አባሳ ዮካን እልም ኦቦሌሰ አባሳ ዮካን ኣንቴሳ ኬሳ ፍር ዺጋ እሰ ፉሩ ደንደአ። ዮካን እንዩ ዮ ሶሮሜ ኦፍ ፉሩ ደንደአ። 50 እኒፊ ነምች እሰ ብቴ ሱን ወጋ እን እት ኦፍ ጉርጉሬ ጀልቀቤ ሀመ ወጋ እዮቤልዩት ሃለካአን። ገቲን ፉሪሳስ ባይእነ ወጎተ ሰናረት ሁንዳአ፤ ዬሮን እን ነምቸ እሰ ብተቴ ሰነ ብረ ቱሬሞ አከ ነመ ቀጨረሜ ሆጄቴ ቶኮት ሄሬገመ። 51 ዮ አከ ሄሬገሳኒት ወጎትን ባይኤን ሀፈን እን ገቲ እቲን ብተሜ ሰነ ኬሳ ሀርከ ባይኤ ነምቸ ሰናፍ ዴብሱ ቀበ። 52 ዮ ወጎትን ሀመ ወጋ እዮቤልዩት ሀፈን ሙራሰ ተአን እን ወጎተ ሀፈን ሰነ ሄሬገቴ ገቲ ፉረመሳ ሃከፈሉ። 53 እን አኩመ ነመ ወጋ ወጋት ቀጠረሙ ቶኮት እሰ ወጅን ሃጅራቱ፤ ፉለኬ ዱረትስ እን ገረ ጀብናን እሰ ህንቡልችን።

54 “ ‘ዮ እን ከራ ከኔኒን ፉረሙ ባቴስ እኒፊ እጆሌንሳ ወጋ እዮቤልዩት ፉረሙ ቀቡ፤ 55 እስራኤሎን ገርቦተኮቲ። እሳን ገርቦተኮ ከኔን አን ብየ ግብጢ ባሴ ፍዴዸ። አን ዋቀዮ ዋቀኬሰን።