ራጂ
ሚክያስ
1
1 በረ ዮታም፣ ኣሃዚፊ ህስቅያስ ሞቶተ ይሁዳ ቱረን ኬሰ ዱቢን ዋቀዮ ገረ ሚክያስ ነምቸ ሞሬሼት ዹፌ፤ ኩንስ ሙልአተ እን ዋኤ ሰማርያቲፊ ዋኤ ዬሩሳሌም አርጌዸ።
2 ያ ነሞተ፣ እስን ሁንድኑ ዸገኣ፤
ለፋፊ ወንቶትን እሼረ ጅራተን ሁንድኑ ዸጌፈዻ፤
ዋቀዮ ጎፍትች፣
ጎፍታን መነ ቁልቁሉማሳ ቁልቁሉ ሰነ ኬሳ
ዹጋ እስንት በአ።
ዹጋ እስንት በአ።
ሙርቲ ሰማርያፊ ዬሩሳሌምን ኤገቱ
3 ኩኖ! ዋቀዮ እዶ ጅሬኘሳቲ ዹፋ ጅረ፤
እን ገድ ዹፌ እዶ ኦል ከኣ ለፋረ ንኤጄተ።
4 አኩመ ገጋ ፉለ እብዳ ዱረ ጅሩ፣
አኩመ ብሻን ተበራ ገድ ያኡ
ቱሉወን እሰ ጀለት ንበቁ፤
ሱሉለወንስ ገርገር በቀቁ።
5 ወን ኩን ሁንድ ሰበቢ ዶጎጎረ ያቆቢፍ፣
ሰበቢ ጩቡ መነ እስራኤሊፍ ተኤ።
ዶጎጎር ያቆብ ማል?
ሰማርያ ምቲ?
እዶን ሰገዳ ይሁዳ ማል?
ዬሩሳሌም ምቲ?
6 “ከናፉ አን ሰማርያ ቱላ ዲገማ፣
ለፈ ወይኒ እት ዻበተን ነንጎዸ።
አን ዸጋወንሼ ሱሉለት ነቄ፣
ሁንዴሼ ቁላ ነንሀምብሰ።
7 ዋቆትንሼ ቶልፈሞን ሁንድኑ ንሁሬፈሙ፤
ኬናወን መነ ቁልቁሉማሼ ሁንድኑ እብዳን ጉበሙ፤
አን ፈኪሼ ሁንደ ነንበርበዴሰ።
እሼን ገቲ ሰጋገልቶታራ ኬናሼ ወልት ዋን ቀበቴፍ፣
ኬናን ሱን አመስ ገቲ ሰጋገልቶታ ተኤ ንዴብአ።”
ቦኡፊ ገዱ
8 ሰበቢ ዋን ከናቲፍ አን ቦኤ ነንወዋዸ፤
አን ሚለ ዱዋፊ ቁላ ነንዴመ።
አን አኩመ ዋንጎ እዬ፣
አኩመ ኡሩንጉ ነንኣደ።
9 መዳንሼ ዋን ህንፈይኔፍ፣
ይሁዳትስ ደርቤረ።
ከረ ሰበኮ ዱረ ገኤረ፤
ዬሩሳሌምትስ ዹፌረ።
10 እስን ዋን ከነ ጋት ኬሰት ህንዱበትና፤
ጎንኩማ ህንቦእና።
ቤት ሌአፍራት፣
አዋረ ኬሰ ገንገለዻ።
11 እስን ወር ሻፊር ኬሰ ጅራተን፣
ቁላፊ ቃኒዻን ደርባ።
ወር ዘናን ኬሰ ጅራተን፣
ገድ ህንበአን።
ቤት ኤዜል ቦእቸረ ጅርት፤
ኤጉምስሼ እስንራ ፉዸሜረ።
12 ሰበቢ በላን ዋቀዮ ብራ ዹፌ
ከረ ዬሩሳሌምዩ ገኤፍ፣
ወር ማሮት ኬሰ ጅራተን
ገርጋርሰ አርገቹፍ ውጥርፈቱ።
13 አት ላኪሽ ኬሰ ከን ጅራቱ፣
ፈርዴን ጋሪት ህዸዹ።
አት እንተለ ጥዮኒፍ
ጀልቀበ ጩቡት፤
ዶጎጎር እስራኤል
ስእ ኬሰት አርገማቲ።
14 ከናፉ አት ሞሬሼት ጋቲፍ
ኬና ኬንተ።
መኔን አክዚብ ሞቶተ እስራኤሊፍ
ጎዎምስቶተ ተኡ።
15 አን ወረ ማሬሻ ኬሰ ጅራተንት
ሞአታ ቶኮ ነንፍደ።
እን ኡልፍነ እስራኤል ተኤ
ገረ አዱላም ንዹፈ።
16 ሰበቢ ገደ እጆሌ እት ገመዱቲፍ ጄዺ
መታኬ ሃደዹ፤
አኩመ ጎጎጮሮ መታኬ ሞሌፈዹ፤
እሳን ቦጁዻን ስራ ፉዸተሙቲ።