1 ዋቀዮ ሙሴፊ አሮኒን አከነ ጄዼ፦ 2 “ሌዎተ ኬሳ ጎሰ ቆሃቶታ በልበለ በልበላፊ ማቲ ማቲሳኒቲን ለካእ። 3 ዺሮተ ኡሙሪንሳኒ ወጋ ሶዶማ ሀመ ሸንተማ ከኔን ሆጂ ዱንካነ ወል ገኢ ሆጄቹፍ ዹፈን ሁንደ ለካእ።

4 “ሆጂን ቆሃቶትን ወንቶተ ዋን ሁንደ ጫላ ቁልቁሉ ተአኒን ወል ቀበቴ ዱንካነ ወል ገኢ ኬሰት ሆጄተን ከናዸ። 5 ዮሙ ቁበን ዴሙፍ ከኡት አሮኒፊ እልማንሳ ኦል ገለኒ ጎልጋ ደኤሱ ሰነ ገድ ሃቡሰን፤ ጎልጋ ሰናንስ ታቦተ ከኩ ሴራት ሃሀጉገን። 6 ዋን ከነትስ ጎጋ ዱገሜ ኡፍሰኒ ሁጩ ብፍትሳ ጉቱማን ጉቱት ጩቁሊሰ ተኤ እራን ሃአፈን። ደንቀራወንስ እዶ እዶሳኒ ኬሰ ሃገልቸን።

7 “እሳንስ ሁጩ ብፈ ጩቁሊሳ ቶኮ ምንጃለ ቡዴነ እላልቻት ኡፍሰኒ ገበቴ፣ ጫቢፊ ወጪቲ አከሱመስ ኦኮቴ እቲን ዽባዩ ዽኤሰን እሰረ ሃካአን፤ ቡዴን ዬሮ ሁንደ አቺ ህንዸበምኔ ሱንስ እሰረ ሃካአሙ። 8 ሁጩ ብልዲማ እሳንረ ሃድሪርሰን፤ ጎጋ ዱገሜ እት ሃኡውሰን፤ ደንቀራወንሳስ እዶሳኒ ኬሰ ሃገልቸን።

9 “ሁጩ ብፍትሳ ጩቁሊሳ ፉዸኒ ባቱ እብሳ ከን እብሱፍ ቶልቸሜ እብሳሳ ወጅን፣ ዋን እቲን ፎኣ እብሳ ኩተኒፊ ባቱ ዳራ፣ ሜሻወን ዘይቲ ከኔን ሆጂ ከናፍ ኦለን ሁንደስ እቲን ሃሀጉገን። 10 ኤርገሲስ ዋን ከናፊ ምአሳ ሁንደ ጎጋ ዱገሜን መረኒ ወሳሳ እቲን ዋ ባተንረ ሃካአን።

11 “ሁጩ ብፍቲሳ ጩቁሊሰ ተኤስ እዶ ኣርሳ ከን ወርቄራ ሆጄተሜት ኡፍሰኒ ጎጋ ዱገሜ እት ሃሀጉገን፤ ደንቀራወንሳስ እዶሳኒ ኬሰ ሃገልቸን።

12 “ሜሻወን እቲን እዶ ቁልቁሉ ኬሰ ተጃጅለን ሁንደስ ፉዸኒ ሁጩ ብፈ ጩቁሊሳቲን መረኒ ጎጋ ዱገሜን ሀጉገኒ ወሳሳ እቲን ዋ ባተንረ ሃካአን።

13 “እሳንስ እዶ ኣርሳራ ዳራ ሀረኒ ሁጩ ዲማ ዺልጌ እት ሃኡፍሰን። 14 ኤርገሲስ ምአ እዶ ኣርሳ እቲን ተጃጅለን ሁንደ፣ ባቱ እብዳ፣ ቀብዱወን ፎኒ፣ ሜሻ እቲን ዳራ ሀማረኒፊ ወጪቲ እሰረ ሃካአን። ጎጋ ዱገሜ እሰ እራን ሃአፈን፤ ደንቀራወንሳስ እዶሳኒ ኬሰ ሃገልቸን።

15 “ኤርገ አሮኒፊ እልማንሳ ሜሻወን ቁልቁሉ ሰናፊ ምአ ቁልቁሉ ሁንደ ሀጉገኒ ፍጠኒ ቦዴ ዬሮ ቁበን ሱን ጎዳኑፍ ከኡት ቆሃቶትን ምአ ከነ ባቹዻፍ ሃዹፈን። እሳን ገሩ ምአ ቁልቁሉ ሰነ ህንቱቅን፤ ዮ ቱቀን ንዱኡቲ። ቆሃቶትን ዋን ዱንካነ ወል ገኢ ኬሰ ጅሩ ሁንደ ሃባተን።

16 “ኤሌኣዛር እልም አሮን ሉብቻ እት ጋፈተማ ዘይቲ እብሳ፣ እጣነ ኡርጋኣ፣ ኬና ምዻኒ ከን ዬሮ ባይኤ ዽኤፈሙፊ ዘይቲ እቲን ድበኒ ሃተኡ። እን ዱንካነ ቁልቁሉ ሁንዳፊ ዋን እሰ ኬሰ ጅሩ ሁንደት፣ ምኣፊ ሜሻወንሳ ቁልቁሉትስ እት ጋፈተማ ሃተኡ።”

17 ዋቀዮ ሙሴፊ አሮኒን አከነ ጄዼ፤ 18 “በልበለወን ጎሰ ቆሃቲ ሌዎተ ኬሳ ህንበሌስና። 19 አከ እሳን ዮሙ ወንቶተ ዋን ሁንደ ጫላ ቁልቁሉ ተአንት ዽኣተንት፣ አከ ሉቡን ጅራተን መሌ ህንዱኔፍ ዋን ከነ እሳኒፍ ጎዻ፦ አሮኒፊ እልማንሳ እዶ ቁልቁሉ ሴነኒ ዋን ቶኮን ቶኮን ነማ ሆጄቱፊ ባቱ ሃቆቆደን። 20 ቆሃቶትን ገሩ አከ ህንዱኔፍ ዬሮ ጥናፍሌ ወንቶተ ቁልቁሉ እላሉዻፍ ኦል ሴኑ ህንቀበን።”

21 ዋቀዮ ሙሴን አከነ ጄዼ፤ 22 “ጌርሾኖተስ ማቲ ማቲሳኒፊ በልበለ በልበለሳኒቲን ለካእ። 23 ዺሮተ ኡሙሪንሳኒ ወጋ ሶዶማ ሀመ ሸንተማ ከኔን ሆጂ ዱንካነ ወል ገኢ ሆጄቹ ዹፈን ሁንደ ለካእ።

24 “ተጃጅል በልበለወን ጌርሾኖታ ሆጂ ሆጄቹፊ በኣ ባቹዻን ተጃጅለን ከናዸ፦ 25 እሳን ጎልጋ ዱንካነ ቁልቁሉ፣ ዱንካነ ወል ገኢ፣ ኡፈተሳፊ እረ ቡሳሳ ከን ጎጋ ዱገሜራ ሆጄተሜ፣ ጎልጋ በልበለ ዱንካነ ወል ገኢ፣ 26 ጎልጋወን ደላ ዱንካነ ቁልቁሉፊ እዶ ኣርሳት ናነኤ ጅሩ ሰና፣ ጎልጋ በልበለሳ፣ ፉኞፊ ምአ ተጃጅለ ከናፍ ፈየዱ ሁንደ ባቱ። ጌርሹኖትን ዋን ወንቶተ ከናን ሆጄተሙ ቀቡ ሁንደ ሃሆጄተን። 27 ተጃጅል ጌርሾኖታ ሁንድ በኣ ባቹስ ተኡ ሆጂን ብራ አጀጀ አሮኒፊ እልማንሳ ኬነኒን ሃአዴምስፈሙ። ዋን እሳን ባቹ ቀበን ሁንደስ አኩመ እት ጋፈተመሳኒት ቆቆዳፊ። 28 ተጃጅል በልበለወን ጌርሾኖታ ዱንካነ ወል ገኢት ኬነን ከናዸ። ሆጂንሳኒስ ኢታማር እልመ አሮን ሉብቻቲን ሃቀጄልፈሙ።

29 “ሜራሮተ በልበለ በልበላፊ ማቲ ማቲሳኒቲን ለካእ። 30 ዺሮተ ኡሙሪንሳኒ ወጋ ሶዶማ ሀመ ሸንተማ ከኔን ሆጂ ዱንካነ ወል ገኢ ሆጄቹፍ ዹፈን ሁንደ ለካእ። 31 ወን እሳን ዬሮ ሆጂ ዱንካነ ወል ገኢ ሆጄተንት ጎዸን ከናዸ፦ ኩንስ ቱጌወን ዱንካነ ቁልቁሉ፣ ደገሌወንሳ፣ ኡቱቦታፊ ሚለወንሳኒ፣ 32 ኡቱቦተ ኦብዲት ናነአኒ ጅረን ሚለወንሳኒ ወጅን፣ ቆፎወን ዱንካና፣ ፉኞወን፣ ምአሳኒ ሁንዳፊ ወንቶተ ሆጂ ከናፍ ፈየደን ሁንደ ባቹዸ። እስንስ ዋን ቶኮን ቶኮን ነማ ባቱ አዳን ባሳቲ ረመዳፊ። 33 ተጃጅል በልበለወን ሜራሮታ ቀጄልፈመ ኢታማር እልመ አሮን ሉብቻ ጀለ ዱንካነ ወል ገኢ ኬሰት ኬነን ከናዸ።”

አከሲን እሳን አኩመ ዋቀዮ ሙሴ አጀጄት ለካአመን።