24
1 በለኣም ዬሮ አከ እስራኤልን ኤብሱን ዋቀዮን ገመቺሴ አርጌት አከ ዬሮ ካኒ ፈልፈለ በርባቸ ህንዸቅኔ፤ ገሩ ፉለሳ ገረ ገሞጂት ዴብፈቴ። 2 ዮሙ በለኣም ኦል ምልአቴ አከ እስራኤል ጎሰ ጎሳን ቁበቴ አርጌት ሀፉር ዋቃ እሰረ ቡኤ፤ 3 እንስ አከነ ጄዼ ኤርጋሳ ዱበቴ፦
“ኤርጋ በለኣም እልመ ቤኦር፣
ኤርጋ ነመ እጅሳ ስሪት አርጉ፣
4 ኤርጋ ነመ ዱቢ ዋቃ ዸገኡ
እሰ ዋቀ ዋን ሁንደ ደንደኡራ ሙልአተ አርጉ
ከን ኩፌ እጅሳ በነሙ ሰና፦
5 “ያ ያቆብ፣ ዱንካኖትንኬ፣
ያ እስራኤል፣ እዶን አት ጅራቱ አከም ሚዸገ!
6 “እሳን አኩመ ሱሉለ ድሪራ፣
አኩመ እዶ ብቅልቱ ከን አፋን ለጋ፣
አኩመ አርጌሰ ዋቀዮ ዻቤ፣
አኩመ ብርብርሳ ቀርቀረ ብሻኒት።
7 ኦኮሌሳ ኬሳ ብሻንቱ ሎለአ፤
ሰኚንሳ ብሻን ባይኤ አርገተ።
“ሞቲንሳ አጋግ ጫለ፤
ሞቱማንሳ ንከበጀመ።
8 “ዋቀዮ ግብጢ እሰ ባሴ፤
እን ጀብነ አከ ጀብነ ገፈርሳ ቀበ።
እን ሰበ ዲኖተሳ ተኤ ኛተ፤
ለፌሳኒ ንጨጨብሰ፤
ጥየ ኦፊሳቲን እሳን ወራነ።
9 እን አኩመ ሌንጫ ጪሴረ፤
አኩመ ሌንጨ ዸላስ ጪሴረ፤ ኤኙቱ እሰ ደመቅሰ?
“ወር ስ ኤብሰን ሃኤብፈመን፤
ወር ስ አባረንስ ሃአባረመን!”
10 ባላቅ በለኣምት ኣሬ። እንስ ሀርከ ኦፊሳ ወልት ሩሩኩቴ በለኣሚን አከነ ጄዼ፤ “አን አከ አት ዲነኮ አባርቱፈን ስ ዋመዼ፤ አት ኩኖ ዬሮ ሰደን ከነ እሳን ኤብፍቴ። 11 አመ ደፊ አሲ ዴሚ መነኬት ገል! አን ኡልፍነ ጉዳ ሲፍ ነንኬነ ጄዼን ቱሬ፤ አመ ገሩ ዋቀዮ አከ አት ኡልፍነ ህንአርገትኔ ስ ጎዼረ።”
12 በለኣምስ ባላቂን አከነ ጄዼ፤ “አን ኤርገሞተ አት ነት ኤርግቴ ሰነት አከነ ጄዼን ህሜ ምቲ? 13 ‘ኡቱ ባላቅ መሰራ ሜቲፊ ወርቄን ጉተሜ ሰነ ናፍ ኬኔዩ፣ አን ዋኑመ ዋቀዮ ጄዼ ቆፈን ዱበዸ መሌ አጀጀ ዋቀዮቲን አለት ዋን ያደኮ ጋሪ ዮካን ሀማ ቶኮዩ ሆጄቹ ህንደንደኡ።’ 14 ኩኖ አን አመ ሰበኮት ነንዴብአ፤ ገሩ ሜ ኮቱ አን ዋን ሰብን ኩን በረ ዹፉ ኬሰ ሰበኬቲፍ ጎዹ ስን ቤክስሳ።”
ኤርጋ በለኣም ከን አፉረፋ
15 እን አከነ ጄዼ ኤርጋሳ ዱበቴ፦
ኤርጋ በለኣም እልመ ቤኦር፣
ኤርጋ ነመ እጅሳ ስሪት አርጉ፣
16 ኤርጋ ነመ ዱቢ ዋቃ ዸገኡ
ከን ቤኩምሰ ዋቀ ዋን ሁንዳ ኦሊ ቀቡ
ከን ዋቀ ዋን ሁንደ ደንደኡራ ሙልአተ አርጉ
ከን ኩፌ ድሪሩ፣ እጅሳስ ከን በነሙ ሰና፦
17 “አን እሰ ነንአርገ፤ ገሩ አመ ምት፤
አን እሰ ነንእላለ፤ ገሩ ዽኦት ምት።
ያቆብ ኬሳ ኡርጂን ቶኮ ንበአ፤
እስራኤል ኬሳ ቦኩን ቶኮ ኦል ከአ።
እን አደ ወረ ሞኣብ፣
ቡቄ መታ እልማን ሴት ሁንዳስ ንጨጨብሰ።
18 ኤዶም ንሞአተመ፤
ሴኢር፣ ዲንሳ ንሞአተመ፤
እስራኤል ገሩ ጀባቻ ዴመ።
19 ያቆብ ኬሳ ቡልቻን ቶኮ ንከአ፤
ወረ መጋላ ሰነ ኬሰት ሉቡዻን ሀፈንስ ንበርበዴሰ።”
ኤርጋ በለኣም ከን ዹማ
20 ኤርገሲስ በለኣም አማሌቅን አርጌ አከነ ጄዼ ኤርጋ ኦፊ እሰ ዱበቴ፦
“አማሌቅ ሰቦተ ኬሳ ከን ጀልቀባ ቱሬ፤
ዹምንሳ ገሩ በርበዳኡዸ።”
21 ኤርገሲ ቄኖተ አርጌ አከነ ጄዼ ኤርጋ ኦፊሳ እት ዱበቴ፦
“እዶን አት ጅራቱ ጀባዸ፤
መንኬስ ከታ ኬሰት እጃረሜ፤
22 ተኡስ እስን ወር ቄኖታ፣
ጋፈ አሶር እስን ቦጅኡ ንበዱ።”
23 እንስ አከነ ጄዼ ኤርጋሳ እት ዱበቴ፦
“ወዮ! ዬሮ ዋቀዮ ዋን ከነ ሆጄቱ
ኤኙቱ ጅራቹ ደንደአ?
ኤኙቱ ጅራቹ ደንደአ?
24 ዶኒወን ቀርቀረ ክቲምራ ንዹፉ፤
እሳንስ አሶሪፊ ኤቤርን ንቀበቱ፤
ገሩ እሳንስ ንበርበዴፈሙ።”
25 ኤርገሲ በለኣም ከኤ መነ ኦፊሳት ዴብኤ፤ ባላቅሞ ከራ ኦፊሳ ቀጄሌ።