ጄቸ አጉር
30
1 ጄቸ አጉር እልመ ያቄ።
ዱቢን ነመ ከና አከነ ጄዼ ኢቲኤሊት ዱበተሜ፦
“እንስ ኢቲኤሊቲፊ ኡካልት ዱበቴ፦
2 አን ዹጉማን ዶፋ ነመ ሁንዳ ገዲት፤
አን ሁበትና ነምን ቀቡ ህንቀቡ።
3 አን ኦጉማ ህንበረትኔ ዮካን ቤኩምሰ
እሰ ቁልቁሉ ሰና ህንቀቡ።
4 ኤኙቱ ሰሚት ኦል በኤ ዴብኤ ዹፌ?
ከን ሀርክሳ ቡቤ ወልት ቀቤ ኤኙ?
ነምን ብሻን ኡፈታን መሬ ኤኙ?
ከን ዳሪ ለፋ ሁንደ ጀቤሴ ዻቤ ኤኙ?
መቃንሳቲፊ መቃን እልመሳ ኤኙ?
ሜ ዮ ቤክቴ ነት ህም!
5 “ዱቢን ዋቃ ሁንድኑ ህርእነ ህንቀቡ፤
ወረ እሰት ኮሉ ገለኒፍ፣ እን ጋቸነ።
6 ዱቢሳት ሆማ ህንደበልን፤
ዮ ከና አቺ እን ስ እፈተ፤ አትስ ሶብዱ ታቴ አርገምተ።
7 “ያ ዋቀዮ አን ወንቶተ ለመ ስን ከዸዸ፤
እሳንስ ኡቱ ሀመን ጅሩት አነ ህንዾወትን።
8 ጎዎምሳፊ ሶበ ነራ ፈጌስ፤
ህዩማ ዮካን ሶሩመ ናፍ ህንኬንን፤
ገሩ ቡዴነኮ ጉያ ጉያን ናፍ ኬን።
9 ዮ ከና አቺ አን አከ መሌ ቁፌ ስ ገኔ
‘ዋቀዮ ኤኙዸ?’ ነንጄዸ፤
ዮካን ህዮሜ ሀቴ፣
አከሲን መቃ ዋቀኮ ነንሰልጵሰ።
10 “ገርብቸ ቶኮ ጎፍታሳ ብረት ህንሀመትን፣
ዮ ከና አቺ እን ስ አባራ፤ አትስ ዋን ከነት ንጋፈተምተ።
11 “ዸሎተ አባሳ አባሩ
ከን ሃዸሳሌ ህንኤብፍኔቱ ጅረ፤
12 ዸሎተ ቁልቁሉ ኦፍ ሴኡ፣
ከን ጡሪሳራ ህንቁልቁሌፈምንቱ ጅሩ፤
13 ዸሎተ እጅሳ አከ መሌ ኦፍ ቱሉ፣
ከን ባሌን እጀሳስ ነመ ቱፈቱቱ ጅረ፤
14 ዸሎተ ህዬዪ ለፈራ ፍጡፍ
ረከቶተሌ ግዱ ነማቲ በሌሱፍ
እልካንሳ ጎራዴ፣
ሀኦንሳሞ ብላ ተኤ ጅረ።
15 “ዹላንዹል እንተለን፣
‘ኬን! ኬን!’ ጄዸኒ እየን ለመ ቀብድ።
“ወንቶተ ጎንኩማ ህንቁፍኔ ሰዲቱ ጅረ፤
ከኔን ጎንኩማ፣ ‘ኑ ገኤ!’ ህንጄኔሞ አፉርቱ ጅረ፦
16 እሳንስ ሲኦል፣
ገደሜሰ መሴኔ፣
ለፈ ጎንኩማ ብሻን ህንቁፍኔፊ
እብደ ጎንኩማ፣ ‘ነ ገኤ!’ ህንጄኔዸ።
17 “እጀ አባት ቆሱ፣
ከን አጀጀ ሃዻ ቱፈቱ
አራጌሰ ሱሉላቲን ባፈመ፤
ጆብራንስ ንኛተመ።
18 “ወንቶትን አከ መሌ ነ ድንቅሲሰን ሰዲቱ ጅረ፤
አፉርሞ አን ህንሁበዹ፤ ኩንስ፦
19 ከራን ርሳ ሰሚረ፣
ከራን ቦፋ ከታረ፣
ከራን ዶኒ ገላነ ጉዳረ፣
ከራን ዺራሞ ዱበርቲ ወጅን ተኡሳት።
20 “ከራን ኤጅቱ ከነ፦
እሼን ዋ ኛቴ አፋን ሀቀት፤
ኤርገሲሞ፣ ‘አን ሆማ ህንበሌስኔ’ ጄት።
21 “ለፍት ዋን ሰዲ ጀለት ሆለት፤
አፉርሞ ባቹ ህንደንዴሱ፤ ኩንስ፦
22 ገርብቸ ሞቲ ተኡ፣
ጎዋ ኛቴ ቁፉ፣
23 ዱበርቲን ጅበምቴ ዬሮ ዽርሰ አርገቱ፣
ገርብቲ ጊፍቲሼ ዻልቱ።
24 “ወንቶትን ጥጥኖን አፉር ለፈረ ጅሩ፤
ተኡሌ እሳን አከ መሌ ኦጌዪዸ፤ እሳንስ፦
25 ጎንዳወን ቱተ ጀብነ ህንቀብኔዸ፤
ተኡስ እሳን ዬሮ ቦና ኛተሳኒ ወልት ቀበን፤
26 ኦሶሌወን ኡመመወን ሁምነ ህንቀብኔዸ፤
ገሩ ከታ ኬሰ ጅራቱ፤
27 ሀዋንስን ሞቲ ህንቀቡ፤
ገሩ ተሬ ገሌ ያአ፤
28 ሎጩን ሀርካን ቀበሙ ደንዴስ፤
ገሩ መሰራ ሞቲ ኬሰት አርገምት።
29 “ወንቶተ ዴምሰ ቶለን ሰዲቱ ጅረ፤
ከኔን ተርካንፊ በሬደንስ አፉርቱ ጅረ፤ እሳንስ፦
30 ሌንጨ ብኔንሰ ሁንደ ኬሳ ጀባ፣ ከን ዋን ቶኮሌ ሶዳቴ ዱበት ህንዴብኔ፤
31 ኮርመ እንዳንቆ ከን ኮራ ዴሙ፣
ኮርቤሰ ሬኤቲፊ፣
ሞቲ ሎልቶተሳ ዱረ ዴሙ።
32 “አት ዮ ኦፍ ጀጁዻን ጎዎምቴ፣
ዮካን ዮ ሀምነ መለቴ፣
ሀርከኬ አፋንኬረ ካአዹ!
33 አኩመ ኣነን ራሱን ዸዻ ባሱ፣
ፉኛን ምጪሩንስ ዺገ ባሱ ሰነ፣
ኣሪ ከካሱን ሎለ ፍደ።”