ሙርቲ ዋቀዮ
ፋርፈትና 9
ዱረ ቡኣ ፋርፈቶታቲፍ፤ ዬደሎ፣ “ዱአ እልማ” ጄዸሙ። ፋርፈትና ዳዊት።
1 ያ ዋቀዮ፣ አን ገራኮ ጉቱዻን ስን ገለቴፈዸ፤
ዋኤ ድንቂኬ ሁንዱማስ ነንኦዴሰ።
2 አን ስትን ገመደ፤ ነንእልልቸስ፤
ያ ዋቀ ዋን ሁንዳ ኦሊ፣ ፋርፈናዻን መቃኬ ነንጀጀዸ።
3 ዲኖትንኮ ዱግደ ዱበት ንዴብኡ፤
ንጉፈቱ፤ ፉለኬ ዱራስ ንበዱ።
4 ምርገኮፊ ዽመኮ ቀበቴርተ፤
አትስ ሙርቲ ቀጄላ ኬና ቴሶኬረ ቴሴርተ።
5 ሰቦተ እፈቴ ሀሞተስ በሌስቴርተ፤
መቃሳኒስ በራ ሀመ በረ በራት ሀቅጤርተ።
6 ዲኖትን በዲሰ በረ በራቲን በሌፈሙ፤
አት መጋላወንሳኒ ቡቡቅፍቴርተ፤
ሴናንሳኒስ በርበዴፈሜረ።
7 ዋቀዮ ገሩ በረ በራን ንሞአ፤
ቴሶሳስ ሙርቲዻፍ ዻበቴረ።
8 እን ቀጄሉማዻን አዱኛዻፍ ሙርቲ ንኬነ፤
ሰቦተስ ሙርቲ ቀጄላዻን ቡልቸ።
9 ዋቀዮ ወረ ጩንቁርፈመኒፍ እርኮዸ፤
ዬሮ ረክናትስ ደኦዸ።
10 ወር መቃኬ ቤከን ስ አመነቱ፤
ያ ዋቀዮ፣ አት ወረ ስ በርባደን ገቴ ህንቤክቱቲ።
11 ዋቀዮ እሰ ጥዮንረ ጅራቱ ፋርፈናዻን ጀጀዻ፤
ሆጂሳሌ ሰቦተ ኬሰት ለብሳ።
12 እን ሃሎ ዺጋ ባሱ ሱንስ እሳን ያደታቲ፤
እየ ወረ ዽጰተኒስ ህንእራንፈቱ።
13 ያ ዋቀዮ፣ ሀመም አከ ዲኖትንኮ ነ አርአተን እላል!
ናፍ አራረሚቲ አፋን ቦለ ዱኣ ኬሳ ነ ባስ፤
14 ኩንስ አን ከረ እንተለ ጥዮንረት
አከ ገለተኬ ለብሱፊ ፈይሱ ኬትስ
ባይእሴ ገመዱፍ።
15 ሰቦትን ቦለ ቆተን ኬሰ ቡአን፤
ሚልሳኒስ ክዮዹመ እሳን ዾክሰኒን ቀበሜ።
16 ዋቀዮ ሙርቲ ቀጄላ ኬኑዻን ቤከመ፤
ሀሞን ገሩ ሆጂ ሀርከሳኒቲን ክዮ ሴኑ።
17 ነሞትን ሀሞን፣
ወር ዋቀ እራንፈተን ሁንድኑስ ሲኦልት ገድ ቡኡ።
18 ረከቶትን ገሩ ዮምዩ ህንእራንፈተመን፤
አብዲን ህዬዪስ በረ በራን ህንበዱ።
19 ያ ዋቀዮ ከእ፤ ጀብን ነማ ህንሙልአትን፤
ፉለኬ ዱረት ሰቦተት ሃሙረሙ።
20 ያ ዋቀዮ፣ ሶዳ እሳንት ቡስ፤
ሰቦትንስ አከ ነሙመ ተአን ሃቤከን።