አባ ሙርቲ ከን አቦቲ ሙርቲ ብየ ለፋ
ፋርፈትና 58
ዱረ ቡኣ ፋርፈቶታቲፍ። ዬደሎ “ህንበሌስን” ጄዹን ፋርፈተሜ። ፋርፈትና ዳዊት። ሚክታሚ።
1 ያ ቡልችቶተ፣ እስን ዹጉማን ዋን ቀጄላ ዱበተኒ?
ነመ ግዱትስ ሙርቲ ቀጄላ ኬንተኒ?
2 አከስ ምት፤ እስን ገራኬሰን ኬሰት ሀምነ ያዱ፤
ሀርክኬሰንስ ለፈረት ጎሊ ካሰ።
3 ነሞትን ሀሞን ዸሎቱማ ካሰኒ ከራራ ጀልአቱ፤
ገደሜሰ ሃዸሳኒቲ ጀልቀበኒስ ከራራ ጎረኒ ሶበ ዱበቱ።
4 ሀዻንሳኒ አኩመ ሀዻ ቦፋት፤
እሳን አኩመ ቡቲ ዱዳ ጉረሳ ጩቃለቴ
5 ሰገሌ ነመ እሰ ራቴሱ ዮካን ነመ ዋን እቲን እሰ ራቴሱ
ሆጄቱ ቶኮ ዸገኡ ድዱት።
6 ያ ዋቅ አት እልካንሳኒ አፋንሳኒ ኬሰት ጨጨብስ፤
ቀርፋ ሌንጮታስ ዳክ፣ ያ ዋቀዮ!
7 እሳን አኩመ ብሻን ዸንገለኤ በዱት ሃበደን፤
ዬሮ እዳ ፉታሰንት ጥይሳኒ ሃዶሙ።
8 አኩመ ጪለሉ ዮሙ ዴሙ በቁት፣
አኩመ ዳእመ ኡቱ ዬሮን ህንገእን ዸለቱትስ አዱ ህንአርግን።
9 ኡቱ ኦኮቴንኬሰን እብደ ቆራቲቲን ህንሆእን፣
ጂዻስ ተኡ ጎጋንሳኒ ሀጣአመኒ በሌፈሙ።
10 ነምን ቀጄላን ዮሙ ሃሎ በኡ ከነ አርጉት ንገመደ፤
ሚለሳስ ዺገ ነሞተ ሀሞቲን ንዽቀተ።
11 ዮሙስ ነሞትን አከነ ንጄዹ፤
“ዹጉማን ነመ ቀጄላዻፍ በዻስን ጅረ፤
ዹጉማን ዋቅን ለፈረት ሙርቲ ኬኑ ጅረ።”