ዋቅን ሞቲፊ አባ ሙርቲት
ፋርፈትና 96
96፥1‑13 ኩወፈ – 1ሴና 16፥23‑33
1 ፋርፈትና ሃራ ዋቀዮፍ ፋርፈዻ፤
ለፍት ሁንድኑ ዋቀዮን ፋርፈዻ።
2 ዋቀዮን ፋርፈዻ፤ መቃሳ ኤብሳ፤
ፈይሱሳስ ጉዩመ ጉያን ለብሳ።
3 ኡልፍነሳ ሰቦተ ግዱት፣
ሆጂሳ ድንቅሲሳ ሰነሞ ነሞተ ሁንደ ኬሰት ለብሳ።
4 ዋቀዮ ጉዳዻቲ ገለን ባይኤን እሳፍ ንመለ፤
እን ዋቆተ ሁንዳ ኦልትስ ሶዳተሙ ቀበ።
5 ዋቆትን ሰቦተ ኦርማ ሁንድኑ ዋቆተ ቶልፈሞዻቲ፤
ዋቀዮ ገሩ ሰሚወን ኡሜ።
6 ሚዸግኒፊ ሱራን ፉለሳ ዱረ ጅሩ፤
ጀብኒፊ ኡልፍን እዶ ቁልቁሉማሳ ኬሰ ጅሩ።
7 ያ ማቲወን ሰቦታ ዋቀዮፍ ኬና፤
ኡልፍናፊ ጀብነ ዋቀዮፍ ኬና።
8 ኡልፍነ መቃሳቲፍ መሉ ዋቀዮፍ ኬና፤
ኣርሳ ፍዳቲ ኦብዲሳ ሴና።
9 በሬድነ ቁልቁሉማሳቲን ዋቀዮን ዋቄፈዻ፤
እስን ለፍት ሁንድኑ ፉለሳ ዱረት ሆለዻ።
10 ሰቦተ ግዱት፣ “ዋቀዮ ሞቲዸ” ጄዻ፤
አዱኛን ጀባቴ ዻበቴርት፤ ሶቾፈሙስ ህንደንዴሱ።
እን ቀጄሉማዻን ሰቦታፍ ሙርቲ ኬነ።
11 ሰሚወን ሃእልልቸን፤ ለፍትስ ሃገመዱ፤
ገላኒፊ ወን እሰ ኬሰ ጅሩ ሁንድኑ ሃሁርሱ።
12 ድሬወኒፊ ወን እሳንረ ጅረን ሁንድኑ ሃገመደን።
ሙኬን ቦሶና ሁንድኑስ ገመቹዻን ሃፋርፈተን።
13 ኡመምን ሁንድ ፉለ ዋቀዮ ዱረት ሃፋርፈቱ፤ እን ንዹፋቲ፤
እን ለፈት ሙርቴሱፍ ንዹፈ።
አዱኛት ቀጄሉማዻን፣
ሰቦተትሞ ዹጋ እሳቲን ንሙረ።