ሚልኬ ኮጴ ኬሰት አከም በሬደ!

ከን ኦጌስ ሆጂ ሀርካ ቶልቼ ፈካተ።

ከን ተኩማ ዳዺን ወይኒ ወል መካን ኬሳ
ህንዸበምን ፈካተ።

ከን ደራራዻን መርፈሜ ፈካተ።

ከኔን ለኩ ዸለተኒት።

ከን ከረ ባትረቢ ብራ ፈካተ።

ከን ገረ ደማስቆ ገድ እላሉ ፈካተ።

ርፌንስ መታኬቲ አፋ መነ ሞቲ ፈካተ፤

ሞቲን ዼርነሳቲን ቀበሜ ቦጅአመ።

አከም በሬደ፤ አከምስ ነመት ቶልተ!

ጉንቱንኬስ ሁርቡ እጃ ፈካተ።

እጀሳ ነንቀበዸ” ነንጄዼ።

ኡርጋን ሀፉረኬቲ አኩመ ኡርጋ ሁዻት፤

9 አፋንኬስ አኩመ ዳዺ ወይኒ ከን አከ መሌ ጋሪ ተኤት።

እልካንረ ገድ ያኤ ገረ ምቹኮ ሃዸቁ።

ሀዊንሳስ አኑማፍ።

ገንዶተ አቺ ኬሰ ሃቡሉ።

አከ ደራራን እጀ በነቴፊ

ገረ እዶ ዻባ ወይኒ ሃዴምኑ፤

አንስ አችት ጃለለኮ ሲፍ ነንኬነ።

ያ ምቹኮ፣ ወን አን ሲፍ ኩሴ፣

በልበለኬኘ ዱረ ጅረ።