4
Goona ɗa guvaanə da *duuniya
1 Mi saŋə ca kyaara mbəəzənə da mabizhinə aahadoona? Ətsə patə, moo uushi'inə kama kama a ədzəmuunə ca kyaara ətsa. 4.1 Rooma 7.5; 1 Piita 2.11. 2 Kə mwayi unə upaa uushi'inə, amma pooshi unə ka upaa sətə mwayi unə. Acii ha'ə, una ɓələ ənja. Kə mwayi unə uushi'inə ka shaŋə, amma pooshi unə ka upaanə. Acii ha'ə, una ɗa mabizhinə, una pa. Maguŋweemə unə ka sətə mwayi unə, acii pooshi unə kədii acii Əntaŋfə kaa ca vii koonə. 4.2 1 Yooh. 3.16. 3 Taa kə kədii unə, pooshi unə ka guŋweenə, acii də məza ədzəmə cuuna kədii. Waatoo, ma cuuna kədii uushi'ina, koona zamagi ka rəgwatə kaɗeesəkə koonə. 4 Unə ənji ghatə gooŋga! Mashiimuunə oo'i, ma ɗa guvaanə da duuniya, ɗa mbiinə ka Əntaŋfə kwa? Taa wu patə ca moo ɗa guvaanə da duuniya, kə kavə ci naakii nə ka ɗa mbiinə da Əntaŋfə. 4.4 Mat. 6.24; Yooh. 15.18-19; 1 Yooh. 2.15. 5 Shiimə oo'i, tə'i gooŋga agi sətə bii malaaɓa ləkaləkatə; kə bii ci, “Ma Malaaɓa Ma'yanə ənə kavə Əntaŋfə aasəkə ədzəmaamə, agi ətsənə nə ci taamə ka shaŋə.” 6 Amma kə ɗii Əntaŋfə kaamə pwapoonə laŋə kaamə shii ndzaanə malaaɓakii. Aciikii bii malaaɓa ləkaləkatə oo'i, 4.6 4.10; Waɓ. 3.34; Mat. 23.12; 1 Piita 5.5.
“Agi ɗanə nə Əntaŋfə mbiinə
da ənjitə ca ɗuunətə natii na.
Ma ənjitə ca banee ka nətii akəŋwaciikii əsə,
agi ɗanə nə ci ka tii pwapoonə.”
7 Acii ha'ə, viimə noonə nə ka Əntaŋfə, una kəŋaanə ndihə ndihə agi kaareenə ka *Seetanə. Maɗa kə ɗii unə ha'ə, ka huyinə nə ci acii unə. 4.7 Af. 6.12; 1 Piita 5.8-9. 8 Əncahamə aaɓii Əntaŋfə, ci maa, ka əncahanə nə ci aaɓii unə. Unə ma'waslyakə ənja, fə'yagimə ciinuunə agi 'waslyakəənə! Unə ənjitsə pooshi kəŋee ka ədzəmuunə ka ha rəŋwə əsə, laaɓagimə ədzəmuunə! 4.8 Jab. 18.21,25; Isaa. 1.16; Zak. 1.2-3; Mal. 3.6-7. 9 Ɗamə maɓəzəsəkə putə ŋga 'waslyakəənə goonə, una tuu, una ŋgəərə ma əsə. Goona ŋusə ma'ə, amma, tuumə. Wa mooɗasəkə goonə a ndzaa ka maɓətəsəka. 4.9 Luka 6.25. 10 Həətəpaamə noonə nə akəŋwacii Slandana. Ma ci boo, ka ɗuunətənə nə ci tuunə. 4.10 4.6; 1 Piita 5.6.
Waɓənə məzakii agyanə ənda
11 Ndzəkəŋushi'inəkya, goona waɓə məzakii agyanə taa wu ahadoonə. Maɗa kə waɓi əndə bwaya uushi'inə agyanə ndzəkəŋuci, taa ca lagi gəŋwanə aanəkii, ci ɓaarii oo'i, kə waɓi ci bwayakii agyanə *bariya, ca ushapaa bariya əsə. Maɗa kə ushapaa hə bariya, kə ndzaa ci ətsa əntaa əndə nə'u bariya nə hə ma'ə, amma kə ndzaa hə ka əndə ushapaanə. 4.11 Jab. 101.5; 1 Piita 2.1. 12 Əntaŋfə daanəkii nə əndə vii bariya. Ci daanəkii nə əndə la gəŋwanə əsə. Ci daanəkii nə əndə da baawəɗa ŋga luupaanə da zamagi də ənja. Ya ha, wu nə hə saŋə bahə la gəŋwanə agyanə əndə makə ha? 4.12 Rooma 14.4; 1 Koor. 4.5.
Ənji ɗa fiiriinə, goona takəŋwa ka Əntaŋfə!
13 Unə ənə ca ba oo'i, “Taa ənshinə, taa doorə, ka maɗənə niinə, ina dzə aa hatə aa vəra ha'ə. Davə niina fəzha ka ɗa fiiriinə, ina upaa kwaɓa laŋə”, wunəpaamə limuunə kaa nya ba koonə! 4.13-14 Waɓ. 27.1; Luka 12.18-20. 14 Mashiimuunə pukyanə ŋga ha doorə. Waatoo, ma əpinə goonə, rakə da makiirənə ətə ca shigi, əndzə'i ca ənə ka rarə'iginə. 4.14 Ayb. 7.9-10; Jab. 39.6. 15 Amma, ma dəɓee una ba, “Maa kə uu'i Əntaŋfə, kə kirə ci əpinə gaamə əsə, ka ɗanə naamə ha'ə ha'ə.” 4.15 Slənə 18.21; Rooma 1.10; 1 Koor. 4.19; 16.7. 16 Amma, makə maɗamuunə ha'ə, ma tsarə ŋga ətsə patə, pooshi ŋga'ə, acii kə haŋətuunə noonə nə da waɓənə goonə. 4.16 1 Tim. 6.17; 1 Yooh. 2.16.
17 Maɗa kə shii əndə sətə dəɓee ca slənə, amma paa ci ka slənətənə ha'ə, 'waslyakəənə ɗii ci. 4.17 Luka 12.47.
4:1 4.1 Rooma 7.5; 1 Piita 2.11.
4:2 4.2 1 Yooh. 3.16.
4:4 4.4 Mat. 6.24; Yooh. 15.18-19; 1 Yooh. 2.15.
4:6 4.6 4.10; Waɓ. 3.34; Mat. 23.12; 1 Piita 5.5.
4:7 4.7 Af. 6.12; 1 Piita 5.8-9.
4:8 4.8 Jab. 18.21,25; Isaa. 1.16; Zak. 1.2-3; Mal. 3.6-7.
4:9 4.9 Luka 6.25.
4:10 4.10 4.6; 1 Piita 5.6.
4:11 4.11 Jab. 101.5; 1 Piita 2.1.
4:12 4.12 Rooma 14.4; 1 Koor. 4.5.
4:13 4.13-14 Waɓ. 27.1; Luka 12.18-20.
4:14 4.14 Ayb. 7.9-10; Jab. 39.6.
4:15 4.15 Slənə 18.21; Rooma 1.10; 1 Koor. 4.19; 16.7.
4:16 4.16 1 Tim. 6.17; 1 Yooh. 2.16.
4:17 4.17 Luka 12.47.