5
Mafuuɗə ləkaləkatə acii Əntaŋfə
1 Wata nya nee ka mafuuɗə ləkaləkatə da ciizəma Əndətə dasə asəkə dəgələ ŋwaŋuunə. Manaahəkii nə ba'a da səkə ŋga ləkaləkatəkii. Manyi'əkii hakii məɗəfə nə ma ŋga ləkaləkatəkii də ɓuka. 5.1 10.2; Isaa. 29.11; Əzaki. 2.9-10; Dan. 12.4,9. 2 Wata nya nee ka maɗuunə malaa'ika, ca ŋgəree ka uurakii, əŋki ci, “Wu mbu'i bahə əndzəgi ɓuka a ma mafuuɗə ləkaləkatə, ca wunəpana?” 3 Ma nee nyi, pooshi əndə dagyə taa a duuniya taa agi ənjə agu'u ətə mbu'i bahə wunəpaa mafuuɗə ləkaləkatəkii bahə ca tsaamətə aasəkəkii. 4 Ma nyi, kə kiwə nyi ka shaŋə acii pooshi ənji upaa əndətə mbu'i bahə wunəpaa mafuuɗə ləkaləkatəkii, bahə ca tsaamətə aasəkəkii. 5 Wata rəŋwə agi gayiitə a ba ka nyi, “Ga ha tuu, tsaamuu, wiitsə Əndətə ci ənjə a 'wa ‘Livarə ŋga slikərənə ŋga Yahuda’, waatoo maɗuunə jijinə ŋga *Dawuda. Ma ca, kə jaalii ci. Jaalanaakii vii ka ci baawəɗa ŋga əndzəgi də ɓukatsə hakii məɗəfə, ca wunəpaa mafuuɗə ləkaləkatətsa.” 5.5 4.4; 'Wat. 49.9; Mat. 1.1; Rooma 1.3-4; Ibər. 7.14.
6 Ma ahadahada dəgələ ŋwaŋuunə da uushi'iitə ənfwaɗə da i əpinatii da ahada gayiita, kə nee nyi ka *Uundzə Baga kəŋə. Makə kə lagi ənji uurakii nə ci. Tə'i ci da mapa məɗəfə anəkii da i ginəkii məɗəfə əsə. Ma giitə məɗəfə, ŋunyi ma'yanə ŋga Əntaŋfə məɗəfə nə tii. Əntaŋfə sləkee ka tii aasəkə duuniya patə. *5.6 4.6-7; Uundzə Baga: 5.9,12; 6; 7.17; 12.11; 13.8; Isaa. 53.7; Irim. 11.19; Yooh. 1.29; 1 Piita 1.19; ma'yanə məɗəfə: 4.5; Zak. 3.9. 7 Wata Uundzə Bagatə a dzə ka luu mafuuɗə ləkaləkatətə da ciizəma Əndətə dasə asəkə dəgələ ŋwaŋuunə. 5.7 4.2,9; 5.1,13; 6.16; 7.10,15; 19.4; 20.11; 21.5; 1 Meem. 22.19; Isaa. 6.1; Əzaki. 1.26-28; 10.1. 8 Ma kə liwə ci, wata uushi'iitə ənfwaɗə da i əpinatii da gayiitə pupusərə aji ənfwaɗə a gərə'waanə akəŋwacii Uundzə Bagata. Taa wu agitii, da i kəzhimbərə aciikii, da i kwalakə ŋga əndzənə aciikii əsə, pasə da i urədya asəkəkii. Ma urədikii, ci ndzaanə ka də'wa ŋga ənji ŋga Əntaŋfə. †5.8 8.3-4; Jab. 141.2; kəzhimbərə: 15.2. 9 Təya ka kura wanyanə, təya ba, 5.9 4.11; 5.6; 7.9; 14.3; Jab. 96.1.
“Kə mbu'i hə bahə ŋgərə mafuuɗə ləkaləkatə,
ha əndzəgi ɓukatə a makii,
acii kə ɓələgi ənji tə hə.
Də əjigi idənaaku ɗərəgi hə ənji ka Əntaŋfə
taa agi ŋgutə slikərənə, taa ŋgutə uura əsə
da hanyinə ŋga duuniya patə,
10 ha kavə tə tii 5.10 1.6.
kaa təya ndzaanə ka limanyinə agi ŋwaŋuunaaku,
kaa təya paslə tə Əntaŋfə,
təya ɗa ŋwaŋuunə agyanə duuniya.”
11 Yoo, nya ənə ka tsaamənə, nya nee ka malaa'ikanyinə laŋə, pooshi əndə ɓaanatənə, təya guŋutə də dəgələ ŋwaŋuunə da uushi'iitə ənfwaɗə da i əpinatii da gayiita. ‡5.11 malaa'ikanyinə: Ayb. 1.6; Dan. 7.10; Ibər. 12.22. 12 Ma nya fa, təya ŋgəree ka uuratii ka ka wanyanə, təya ba, 5.12 4.11.
“Ma ha, Bagatə ɓələgi ənji,
tə'i hə da baawəɗa, da waha, da shiinə, da ŋgeerənə.
Kə mbu'i hə bahə dəlanə də hə,
ənjə a ɗuunətə tə hə, ənjə a kuyirii tə hə.”
13 Ma nya fa əsə, taa ŋgutə uushi da i əpinə a makii dadagyə da a duuniya da agi ənjagu'u da agi uunəvənyinə, tii patə, təya ka wanyanə, təya ba, 5.13 Jab. 150.6; Fil. 2.10.
“Dəlaamə də Əndətə dasə asəkə dəgələ ŋwaŋuunə
tii da Uundzə Baga.
Dəlaamə də tii putə ŋga ɗuunuunatii da baawəɗatii
ka ca'ə ndəŋwə ndəŋwə.
Kuyirii amə tə tii.”
14 Wata əŋki uushi'iitə ənfwaɗə da i əpinatii, “Wa ca ɗa ha'ə.” Gayiitə natii əsə, təya gərə'waanə, təya paslə tə Əntaŋfə da tə Uundzə Bagata.
5:1 5.1 10.2; Isaa. 29.11; Əzaki. 2.9-10; Dan. 12.4,9.
5:5 5.5 4.4; 'Wat. 49.9; Mat. 1.1; Rooma 1.3-4; Ibər. 7.14.
*5:6 5.6 4.6-7; Uundzə Baga: 5.9,12; 6; 7.17; 12.11; 13.8; Isaa. 53.7; Irim. 11.19; Yooh. 1.29; 1 Piita 1.19; ma'yanə məɗəfə: 4.5; Zak. 3.9.
5:7 5.7 4.2,9; 5.1,13; 6.16; 7.10,15; 19.4; 20.11; 21.5; 1 Meem. 22.19; Isaa. 6.1; Əzaki. 1.26-28; 10.1.
†5:8 5.8 8.3-4; Jab. 141.2; kəzhimbərə: 15.2.
5:9 5.9 4.11; 5.6; 7.9; 14.3; Jab. 96.1.
5:10 5.10 1.6.
‡5:11 5.11 malaa'ikanyinə: Ayb. 1.6; Dan. 7.10; Ibər. 12.22.
5:12 5.12 4.11.
5:13 5.13 Jab. 150.6; Fil. 2.10.