^
ROM
Pol ga manga sip bia na harpir aras Rom mah.
No tahut na hinhinawas i hapuasne bia ira tintalen ta God i takodas ma bia God na kure bia tiga ut na nurnur i takodas mah.
God i hapuasne no uno ngalngaluan taar ta diet ira ut na sakena, diet ing diet nunure tar ie ma diet malok isei.
Taie tikai pa na tale bia na hilau pas no ula harkurai ta God, ma no uno harkurai i takodas.
Ira Iudeia diet sa butbut bia diet hatur kawase ira harkurai ta Moses, iesen diet lake um kaike ra harkurai.
No tunotuno nong gar ta God tutun, aie nong no Tanuo i gil ie.
Dahat gil ra sakena iesen God i gil ra tutun ma ira uno kunubus pa na kikios. Io kaik, no uno harkurai i takodas.
Taie tikai tun at pai takodas ra matmataan ta God.
God i kure bia tikai i takodas kanong i nurnur, ma pataie ta ira uno gingilaan haruat ta ira harkurai ta Moses.
Ma huo mah ta Abraham, God ga kure bia i takodas ra matmataan tana kanong ga nurnur.
A malum i kis ta dahat ma God kanong no Natine i te hamaraam dahat tika ma God ing dahat baak ira ut na sakena.
Hoing ira tunotuno diet ga maat mekaia tano magingin sakena ta Adam, diet na lon mekaia tano takodasiana magingin ta Krais.
Dahat ga maat sukun ira dadas tano magingin sakena ma dahat lon um ma no sigar mangana nilon ta Krais.
Nalua dahat ga tultulai taar tano magingin sakena iesen kaiken um dahat ira tultulai gar ta ira magingin takodas.
Dahat te maat tika ma Krais, kaik dahat langalanga sukun ra hena ira harkurai ta Moses.
No harakidas tano magingin sakena narako ta dahat.
No Halhaliana Tanuo i halamlam dahat sukun no sakana palpal narako ta dahat ma i tar no nilon taar ta dahat.
No Halhaliana Tanuo i haharuatne dahat bia dahat na nanaho ma ra nurnuruan uta ira haridaan namur.
God i manga tur ma dahat ma no uno harmarsai pai tale bia na haan talur dahat.
No hargilgilamis ta God i tahuat laah mekaia tano uno sinisip at waing naga hamines no uno tamat na harmarsai.
God pa ga kure bia Israel i takodas kanong diet ga murmur ira harkurai ta Moses ma ira udiet gingilaan sen mon, ma diet pa ga nurnur.
Ga manga tale bia Israel na nurnur tano hinhinawas ta God iesen diet pa ga bale leh ie, ma diet ing diet pai Israel balik diet ga nurnur tana.
A bar hanawaan baak ma Israel diet nurnur kanong God i te gilamis diet tano uno harmarsai.
Diet ing diet pai Israel diet te kap no mauho ta ira Israel tano harhalon ta God.
God na halon no huntunaan ta Israel.
No lilik ma no tintalen ta God i manga tamat sakit.
I tahut bia dahat na mur ira bilai na tintalen kanong God i te marse dahat.
Dahat na hanapu dahat ra hena ira ut na gil harkurai.
Dahat na tar ra harmarsai kanong no bung na harhalon i hutet.
Nu gil ira num gingilaan haruat ma ing u nurnur bia i tahut bia nu gil, ma waak u hapuko no hinsakaam ta Krais ta ira num gingilaan huo.
Pol ga latlaat utano uno pinapalim kaia nalamin ta diet ing diet pa ga hadade baak no tahut na hinhinawas.
Pol ga pingit bia na haan ukaia Rom.
Pol ga haatne leh ira tunotuno aras Rom.
A nianga na harakatom bia dahat na harbalaurai timaan ta diet ing diet wara lamlamus habato dahat.
Pol ga pirlat God kanong gate hapuasne um ira linge ing gabe susuhai menalua waing ira hunhuntunaan diet naga nurnur.

© 1997-2018 Wycliffe Bible Translators, Inc.