Tadiria Hiburu
1
I Tamaza za Paranga
1 Pana rane qari jola lao rari na Tamaza za vakanoko tatazaria zoku totozo na tinoni korokorotai ko qari paranga votu vani aza tadiria na nada tite, 2 ba pa rane betobetona ari na Tuna makaina za valageria ko na Tuna aza za paranga vani aza. Ko pana Tuna tugu aza za vapodakia na Tamaza za na doruna vinapodaka, beto ko na Tuna tugu aza za mijatia ko mina izongoria doru zakazava. 3 Ko na Tuna aza za na malakapina na Tamaza beto na Tuna tugu za na kirena zozoto na Tamaza, ko na Tuna tugu za aru tamana varikamudi pa nana paranga neqineqidi ria doru zakazava. Pa liguna za roitini aza za na vulavulazana na sela tadiria na tinoni nari za nyumu bangara pa noka pa kale matuana na Tamaza ululuna jola aza.
Na Tuna na Tamaza za Poreveveina Joladi ria na Mateana
4 Na Tuna na Tamaza za tavaporeveveina joladi ria doru mateana, varitoto vei tugu na izongo za teku izongia aza ba za poreveveina joladi ria na izongo tadiria na mateana. 5 Ko na zozotona ani ura kepore za maka totozo bi paranga veini ari na Tamaza za maka ria na nana mateana,
<<Na Tuqu ara ao,
pa ngenari qa ule votuni ara za na Tamamu ao!>> gamike guni mae za maka nana mateana.Kera Vatarazae 2.7; Roiti 13.33; Giburu 5.5.
Beto ko kepore za maka totozo bi paranga veini ari na Tamaza za maka ria na nana mateana,
<<Ara za mana Tamana aza,
ko aza za mina juki vei na Tuqu ara aza, gamike guni mae za maka nana mateana.2 Samuela 7.14; 1 Roiti Bangara 17.13. >>
6 Goto tonai mi valageria pa pezo za guni za na Tuna podo moe nari za paranga vei tu ari na Tamaza,
<<Ria doru mateana tana Tamaza za mari vatarazaea aza,>> za gua tu.Vavanau 32.43; Kera Vatarazae 97.7.
7 Na Tamaza za rove veidi qarike loka poreveveina ria na mateana, ura na veveidi ria za ari tu za gua vei na Tamaza,
<<I Tamaza za roiti veidi na gava ria na nana mateana,
beto za veidi na iku vuruvurungu aza ria na nana nabulu,>> za gua.Kera Vatarazae 104.4.
8 Ba na Tuna za dogoro veini za poreveveina jola, ura na veveina aza za ari za gua vei na Tamaza pana tana Tuna,
<<Tamaza, na mua nyumunyumuna bangara za mina kole jola kamua na kamua!
Beto muna totolidi pana tuvizi ria na mua tinoni.
9 Qu qerani ao za na roiti tuvizina qari roitini ria na tinoni
beto quke tavaraguani ao za na roiti ikerena qari roitini ria na tinoni.
Tamaza, ko za vei aza za ara na mua Tamaza qa mijatigo ao
ko qa vanigo na qeraqera beto na vinalavata za jolani aza qa vadi ria na tavitimu,>> za guni.Kera Vatarazae 45.6-7.
10 Beto na veveina na Tuna za ari mule za gua vei na Tamaza,
<<Bangara, ao qu roitini pa podapodalaina za na kasia abana,
beto ao qu roitini pa limamu makamu za na noka.>>
11 Kolenana na totozo pala mari maragutu ria, ba ao za muna toa kamua na kamua.
Beto ria doru zakazava ari za pala mari muraqu tamumutu veidia na poko.
12 <<Pala muna polo vijongo veidi gu na koti tamumutudi
beto ko za mari tasoga pale vei na poko ria na zakazava ari.
Ba ao za munake izongo soga,
beto ko na mua toa za mina kepore na vinabetona,>> za gua.Kera Vatarazae 102.25-27.
13 Kepore za maka totozo bi paranga vei ari na Tamaza pana tana maka ria nana mateana,
<<Mu nyumu pani pa kale matuaqu
tinganai mana vakilasa vanigo ko muna tete anyanyuni ria ao na mua kana,>> gamike guni mae maka nana mateana.Kera Vatarazae 110.1.
14 Ko na za gu ropi za na roiti tadiria na mateana? Ria na mateana za na ongongu qari roiti nabuluni gu na Tamaza beto ko ria za garunu lageredi pa pezo aza ko mari tokadi ria mari teku izongia na inaalo.