1 Ma sarta kwa danǝvnai da vakaru da tagakur ǝlbǝga Daadamazhigǝlǝn zaraabahaara, tagankur bi nai dǝ sǝrgasǝrgǝra ard markura dabari biya. 2 Adaba nguɗanant nguɗǝg ma ǝrvǝdmahudɗar taakiya, ma sartǝn ǝn da ndzǝga nai ǝmtad dǝ kuuramna, ǝn da maay tsagkur aandzu ndau biya, ba ǝlbǝg tǝghǝr kǝ yesu tlǝkatǝga,kwa hǝrtavǝt hǝrtǝga. 3 Sagawar ba zǝngw da vakaruuwa ǝn maay ndzǝd biya, tǝg nǝ vǝghara mbakyavad ɗlaɗlawura. 4 Əlbǝgara ard ǝlbǝg marawa dzavǝmbi nǝ iin dǝ pattakurama ma markuura dyǝmdyǝmǝr biya,bamma aa ndzǝvǝm dǝ ndzǝɗa shiɗkwa caccuwanacaccuwana, 5 Adaba haik fadghǝr kǝskuuram tǝ dabariya uudaha, bamma tǝ ndzǝɗa Daadamazhigǝla.

6 Bakǝvakwaha kǝm taa ǝlbǝg dǝ dabari kǝ lii ghubarara ghbarg ma fadghǝratǝra, iin wa dabariya hulfakwan kǝ zaman biya, ɗlaɓa dǝ dǝga hulfa lii kwara kwan kǝ zaman kwa da mǝng ghaala kwargatǝr biya. 7 Kǝm taa ǝlbǝga dabariya Daadamazhigǝl shǝɓashǝɓan, dabaritan kwa ndza shǝɓashǝɓan ba wura, iin dabariya Daadamazhigǝl kwa fa nǝ iin ba wurwura lakwti kǝ fazha duniya adaba fǝkiyamara nǝ uuda. 8 Ma lii kwara zaman ndakwana maay wa da nǝghǝgaka nǝghǝg kǝ dabariyan biya, akwama nǝgharaaka nǝ iitǝra, maa hǝrtarǝt bi kǝ yaazhǝgǝl ǝmkyadyǝk biya. 9 Band kwa viindaviindan taakiya,“Baɗǝm nǝ dǝgiti fatǝra nǝ Daadamazhigǝl kǝ lii waig nǝ iina maay nǝghanǝghǝg biya, maay nǝ daadakwa tapghani tapǝg kǝ cǝngacǝng biya , dlaɓa maay nǝ daadakwa tapghana kǝ dzamaghǝr tǝghǝr biya. 10 Marakiyamnda marǝg nǝ Daadamazhigǝl kǝ kwanahaan kǝ dǝgitah tǝdvad shidkwan cacuwana cacuwana, adaba shidkwa cacuwana cacuwanan wa gata shiga dǝgita,baz dǝgaha Daadamazhigǝl kwa ɗǝmɗǝm kǝ nǝghǝgaka nǝghǝga. 11 War wa sǝrgasǝrg kǝ dǝgiti ma ǝrvidmahuɗa uudan ma maay ba iin dǝ ghǝranbiyi? Bandkwah dlaɓa, maay wa nǝghǝgakanǝghǝg kǝ dzamaghǝra Daadamazhigǝl biya bama iin dǝ ghǝraana. 12 Cauwamnda shidkwa duunibi nǝmnd biya, cauwamnda shikwa cacuwana cacuwana vak Daadamazhigǝla, kiyava nǝghǝgakanǝghǝg kǝskǝmnd kǝ dǝgitahi vǝlakǝmnd ba gyagyaana. 13 Kǝm tagkur kwanaahaan kǝ dǝgitaha, dǝ ǝlbǝgahi tsagav dǝ dabariya uudbiya, kǝm tag dǝ shidkwa caccuwanacaccuwana, tǝdvad taa dǝgahaa shidkwa cacuwanacacuwan kǝ lii dǝgaha shidkwa caccuwanacaccuwana. 14 Daddakwa shidkwa Daadamazhigǝlbi wa ɓa tlǝr dǝvakai biya, maay cauwa dǝgaha shidkwa caccuwanacaccuwana Daadamazhigǝli, adaba ɗlagǝr wahiin vakana, da nǝghǝgaaka biya, adaba nǝghvaka tǝdvad shidkwa Daadamazhigǝl nǝ dǝgitaha, 15 Daddakwa shidkwa Daadamazhigǝl wa ɓa tlǝr dǝ iina, tlatlǝna tlatlǝg kǝ dǝgitaha baɗǝmma,maay wa tsagarnǝstsag biya. 16 “Warwa sǝrga sǝrgasǝrg kǝ dzamaghǝra yaazhigǝl kwa da tsagarutsagi?” Dzamaghǝramiiyam kǝskǝmyama dǝga tlǝkatǝga.