1 ሄሳፌ ጉዬ ኦይዱ ኪታንቻታ ቢታ ቦላ ኦይዱ ባጋራ ኤቂዳይታ ቤያዲስ። ኢስቲካ ቢታ ቦላ ጊዲን ዎይኮ ኣባ ቦላ ዎይኮ ሚꬃ ቦላ ኣይ ጫርኮይካ ጫርኮንታ ማላ ኦይዱ ባጋራ ዪዛ ቦሻ ጫርኮ ዉርሲ ኦይኪዳ። *ኤር 49፡36፤ ዳኔ 7፡2፤ ዛካ 6፡5 2 ዴዖ ፆሳ ማታማ ኦይኪዳ ሃራ ኪታንቻይ ኣዋ ኣርሼይ ሞኪዛ ባጋራ ሃ ዪሺን ታ ቤያዲስ። ቢታኔ ኣባ ቆሃናስ ኢስታስ ጎዳቴꬂ ኢሜቲዳ ኦይዱ ኪታንቻታ ባ ቃላ ꬎቁ ሂስቲዲ፥ 3 “ኑኒ ኑ ጎዳ ኦሳንቻታ ሊጴ ቦላ ማታሜ ዎꬃና ጋካናስ ቢታ ቦላ ጊዲን ዎይኮ ኣባ ጊዶን ዲዛይታ ጊዲን ዎይኮ ሚꬃታ ጊዲንካ ሄይታንታ ቆሆፒቴ” ጊ ዋሲዴስ። *ሂዚ 9፡4-6

4 ታካ ማታሜይ ኢስታ ቦላ ዎꬊዳይታ ቆዳ ሲያዲስ። ኢስራዔሌ ኣሳ ኮቻ ኡባፌ ማታሜይ ኢስታ ቦላ ሾጬቲዳይታ ቆዳይ ፄታኔ ኦይዱ ታማኔ ኦይዱ ሺ ኣሳ። 5 ዩሁዳ ቆሞፌ ማታሜይ ኢስታ ቦላ ሾጬቲዳይቲ፥ ታማኔ ናምዑ ሺ፥

9 ሄሳፌ ጉዬ ታ ፄሊሺን ቆዳይ ባይንዳ ዳሮ ዴሬይ ዲዛይሳ ቤያዲስ። ሄይታንቲካ ዴሬፔ፥ ዱማ ዱማ ቆሞፌ፥ ዱማ ዱማ ዛርኬፌኔ ዱማ ዱማ ቃላ ሃሳዪዛይታፔ ሺቄቲዳይታ። ሄይቲ ዉሪ ቦꬃ ማይዖ ማይዒዲ ዛምባ ሃይꬅ ባ ኩሼን ኦይኪዲ ኣልጋ ሲንꬃኒኔ ዶርሳዛ ሲንꬃን ኤቂዳ። 10 ቃላ ꬎቁ ሂስቲዲ “ኣቶቴꬂ ኣልጋ ቦላ ኡቲዳ ኑ ጎዳፔኔ ዶርሳዛፔኮ!” ጊዳ።

11 ኢዛ ኪታንቻቲ ዉሪካ ኢዛ ኣልጋስ፥ ጪማታኔ ኦይዱ ዶዓታ ዩይ ኣꬊ ኤቂዳ ኣልጋዛ ሲንꬃን ጉፋኒዲ ፆሳስ ጎይኒዳ።

13 ጪማታ ጊዶፌ ኢሳዴይ ታኮ ሲሚዲ ታና “ሃይቲ ቦꬃ ማይዖ ማይዒዳይቲ ኦናንቴ? ኢስቲ ኣዋፔ ዪዳይቴ?” ጊዴስ።

14 ታካ “ጎዳዉ! ኔ ኤራሳ” ጋዲስ። ኢዚካ ታስ “ሃይቲ ዎልቃማ ዋዬዛ ካንꬂዲ ዪዳይታ። ኢስቲ ባ ማዮካ ዶርሳ ሱꬃን ሜጪ ጌሺዳ። *ዳኔ 12፡1፤ ማቶ 24፡21፤ ማር 13፡19 15 ሄሳ ጊሽ ፆሳ ኣልጋ ሲንꬃን ዴዒዲ ቃማኔ ጋላስ ኢዛ ኬꬃን ኢዛስ ኦꬄቴስ። ኣልጋ ቦላ ኡቲዳይሲ ባ ቦንቾራ ቤቲዲ ኢስታስ ኩዋሶ ጊዳና። 16 ሃይሳፌ ጉዬ ኢስቲ ጋፌቴና፥ ሳሞቴቴና፤ ኣዋ ኣርሼ ሴላይካ ኢስታ ቦቼናኔ ሆምቤይካ ኢስታ ሆምቤና። *ኢሳ 49፡10 17 ኣልጋዛስ ጊዶ ኣዳን ኡቲዳ ዶርሳይ ኢስታ ሄሚዛዴ ጊዳና። ኢስታካ ጌዴ ዴዖ ሃꬃ ፑልቶይ ዲዛሶ ካሌꬃና። ፆሲ ኢስታ ኣይፌፔ ኣፉንꬃ ቁጫና” ጊዴስ። *ማዛ 23፡1፤ ሂዚ 34፡23፤ ማዛ 23፡2፤ ኢሳ 49፡10፤ ኢሳ 25፡8