ጌሻ ማጻፋ 1ታሪኬ ማጻፋ 1

1ታሪኬ ማጻፋ

ጊዶ ቆፋ

ኮይሮ ታሪኬ ማጻፋይ ሳሜላ ማጻፋኒኔ ካዎታ ማጻፋታን ዲዛ ታሪኬታ ሃራ ኦጌራ ዛሪ ዮቴስ፤ ታሪኬ ማጻፋቲ ኢስራኤሌ ካዎታ ታሪኬ ጊሻስ ኣይፌ ጊዲዳ ናምኡ ቆፋታ ዮቴቴስ።

1. ኢስራኤሌ ካዎቴꬃቲኔ ዩሁዳ ካዎቴꬃቲ ሞሮን ኩንዲዳ ጊዲኮካ ጾሲ ባ ዴሬዛስ ኢሚዳ ሂዶታ ቃላ ኡባ ናጊዳይሳ ዩሁዳን ዲዛ ኣሳ ባጋራ ኢዚ ባ ዴራስ ቆፒዳይሲ ኦሶ ቦላ ፔኦይሳ ቤሳናሳ፤ ሄሲ ቱሙ ጊዲዳይሳ ኤሪሳናስ ሃ ማጻፋ ጻፊዳ ዳዊቲኔ ሶሎሞኔይ ኦꬂዳ ጊታ ኦሶታ፥ ኢዮሳፊጼይ ሂዝቂያሲኔ ኢዮሲያሲ ኦꬂዳ ኦራጺሶ ኦሶታኔ ጾሳስ ኢስታ ኣማኔቴꬂ ሚኒዳ ዴራ ሎኤꬂ ቤሴስ (1-12)።

2. ዬሩሳላሜን ዲዛ ጾሳ ኬꬃን ጾሳስ ጎይኖይ ዋኒ ዶሜቲዳኮ ቆንጪሳናሳ፤ ቃሴ ሄ ዎዴ ጎይኖ ዎጋ ካሌꬂዛይቲ ቄሴታ ጊዲዳ ጊሻስ ኢስቲ ካሌꬂዛ ኦሶ ኬꬃይ ዋኒዲ ዶሜቲዳኮ ቆንጪሳናሳ፤ ጾሳ ኬꬃ ኬጺዳይ ሶሎሞኔ ጊዲኮካ ኮይሮ ጾሳ ኬꬃን ጎይኖ ዎጋ ኤሲዳይ ዳዊቴ ጊዳይሳ ኤሪሳናሳ። (13-29)

ሃ ማጻፋይ ኦይኪዳ ኩሜꬃ ቆፋ

ኣዳሜ ዛሬፔ ቢዲ ካዎ ሳኦሌ ጋካናስ 1፡1—9፡44

ሳኦሌ ሃይቆኔ ኢዛ ናይታ ሃይቆ 10፡1-14

ዳዊቲ ካዎቲዲ ዬሩሳላሜ ኦይꬅ 11፡1-9

ዳዊቴ ዎታዳራ ሚኖታ 11፡10—12፡40

ታቦታ ዬሩሳላሜ ኤፎ 13፡1—16፡43

ጾሳ ኬꬃ ኬጻናይ ሶሎሞኔ 17፡1-27

ዳዊቴ ዎታዳራታ ጾኖ 18፡1—20፡8

ዳዊቲ ዴራ ቆዲን ጋኪዳ ሃንቆ 21፡1-30

ጾሳ ኬꬃ ኬጻናስ ጊጌቴꬅ 22፡1—28፡21

ጾሳ ኬꬃ ኬጻናስ ኢሜቲዳ ኢሞታ 29፡1-20

ሶሎሞኔ ካዎቴꬅ 29፡21-25

ዳዊቴ ሃይቆ 29፡26-30

ኣዳሜፔ ቢዲ ኣብራሃሜ ጋካናስ ዲዛ ዬሌታ

(ሜꬌ 5፡1-32፤ 10፡1-32፤ 11፡10-26)

1 ኣዳሜይ ሴቴ ዬሊዴስ፤ ሴቴይ ሄኖሴ ዬሊዴስ፤ ሄኖሴይ ቃይናኔ ዬሊዴስ። 2 ቃይናኔይ ማላልኤሌ ዬሊዴስ፤ ማላልኤሌይ ያሬዴ ዬሊዴስ። 3 ያሬዴይ ሄኖኬ ዬሊዴስ፤ ሄኖኬይ ማቱሳላ ዬሊዴስ፤ ማቱሳላይ ላሜኬ ዬሊዴስ። 4 ላሜኬይ ኖሄ ዬሊዴስ፤ ኖሄይ ሴሜ፥ ካሜኔ ያፌቴ ዬሊዴስ።

5 ያፌቴይ፥ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ ጌቴቲዛ ኣቱማ ናይታ ዬሊዴስ። 6 ጎሜሬ ናይቲ ኣሽኬናዜ፥ ኤሬፋሲቴኔ ቶጋርማ። 7 ያዋኔ ናይቲ ኤሊሼ፥ ታርሴሴ፥ ኪቲሜኔ ኦሮዳሂሜ። 8 ካሜ ኣቱማ ናይቲ ኩሼ፥ ሚጺራይሜ፥ ፑጼኔ ካናኔ። 9 ኩሼ ናይቲ ሴባ፥ ሃዊላ፥ ሳባ፥ ኤራኢሜኔ ሳቢቴካ፤ ኤራኢሜ ኣቱማ ናይቲ ሳባኔ ዳዳኔ። 10 ኩሼይ ናሙሩዴ ዬሊዴስ፤ ናሙሩዴይካ ኣላሜ ቦላ ኤሬቲዳ ዎልቃማ ኦላንቻ ጊዲዴስ። 11 ሚጺራይሜይ ሉዲሜታ፥ ኣናሜታ፥ ላሃቤታ፥ ናፍቱሄታ፥ 12 ጳጺሮሴታ፥ ካሲሉሄታኔ ፊሊስጼሜ ዛሬታ ዬሊዳ ካፍቶሬታ ዬሊዴስ። 13 ካናኔይ ባይራ ና ሲዶናሲኔ ኢዛ ካሎ ሂቴስ ኣዋ፤ 14 ቃሴካ ካናኔይ ያቡሴታስ፥ ኣሞሬታስ፥ ጌርጌሴታስ፥ 15 ሂዌታስ፥ ኣርቄታስ፥ ሲኔታስ፥ 16 ኣርዋዴታስ፥ ጻማሬታሲኔ ሃማቴታስ ኣዋ።

17 ሴሜ ናይቲ፥ ኤላሜ፥ ኣሶሬ፥ ኣርፋኪሲዴ፥ ሉዴ፥ ኣራሜ፥ ኡጼ፥ ሁሌ፥ ጌቴሬኔ ሜሼኬ፤ 18 ኣርፋኪሲዴይ ሼላሄ ዬሊዴስ፤ ሼላሄይ ኤቦሬ ዬሊዴስ፤ 19 ኤቦሬይ ናምኡ ኣቱማ ናይታ ዬሊዴስ፤ ኢሶይ ዬሌቲዳ ዎዴ ሳኣይ ሻኬቲዳ ጊሻስ ኢዛ ሱንꬂ ፔሌጌ ጌቴቲዴስ፤ ናምኣንꬆዚ ዮቂጻኔ ጌቴቲዴስ። 20 ዮቂጻኔይ ኣልሞዳዴ፥ ሼሌፌ፥ ሃጻርማዌቴ፥ ዬራሄ 21 ሃዶራሜ፥ ኡዛሌ፥ ዲቂሌ 22 ኤባሌ፥ ኣቢማኤሌ፥ ሳባ፥ 23 ኦፊሬ፥ ሃዊላኔ ዮባቤ ዬሊዴስ፤ ሃይቲ ዉሪካ ዮቂጻኔ ናይታ።

24 ሴሜፔ ቢዲ ኣብራሃሜ ጋካናስ ዲዛ ዬሌታ ዛርኬይ ሃይሳፌ ካሊ ዲዛይታ ኦይኬስ፤ ኢስቲካ ሴሜ፥ ኣርፋኪሲዴ፥ ሼላሄ፥ 25 ኤቦሬ፥ ፔሌጌ፥ ኤራኤ፥ 26 ሳሩጌ፥ ናኮሬ፥ ታራኔ 27 ጉዬፔ ኣብራሃሜ ጌቴቲዳ ኣብራሜ።

ኣብራሃሜ ሶ ኣሳታ

(ሜꬌ 25፡12-16)

28 ኣብራሃሜይ ዪሳቃኔ ኢስማኤሌ ዬሊዴስ።

ኣጋራ ኣብራሃሜስ ዬሊዳ ናይታ

29-30 ኣብራሃሜይ ኣጋሪፔ ኢስማኤሌ ዬሊዴስ፤ ኢስማኤሌይ ዬሊዳ ባይራ ናዛ ሱንꬂ ኔባዮቴ ጊዲሺን ኢዛ ካሎቲ ቄዳሬ፥ ኣዲቢኤሌ፥ ሚቢሳሜ፥ ሚሺማኤ፥ ዱማ፥ ማሳ፥ ሃዳዴ፥ ቴማ፥ 31 ዪጹሬ፥ ናፊሻኔኔ ቄዲማ ጌቴቴቴስ።

ኬጹራይ ኣብራሃሜስ ዬሊዳ ናይታ

32 ኬጹራይ ኣብራሃሜስ ዬሊዳ ኡሱፑን ኣቱማ ናይቲ ዚሚራኔ፥ ዮቂሻኔ፥ ማዳ፥ ሚዲያኔ፥ ዪሺባቄኔ ሹሃ ጌቴቴቴስ። ዮቂሻኔይ ሳባኔ ዳዳኔ ጌቴቲዛ ናምኡ ኣቱማ ናይታ ዬሊዴስ። 33 ሚዲያኔይካ ኤፋ፥ ኤፌሬ፥ ሄኖኬ፥ ኣቢዳኤኔ ኤልዳኤ ጌቴቲዛ ኢቻሹ ኣቱማ ናይታ ዬሊዴስ፤ ሃይቲ ኡባይ ኬጹራ ዜሬꬃታ።

ኣብራሃሜይ ሳራፔ ዬሊዳ ዛሬታ

(ሜꬌ 36፡1-19)

34 ኣብራሃሜይ ሳራፔ ዪሳቃ ዬሊዴስ፤ ዪሳቂ ኤሳዌኔ ኢስራኤሌ ዬሊዴስ። 35 ኤሳዌይ ኤልፋዜ፥ ኤራኡኤሌ፥ ያኡሼ፥ ያኢላሜኔ ቆሬ ዬሊዴስ። 36 ኤልፋዜይ ቴማኔ፥ ኦማሬ፥ ጻፌ፥ ጋኢታሜ፥ ቄናዜ፥ ቴሚናኤኔ ኣማሌቄ ጌቴቲዛ ኣቱማ ናይታ ዬሊዴስ። 37 ኤራኡኤሌይ ናሃቴ፥ ዛራሄ፥ ሻማሃኔ ሚዛሄ ጌቴቲዛ ኣቱማ ናይታ ዬሊዴስ።

ኤዶሜን ኮይሮ ዴኢዳ ኣሳታ

(ሜꬌ 36፡20-30)

38 ኤዶሜን ኮይሮ ዴኢዳ ሴይሬ ኣቱማ ናይቲ ሎጻ፥ ሾባሌ፥ ጺባኦኔ፥ ኣና፥ ዲሾ፥ ኤጼሬኔ ዲሻኔ። 39 ሎጻኔ ኣቱማ ናይቲ ሆሬኔ ሆማሜ፤ ቴሚናኣ ሎጻኔስ ሚቾ። 40 ሾባሌ ኣቱማ ናይቲ ኣሊዋ፥ ማናሃቴ፥ ኤባሌ፥ ሼፌኔ ኦናሜ።

ጺባኦኔ ኣቱማ ናይቲ ኣያኔ ኣና። 41 ኣናይ ዲሾኔ ዬሊዴስ፤ ዲሾኔ ኣቱማ ናይቲ ሄምዳ፥ ኤሺባኔ፥ ዪቲራኔኔ ካራኔ። 42 ኤጼሬ ኣቱማ ናይቲ ቢሊሃኔ፥ ዛኢዋኔኔ ያቂኔ።

ዲሻኔ ኣቱማ ናይቲ ኡጼኔ ኣራኔ።

ኤዶሜ ዴሬ ካዎታ

(ሜꬌ 36፡31-43)

43 ኢስራኤሌን ኣይ ካዎይካ ካዎታናፔ ካሴ ኤዶሜ ቢታን ካዎቲዳ ካዎቲ ሃይሳፌ ካሊ ጻፌቲዳይታ።

ቢኦሬ ና ቤላይ ካዎቲዴስ፤ ኢዛ ካታማ ሱንꬃይ ዲናቤ።

44 ቤላይ ሃይቂን ኢዛፔ ካሊዲ ቦጺራ ዴሬ ኣስ ዛራሄ ና ዮባቤይ ካዎቲዴስ።

45 ዮባቤይ ሃይቂን ኢዛፔ ካሊዲ ቴማኔ ዴሬ ኣስ ሁሻሜይ ካዎቲዴስ።

46 ሁሻሜይ ሃይቂን ኢዛፔ ካሊዲ ሞኣቤ ዴሬን ሚዲያሜታ ጾኒዳ ባዳዴ ና ሃዳዴይ ካዎቲዴስ፤ ኢዛ ካታማያ ኣዊቴ ጌቴታዉስ።

47 ሃዳዴይ ሃይቂን ኢዛፔ ካሊዲ ማሲሬቄ ዴሬ ኣስ ሻኡሌይ ካዎቲዴስ።

48 ሻኡሌይ ሃይቂን ኢዛፔ ካሊዲ ኤፊራጺሴ ሻፋ ማታን ዲዛ ኤራሆቦቴ ዴሬ ኣስ ሳኦሊ ካዎቲዴስ። 49 ሳኦሊ ሃይቂን ኢዛፔ ካሊዲ ኣኪቦሬ ና ባኣሊ-ሃናኔይ ካዎቲዴስ።

50 ባኣሊ-ሃናኔይ ሃይቂን ኢዛፔ ካሊዲ ፓኡ ዴሬ ኣስ ሃዳዴይ ካዎቲዴስ፤ ኢዛ ማቼያካ ማሄጻቢኤላ ሜዛሃቤ ና ማጺሬዳ ቢዮ፤ ሄሳፌ ጉዬ ሃዳዴይ ሃይቂዴስ። 51 ኤዶሜን ኬሂ ኤሬቲዛ ሃላቃቲ ቴሚናኤ፥ ኣሊዋ፥ ዬቴቴ፥ 52 ኦሆሊባሜ፥ ኤላ፥ ፒኖኔ፥ 53 ቄናዜ፥ ቴማኔ፥ ሚቢዛሬ፥ 54 ማጊዲኤሌኔ ኢራሜ ጌቴቴቴስ።