1 ኑኒ ጾሳራ ኦꬂዛይታ ጊዲዳ ማላ ኢንቴ ኤኪዳ ጾሳ ኪያቴꬃ ጮ ሜላ ኣሾፍቴ ጊሼ ኑ ኢንቴና ዎሶስ። 2 ጾሲ፥ «ታኒ ታስ ጊጊዳ ጋላስ ኔና ሲያዲስ! ኣቲዛ ጋላስ ታ ኔና ማዳዲስ!» ጊዛ ጊሻስ ሎኦ ዎዴይ ሄኮ ሃኢ! ኣቴꬃ ጋላሲካ ሃኢኮ!ኢሳ 49፡8

3 ኑ ኦሶይ ሌቄቶንታ ማላ ኣይ ዎዴካ ኦናስካ ኑኒ ꬉጴ ጊዶኮ። 4 ሄሳፌ ኣꬂዲ ዋዬኔ ሜቶ ኡንኦካ ዳንዳያን ጾሳስ ኦꬂዛ ኣሳታ ማላ ኣይ ኦጌራካ ኑናቴꬃ ኣꬂ ኢሞስ። 5 ኑኒ ጾሳስ ኦꬂዛይታ ጊዲዳይሳ ቤሲዛይ ጋራፌቴꬃን፥ ቃሼቴꬃን፥ ሂርጋን፥ ዳቡሪ ኦሶን፥ ꬊስኮ ꬋዮኒኔ ጋፋና። ሃዋ 16፡23 6 ሄሳꬆካ ጌሻቴꬃን፥ ኤራቴꬃን፥ ዳንዳያን፥ ኪያቴꬃን፥ ጺሎ ኣያና ካሎኒኔ ቆꬌፔ ቆሞን ጊዶንታ ሲቆን፥ 7 ቱማ ቃላኒኔ ጾሳ ዎልቃና፤ ኑ ኢዛን ጌዴ ኦሊ ጾኒዛ ኦላ ሚሺኔ ካሜቲ ኣቲዛ ጎንዳሌይ ጺሎቴꬃ። 8 ቦንቾስ ጊዲን ዎይኮ ካዉሻስ፥ ቆꬌታናስ ዎይኮ ጋላታናስ ኑኒ ጊጌቲዳይታ፤ ኑኒ ቱማንቻታ ሺን ኣሴ ባሌꬂዛይታ ጌቴቲዶስ። 9 ኑኒ ኤሬቲዳይታ ሺን ኤሬቶንታይታ ጊዲዶስ፤ ኢስቲ ሃይቂዳይታኮ ጊሺን ኑኒ ፓጻ ዶስ፤ ኣሳይ ኑና ቡኪ ቡኪንካ ኑ ሃይቂቤኮ። 10 ሙዞይ ኑና ጋኪኮካ ኡባ ዎዴ ኡፋዬቶስ፤ ኑኒ ማንቆኮ ሺን ዳሮ ማንቆታ ዱሬ ኬሶስ፤ ኑስ ኣይኮይካ ባይንዳይታ ሺን ዉሪካ ኑስ ዴስ።

11 ኢንቴኖ ቆሮንቶሴን ዲዛይቶ! ታ ካሴ ኢንቴስ ቆንጬን ዮታዲስ፤ ኑኒ ኑ ዎዚና ኢንቴና ኡባ ቤሲዶስ። 12 ኢንቴ ቃሴ ኑና ኢንቴ ሲቆ ቤሳናስ ኡዜቲዴታ ኣቲን ኑ ኢንቴና ኑ ሲቆ ቤሳናስ ኡዜቲቤኮ። 13 ኣዋይ ባ ናስ ዮቲዛ ማላ ታኒካ ኢንቴስ ኣኔ ዮታይስ፤ ኑኒ ኑ ዎዚና ኬሂ ዶይዲ ኑ ቆፋ ኢንቴስ ቆንጪሶይሳꬆ ኢንቴካ ኑስ ሄሳꬆ ቆንጪሲቴ።

14 ኣማኖንታ ኣሳራ ጊጋይ ባይንዳ ኢሲፌቴꬃን ኦይኬቶፍቴ፤ ጺሎቴꬂኔ ናጋራይ ዋኒ ኢሲፌታናስ ዳንዳይዜ? ፖኦይኔ ꬉማይ ኢሲፌ ዋኒ ዳና ዳንዳይዜ? 15 ኪርስቶሲኔ ዳቡሎሲ *ዳቡሎሲ፡ ዳቡሎሲ ጊሪኬ ቃላራ፥ «ቤልያል» ዎይኮ «ቤልያር» ጌቴቴስ፤ ኢብራዌታ ቃላራ፥ «ቤልኦል» ጌቴቴስ። ቢርሼꬃይ ጎኣይ ባይንዳይሳ [ኣይፌይ ባይንዳይሳ] ዎይኮ ዎጋይ ባይንዳይሳ ጉሳ። ዋኒ ጋጋናስ ዳንዳይዞ? ኣማኒዛዴይ ኣማኖንታዴራ ኣዛን ላጌታናስ ዳንዳይዜ? 16 ጾሳ ዎሳ ኬꬃስ ኤቃታራ ኣዛ ጋጎይ ዲዜ? ጾሲካ፥

17 ጎዳይ፥ «ኢንቴ ኢስታ ጊዶፌ