1 ጴጽሮሲኔ ዮሃኒሲ ኣሳስ ሃሳያን ዲሺን ቄሴታ *ቄሴታ፡ ቄሴታ ኢሲ ኢሲ ጌሻ ማጻፋቲ ቄሴታ ሃላቃ ጌቴስ። ሃላቃቲኔ ጾሳ ኬꬃ ናጊዛይታ ሃላቃይ ቃሴካ ሳዱቃዌቲ ኢስታኮ ዪዳ። 2 ሂስቲዲ ሃዋሬቲ ኣሳ ታማርሲዛይሳሲኔ ዬሱሳ ባጋራ ቤቲዳ ሃይቂዳይታ ዴንꬃ ጊሻስ ሳባኪዛይሳስ ኬሂ ሃንቄቲዳ። 3 ጴጽሮሳኔ ዮሃኒሳ ጋዴይ ቃሚሺን ኦይኪዲ ዎንታና ጋካናስ ቃሾ ኬꬃን ኣይሲዳ። 4 ጊዶ ኣቲን ቃላ ሲዪዳ ኣሳፔ ዳሪዛ ባጋይ ኣማኒዴስ፤ ኣማኒዳ ኣቱማ ኣሳ ቆዳይ ጌዴ ኢቻሹ ሺ ጋካናስ ꬎቁ ጊዴስ።

5 ዎንቴꬃ ጋላስ ኢስታ ሃላቃቲኔ ጪማቲ ቃሴካ ሙሴ ዎጋ ታማርሲዛይቲ ዬሩሳላሜን ሺቂዳ። 6 ኢስታ ቄሴታ ሃላቃ ሃናይኔ ቃያፋይ፥ ዮሃኒሲ፥ ኢስኪንዲሮሲኔ ቄሴታ ሃላቃሶ ኣሳይ ዉሪ ሄን ቤቲዳ። 7 ኢስቲካ ጴጽሮሳኔ ዮሃኒሳ ባ ጊዶን ኣꬂ ኤሲዲ፥ «ሃይሳ ኢንቴ ኦꬂዛይ ኣዛ ዎልቃኔ? ዎይኮ ኦና ሱንꬃኔ?» ጊዲ ኦይቺዳ።

8 ሄ ዎዴ ጴጽሮሲ ጺሎ ኣያናን ኩሚዲ፥ «ኢንቴኖ ዴሬ ሃላቃቶ! ዴሬ ጪማቶ! 9 ኢንቴ ሃች ሃ ቶሆ ሲላ ኣዴዛስ ኦሴቲዳ ሎኦ ኦሶይ ዋኒ ኢዚ ፓጺዳኮ ኢንቴ ኑና ኦይቺዛ ጊዲኮ፥ 10 ኢንቴ ካቂን ጾሲ ሃይቆፔ ዴንꬂዳ ናዚሬቴ ዬሱስ ኪርስቶሳ ሱንꬃን ኢዚ ፓጺዳይሳኔ ኢንቴ ሲንꬃን ኢዚ ኤቂዳይሳ ኢንቴካ ኢስራኤሌ ዴሬ ኣሳይ ዉሪ ሃይሳ ኤሪቴ። 11 ኢዚካ ኢንቴ ኬꬃ ሂላቲ ሌቂ ኣጊዳ ሹቻይ ጊምቤ ኬꬃስ ጉላ †ጉላ፡ ጉላ ጊዛይሳ ኢሲ ኢሲ ባጋ ጋሞꬆ ቃላን ማጋላ ዎይኮ ዮቻ ሹች ጌቴስ። ቦላ ቦላራ ዎꬂዛ ሹች ጊዲዴስ። ማዛ 118፡22 12 ኣቶቴꬂ ሃራ ኦናንካ ባ፤ ሳሎፔ ጋርሳ ባጋራ ኑ ኣሳ ናይቲ ኣታና ማላ ኑስ ኢሜቲዳይ ሃይሳፌ ሃራ ሱንꬂ ዴና» ጊዴስ።

13 ኣይሁዳታ ዱላታ ኣሳይካ ጴጽሮሲኔ ዮሃኒሲ ሄሳꬆ ጻሊ ሃሳይዛይሳ ቤኢዲ ኢስቲ ታማሮንታ ኣስ ጊዲዳይሳ ኤሪዲ ማላሌቲዳኔ ኢስቲ ካሴ ዬሱሳራ ዲዛይታ ጊዲዳይሳ ኣኬኪዳ። 14 ሄ ፓጺዳ ኣዴዚ ኢስታራ ኤቂ ዲሺን ቤኢዳ ጊሻስ ኢስታስ ሃራ ኦꬃናስ ጋሶይካ ꬋይዴስ። 15 ሄሳ ጊሻስ ኢስታ ዱላታፔ ኬሳና ማላ ኣዛዚዳ። ሄሳፌ ቃሴካ ሺቄቲዲ ባ ጊዶን ዞሬቲዳ። 16 ባ ጊዶን፥ «ሃይታ ኣሳታ ዎስቲኖ? ዬሩሳላሜን ዲዛ ኣሳይ ዉሪ ኢስታ ኩሼን ሃኒዳ ጊታ ማላታ ኤሪዴስ። ሄሳ ጊሻስ ኑ ሃ ዮኦዛ ኣሳ ባሌꬃናስ ዳንዳዮኮ። 17 ጊዶ ኣቲን ሃይሲ ዮኦዚ ዴሬ ጊዶን ኬሂ ኣኮንታ ማላኔ ሃይቲ ኣሳቲ ናምኣንꬆ ሃይሳ ሃ ሱንꬃን ሃራ ኦናስካ ዮቶንታ ማላ ኢስታስ ሎኤꬂ ዮታና» ጊዳ።

18 ኢስታ ጼይጊዲኔ ሙሌካ ዬሱሳ ሱንꬃን ሃሳዮንታ ማላኔ ታማርሶንታ ማላ ኣዛዚዳ። 19 ጴጽሮሲኔ ዮሃኒሲ ቃሴ ዛሪዲ፥ «ኑኒ ጾሳፌ ቦላራ ኢንቴስ ኣዛዜታናስ ቤሲዛኮ ኣኔ ኢንቴ ጾሳ ሲንꬃን ፒርዲቴ። 20 ኑኒ ኑ ቤኢዳይሳኔ ኑ ሲዪዳይሳ ሃሳያናፔ ጉዬ ጎኮ» ጊዳ።

21 ቃሴካ ኢስታ ቦላ ማንዲዲ ዬዲዳ፤ ጋሶይካ ሃንኮ ዴሬይ ዉሪ ሃኒዳ ዮኦዛ ጋሶን ዉሪካ ጾስ ጋላቲዛ ጊሻስ ኢስታ ቃጻያናስ ዳንዳይቤቴና። 22 ሄ ጊታ ማላታን ፓጺዳ ኣዴዛስ ላይꬃይ ኦይዱ ታማፌ ቦላ።

23 ጴጽሮሲኔ ዮሃኒሲ ቃሾፔ ቢርሼቲዲ ባ ኣሳታኮ ሲሚዲ ቄሴታ ሃላቃቲኔ ዴሬ ጪማቲ ኢስታ ጊዳይሳ ኡባካ ዮቲዳ። 24 ኢስቲካ ሄሳ ሲዪዳ ማላ ባ ቃላ ꬎቁ ሂስቲዲ ኢሲፌ ጾሳኮ፥ «ዎጋ ጎዳዉ! ኔኒ ሳሎኔ ሳኣ፥ ኣባኔ ኣባ ጊዶን ዲዛይታ ዉርሳ ሜꬋዳሳ።ኬሳ 20፡11፤ ናሂ 9፡6፤ ማዛ 146፡6 25 ኔ ኣሽካራ ኑ ኣዋ ዳዊቴ ዶናራ ጺሎ ኣያናን፥

27 «ቱማፔ ሄርዶሲኔ ጳንጾሳ ጲላጾሲ ኢስራኤሌታራኔ ሃራ ዴሬ ኣሳራ ሃኖ ካታማይን ኔ ዶራ ቲይዳ ጌሻ ናዛ ዬሱሳ ቦላ ዮኦ ቃቻናስ ሺቄቲዳ። ሉቃ 23፡1፥7-11፤ ማቶ 27፡1-2፤ ማር 15፡1፤ ዮሃ 18፡28-29 28 ሃይሳንካ ኔ ዎልቃኒኔ ኔ ሼኔን ካሴ ኔ ቆፒዳይሳ ኢስቲ ፖሊዳ። 29 ጎዶ! ሃኢካ ኢስታ ማንዴዛ ኔ ቤያ፤ ኑኒ ኔ ኣይሌቲ ኔ ቃላ ባቦንታ ኩሜꬃ ጻላቴꬃራ ዮታና ማላ ዳንዳይሳ። 30 ፓꬃናስ ኔ ኩሼ ሚጫ። ኔ ና ጌሻዛ ሱንꬃን ጊታ ማላታ ኦꬃ» ጊዳ።

31 ኢስቲ ዎሲዳፔ ጉዬ ኢስቲ ዲዛሶይ ቃጺዴስ፤ ዉሪካ ጺሎ ኣያናን ኩሚዲ ጾሳ ቃላ ጻላቴꬃን ዮቲዳ።

32 ኣማኒዛይቲ ዉሪካ ኢሲ ዎዚናኒኔ ኢሲ ቆፋን ጋጊ ዴቴስ። ኢስታስ ዲዛይ ዉሪ ኢሲ ቦላ ዴስ ኣቲን ባስ ዲዛዝ፥ «ሃይሲ ታስ ቡዞ ሚሻ» ጊዛዴይ ዴና። ሃዋ 2፡44-45 33 ሃዋሬቲካ ጎዳ ዬሱሳ ዴንꬃ ጊታ ዎልቃን ማርካቴꬅ ኦይኪዳ፤ ኡባ ቦላ ጊታ ጾሳ ኪያቴꬂ ዴስ። 34 ኢስታ ጊዶን ሜቶታንቻይ ኢሳዴይካ ዴና፤ ጋሶይካ ጋዴ ጊዲን፥ ኬꬄ ጊዲን ባስ ዲዛ ኡባ ባይዚ ባይዚ ሺሺዳ ሚሽ፥ 35 ሃዋሬታ ኩሼን ዎꬂዲ ኢሳዴስ ኢሳዴስ ኢዛስ ኮሺዛ ማላ ጊሼቴስ።

36 ቆጲሮሴ ጌቴቲዛሶን ዲዛ ዮሴፌ ጌቴቲዛዴይ ኢሲ ሌዌ ባጋ ኣሲ ዴስ፤ ኢዚካ ሃዋሬታን፥ «ባርናባሳ» ጌቴቲ ሱሚዴስ። ሄሳስ ቢርሼꬃይ፥ «ሚንꬄꬆ ና» ጉሳ። 37 ኢዚካ ባ ጋዴ ባይዚዳ ሚሻ ኤሂዲ ሃዋሬታ ኩሼን ዎꬂዴስ።