1 ቄሴታ ሃላቃይ ኢስቲፋኖሴ፥ «ሃይሲ ኔ ቦላ ሺቂዳ ዮኦዚ ቱሜ?» ጊ ኦይቺዴስ።

2 ኢስቲፋኖሲካ፥ «ታ ኢሻቶ! ታ ኣዋቶ! ታ ጊዛይሳ ሲዪቴ! ኑ ኣዋ ኣብራሃሜይ ካራኔ ጌቴቲዛሶ ያናፔ ካሴ ቡሮ ሜስጴጾሚያን ዲሺን ቦንቾ ጎዳይ ኢዛስ ቆንጪዲ፥ 3 ‹ኔ ዴሬፔኔ ኔ ዳቦፌ ሻኬታዳ ታ ኔና ቤሲዛሶ ባ› ጊዴስ። 4 ኢዚካ ካላዳዌታ ቢታፌ ኬዚዲ ካራኔ ጌቴቲዛ ቢታን ኡቲዴስ። ኢዛ ኣዋይ ሃይቂዳፔ ጉዬ ኢንቴ ሃኢ ዲዛሶ ሃ ዴሬ ኢዛ ኤሂዴስ። ሜꬌ 11፡31፤ 12፡4 5 ሃራይ ኣቶሺን ኢሲ ቶሆይ ኤቂዛ ጋዴይ ኢዛስ ሃይሳፌ ኢሜቲቤና፤ ጊዶ ኣቲን ሄ ዎዴ ኢዛስ ኢሲ ናይካ ባይንዳ ዲሺን ኢዚኔ ኢዛፔ ጉዬን ኢዛ ዜሬꬂ ቢታዮ ላታና ማላ ጾሲ ኢዛስ ጫቂዴስ። ሜꬌ 12፡7፤ 13፡15፤ 15፡18፤ 17፡8 6 ቃሴካ ጾሲ ኢዛስ፥ ‹ኔ ዜሬꬂ ኣላጋ ቢታን ቤቴ ኣስ ጊዳና። ኦይዱ ጼቱ ላይꬅ ኣይሌቴꬃ ቃምባራ ጊዶን ዋዬታና። ሜꬌ 15፡13-14 7 ጊዶ ኣቲን ኢስታ ኣይሌ ማላ ሃሪዛ ዴሬ ታ ቃጻያና፤ ሄሳፌ ጉዬ ኢስቲ ሄ ቢታፌ ኬዚዲ ሃኖ ሃ ሶሆዪን ታስ ጎይናና› ጊዴስ። ኬሳ 3፡12 8 ሄሳፌ ጉዬ ቃጻራ ዎጋ ጫቆ ኢዛስ ኢሚዴስ፤ ኣብራሃሜይካ ዪሳቃ ዬሊዲ ኢዛ ኦስፑንꬃ ጋላስ ቃጻሪዴስ፤ ዪሳቃይካ ያቆቤ ዬሊዴስ፤ ያቆቤይካ ታማኔ ናምኡ ቆሞታ ዬሊዴስ። ሜꬌ 17፡10-14፤ 21፡2-4፤ 25፡26፤ 29፡31—35፡18

9 «ሄ ቆሞታ ኣዋቲ ዮሴፌ ቦላ ቃናቲዲ ኢዛ ኣይሌቴꬃስ ዱጌ ጊብጼ ባይዚዳ፤ ጊዶ ኣቲን ጾሲ ኢዛራ ዴስ። ሜꬌ 37፡11፤ 37፡28፤ 39፡2፥21 10 ሜቶ ኡባፌ ኢዛ ኣሺዴስ፤ ጊብጼ ካዎ ፓሮኔ ሲንꬃን ቦንቾ ኢሚዴስ፤ ፓሮኔይ ኢዛ ጊብጼ ቢታኒኔ ባ ኬꬃ ኣሳ ኡባ ቦላ ኣላፌቴꬃን ሹሚዴስ። ሜꬌ 41፡39-41

11 «ሄ ዎዴ ካናኔኒኔ ጊብጼን ዳሮ ሜቶ ኤሂዳ ጊታ ኮሻይ ዴንዲዴስ። ኑ ኣዋታስካ ሚዛ ካꬂ ꬋይዴስ።ሜꬌ 42፡1-2 12 ያቆቤይ ጊብጼ ዴሬን ካꬂ ዲዛይሳ ሲዪዲ ኑ ኣዋታ ኮይሮ ጊብጼ ዬዲዴስ። 13 ኢስቲ ናምኣንꬆ ቢዛ ዎዴ ዮሴፌይ ኢዚ ኦናኮ ባና ባ ኢሻታስ ቆንጪሲዴስ። ፓሮኔይካ ዮሴፌ ኢሻታ ኤሪዴስ። ሜꬌ 45፡1፤ 45፡16 14 ሄሳፌ ጉዬ ዮሴፌይ ኪቲዲ ባ ኣዋ ያቆቤኔ ላፑን ታማኔ ኢቻሹ ጊዲዛ ባ ዳቦታ ኩሜꬅ ኤሂሲዴስ። ሜꬌ 45፡9-10፥17-18፤ 46፡27 15 ያቆቤይ ዱጌ ጊብጼ ዎꬊዴስ። ኢዚካ ኑ ኣዋቲካ ዉሪ ሄን ሃይቂዳ። ሜꬌ 46፡1-7፤ 49፡33 16 ኢስታ ኣሃይካ ሴኬሜ ጌቴቲዛሶ ኤፊን ኣብራሃሜይ ኤሞሬ ናይታፔ ባ ሚሻን ሻሚዳ ዱፎን ሞጌቲዴስ። ሜꬌ 23፡3-16፤ 33፡19፤ 50፡7-13፤ ኢያ 24፡32

17 «ጾሲ ኣብራሃሜስ ጫቂዳ ቃላይ ፖሌቲዛ ዎዴይ ማቲሺን ጊብጼን ዲዛ ኑ ኣሳ ቆዳይ ዳሪ ዳሪ ቢዴስ። 18 ሄሳፌ ጉዬ ጊብጼ ቢታን ዮሴፌ ኤሮንታ ሃራ ካዎይ ካዎቲዴስ። 19 ኢዚካ ኑ ኣሳ ባ ጌኔ ኦሶን ሜቶꬂዴስ፤ ቡሮ ዬሌቲዳ ጉꬃ ናይቲ ሃይቃና ማላኔ ኣሳይ ዬሊዳ ናይታ ካሬ ኬሲ ዎራ ዬጋና ማላ ዎልቃꬂዴስ።ኬሳ 1፡10-11፤ 1፡22 20 ሄ ዎዴ ሙሴይ ዬሌቲዴስ፤ ኢዚካ ጾሳ ኣቻን ዶሴቲዳ ማላ ሎኦ ና ጊዲዴስ፤ ባ ኣዋ ኬꬃን ሄꬑ ኣጊና ኣልኢሶን ዲጪዴስ። ኬሳ 2፡2 21 ኢዚ ዎራ ዬጌቲዳ ዎዴ ካዎ ፓሮኔ ማጫ ናያ ዴማዳ ባስ ኤካዱስ፤ ባ ና ማላ ኦꬃዳ ዲቻዱስ። ኬሳ 2፡3-10 22 ሙሴይካ ጊብጼታ ኣꬎ ኤራቴꬃ ኡባ ታማርዴስ፤ ዮኦን ኤራ፤ ኦሶንካ ሚኖ ጊዲዴስ።

23 «ሙሴ ላይꬃይ ኦይዱ ታሙ ጊዲዳ ዎዴ ባ ኢሻታ ኢስራኤሌ ናይታ ቤያናስ ባ ዎዚናን ቆፒዴስ። ኬሳ 2፡11-15 24 ኢዚካ ኢሲ ጊብጼ ኣሲ ሙሴ ባጋ ኣሳፔ ኢሳዴ ቦላ ቆሆ ጋꬂሺን ቤኢዲ ባ ባጋ ኣዴዛ ማዲዴስ፤ ጊብጼ ኣዴዛ ዎꬊዲ ቆሄቲዳይሳ ሃሎ ኬሲዴስ። 25 ሙሴስ ጾሲ ኢዛ ኩሼን ኢስታ ዎዛናይሳ ኢዛ ኣሳይ ኣኬኪዛ ሚሳቲዴስ፤ ጊዶ ኣቲን ኢስቲ ሄሳ ዩሺ ቆፒቤቴና። 26 ዎንቴꬃ ጋላስ ቃሴካ ኢስራኤሌ ናይታፔ ናምኣቲ ባ ጊዶን ኦዬቲሺን ጋኪዲ ኦዬቲዛይታ ጊጊሳናስ ኮዪዲ፥ ‹ሃይቶ ኣሳቶ! ኢንቴ ኢንቴ ጋርሳን ኢሶይ ኢሳራ ኢሻንታ፤ ኢንቴ ዋኒዲ ኢሶይ ኢሳ ቆሄቲ?› ጊዴስ።

27-28 «ባ ላጌዛ ቦላ ቆሆ ጋꬂዳይሲ ሙሴ ሱጊ ዬጊዲ፥ ‹ኔና ኑ ቦላ ኑና ሃሪዛዴኔ ኑ ቦላ ፒርዲዛዴ ኦꬂ ሹሚዳይ ኦኔ? ዎይኮ ቃማ ጊብጼ ኣዴዛ ዎꬎይሳꬆ ታናካ ዎꬋና ኮያይ?› ጊዴስ። 29 ሙሴይ ሄሳ ሲዪዳ ማላ ሚዲያሜ ቢታ ቤቲዲ ሄን ቤቴ ኣስ ጊዲ ዴኢዴስ፤ ያንካ ናምኡ ኣቱማ ናይታ ዬሊዴስ። ኬሳ 18፡3-4

30 «ሄሳፌ ኦይዱ ታሙ ላይꬃፌ ጉዬ ሲና ዙማ ኣቻን ዲዛ ባዞ ቢታን ቄሪ ዎራ ጊዶን ኤጺዛ ታማ ላጮን ኪታንቻይ ኢዛስ ቤቲዴስ። 31-32 ሙሴይካ ኢዛ ቤኢዳ ማላ ማላሌቲዴስ፤ ኣዛኮ ሻኪ ኤራናስ ኢዚ ሄ ኢዛኮ ሺቂሺን ጎዳ ቃላይ፥ ‹ታኒ ኔ ኣዋንታ ጾሳ፤ ኣብራሃሜ፥ ዪሳቃኔ ያቆቤ ጾሳ› ጊሺን ሲዪዴስ። ሙሴይካ ዳሮ ዳጋሚዴስ፤ ጼላናስካ ጻሊቤና።

33-34 «ጎዳይካ ኢዛስ፥ ‹ሃይሲ ኔ ኤቂዳሶይ ጌሻሶሆ ጊዲዳ ጊሻስ ኔ ቶሆፔ ጫማ ሾዳ፤ ጊብጼን ዲዛ ታ ዴሬታ ዋዬ ታ ቱማፔ ቤያዲስ፤ ኢስቲ ዋሲዛ ዋዬ ዋሶዛ ታ ሲያዳ ኢስታ ኣሻናስ ዎꬋዲስ፤ ሃኢካ ኔ ሃ ያ፤ ታ ኔና ዱጌ ጊብጼ ዛራዳ ኪታና› ጊዴስ።

35 «ሂስቲን ሄይቲ፥ ‹ኑ ቦላ ኔና ሃሪዛዴኔ ፒርዲዛዴ ሂስቲ ኦኒ ሹሚዴ?› ጊዲ ኣሳይ ካሴ ካꬊዳ ሙሴ ጾሲ ቄሪ ዎራ ጊዶን ኢዛስ ቤቲዳ ኪታንቻዛ ባጋራ ኢስታ ሃሪዛዴኔ ኣሺዛዴ ሂስቲዲ ኢስታኮ ዛሪ ዬዲዴስ። 36 ኢዚካ ኢስታ ካሌꬂዲ ጊብጼፔ ኬሲዴስ፤ ጊብጼን፥ ዞኦ ኣባኒኔ ባዞ ቢታን ኦይዱ ታሙ ላይꬅ ዳሮ ማላሊሲዛ ሚሻታኔ ጊታ ማላታታ ኢስታስ ኦꬂዴስ።ኬሳ 7፡3፤ 14፡21፤ ታይ 14፡33

37 «ኢስራኤሌ ናይታስ፥ ‹ታ ማላ ናቤ ጾሲ ኢንቴ ጊዶፌ ዴንꬃና› ጊዳይሲ ሃይሳ ሙሴኮ!ዛሬ 18፡15፥18 38 ኢዚካ ሲና ዙማ ቦላ ሃሳይዳ ኪታንቻራኔ ባዞ ቢታን ኑ ኣዋታራ ዴሬ ዱላታ ጊዶን ዴስ፤ ዴኦ ቃላካ ሃ ኑስ ኣꬃናስ ኤኪዴስ። ኬሳ 19፡1—20፡17፤ ዛሬ 5፡1-33

39 «ኑ ኣዋቲ ጊዲኮ ኢዛራ ኤቄቲዳ ኣቲን ኢዛስ ኣዛዜታናስ ኮዮንታ ጊሻስ ባ ዎዚናራ ጉዬ ጊብጼ ሲሚዳ። 40 ኣሮኔስካ፥ ‹ኑ ሲንꬃራ ቢዛ ኤቃ ኑስ ጊጊሳ! ኑና ጊብጼፔ ካሌꬂ ኬሲዳ ሙሴይ ዋኒዳኮ ኑ ኤሮኮ› ጊዳ። ኬሳ 32፡1 41 ሄ ዎዴ ማራ ሚስሌ ሜꬊዲ ኤቃስ ያርሾ ሺሺዳ፤ ባርካ ሜꬊዳ ባ ኩሼ ኦሶን ኡፋዬቲዲ ጉፒዳ። ኬሳ 32፡2-6

42 «ጊዶ ኣቲን ጾሲ ኢስታስ ዞኮ ዛሪዴስ፤ ኢስቲ ሳሎ ጾሊንቴታስ ጎይናና ማላ ኣꬂ ኢሚዴስ፤ ሄሲካ ናቤታ ማጻፋን፥

44 «ጾሲ ሙሴ ቤሲዳ ሌሚሶዛ ማላኔ ኣዛዚዳይሳ ማላ ኦሴቲዳ ጾሲ ኣሳራ ጋጊዛ ዱንካኔያ ኑ ኣዋታራ ባዞ ቢታን ዴኣዱስ። ኬሳ 25፡9፥40 45 ኑ ኣዋቲ ዱንካኔዮ ኤኪዳይሳፌ ጉዬ ጾሲ ኢያሶ ካሌꬂን ካሴ ኢስታ ጎዲዳ ዴሬታ ላቲዳ ዎዴ ዱንካኔዮ ኤኪ ጌሊዳ፤ ዳዊቴ ዎዴ ጋካናስ ዱንካኔያ ሄ ቢታን ዴኣዱስ። ኢያ 3፡14-17 46 ዳዊቲካ ጾሳ ሲንꬃን ቦንቾ ዴሚዲ ያቆቤ ጎዳስ ኣቆሶ ጊጊሳናስ ዎሲዴስ። 2ሳሜ 7፡1-16፤ 1ታሪ 17፡1-14 47 ጊዶ ኣቲን ሶሎሞኔይ ኢዛስ ኣቆሶ ኬጺዴስ።

48-50 «ጊዶ ኣቲን ዎጋ ጎዳይ ኣሳ ኩሼይ ኬጺዳ ኬꬃን ዴና፤ ሄሲካ ናቤይ ካሴ ጌሻ ማጻፋን ጻፊዳ ማላ፥

51 «ኢንቴኖ ዎዚና ሙሜቶ! ሃይꬃ ቱሌቶ! ኢንቴካ ኢንቴ ኣዋታ ማላ ኡባ ዎዴ ጺሎ ኣያናራ ኤቄቴታ። ኢሳ 63፡10 52 ናቤታፔ ኢንቴ ኣዋቲ ጎዶንታ ናቤይ ኦኔ? ጺሎዛ ዮሃኒሳ ካሴቲ ዮቲዳ ናቤታካ ዎꬊዳ፤ ኢንቴካ ሃኢ ኢዛ ኣꬂ ኢሚዴታኔ ዎꬊዴታ። 53 ኪታንቻ ባጋራ ኢንቴስ ኢሜቲዳ ዎጋ ኤኪዴታ ኣቲን ናጊቤኬታ» ጊዴስ።

54 ዱላታን ዲዛ ኣሳይ ሄሳ ሲዪዳ ማላ ዳሮ ሃንቄቲዲ ኢዛ ቦላ ባ ኣቺ ጋርጪዴስ። 55-56 ጊዶ ኣቲን ኢስቲፋኖሲ ጺሎ ኣያናን ኩሚዲ ፑዴ ሳሎ ቲሺ ሂስቲ ጼሊሺን ጾሳ ቦንቾን ዬሱሲ ጾሳ ኡሻቻን ኤቂዳይሳ ቤኢዲ፥ «ሄኮ ታ ሳሎይ ዶዬቲዳይሳኔ ኣሳ ናይ ጾሳ ኡሻቻን ኤቂዳይሳ ቤያይስ» ጊዴስ።

57 ሄ ዎዴ ኣሳይ ቃላ ꬎቁ ሂስቲ ዋሲሼ ባ ሃይꬅ ቱጪ ኦይኪዲ ኢዛኮ ኢሲፌ ዎጺዴስ። 58 ኢስቲፋኖሴ ኦይኪዲ ካታማፔ ካሬ ኦሊዳ፤ ሹቻን ጫች ኦይኪዳ፤ ሄሲ ዉሪ ሃኒሺን ማርካቲካ ባ ማይኦ ሳኦሌ ጌቴቲዛ ፓንꬃዛ ኣቻን ዎꬂዳ። 59 ኢስቲ ሹቻራ ኢዛ ጫዲሺን ኢስቲፋኖሲ፥ «ታ ጎዳ ዬሱሳ! ታ ሼምፖዮ ኔኮ ኤካ» ጊዲ ዎሲዴስ። 60 ቃሴካ ጉልባቲዲ ꬎቃ ቃላን «ጎዶ! ሃይታንታ ናጋራ ቆዶፓ» ጊዲ ዋሲዴስ፤ ሄሳ ጊዳፔ ጉዬ ሃይቂዴስ።