1 ኑኒ ዲኤቲዳ ታማኔ ኢሲንꬃ ላይꬃን፥ ሄꬓንꬃ ኣጊናን፥ ኮይሮ ጋላሳን ጎዳ ቃላይ ታኮ ዪዲ፥ 2 «ሃይሶ ኣሳ ናዉ! ጊብጼ ካዎ ፓሮኔሲኔ ቆዳይ ባይንዳ ኢዛ ዴራስ፥

10 «ሄሳ ጊሻስ ኡባ ሃሪዛ ጎዳይ፥ ‹ጩፑ ጊዳ ቦንጮታ ቦላ ጼራ ꬎቁ ሂስቲዲ ባና ዛራꬊሲዳ ጊሻስ፥ ባ ኣዱሳቴꬃን ኢዚ ኦቶሬቲዳ ጊሻስ፥ 11 ታኒ ኢዛ ኢታቴꬃ ኬና ኢዛ ኦሶ ጋቴ ኢማና ማላ ካዎቴꬃታ ሃሪዛይሳስ ታ ኢዛ ኣꬃ ኢማዲስ። ታ ኢዛ ኬሳ ዎራ ኦላዲስ። 12 ካዎቴꬃታ ጋርሳን ኬሂ ሜንጼ ኢታ ኣላጋቲ ኢዛ ቃንጼሬꬂ ዬጊዳ፤ ኢዛ ኡንቁሎቲ ዙማታኒኔ ዙሌታን ኩንዲዳ፤ ኢዛ ሃጋቲካ ሜቄሬቲ ሃꬃ ዛራታን ዎꬊዳ፤ ቢታን ዲዛ ካዎቴꬃቲ ኡባይ ኢዛ ኩዋ ጋርሳፌ ኬዚዲ ዬጊ ቢዳ። 13 ሳሎ ካፎቲ ዪዲ ኩንዲዳ ሚꬃ ቦላ ኡቲዳ፤ ዎራ ዶኣቲካ ኡባይ ኩንዲዳ ሚꬃ ሃጋታ ቦላ ኡቲዳ። 14 ሄሳ ጊሻስ ሃꬃ ላንቄን ዲዛ ኣይ ሚꬂካ ባ ጼራ ጩፑ ጊዳ ቦንጮታፔ ቦላራ ꬎቁ ሂስቲዲ ሃይሳፌ ጉዬ ባና ኦቶሮን ዛራꬊሴና፤ ቃሴካ ኣይ ሚꬂካ ሎኤꬂዲ ሃይሳꬆ ኣዱቄና፤ ኡባይካ ሃይቂዲ ዱጌ ዱፎን ጌሊዛይታራ ኢሲፌ ሃይቃና ማላ ፒርዴቲዴስ› ጌስ።

15 «ኡባ ሃሪዛ ጎዳይ፥ ኢዚ ዱጌ ዱፎን ጌሊዳ ጋላስ ጪማ ፑልቶታ ኢዛ ጊሻስ ካዮን ካማዲስ፤ ሻፋታ ቴቃዲስ፤ ጎጊዛ ሃꬃቲካ ኤቂዳ፤ ታ ኢዛ ጋሶን ሊባኖሴ ꬉማ ማይዛዲስ፤ ዎራ ሚꬃቲ ኡባይ ሜሊዳ። 16 ዱጌ ዱፎን ጌሊዛይታራ ታ ኢዛ ጌልꬂዛ ዎዴ ኢዚ ኩንዲሺን ሲዬቲዳ ጊሪሳይ ካዎቴꬃታ ዳጋንꬂዴስ፤ ሄሳፌ ጉዬ ኤዴኔ ሚꬃቲ፥ ዱማኔ ዶሬቲዳ ሊባኖሴ ሚꬃቲ፥ ሃꬅ ካሊዳ ሚꬃቲ ኡባይ ቢታ ጋርሳን ዲሼ ሚኔቲዳ። 17 ካዎቴꬃታ ጊዶፌ ኢዛራ ዙፔቲዳይቲ፥ ኢዛ ኩዋ ጋርሳን ዴኢዳይቲ፥ ማሻን ሲፌቲዳይታራ ጋይታናስ ዱጌ ዱፎን ዎꬊዳ።

18 «ኤዴኔን ሚꬃታፔ ፑላቴꬃኒኔ ኣዱሳቴꬃን ኔናራ ጊናታናይ ኦኔ? ጊዶ ኣቲን ኔኒካ ሄሳꬆ ኤዴኔ ሚꬃታራ ኢሲፌ ቢታ ጋርስ ጌላና፤ ማሻን ሃይቂዳይታራኔ ኣማኖንታይታራ ኢሲ ቦላ ኢቻና።

«ፓሮኔኔ ቆዳይ ባይንዳ ኢዛ ዴራ ጋካናይሲ ሃይሳ፤ ታኒ ኡባ ሃሪዛ ጎዳይ ሃይሳ ዮታዲስ» ጊዴስ።