1 ኦዚያ ና ኢዮኣታሜይ ዬሊዳ ኣካዜይ ዩሁዳ ቢታን ካዎቲዳ ዎዴ ኣራሜ ቢታ ካዎ ኤራሶኒኔ ኢስራኤሌ ቢታ ካዎ ኤሮሜሊዮ ና ፋቁሄይ ዬሩሳላሜ ኦላናስ ኬዚዳ፤ ጊዶ ኣቲን ጾናናስ ዳንዳይቤቴና። 2ካዎ 16፡5፤ 2ታሪ 28፡5-6

2 ኣራሜ ዴሬይኔ ኤፍሬሜ ዴሬይ ኢሲ ቦላ ጊዲዲ ኦላስ ኬኢዳይሳ ዳዊቴ ዛሬፔ ካዎቲዳ ካዎይ ሲዪዳ ዎዴ ዎራ ሚꬅ ጫርኮይ ቃꬂዛ ማላ ኣካዜ ዎዚናይኔ ዴራ ዎዚናይ ቃጺዴስ።

3 ሂስቲን ጎዳይ ኢሳያሳስ፥ «ኔኒ ኔ ና ሻኣሪ-ያሹቤ*ሻኣሪ-ያሹቤ፡ ሻኣሪ-ያሹቤ ጊዛይሳ ኢብራዌታ ሱንꬃ ቢርሼꬃይ፥ «ኣማርዳይቲ ሲማና» ጌስ። ኤካዳ ኣካዜራ ጋይታናስ ባዳ ማይኦ ሜጪዛይታ ጎሻኮ ኤፊዛ ኦጌ ማታን ጋና ባጋራ ዴኢዛ ኤሌ ሃꬃ ዛራ ጼራን ኔኒ ኢዛ ዴማና። 4 ሂስታዳ ኢዛስ፥ ‹ናጌታ፤ ዎፑ ጋ፤ ባቦፋ፤ ሃይታ ታማይ ሚሺን ኣቲዲ ጩዋቲዛ ዱሩማ ናምኣታፔ ኣራሜስ፥ ኤራሶኔሲኔ፥ ኤሮሜሊዮ ና ሃንቆስ ሻባሬቶፋ› ጋ ዮታ። 5 ኣራሜ ቢታ ኣሳይ ኤፍሬሜ ኣሳራኔ ኤሮሜሊዮ ናራ ኔ ቦላ ኢታ ሚሽ ኦꬃናስ፥ 6 ‹ኣኔ ዩሁዳ ቢታን ዎራጆስ፤ ኣኔ ላሎስ፤ ኣኔ ኑስ ኑስ ሻኬቲ ኤኪዲ ጻቢኤሌ ና ካዎꬆስ› ጊ ማቄቲዳ» ጊዴስ።

7 ጊዶ ኣቲን ኡባ ሃሪዛ ጎዳይ፥

10 ቃሴካ ጎዳይ ኣካዜስ፥ 11 «ጎዳይ ኔ ጾሳ ኔስ ቦላ ሳሎፔ፥ ዎይኮ ሳኣፔ፥ ጋርስ ጪማፌ ኢሲ ማላታ ኢማና ማላ ኦይቻ» ጊዴስ። 12 ኣካዜይ ጊዲኮ፥ «ኦይቺኬ፤ ጎዳካ ፓጪኬ» ጊዴስ።

13 ኢሳያሲ፥ «ኢንቴኖ ዳዊቴ ዛሬቶ፥ ሲዪቴ! ኢንቴ ኣሳ ሳሌꬂዛይሲ ጉጺን ጾስ ሳሌꬃናስ ዴንዲዴቲ? 14 ሂስቲኮ ጎዳይ ባርካ ኢንቴስ ማላታ ቤሳና፤ ጌላኦይ ሻራና፤ ኣቱማ ና ዬላና፤ ኢዛ ሱንꬃካ፥ ‹ኣማኑኤሌ›†ኣማኑኤሌ፡ ኣማኑኤሌ ኢብራዌታ ሱንꬃ ቢርሼꬃን ጾሲ ኑናራ ዴስ ጉሳ። ጋዳ ሱንꬃና።ማቶ 1፡23 15 ኢዚ ኢታኔ ሎኦ ሻኪ ኤሪዛ ዎዴ ሃንጋራ ማꬂኔ ኤስ ማና። 16 ጊዶ ኣቲን ናዚ ኢታኔ ሎኦ ሻኪ ኤራናፔ ሲንꬃን ኔኒ ኬሂ ያዪዳ ናምኡ ካዎታ ቢታቲ ኣይኮይ ባይንዳ ቡላ ጊዳና።

17 «ኤፍሬሜ ቢታይ ዩሁዳ ቢታፌ ሻኬቶሶፌ ዶሚን ሃይሳፌ ሲንꬃን ሃኒ ኤሮንታ ዎዴ ጎዳይ ኔ ቦላ፥ ኔ ዴራ ቦላኔ ኔ ኣዋ ኬꬃ ቦላ ኤሃና፤ ኢዚ ኔ ቦላ ኤሃናይሲካ ኣሶሬ ካዎ» ጊዴስ።

18 ሄ ዎዴ ጎዳይ ሃኮ ቢታን ዲዛ ጊብጼ ሻፋፔ ኡዱንጼታ፥ ኣሶሬ ቢታፌ ማꬃታ ዋይቄꬃን ጼይጋና። 19 ኢስቲ ኡባይካ ዪዲ ባዞ ሾባን፥ ሹቻ ጎንጎሎን፥ ኣጉንꬃ ቱሻኒኔ ሃꬃ ኦላታን ጋዉኣና።

20 ሄ ዎዴ ጎዳይ ኤፊራጺሴ ሻፋ ፒንꬃፌ ጋርጺ ኤሂዳ ማጋላን፥ ሄሲካ ኣሶሬ ካዎይ ዪዲ ኢንቴስ ሁኤ ቢናና፥ ኢንቴ ቡቺኔ ኢንቴ ቦላ ዲዛ ኢስኬ ኡባ ሜዳና።

21 ሄ ዎዴ ኢሲ ኣሳስ ኢሲ ኡሳ ሚዚኔ ናምኡ ዴይሻቲ ጻላ ኣታና። 22 ጊዲኮካ ኢስቲ ማጺዛ ማꬂ ኬሂ ዳሮ ጊዲዳ ጊሻስ ኢዚ ኦይስ ማና፤ ሄ ቢታን ኣቲዳ ኣሳይ ኡባይካ ሃንጋራኔ ኤስ ማና።

23 ሄ ዎዴ ኢሲ ሺ ቢራን ዋሼቲዛ ኢሲ ሺ ዎይኔ ቱራቲ ቶኬቲዳሶሆቲ ኡባይ ኣጉንꬂኔ ኪንዲቾ ጻላ ጊዳና። 24 ቢታ ኡባን ኪንዲቾይኔ ኣጉንꬂ ኩሚዳ ጊሻስ ኣሳይ ሄ ቢዛ ዎዴ ዎንዳፌኔ ዪሽ ኦይኪ ባና። 25 ካሴ ጾይሌን ጎዬቲዲ ካꬅ ኢሚዛ ዙምቡላቲ ኪንዲቾኒኔ ኣጉንꬃን ኩሚዳ ጊሻስ ያዪዲ ኢሲ ኣሲካ ሄ ቤና፤ ሜሄይኔ ዶርሲ ላኤቲዛሶ ጊዳና።