1 ጎዳይ፥ «ዱጌ ዩሁዳ ካዎ ሶ ባዳ፥ 2 ‹ኔኖ ዳዊቴ ካዎቴꬃ ኣራታ ቦላ ኡቲዳ ዩሁዳ ካዎ! ኔኒኔ ኔ ሹሜቲ፥ ሃ ፔንጌታራ ጌሊዛ ኣስ ኡባይ ጎዳ ቃላ ሲዪቴ› ጋ» ጌስ። 3 ጎዳይ፥ «ሱሬ ፒርዳኔ ጺሎ ኦꬂቴ፤ ቦንቄቲዳይታ ኡንኤꬂዛይታ ኩሼፔ ኣሺቴ፤ ቤቴታ፥ ዪኦታኔ ኣምኤታ ቆሆፒቴ፤ ሃ ሶሆንካ ጺሎ ሱꬅ ጉሶፍቴ። 4 ሃይታ ኣዛዞታ ኢንቴ ሎኤꬂ ናጊኮ ዳዊቴ ካዎቴꬃ ኣራታ ቦላ ኡቲዛ ካዎቲ ባ ሹሜታራኔ ባ ዴሬ ኣሳራ ፓራ-ጋሬኔ ፓራ ቶጊዲ ሃይሳ ካዎቴꬃ ኬꬃ ፔንጌራ ጌላናኔ ኬዛና። 5 ጊዶ ኣቲን ኢንቴ ታ ኣዛዞታ ናጎንታ ኢጺኮ፥ ‹ሃ ካዎቴꬃ ኬꬃይ ሙሌራ ꬋያና› ጋዳ ታኒ ታርካ ታናን ጫቃይስ» ጊዴስ።

6 ጎዳይ ዩሁዳ ካዎ ኬꬃስ፥

8 «ዱማ ዱማ ካዎቴꬃፌ ዪዳ ኣሳይ ሃ ካታማይራ ኣꬊ ቢሼ፥ ‹ጎዳይ ሃኖ ጊታ ካታማዮ ኣይስ ሃይሳꬆ ኦꬂዴ?› ጊዲ ባ ጋርሳን ሃሳዬታና።

9 «ኢስቲ፥ ‹ጎዳ ባንታ ጾሳራ ጫቄቲዳ ጫቆ ኣጊዲ ኤቃ ጾሳታስ ጎይኒዳ ጊሻሲኔ ኢስታስ ኦꬂዳ ጊሻሳ› ጋና» ጌስ።

24 ጎዳይ፥ « ‹ታኒ ታ ዴኦን ጫቃይስ› ዩሁዳ ካዎ ኢዮኣቄሜ ና ኢኮኒያኔ ኔኒ ታስ ኡሻቻ ኩሼ ቃላባቴ ማታሜ ጊዲዳኮካ ታ ኔና ኬሳ ኦላና። 2ካዎ 24፡8-15፤ 2ታሪ 36፡9-10 25 ኔና ዎꬋናስ ኮይዛይታስ፥ ኔኒ ያዪዛ ባቢሎኔ ካዎ ናቡካዳናጾሬሲኔ ኢዛ ኦላንቻታስ ታኒ ኔና ኣꬃ ኢማና። 26 ታኒ ኔናካ ኔና ዬሊዳ ኔ ኣዬዮካ ኢንቴ ዬሌቶንታ ኣላጋ ቢታን ኦላ ኣጋና፤ ኢንቴካ ሄን ሃይቃና። 27 ኢንቴ ሲማናስ ላሞቲዛ ቢታዮ ሙሌካ ሲሜኬታ» ጌስ።