1 ኤርማሲ ዛቤ ናጊዛይታ ኪፊሌን ቃሾን ዲሺን ጎዳ ቃላይ ኢዛኮ ናምኣንꬆ ዪዴስ። 2 ሳኣ ሜꬊዳይ፥ ጊግሲዳይኔ ዮች ዬጊዳ ጎዳይ፥ ኢዛስ ሱንꬃይካ ጎዳ ጊዲዳይ፥ 3 «ኔ ሃ ታኮ ዋሳ፤ ታኒካ ኔስ ዛራና፤ ኔ ኤሮንታ ሚሽ ሄሲካ ዎልቃማኔ ፒልጊን ኤሬቶንታ ሚሽ ታ ኔስ ቆንጪሳና። 4 ጎዳ ኢስራኤሌ ጾሳይ ባቢሎኔታራ ዲዛ ኦላን ቢታ ዶሪዲ ማሻን ቆሂዛ ኦላ ቴቃናስ ላሌቲዳ ሃ ካታማይ ኬꬃታሲኔ ዩሁዳ ካዎቴꬃ ኬꬃታ ጊሻስ፥ 5 ‹ሃይታንቲ ታ ሃንቆኒኔ ባሻን ዎꬊዛ ኣሳታ ኣሃን ኩማና፤ ኢስታ ኢታቴꬃ ጊሻስ ታኒ ታ ኣይፌሶ ሃ ካታማይፔ ሃራሶ ዛራና› ጌስ።

6 «ጊዶ ኣቲን ታኒ ኢዚስ ፓጻቴꬂኔ ፓያቴꬅ ዛራ ኢማና፤ ታ ዴሬዛካ ፓꬃና፤ ታ ኢስታ ዳሮ ሳሮቴꬃኒኔ ዎፓቴꬃን ዎꬃና። 7 ታኒ ዩሁዳ ኣሳኔ ኢስራኤሌ ኣሳ ዲኤቲ ኢስቲ ቢዳሶፔ ዛራና፤ ኢስቲ ካሴ ዲዛ ማላ ታ ኢስታ ሎኤꬃ ዎꬃና። 8 ኢስቲ ታ ቦላ ኦꬂዳ ናጋራ ኡባፌ ታ ኢስታ ጌሻና፤ ኢስቲ ማካላቴꬃን ታና ቆሂዳ ናጋራ ኡባ ታ ኢስታስ ኣቶ ጋና። 9 ሄሳፌ ጉዬ ሃና ሃ ካታማያ ታ ኢዚስ ኦꬂዳ ሎኦ ሚሽ ኡባ ሲዪዛ ካዎቴꬃታ ኡባ ሲንꬃን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴꬃፌኔ ሳሮቴꬃፌ ዴንዲዳይሳን ኣሳይ ኢዚስ ያሻን ኮኮራና» ጌስ።

10 ጎዳይ፥ «ኢንቴ፥ ‹ሃና ሃ ሶሆያ ኣሲኔ ሜዶሳቲ ባይንዳሶ› ጌታ፤ ጊዶ ኣቲን ኣሲኔ ሜዶሳቲ ባይንዳ ቡላ ጊዲዳ ዩሁዳ ካታማታኒኔ ዬሩሳላሜ ኦጌታን ቃሴ ጬንጉርሲ ሴቴታና። 11 ኡፋይሳ ጬንጉርሲ፥ ሚሺራታ ጬንጉርሲ ሄሳꬆካ ቡላቺዛይሳኔ ቡላቼቲዛሪ ቃላይ፥

12 ጎዳይ ኡባፌ ዎልቃማ ጾሳይ፥ «ኣስ ጊዲን ዎይኮ ሜዶሳቲ ባይንዳ ቡላ ሶሆን ካታማታ ኡባን ሄንꬃንቻቲ ባንታ ዉዴታ ሄሚዛሶሆ ዴማና። 13 ጌዜ ቢታን፥ ኣርሼይ ዉሊዛሶ ባጋን ዲዛ ዙማታ ጋርሳን፥ ኔጌቤን ዲዛ ካታማታን፥ ቢኒያሜ ቢታን፥ ዬሩሳላሜ ዩሾን ዲዛ ሄራታኒኔ ዩሁዳ ካታማታን ሄንꬃንቻቲ ባንታ ዉዴ ሜሄታ ቆዳና።

14 «ታኒ ኢስራኤሌ ኣሳሲኔ ዩሁዳ ኣሳስ ኦꬃና ጊዳ ሂዶታ ቃላ ፖላና ጋላሳቲ ያና።

17 «ጎዳይ፥ ‹ዳዊቴ ዜሬꬃፌ ኢስራኤሌ ካዎቴꬃ ኣራታን ኡቲዛ ኣሲ ሙሌካ ꬋዬና።2ሳሜ 7፡12-16፤ 1ካዎ 2፡4፤ 1ታሪ 1፡11-14 18 ሌዌ ዛሬፔ ጊዲዳ ቄሴታፔ ጹጌቲዛ ያርሾ፥ ካꬃ ያርሾኔ ሃራ ያርሾ ሺሻናስ ኡባ ዎዴ ታ ሲንꬃን ኤቂዛ ኣሲ ኢስታ ጋርሳፌ ꬋዬና› » ጌስ። ታይ 3፡5-10

19 ጎዳ ቃላይ ኤርማሳኮ ዪዴስ። 20 ጎዳይ፥ «ታኒ ጋላሳሲኔ ኦማርሳስ ዎꬂዳ ዎጋ ኢንቴ ላሊዲ ጋላሲኔ ኦማርሲ ባንታስ ዎꬊዳ ዎጋን ኦꬆንታ ማላ ታ ጫቆዛ ኢንቴ ላላና ዳንዳይኮ፥ 21 ሄ ዎዴ ታኒ ዳዊቴሲኔ ታስ ቄሴቴꬃን ኦꬃና ማላ ሌዌታስ ጌሊዳ ጫቆ ቃላ ላላና ዳንዳዬቴስ፤ ሄሳፌ ጉዬ ዳዊቴ ዛሬፔ ካዎቴꬃ ኣራታን ኡታና ኣሲ ዴና። 22 ታኒ ታ ኦሳንቻ ዳዊቴ ዛሬታኔ ታ ሲንꬃን ሃጋዚዛ ሌዌ ቆሞታ ቆዳይ ባይንዳ ሳሎ ጾሊንቴታ ማላኔ ማኪን ዉሮንታ ኣባ ሻሚንታ ማላ ዳርሳና» ጌስ።

23 ጎዳ ቃላይ ቃሴካ ኤርማሳኮ ዪዲ፥ 24 «ሃ ኣሳይ፥ ‹ጎዳይ ባ ዶሪዳ ናምኡ ካዎቴꬃታ ዬጊ ኣጊዴስ› ጊ ሃሳይዛይሳ ኔ ኣኬካቤኪ? ኢስቲ ታ ዴራ ካꬊዲ ካዎቴꬃን ቆዲቤቴና» ጌስ። 25 ጎዳይ፥ «ጋላሳሲኔ ኦማርሳስ፥ ሳሎሲኔ ሳኣስ ዎጋ ኤሲዳይ ታና ጊዶንታ ኣጊኮ፥ 26 ታኒ ያቆቤ ዜሬꬃታኔ ታ ኣይሌ ዳዊቴ ዜሬꬃታ ኣጋጋና፤ ዳዊቴ ዛሬፔ ኣብራሃሜ፥ ዪሳቃኔ ያቆቤ ዛሬታ ቦላ ካዎታና ማላ ዶሪኬ፤ ታኒ ኢስታስ ቃꬌታና፤ ኢስታፌ ዲኤቲዳይሳካ ኢስታስ ዛራና» ጌስ።