ታ ኣይፌይ ቤዪዴስ፤

ታ ሃይꬂካ ሲዪዲ ኣኬኪዴስ።

ታኒካ ኤራይስ፤

ታ ኣይኮንካ

ኢንቴፌ ጉጺኬ።

ኡባ ዳንዳይዛ ጾሳራ፤

ታ ኢዛራካ ማርሼታና።

ኦናካ ፓꬃናዉ

ዳንዳዮንታ ኣኪሜታ ማላ።

ኤራንቻታ ሚሳቲ ቤታናኮሺን!

ማርሼ ቃላ ሲዪቴ፤

ታ ቆሆካ ታኒ ዮቲሺን

ጮኡ ጊዲ ኤዝጊቴ።

ኣይስ ዎርዶ ሃሳዬቲ?

ባሌꬆን ኢንቴ ጾሳ ኡፋይሳና

ኢንቴስ ሚሳቲዜ?

ኢዛስ ጻባቃ ኤቃንዴቲ?

ኢሲ ሎኦ ሚሽ

ኢንቴፌ ዴማንዴሻ?

ኢንቴ ኣሳታ ኤይሲዛይሳ ማላ

ጾሳካ ኤይሳናዉ ዳንዳያና

ኢንቴስ ሚሳቲዜ?

ቱማፔ ጾሲ ኢንቴና ሃንቃና።

ኢንቴና ያሼኔ?

ኢዛ ቴማይካ

ኢንቴና ዳጋንꬄኔ?

ቢዲንꬃ ማላ

ጎኣይ ባይንዳይታ፤

ኢንቴ ማርሼቴꬃይካ

ማና ሚሻ ማላ ሜቄሬታና።

ታኒ ሃሳያና ማላ

ታስ ጊሻ ኢሚቴ፤

ሄሳፌ ጉዬ ባ ዶሶይሳ ሃኖ።

ዲዛይ ኣዛሴ?

ታ ሼምፖያካ

ታ ኩሼን ዳዉስ።

ታና ዎꬋና ኮይኮካ

ታፔ ኣቲዛ ሚሺ

ኣይኮይካ ዴና፤

ጊዲኮካ ታ ሃኖዛ ኢዛስ ኤሪሳና።

ሺቃናስ ዳንዳዮንታ ጊሻስ

ኦኔ ኤሪዛይ ሃይሲ ታ ጻላቴꬂ

ፓጻናስ ጋሶ ጊዳናስ

ዳንዳዬስ።

ዎጋራ ኤዝጊቴ፤

ታ ዶናራ ታ

ማርካቲዛይሳ ሲዪቴ።

ሎኤꬃ ጊጊሳዳ ሺሻዲስ፥

ኢዚ ታስ ፒርዳናይሳካ

ታ ኤራይስ።

ታኒ ማርሼቶንታ

ጮኡ ጋዳ ሃይቃና።

ቆቴቶንታ ማላ

ሄይታ ናምኡ ሚሻታ

ታስ ኦꬃ።

ታ ቦላፌ ዴንꬃ፤

ያሺሲዛ ኔ ታማን

ታና ዳጋንꬆፋ።

ታ ኔስ ዛሮ ኢማና፤

ታኒካ ሃሳያና፤

ኔካ ዛሮ ኢማ።

ቆሆይ ኣይ ሊኬ?

ኣኔ ታ ሞሮዛኔ ታ ናጋራ

ታና ኤሪሳ።

ታና ኔ ሞርኬ ማላ

ኣዛስ ቆዳይ?

ሜላ ሃፓ ማላ

ኔ ኣይስ ታና

ያሺሴꬃን ጎዳይ?

ኬሂ ጫሞ፤

ታኒ ዬላጋቴꬃን

ኦꬂዳ ቆሆዛካ

ታስ ኣጋቤካ።

ዱሩማታ ጊዶን ቃቻዳሳ፤

ታ ታንጎ ኡባ ዎዴ

ኔ ካሌታሳ፤

ታ ጌዶን ኔ ኤቃሳ። ኢዮ 33፡11

ሚሻ ማላ

ጊዳዳ ኣታና፤

ባዳይ ሚዳ ማይኦ ማላካ

ታ ꬋያና።