1 ቦንቾ ቶፊሎሳ! ኑ ኣቻን ሃኒዳ ዮኦታ ጊሻስ ዳሮ ኣሳቲ ባስ ሃኒዳ ማላ ጻፊዳ። 2 ሄ ታሪኬዚካ ኮይሮፔ ዴንꬂዲ ባ ኣይፌራ ቤኢዳ ማርካቲኔ ጾሳ ቃላ ዮቲዳይቲ ኑስ ኣꬂዳይሳ። 3 ታኒካ ታ ባጋራ ጻጶፔ ዴንꬃዳ ኬሃ ናጌታዳኔ ፓጫ ጼላዳ ታሪኬዛ ዉርሳ ሲንꬄ ጻፌታናስ ቤሲዛይሳ ሲንꬃሳዳ ካሊዲ ጻፌታናስ ቤሲዛይሳ ካሌꬃዳ ናጌታዳ ኔስ ጻፋና ማላ ታስ ሎኦ ጊዲ ቤቲዴስ። 4 ሃይሳ ኡባ ታ ኦꬂዛይ ኔ ታማርዳይሲ ቱማ ጊዲዳይሳ ኔና ኤሮ ጉሳሳ።

5-6 ሄርዶሲ ዩሁዳ ቢታን ካዎቲዳ ዎዴ ኣቢያ ጌቴቲዛ ቄሴታ ሃላቃዛ ባጋፌ ቄሴቴꬃ ኦሶ ታራይ ኢዛ ጋኪዳ ዛካራሳ ጌቴቲዛ ኢሲ ቄሴይ ዴስ። ኢዛ ማቼያካ ኤልሳቤጾ ጌቴታዉስ፤ ኢዛካ ኣሮኔ ባጋ ኣሳ። ናምኣቲካ ጎዳ ኣዛዞኔ ኢዛ ዎጋ ዎሶይ ባይንዳ ናጊዲ ዲዛይታኔ ጾሳ ሲንꬃን ጺሎ ኣሳ። 1ታሪ 24፡10

7 ጊዶ ኣቲን ኤልሳቤጻ ና ዬሎንታ ማይኔ ጊዲዳ ጊሻስ ኢስታስ ናይ ባ፤ ናምኣቲካ ዎዴይ ቢዳ ኣሳ።

8 ዛካራሲ ጾሳ ሲንꬃን ቄሴቴꬃ ኦሶ ታራይ ኢዛ ጋኪን ኢዚ ኦꬂሺን 9 ቄሴታስ ዲዛ ዎጋ ማላ ጾሳ ኬꬃን ጌሊዲ ኤጻኔ ጩዋሳና ማላ ኤጻይ ኢዛ ጋኪዴስ። 10 ኤጻኔይ ጩዋቲሺን ኣሳይ ዉሪካ ካሬን ዲዲ ዎሴስ።

11 ጎዳ ኪታንቻይ ኤጻኔይ ጩዋቲዛ ሶፔ ኡሻቻ ባጋራ ኤቂዲ ዛካራሳስ ቤቲዴስ። 12 ዛካራሲካ ኢዛ ቤኢዲ ኬሂ ዳጋሚዲ ባቢዴስ። 13 ኪታንቻይ ዛካራሳስ፥ «ባቦፋ! ኔ ዎሳይ ሴቴቲዴስ፤ ኔ ማቼያ ኤልሳቤጻ ኔስ ኣቱማ ና ዬላና፤ ኢዛ ሱንꬃካ ኔ ዮሃኒሳ ጋዳ ሱንꬃና። 14 ኢዛ ዬሌታን ኔኒ ዳሮ ኡፋዬታና፤ ዳሮ ኣሳይካ ኡፋዬታና። 15 ጎዳ ሲንꬃን ኢዚ ጊታ ጊዳና። ዎይኔፔ ኦሴቲዳ ጫጄ ጊዲንካ ሃራ ማꬆሲዛ ኡሹ ጊዲንካ ኢዚ ኡዬና፤ ኢዚ ቡሮ ባ ኣዬይ ቃንꬃን ዲሼ ጺሎ ኣያናን ኩማና። ታይ 6፡3 16 ኢስራኤሌ ኣሳፔ ዳሮታ ኢስታ ጾሳኮ ዛራና። 17 ኣዋታ ዎዚና ኢስታ ናይታኮ፥ ኣዛዜቶንታይታካ ጌዴ ጺሎታ ጪንጫቴꬃኮ ዛራና ማላኔ ጎዳስ ቤሲዛ ዴሬ ጊጊሳና ማላ ኤላሳ ኣያናኒኔ ኢዛ ዎልቃን ጎዳፔ ሲንꬃራ ኢዚ ባና» ጊዴስ። ሚል 4፡5-6

18 ዛካራሲ ኪታንቻዛስ፥ «ታኒ ጪማ፤ ታ ማቼያካ ጪማዱስ፤ ታኒ ሃይሳ ኣዛን ኤራኔ?» ጊዲ ኦይቺዴስ።

19 ኪታንቻዚካ ዛሪዲ፥ «ታኒ ጾሳ ሲንꬃን ኤቂዛ ጋብሬሌ። ታኒካ ሃ ሚሺራቾዛ ኔስ ጋꬃናስ ኪቴታዳ ያዲስ። ዳኔ 8፡16፤ 9፡21 20 ሄኮ ኔኒ ባ ዎዴን ፖሌታና ታ ቃላ ኣማኖንታ ኢጺዳ ጊሻስ ኔ ዶናይ ዱዳና፤ ኔኒካ ሃሳያና ዳንዳያካ» ጊዴስ።

21 ሄ ዎዴ ዴሬይ ዛካራሲ፥ «ጾሳ ኬꬃፌ ኬዞንታ ኣዛስ ጋምኢዳኮ» ጊዲ ሞꬌቲሼ ናጊዴስ። 22 ኢዚ ጾሳ ኬꬃፌ ኬዚዲ ኣሳ ሃሳይሳናስ ዳንዳይቤና፤ ማላቲ ማላቲ ቤሶፔ ኣቲን ሃሳያናስ ዳንዳዮንታ ኣጊን ኣሳይ ኢዚ ጾሳ ኬꬃን ጾሳፌ ኦራꬃ ሚሽ ቤኢዳይሳ ኤሪዴስ።

23 ዛካራሲካ ባ ኦሶ ታራይ ፖሌቲዳፔ ጉዬ ባሶ ሲሚዴስ። 24 ሄሳፌ ጉዬ ኢዛ ማቼያ ኤልሳቤጻ ና ቃንꬃታዱስ፥ ኢቻሻንꬆ ኣጊናይ ጋካናስ ኣሲ ባና ቤኦንታ ማላ ቆቴታዱስ። 25 ኢዛካ፥ «ጎዳይ ባ ማሮታን ታ ሌቄቲዳይሳ ኣሳ ጊዶፌ ዲጋናስ ሃ ዎዴዛን ሃይሳ ታስ ኦꬂዴስ» ጋዱስ።

26 ኤልሳቤጻ ቃንꬃቲዳ ኡሱፑንꬃ ኣጊናን፥ ጾሲ ባ ኪታንቻ ጋብሬሌ፥ ጋሊላ ቢታን ዲዛ ናዚሬቴ ጌቴቲዛ ካታማ ዬዲዴስ። 27 ኢዚካ ካዎ ዳዊቴ ዜሬꬅ ጊዲዳ ዮሴፌ ጌቴቲዛ ኣሳስ ጊጋ ኡቲዳ ማራሞ ጌቴቲዛ ጌላኦይኮ ኪቴቲዴስ። ማቶ 1፡18 28 ዪዲኔ ኢዛ ዲዛሶ ጌሊዲ፥ «ሃኔ ጾሲ ኔና ኣንጂዳሬ ሳሮ! ጎዳይ ኔናራ ዴስ ኔኒካ ኣንጄቲዳሮ» ጊዴስ።

29 ማራማ ኪታንቻ ሃሳያን ኬሃ ዳጋማዳ፥ «ሃይሲ ኣይ ጊዛ ሳሮካ?» ጋዳ ዮኦዛ ኬሃ ቆፓዱስ። 30 ኪታንቻይካ ማራሞ፥ «ጾሲ ኔናን ኡፋዬቲዛ ጊሻስ ባቦፋ! 31 ኔኒ ቃንꬃታና፤ ኣቱማ ናካ ዬላና፤ ሱንꬃካ ዬሱሳ ጋዳ ሱንꬃና።ማቶ 1፡21 32 ኢዚካ ጊታ ጊዳና፤ ኡባፌ ቦላ ጊዲዳ ጾሳ ና ጌቴታና፤ ጎዳ ጾሲ ኢዛ ኣዋ ዳዊቴ ካዎቴꬃ ኢዛስ ኢማና። 33 ኢዚ ኢስራኤሌ ናይታ ቦላን ሜርናስ ካዎታና፤ ኢዛ ካዎቴꬃስካ ዉርሴꬂ ዴና» ጊዴስ።

34 ማራማካ ኪታንቻስ፥ «ታኒ ኣዴ ጌላቤኬ ሺን ሃይሲ ዋኒ ሃናኔ?» ጋዳ ኦይቻዱስ።

35 ኪታንቻይካ ማራሚስ፥ «ጺሎ ኣያናይ ኔ ቦላ ዎꬋና፤ ኡባፌ ቦላ ጾሳ ዎልቃይ ኔ ቦላ ኩዋሳና፤ ሄሳ ጊሻስ ዬሌታና ናዚ ጌሻ ጾሳ ና ጌቴታና። 36 ኣሲ ዬሉኩ፤ ኢዛ ማይኔ ጊዲ ሃሳይዛ ኔ ዳቦያ ኤልሳቤጻ ጪማቴꬃን ኣቱማ ና ቃንꬃታዳ ዬላናስ ኡሱፑንꬆ ኣጊና ኦይካዱስ። 37 ጾሳስ ሃኖንታ ሚሺ ዴና» ጊዴስ። ሜꬌ 18፡14

38 ማራማካ ዛራዳ፥ «ሄኮ ታኒ ጾሳ ኣይሌ ዲኪና፤ ኔ ጊዳ ማላ ታስ ሃኖ» ጊን ኪታንቻይ ኢዚፔ ሻኬቲዲ ቢዴስ። ማራማ ኤልሳቤጾ ቤያና ባዱስ።

39 ማራማካ ሄ ዎዴ ማታራ ኤሶታ ዴንዳዳ ፑዴ ጌዜ ዴሬን ዲዛ ኢሲ ዩሁዳ ካታማ ባዱስ። 40 ዛካራሳ ኬꬄ ጌላዳ ኤልሳቤጾ ሳሮታዱስ። 41 ኤልሳቤጻ ማራሚ ሳሮካ ሲዪዳ ማላ ቃንꬃን ዲዛ ናዚ ኢዚ ቃንꬃን ጉፒዴስ፥ ኤልሳቤጺንካ ጺሎ ኣያናይ ኩሚዴስ። 42 ኢዛካ ባ ቃላ ꬎቁ ሂስታዳ፥ «ማጫሳ ኡባፌ ኔ ኣንጄቲዳሮ፤ ኔ ቃንꬃን ዲዛ ናዚካ ኣንጄቲዳይሳ። 43 ታ ጎዳ ኣያ ታኮ ያዳ ታና ኦይቻናስ ታኒ ኦኔ? 44 ኔ ሳሮካ ቃላ ታ ሲዪዳ ማላ ታ ኡሎ ጊዶን ዲዛ ናይ ኡፋይሳን ጉፒዴስ። 45 ፖሌታና ጊዲ ጎዳይ ኢዚስ ዮቲዳይሳ ኣማኒዳራ ኢዛ ኣንጄቲዳሮ» ጋዱስ።

46-49 ማራማካ፥ «ኢዚ ባ ኣይሌይ

56 ማራማካ ኤልሳቤጺ ኣቻን ሄꬑ ኣጊና ሲሬ ጋምኣዳ ባሶ ሲማዱስ።

57 ኤልሳቤጺስ ዬሎ ጋላሳይ ጋኪን ኣቱማ ና ዬላዱስ። 58 ኢዚ ጉታቲኔ ዳቦቲካ ጎዳይ ኢዚስ ጊታ ማሬቴꬅ ኦꬂዳይሳ ሲዪዲ ኢዚራ ኢሲፌ ኡፋዬቲዳ።

59 ዬሌቲዳ ኦስፑንꬃ ጋላስ ቃጻራስ ዪዳ። ኢዛ ኣዋ ሱንꬃን ዛካራሳ ጊዲ ሱንꬃና ኮዪዳ። ሌዌ 12፡3 60 ጊዶ ኣቲን ኣዬያ፥ «ሃኔና፤ ኢዛ ሱንꬂ ዮሃኒሳ ጌቴቶ» ጋዱስ።

61 ኢስቲካ ኢዚስ፥ «ኔ ዳቦታፔ ዮሃኒሳ ጌቴቲዲ ጼይጌቲዳ ኣሲ ኦኒካ ባ» ጊዳ። 62 ኣዋይ ዛካራሲ ናዛ ኦና ጊዲ ሱንꬃና ኮዪዳኮ ማላታን ኦይቺዳ።

63 ዛካራሲካ ጻፊዛ ሚሽ ኢዛስ ኢማና ማላ ኦይቺ ኤኪዲ ሱንꬃይ፥ «ዮሃኒሳ» ጊ ጻፊን ኣሳይ ዉሪካ ማላሌቲዴስ። 64 ሄራካ ዛካራሳ ዶናይ ፖጌቲዲ ኢንጻርሲ ቢርሼቲን ጾሳ ጋላታ ኦይኪዴስ።

65 ኢዛ ጉታቲ ዉሪ ዳሮ ባቢዳ። ሃይሲ ዉሪካ ꬎቃ ጌዜ ቢታን ዩሁዳ ዴሬን፥ ኡባሶን ሃሳዬቲዴስ። 66 ሃይሳካ ሲዪዳ ኣሲ ዉሪካ፥ «ሃ ጉꬃ ናይ ኣይ ሃናኔሻ?» ጊዲ ሃኖዛ ዉርሲካ ባ ዎዚናን ኦይኪዴስ፤ ጎዳ ኩሼይ ቱማፔ ኢዛራ ኢሲፌ ዴስ።

67 ናዛ ኣዋይ ዛካራሲ ጺሎ ኣያናን ኩሚዲ ቲንቢቴ ሃሳይሼ፥

80 ጉꬃ ናዚካ ዲጪዴስ፤ ኣያናንካ ሚኒዴስ፤ ኢስራኤሌ ኣሳስ ቆንጬን ቤታና ጋካናስ ባዞ ቢታን ዴኢዴስ።